Morgunblaðið - 13.06.2002, Síða 33

MENNTUN
MORGUNBLAÐIÐ FIMMTUDAGUR 13. JÚNÍ 2002 33
Kyn: Kona
Aldur: 22 ára
Spurning: Hvaða nám liggur að
baki röntgentækni?
Svar: Samkvæmt upplýsingum á
vefsetri Tækniháskóla Íslands
er búið að breyta starfsheiti
röntgentækna í geislafræðing,
það þykir betur lýsa náminu og
starfinu. Um leið og starfsheitið
breytist, breytist einnig heitið á
náminu.
Geislafræði er kennd við Heil-
brigðisdeild Tækniháskóla Ís-
lands, er fjögurra ára nám og
lýkur með B.Sc. gráðu. Á fyrsta
ári eru kenndar undirstöð-
ugreinar. Námið verður síðan
sérhæfðara er á líður og einnig
bætist við verklegt nám.
Það er gott að skoða vefsetur
TÍ því að þar eru mjög grein-
argóðar upplýsingar um tilhögun
námsins, inntökuskilyrði og
störf að loknu námi. Einnig væri
gott að ræða við námsráðgjafa í
TÍ ef maður vill fræðast betur.
Næringarfræði
Kyn: Karl
Aldur: 26 ára
Spurning: Ég er ekki stúdent en
er í einkaþjálfaranámi í bréfa-
skóla í gegnum ISSA, og langar
til þess að læra meira um lík-
amann og næringu. Ég er mjög
spenntur fyrir næringarfræði og
að fara til útlanda og læra jafnt
sem kenna. Hvert á ég að snúa
mér í þessu öllu saman?
Svar: Í framhaldsskólum
landsins er í boði fjölbreytt úrval
áfanga sem tengjast áhugasvið-
um þínum. Þar má til dæmis
nefna Fjölbraut við Ármúla sem
býður fjóra áfanga í íþróttafræð-
um, einn í íþróttanuddi og þrjá
áfanga í næringarfræði. Með því
að hafa samband við náms-
ráðgjafa skólans getur þú aflað
þér frekari upplýsinga um þann
valkost. Með því að taka stúd-
entspróf margfaldar þú mögu-
leika þína en þá getur þú farið í
næringarfræði við HÍ, eða
íþróttakennaranám við KHÍ.
Nám í næringarfræði tekur
þrjú ár við Háskóla Íslands.
Námið byggist á matvælafræði
(29 einingar), efnafræði (22 ein-
ingar), líffræði (8 einingar),
stærðfræði (8 einingar), eðl-
isfræði (4 einingar) og næring-
arfræði (19 einingar).
Í Kennaraháskóla Íslands er
þriggja ára B.Ed. nám í íþrótta-
fræðum. Það nám skiptist í upp-
eldis- og kennslufræði (30 ein-
ingar), íþróttagreinar (20
einingar) og íþróttafræði eða
stoðgreinar íþróttagreinanna
(40 einingar).
Erlendis eru að sjálfsögðu
margir skólar sem kenna
íþróttafræði og næringarfræði.
Inntökuskilyrði inn í þá eru líka
mismunandi. Gott er að skoða
lista LÍN um lánshæfa náms-
möguleika erlendis.
Einnig gæti verið gott að
ræða við fólk í störfum sem
manni finnast spennandi og fá
upplýsingar um hvaða mennt-
unar það aflaði sér.
Nám og
störf
TENGLAR
...........................................
Tækniháskóli Íslands www.ti.is
LÍN, skólar erlendis http://
www.sine.is/NE/skolalisti.htm