Morgunblaðið - 13.06.2002, Síða 53

FRÉTTIR
MORGUNBLAÐIÐ FIMMTUDAGUR 13. JÚNÍ 2002 53
KRÖFTUGT OFNÆMISLYF
Lóri t ín
Notkunarsvið: Lóritín inniheldur virka efnið lóratadín sem hefur kröftuga og langvarandi verkun við algengustu tegundum ofnæmis. Lyfið er
ætlað við frjókorna- og dýraofnæmi, sem og ofnæmi af völdum rykmaura. Varúðarreglur: Gæta þarf sérstakrar varúðar hjá börnum með alvarlega
nýrna- og lifrarsjúkdóma. Sjúklingar með skerta lifrarstarfsemi þurfa minni skammta. Aukaverkanir: Lóritín þolist yfirleitt vel en algengustu
aukaverkanirnar eru munnþurrkur og höfuðverkur. Svimi getur einnig komið fyrir. Skömmtun: Ein tafla af Lóritíni er tekin daglega. Börnum 2-14
ára sem eru undir 30 kg að þyngd nægir hálf tafla á dag. Lyfið er ekki ætlað börnum yngri en 2ja ára. Lesið vandlega leiðbeiningar sem fylgja lyfinu.
16.05.00.
®
Sumarjakkar
25% afsláttur
Kringlukast
Flott tilboð
á gallabuxum og bolum
17. júní fánar
Heildsölubirgðir - frábært verð!
Páll Pálsson ehf.
sími 555 2200
FÉLAG um átjándu aldar fræði boð-
ar til norrænnar ráðstefnu í Odda,
húsi Háskóla Íslands, dagana 14.–15.
júní kl. 9. Norðurlönd og Evrópa
1700–1830. Gagnkvæm menningar-
áhrif. Ráðstefnan er öllum opin.
Þátttökugjald er kr. 1.000.
Á ráðstefnunni verður fjallað um
áhrif evrópskra menningarstrauma
á Norðurlöndum og áhrif Norður-
landa á evrópska menningu. Mark-
miðið með ráðstefnunni er að skapa
norrænan vettvang fyrir rannsóknir
á tímabilinu 1700–1830 og mikilvægi
þess fyrir norræna menningu eins og
hún hefur þróast á síðustu tveimur
öldum.
Menntamálaráðherra, Tómas Ingi
Olrich, setur ráðstefnuna. Haldnir
verða 14 fyrirlestrar föstudaginn 14.
og laugardaginn 15. júní, segir í
fréttatilkynningu.
Norræn ráðstefna
Norðurlönd
og Evrópa
1700–1830
ÞRIÐJA skógarganga sumarsins, í
röð gangna á vegum skógræktar-
félaganna í fræðslusamstarfi þeirra
við Búnaðarbanka Íslands, verður
fimmtudaginn 13. júní kl. 20.00.
Skógargöngurnar eru skipulagðar
í samvinnu við Ferðafélag Íslands og
eru ókeypis og öllum opnar. Þessi
skógarganga er í umsjá Skógrækt-
arfélags Íslands.
Gangan hefst við höfuðstöðvar
RALA í Keldnaholti. Þorsteinn
Tómasson, forstjóri, mun ganga með
þátttakendum um tilraunasvæðin.
Hann mun kynna samanburðartil-
raunir á kynbættu birki og venju-
legu birki og tilraunir Rannsókna-
stöðvarinnar á Mógilsá með ýmsa
víðiklóna. Þá verður farið að Korpu
og skoðaðar tilraunir frá 1986, sem
Skógræktarfélag Íslands og Rann-
sóknastöðin á Mógilsá stóðu að. Óli
Valur Hansson, garðyrkjusérfræð-
ingur, mun annast þá kynningu.
Gangan tekur um 2 tíma og er við
allra hæfi.
Skógarganga
um Keldnaholt
BOÐIÐ verður upp á fyrstu göngur
sumarsins í þjóðgarðinum í Skafta-
felli um helgina. Á laugardag kl. 10
hefst ganga í Bæjarstaðaskóg og kl.
15 verður gengið að Skaftafellsjökli.
Öllum börnum frá 6–12 ára verður
boðið í náttúruskoðun kl. 10–11.30 á
sunnudag. Klukkan 15 hefst ganga
að Skeiðará.
Á þjóðhátíðardaginn 17. júní verð-
ur öllum gestum boðið í skrúðgöngu
kl. 13 frá Skaftafellsstofu í gegnum
tjaldsvæðið og inn í Lambhaga. Þar
verður lagið tekið. Að því loknu
býðst þeim sem hafa áhuga göngu-
ferð að Svartafossi.
Í sumar býður þjóðgarðurinn upp
á stuttar göngur tvisvar á dag alla
virka daga, kl. 10 og 15. Á laugardög-
um kl. 10 er gengið í Bæjarstaðaskóg
og alla sunnudaga er sérstök dag-
skrá í boði fyrir börnin. Þessi þjón-
usta er í boði þjóðgarðsins í Skafta-
felli og hefjast allar göngur við
Skaftafellsstofu, segir í frétt frá
Þjóðgarðinum í Skaftafelli.
Gengið um
þjóðgarðinn í
Skaftafelli
UNNAR B. Arnalds heldur fyrirlest-
ur um verkefni sitt til meistaraprófs í
eðlisfræði við raunvísindadeild Há-
skóla Íslands. Verkefnið heitir „Smíði
á smugsjá með atómupplausn“. Fyr-
irlesturinn verður fluttur í stofu 158 í
VR-II við Hjarðarhaga 2–6.
Smugsjá er öflugt tæki til rann-
sókna og þróunar í nanótækni en með
henni er unnt að taka myndir af yf-
irborðum leiðandi efna með atómupp-
lausn.
Leiðbeinendur Unnars eru Sveinn
Ólafsson, sérfræðingur á Raunvís-
indastofnun Háskólans, og prófessor
Hafliði P. Gíslason, Háskóla Íslands.
Prófdómari er dr. Andrei Manolescu
hjá Íslenskri erfðagreiningu.
Meistarafyrir-
lestur í eðlisfræði