Morgunblaðið - 30.06.2002, Page 42

42 SUNNUDAGUR 30. JÚNÍ 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í FRÉTTUM blaðsins 7. þ.m. er
sagt frá umhverfisviðurkenningu
Reykjavíkurborgar til Farfugla-
heimilisins fyrir árið 2002 og það
vakti hjá mér spurningu um, hvað
gerði það maklegt þess að fá slíka
viðurkenningu. Við, næstu nágrann-
ar heimilsins, höfum mörg undanfar-
in ár, að vísu með örfárra ára und-
antekningu, þegar einhver hirðu-
samur réð þar ríkjum, orðið að búa
við fádæma hirðuleysi á lóð heimilis-
ins og órækt í alla staði. Í fyrra voru
teknar í notkun tvær nýjar álmur,
sem byggðar voru á mettíma, klædd-
ar skjannalitaðri álklæðningu, sem
minnir meira á verksmiðjuhús en
gistihús og væri vel við hæfi í iðn-
aðarhverfi, en forljótt í umhverfi því,
sem heimilið stendur, en látum það
gott heita, einhverjum kann að finn-
ast þetta falleg umgjörð. Eftir stend-
ur ófrágengin lóð, þar sem alls kyns
óræktarplöntur fá að þrífast og stór
moldarbingur mitt í allri óræktinni,
sem er umsjónarmönnum heimilis-
ins til vansa og lítil fegurð af fyrir
næsta umhverfi. Og hvers vegna
þurfa ruslagámar að standa á áber-
andi stað á lóðinni?
Það kemur hins vegar ekki á
óvart, að hinn vinsæli borgarstjóri
R-listans skuli líta fram hjá slíkum
smámunum. Eftir að hún tók við
stjórn borgarinnar hefur sóðaskapur
fengið að þrífast á gangstéttum og
kringum trjágróður meðfram
göngustígum, svo að okkur göngu-
glöðum góðborgurum, sem munum
betri tíð, finnst alveg nóg um ósóm-
ann, en borgarstjórinn hefur að öll-
um líkindum verið að veita viður-
kenninguna fyrir framtíðarumhverfi
heimilisins, því að samkvæmt skipu-
lagi borgarinnar á að gera bílastæð-
isplan á þeirri lóð, sem vísað er til, og
ég efast ekki um, að það verði Far-
fuglaheimilinu til sóma, en unz slík
framkvæmd er um garð gengin er
þessi umhverfisviðurkenning mátt-
laus og nánast skondin í huga okkar
sem berja þurfum þetta umhverfi
augum á hverjum degi.
BIRGIR ARNAR,
Laugarásvegi 2.
Umhverfisviðurkenn-
ing fyrir hvað?
Frá Birgi Arnar:
Á SAMA tíma og Bandaríkjaforseti
hélt ræðu sína um málefni Mið-
Austurlanda var enn nálykt í Jenín,
allar borgir á Vesturbakkanum
höfðu verið hernumdar af ísraelska
hernum og hundruð þúsunda Pal-
estínumanna voru lokuð inni á
heimilum sínum vegna útgöngu-
banns. Fólk sem dirfðist að hætta
sér út úr húsi átti á hættu að verða
skotið á færi. Forsetanum tókst í
ræðu sinni að forðast að minnast á
núverandi ástand mála á þeim
svæðum sem hann vildi sjá stjórn-
málaumbætur á. Á sama tíma og
forsetinn talaði voru ísraelskir her-
menn rétt að ljúka við að hernema
Hebron, þrír palestínskir lögreglu-
menn voru myrtir í leiðinni. Forset-
inn var ekkert að minnast á það að
þessi svæði sem hann vill umbætur
á eru aðskilin vegna hernáms sem
ekki sér fyrir endann á og fólkið
sem þarna býr getur ekki ferðast
um á milli staða nema fara eftir
þröngum fjallvegum sem bílar geta
ekki keyrt og þess vegna þarf fólk
að ferðast á ösnum.
Getur maðurinn ætlast til þess að
menn geri umbætur við þessar að-
stæður? Hvernig er hægt að gera
breytingar í heimastjórn sem Ísr-
aelar eru á góðri leið með að þurrka
út?
Hvernig er hægt að boða til kosn-
inga áður en árinu lýkur án þess að
hersveitir Ísraelsmanna séu kallað-
ar burt og tryggt að þær komi ekki
rétt meðan á kosningum stendur?
Hvað ætlar maðurinn síðan að
gera ef Arafat yrði síðan endur-
kjörinn forseti Palestínu af kjós-
endum? Yrði það til þess að hann
myndi gefa Ísraelum grænt ljós á
að ganga endanlega frá Arafat?
Myndi það síðan breyta einhverju
þótt aðrir tækju við forystu í
heimastjórninni? Yrði þeim skapað
það umhverfi sem þarf til að berjast
gegn hryðjuverkum eins og Bush
vill? Eða fær Sharon að eyðileggja
þá forystu sem Palestínumenn
myndu kjósa sér?
Í ræðu forsetans kom fram hvar
afstaða hans liggur. Palestínumenn
eru sekir, Ísraelsmenn ekki. Í raun-
inni sagði hann það nánast berum
orðum að Palestínuforseti bæri
ábyrgð á þessu öllu. Bush virðist
vera búinn að gleyma því að í apríl
gaf utanríkisráðuneyti Bandaríkj-
anna út tilkynningu þar sem fram
kom að ekki hefðu fundist neinar
vísbendingar þess efnis að Arafat
eða aðrir í palestínsku heimastjórn-
inni tengdust hryðjuverkaárásum á
Ísrael. En auðvitað má ekki styggja
Ísraels-lobbýistana í Bandaríkjun-
um. Þótt Bush sé óupplýstur veit
hann sem er að ef hann á að halda
velli í forsetakosningunum árið
2004 skal hann dansa eftir strengj-
um lobbýistanna.
Ef sanngjarn friður á að koma til
í Mið-Austurlöndum á næstunni
verður blindur stuðningur Banda-
ríkjanna við hernámsríkið Ísrael að
líða undir lok. En á meðan tang-
arhald formælenda Ísraels á stjórn-
málamönnum í Washington fær að
líðast er ekki hægt að búast við
slíkum friði.
SIGURÐUR ÞÓRARINSSON,
Selvogsgrunni 22,
Reykjavík.
Um Bush og
Palestínu
Frá Sigurði Þórarinssyni: