Morgunblaðið - 30.07.2002, Side 6

FRÉTTIR
6 ÞRIÐJUDAGUR 30. JÚLÍ 2002 MORGUNBLAÐIÐ
Varalitaútsala
hjá NO NAME
Verð áður kr.1.406,-
Verð nú kr. 695,-
Meira en 50% afsláttur
Gildir út júlímánuð
Ath: Einungis er hægt að velja úr ákveðnum litum
ÚTSÖLUSTAÐUR:
„ÞAÐ HEFUR einhver misskilningur komið upp varðandi það hvenær þessu
yrði lokið og við höfum sett orðsendingar á húsin, sem hafa verið hnituð, þess
efnis að tilkynnt verði með formlegum hætti þegar kerfið verði orðið virkt,“
segir Sveinn Guðmundsson, lögfræðingur og framkvæmdastjóri Landssam-
bands sumarhúsaeigenda.
Í Morgunblaðinu á sunnudaginn
kom fram að öryggiskerfið, sem
Landssamband sumarhúsaeigenda
hefur haft forystu um að setja upp og
ætlað er að auka öryggi sumarbú-
staða og eigenda þeirra ef vá ber að
höndum, hefur ekki enn verið tekið í
notkun. Meira en tvö ár eru séu síðan
landssambandið hóf sölu á öryggis-
númerum og virðast margir standa í
þeirri trú að það flýti fyrir því að
hjálp berist frá lögreglu, sjúkrabílum
og slökkviliði ef Neyðarlínunni er
gefið upp öryggisnúmer bústaðarins.
Kerfið hefur hins vegar ekki enn ver-
ið tekið í notkun. Ekkert kemur hins
vegar fram um það á heimasíðu
landssambandsins, þar sem öryggis-
kerfið er kynnt, að kerfið er enn
óvirkt.
„Það kann að vera að einhverjir
hafi misskilið þetta og haldið að um
leið og númer væri komið á hús væru
þeir tengdir. En öll okkar skilaboð
hafa verið með öðrum hætti.“
Umfangsmikið verkefni
með þátttöku margra
Sveinn segir þetta vera stærra
verkefni en menn hugðu í fyrstu en að
verkefninu komi Fasteignamat ríkis-
ins, Vegagerðin, Landmælingar Ís-
lands og Neyðarlínan 112. Forgöngu
og umsjón í málinu hafi Landssam-
band sumarbústaðaeigenda haft.
Byrjað hafi verið að huga að þessu
verkefni fyrir um þremur árum og
niðurstaðan hafi orðið hnitsetning
sumarhúsa sem nú sé senn að ljúka.
„Þetta hefur kostað alveg gríðarlega
fjármuni og við náum ekki einu sinni
inn fyrir kostnaði. Við tökum á okkur
allan kostnað við hnitun sumarhús-
anna, Vegagerðin hnitar alla vegina,
Fasteignamatið sér um alla tækni-
vinnu í sambandi við skrárnar og ut-
anumhald, Landmælingar leggja til
allar landfræðilegar upplýsingar og
Neyðarlínan tekur þetta allt án end-
urgjalds inn í sitt kerfi.“
Sveinn tekur fram að greitt sé fyrir
þjónustuna, þ.e. hnitun og númer, í
eitt skipti fyrir öll eða 7.595 kr. með
vsk. fyrir hnitunina og númer fyrir þá
sem eru í Landssambandi sumarbú-
staðaeigenda en fyrir utanfélags-
menn sé verðið 12.210 kr.
„Hitt er svo annað mál,“ segir
Sveinn, „að við hefðum viljað að þetta
hefði gengið hraðar fyrir sig en verk-
ið reyndist einfaldlega vera miklu
stærra og kostnaðarsamara en við
sáum fyrir. Við sjáum þó fram á það
núna að geta klárað verkið um miðjan
september og við munum tilkynna
það með mjög áberandi hætti, í blöð-
um, sjónvarpi og með öðrum hætti.“
Sveinn segir að menn hafi gert sér
grein fyrir því að það væri glapræði
að hnita eingöngu þau hús sem vildu
vera með þannig að ákvörðun hafi
verið tekin um að hnita öll sumarhús.
Öll sumarhús verða hnituð
„En að sjálfsögðu getum við ekki
virkjað þá í kerfinu sem ekki hafa
sagt já fyrr en þeir hafa sjálfir með
formlegum hætti tekið ákvörðun um
það. Við getum ekki annað því við
verðum að fá leyfi þeirra til þess. En
ég hvet alla til þess að taka þátt í
þessu verkefni því það skilar sér svo
margfalt til framtíðar. Ég reikna með
að einhvern tíma verði það sett í lög
að öll sumarhús verði að vera hnituð.
Og ég sé það fyrir mér að í framtíð-
inni muni byggingarfulltrúi á hverj-
um stað sem tekur út húsin hnita þau
um leið.“
Sveinn segir það gríðarlega mik-
ilvægt að sumarhúsafólk eigi greiðan
aðgang að neyðarþjónustu ef vá beri
að höndum. „Við náum ekki einu sinni
að hafa inn fyrir kostnaði. Alla okkar
vinnu, sem er gríðarmikil, afhendum
við Fasteignamatinu sem vinnur
þetta áfram inn í Neyðarlínuna enda
er þetta samstarfsverkefni margra
aðila. Sumarhúsafélög á Norðurlönd-
unum og víðar fylgjast með þessu því
að þetta verkefni virðist vera hið
fyrsta sinnar tegundar.“
GPS-hnitsetning sumarhúsa reyndist stærra verkefni en reiknað var með
Áformað að kerfið verði
tekið í gagnið í september
FIMMTÁN strákar úr A-Húna-
vatnssýslu stofnuðu fótboltalið í
sumar til að geta farið á knatt-
spyrnumótið REY CUP sem lauk á
sunnudag. Liðið þeirra UMFB
Geislar fékk tvenn verðlaun á
mótinu en þar keppti á fimmta
hundrað unglinga, þar á meðal úr
unglingaliðum ensku liðanna Bolt-
on og Stoke City. Strákarnir fengu
verðlaun fyrir að vera skemmtileg-
asta og háttvísasta liðið.
„Vinur minn sá auglýsingu í blaði
og við ákváðum að fara,“ segir
Ólafur Freyr Birkisson, stórhuga
Austur-Húnvetningur og annar
frumkvöðlanna. „Við náðum að
skrapa saman peningum á þessum
15 dögum sem við höfðum til að
greiða skráningargjaldið. Við
skráðum okkur áður en við vorum
búnir að safna saman í hóp.“
Komu brosandi
af öllum leikjum
Síðan var haldinn fundur í Húna-
vallaskóla, þar sem leikmenn liðs-
ins sækja skóla. „Þar mættu for-
eldrar sem höfðu áhuga á að leyfa
krökkunum sínum að fara og við
náðum að koma saman 15 manna
hópi. Við ætluðum að
gera þetta bara sjálfir
en svo tóku feður okk-
ar völdin. Við vorum
ekkert búnir að
ákveða að æfa eða
neitt en þeir skipu-
lögðu æfingar. Þetta
voru svolítið sérstakar
æfingar, við spiluðum
fótbolta í klukkutíma
og fengum okkur svo
að borða. Gerðum eng-
ar teygjuæfingar eða
neitt svoleiðis,“ segir
Ólafur Freyr.
Á mótinu kepptu
m.a. lið frá Bolton og
Stoke City, en Ólafur
Freyr segir að leikmönnum Geisla
hafi verið sama á móti hvaða liðum
þeir lentu. „Fótbolti er bara til að
hafa gaman af. Við vorum örugg-
lega eina liðið sem kom brosandi af
öllum leikjum. Það var ótrúlegt
hvernig sumir þjálfararnir voru,
öskrandi á leikmennina,“ segir
Ólafur sem fannst íþróttaandinn
ekki alltaf svífa yfir vötnum.
Þeir fengu lánaða búninga frá
Gróttu-KR. Ólafur Freyr segir að
leikmennirnir hafi
komið úr tveimur
ungmennafélögum,
Ungmennafélagi Ból-
hlíðinga og Ung-
mennafélaginu
Geislum, nafnið er því
samansett úr þessum
tveimur nöfnum.
Hann segist gera ráð
fyrir því að keyptir
verði nýir búningar á
liðið keppi það aftur á
næsta móti.
Ólafur Freyr segir
að liðið hafi ekki æft
nein leikkerfi eða leik-
fléttur eins og hin lið-
in. Einnig hafi þeir að-
eins haft einn markmann og þrjá
varamenn. „Þegar við komum inn í
hálfleik gátu hin liðin skipt nýju liði
inn á, komið inn með óþreytta
menn. Ég er viss um að ef við hefð-
um haft eitthvert kerfi hefðum við
getað unnið þá. Við töpuðum ekki
nema 2-1 á móti Fjölni sem vann
riðilinn. Við töpuðum úrslita-
leiknum okkar 5-3 og flest mörkin
sem við fengum á okkur voru
klaufamörk,“ segir Ólafur Freyr.
Morgunblaðið/Jim Smart
„Við vorum örugglega eina liðið sem kom brosandi af öllum leikjum,“ segir Ólafur Freyr.
