Morgunblaðið - 13.06.2002, Page 8

FRÉTTIR
8 FIMMTUDAGUR 13. JÚNÍ 2002 MORGUNBLAÐIÐ
Ný námsbraut við Kennaraháskólann
Diplóma í
leikskólafræði
Kennaraháskóli Ís-lands (KHÍ) út-skrifaði síðastlið-
inn laugardag fyrsta
nemendahópinn með 45
eininga nám í leikskóla-
fræði til diplómu. Arna H.
Jónsdóttir, forstöðumað-
ur leikskólabrautar KHÍ,
sagði Morgunblaðinu nán-
ar frá náminu og mark-
miðum þess.
Hvaða þörf er mætt
með diplómugráðu af
þessu tagi?
„Tilgangurinn með því
að fara af stað með þessa
námsbraut var fyrst og
fremst að fjölga fag-
menntuðu fólki í leikskól-
um og gefa m.a. fólki sem
þar hefur starfað og stað-
ið sig vel kost á að takast á
við stutt hagnýtt nám á háskóla-
stigi, en námið er fjarnám og tek-
ið á tveimur árum. Töluverður
hluti af því fólki sem sótt hefur
um leikskólakennaranám eftir að
menntunin færðist á háskólastig
hefur ekki verið með stúdents-
próf eða sambærilega menntun
en býr yfir mikilli reynslu,
þroska og þekkingu af vettvangi
leikskólanna og því þótti ástæða
til að gefa því tækifæri á að tak-
ast á við nám af þessum toga.
Eins og komið hefur fram í
fjölmiðlum áður er fagmenntað
starfsfólk leikskóla á landinu
undir 40% af þeim sem þar
starfa. Hluti þess starfsfólks sem
hefur störf í leikskólum stoppar
mjög stutt við, sérstaklega þegar
þensla ríkir í þjóðfélaginu og
önnur störf bjóðast, sem gerir
uppbyggingar- og þróunarstarf
leikskólanna erfitt. Tilgangurinn
með þessari námsleið var því
einnig að stuðla að auknum stöð-
ugleika sem ætti að veita mögu-
leika á betri menntun og uppeldi
barnanna í leikskólanum.
Þegar námið var auglýst fyrir
tveimur árum sóttu mjög margir
um og sl. laugardag voru fyrstu
39 nemendurnir útskrifaðir og
var það fólk alls staðar að af land-
inu. Þessi hópur hefur staðið sig
mjög vel í náminu og tekist á við
það af miklum metnaði og áhuga.
Það var mér því sérstök ánægja
að afhenda þeim brautskráning-
arskírteinið sl. laugardag og þau
geta verið stolt af árangrinum.“
Er ásóknin í námið enn mikil?
„Já, á síðastliðnu ári voru
teknir inn 32 nemendur í leik-
skólafræði til diplómu og útskrif-
ast sá hópur að ári. Í ár hefur 45
nemendum verið boðin skólavist
á þessari námsbraut þannig að
ljóst er að enn er mikill áhugi á
náminu, sérstaklega meðal
starfsfólks leikskóla. Ástæða er
til að vekja athygli á að um námið
getur einnig sótt fólk sem ekki
hefur unnið í leikskóla en hefur
áhuga á að öðlast þekkingu á
uppeldi og menntun leikskóla-
barna.“
Hvernig er námið uppbyggt?
„Námið er byggt
upp með þeim hætti að
1. misserið er nokkurs
konar aðlögun að há-
skólanámi. Áhersla er
lögð á upplýsinga- og
námstækni, mál- og ritþjálfun og
á námskeiði um leikskólafræði og
uppeldisfræði eru nemendur
jafnhliða þjálfaðir í lestri náms-
efnis á erlendum tungumálum.
Að þessum tíma loknum takast
nemendur á við námskeið og fög
sem jafnframt eru kennd á fyrsta
ári í námi leikskólakennara og
gerðar eru sambærilegar kröfur
og í því námi. Til viðbótar koma
síðan námskeið sem talin voru
nauðsynleg til að nemendur öðl-
uðust alhliða menntun til að tak-
ast á við starf í leikskóla og er
þar m.a. lögð áhersla á námssvið
leikskólans, tónmennt, mynd-
mennt, náttúrufræði, hreyfingu
og fleira.“
Hvaða réttindi veitir námið?
„Það sem skyggir á gleðina hjá
þessum starfshópi er að ekki hef-
ur enn verið gengið frá starfs-
réttindum þeirra hjá löggjafan-
um þó svo samkomulag ríki milli
Félags leikskólakennara og
hagsmunanefndar diplómunem-
enda þar um. Einnig á eftir að
ganga frá kjarasamningi með
starfsheiti þeirra en að því þurfa
bæði stéttarfélag og viðsemjend-
ur að koma. Vilji hópsins er alveg
skýr, þau vilja vera félagar í Fé-
lagi leikskólakennara og félagið
stendur þeim opið en mér skilst
að önnur félög vilji eiga þau. Ég
trúi þó ekki öðru en að frá þess-
um málum verði gengið mjög
fljótlega og vilji þeirra verði virt-
ur.
Hins vegar er ánægjulegt að
segja frá því að 33 af nemend-
unum í útskriftarhópnum hafa
sótt um að halda áfram námi til
90 eininga B.Ed.-gráðu í leik-
skólafræði, þ.e. um leikskóla-
kennaranám. Hluti námsins er
metinn inn í B.Ed.-námið, þannig
að nemendur hefja nám á 2. ári.“
Á hvern hátt er diplómanámið í
anda skólastefnu KHÍ?
„Við í Kennaraháskóla Íslands
leggjum metnað okkar
í að bjóða þá grunn-,
sí- og framhalds-
menntun sem þörf er
fyrir á hverjum tíma.
Við viljum enn auka þá
fjölbreytni og stuðla þannig að
betri leikskólum. Sá sem útskrif-
ast sem leikskólakennari eða
með 45 eininga nám í leikskóla-
fræði getur dýpkað þekkingu
sína síðar meir. Það að útskrifast
þýðir ekki að punkturinn sé sett-
ur aftan við, miklu heldur er það
ávísun á viðbótarnám, bæði innan
og utan leikskólans, og aukna
fagmennsku.“
Arna H. Jónsdóttir
 Arna H. Jónsdóttir fæddist á
Akureyri 10. september 1953.
Hún er lektor á sviði leik-
skólafræði og stjórnunar og
forstöðumaður leikskólabraut-
ar Kennaraháskóla Íslands.
Arna starfaði lengi hjá Leik-
skólum Reykjavíkur sem leik-
skólastjóri og leikskólaráðgjafi
og einnig í forystu stéttar-
félags leikskólakennara. Maki
er Guðmundur Vignir Óskars-
son, verkefnastjóri hjá Lands-
sambandi slökkviliðs- og
sjúkraflutningamanna.
Námið stuðlar
að aukinni
fagmennsku
Það er enginn leikur fyrir vort löggulið að góma þessa gaura frú dómsmálaráðherra, um
leið og maður nálgast, fljúga þeir upp eins og fuglar úr hreiðrum.
HAUKUR Valdimarsson aðstoðar-
landlæknir segir að fregnir af auk-
inni neyslu fæðubótarefna hér á
landi sem innihalda efedrín sé mik-
ið áhyggjuefni sem taka þurfi strax
á með aukinni fræðslu og umræðu í
þjóðfélaginu. Hann segir að emb-
ætti landlæknis og önnur heilbrigð-
isyfirvöld muni beita sér fyrir því.
Fram kom í máli einkaþjálfara á
líkamsræktarstöð í Morgunblaðinu
á þriðjudag að neysla efedríns með-
al fólks væri algeng og að ung-
menni frá 14 ára aldri notuðu efnið
við skemmtanir um helgar. Áætlaði
einkaþjálfarinn, sem einnig hefur
keppt í vaxtarrækt og hreysti, að
röskur helmingur þeirra sem sækja
líkamsræktarstöðvar notaði ólögleg
efni á borð við efedrín. Þá hefur
komið fram að þrír keppendur á Ís-
landsmeistaramótinu í hreysti sl.
vetur á Akureyri féllu á lyfjaprófi
m.a. vegna neyslu efna með efedríni
og hafa verið dæmdir í keppnis-
bann.
Í blaðinu á þriðjudag var og vitn-
að til lokaritgerðar tveggja nem-
enda í íþróttafræðum við Íþrótta-
fræðasetur Kennaraháskóla
Íslands á Laugarvatni þar sem
meðal niðurstaðna var að rúmur
þriðjungur íþróttamanna í körfu-
bolta, handbolta og knattspyrnu
viðurkenndi að hafa neytt fæðubót-
arefna sem innihéldu efedrín.
Ástæða til að staldra við
Haukur segir að í blaðaviðtali við
einn keppendanna á mótinu á Ak-
ureyri hafi komið fram að hann hafi
haldið að hann hafi verið að taka
inn skjaldkirtilslyf. Haukur segir
að það lyf sé stórhættulegt fyrir þá
sem ekki séu veikir.
„Ef ég hefði verið með svona
sjúkling inni á minni stofu hefði ég
fyllst skelfingu. Það er eins og fólk
haldi að það sé allt í lagi að neyta
þessara efna. Líklega eru einhverj-
ir að halda því fram og fólk virðist
trúa þeim. Þarna er sannarlega
ástæða til að staldra við,“ segir
Haukur.
Aðstoðarlandlæknir um aukna neyslu efedríns
Yfirvöld munu beita
sér fyrir fræðslu
KARÍBAHAF - sept. uppselt
Hópferð á hálfvirði - næst 7. feb. 03
Heimsklúbbur Ingólfs-PRÍMA