Fótboltaliðið Geisli vakti athygli á REY CUP
Höfðu aldrei æft knattspyrnu
Ólafur Freyr
Birkisson
SKIPULAGSSTOFNUN fellst, með
skilyrðum, á stækkun álvers ÍSAL í
Straumsvík í allt að 460.000 tonna
framleiðslu á ári. Stofnunin telur
nauðsynlegt að vel verði fylgst með
mengun frá álverinu með viðeigandi
vöktun hvað varðar tíðni, vöktunar-
þætti og staðsetningu mælistaða. Þá
telur hún að fyrir liggi raunhæfar
hugmyndir um mótvægisaðgerðir,
leiði vöktun í ljós óviðunandi um-
hverfisáhrif. Úrskurð Skipulagsstofn-
unar má kæra til umhverfisráðherra,
kærufrestur er til 4. september 2002.
Skilyrðin sem ÍSAL er sett að upp-
fylla eru að fyrirtækið standi að
reglubundnum mælingum á styrk
brennisteinstvíoxíðs í andrúmslofti í
þeim hluta íbúðabyggðar í Hafnar-
firði sem er hvað næst álverinu. Leiði
vöktun í ljós að styrkur brennistein-
stvíoxíðs sé yfir umhverfis- eða við-
vörunarmörkun, skuli ÍSAL grípa til
viðeigandi ráðstafana. Þá er fyrirtæk-
inu gert að mæla styrk flúors reglu-
lega á þeim stöðum þar sem þess er
helst að vænta að viðmiðunarmörkum
verði náð utan þynningarsvæðis. Séð
verði til þess að útblástursmörk flú-
ors verði nægjanlega lág til að unnt
verði að tryggja að ársmeðaltal flúors
í lofti fari ekki yfir 0,3 µg/m³ utan nú-
verandi þynningarsvæðis á landi.
Skipulagsstofnun gerir einnig að
skilyrði að áður en komi til leyfisveit-
inga fyrir tímabilið 2008–2012 hafi
ÍSAL samráð við iðnaðarráðuneytið
um mótvægisaðgerðir vegna losunar
flúorkolefnissambanda 2008–2012
umfram þau mörk sem ríkisstjórn Ís-
lands hefur markað stefnu um varð-
andi losun flúorkolefnissambanda frá
álverum vegna skuldbindinga sam-
kvæmt Kyoto-bókuninni.
Einnig að ÍSAL afli upplýsinga um
styrk sýaníðs frá flæðigryfjum í sam-
ráði við og undir eftirliti Hollustu-
verndar ríkisins, áður en ákvörðun
verður tekin um framtíðarfyrirkomu-
lag förgunar kerbrota samanber kröf-
ur í tilskipun Evrópusambandsins.
Segir í niðurstöðukafla úrskurðarins
að þrátt fyrir að álver hafi verið rekið
í Straumsvík til þriggja áratuga „virð-
ist enn ósvarað þýðingarmiklum
spurningum um hugsanleg áhrif loft-
borinnar mengunar og kerbrota-
gryfja á sjó og lífríki sjávar“.
Framkvæmdir vegna fyrri
áfanga hefjast næsta ár
Núgildandi starfsleyfi álversins
veitir heimild til allt að 200.000 tonna
ársframleiðslu, en núverandi fram-
leiðsla versins er 170.000 tonn á ári.
ÍSAL áformar stækkun álversins í
tveimur áföngum. Í fyrri áfanga á að
stækka verið í allt að 330.000 tonn og
er gert ráð fyrir að hefja framkvæmd-
ir við hann á næsta ári, fáist orka tím-
anlega til rekstrarins.
Í síðari áfanga á að stækka verið
upp í allt að 460.000 tonna álfram-
leiðslu á ári. Er talið að gangsetning
annars áfanga gæti hafist 2007 en
tímasetning er háð undirbúningi
mögulegra virkjunarkosta.
Gert er ráð fyrir að föstum störfum
að loknum fyrri áfanga fjölgi um 180
og um 140 til viðbótar að loknum síð-
ari áfanga. Miðað við núverandi
reynslu er gert ráð fyrir að ársverk-
um muni fjölga um 8% umfram fjölda
starfa og því verði fjölgun ársverka
tæplega 350. Útreikningar sýni að
fyrir hvert nýtt ársverk í álverinu
skapist 2–2,8 ársverk í óbeinum og af-
leiddum störfum.
Skipulagsstofnun fellst á stækkun
álvers ÍSAL með skilyrðum
Vel verði fylgst
með mengun
frá álverinu
TÆPLEGA tvítugur ökumaður
sem lögreglan á Blönduósi
stöðvaði í fyrrakvöld játaði að
hafa reykt hass nokkru áður.
Það gerði einnig piltur á svipuðu
reki sem var farþegi í bílnum.
Þeir voru handteknir og færðir
á lögreglustöð ásamt stúlku sem
var með þeim í bílnum en sleppt
að loknum yfirheyrslum. Blóð-
sýni var tekið úr ökumanninum
en hann er grunaður um akstur
undir áhrifum fíkniefna.
Játuðu fíkni-
efnaneyslu