Morgunblaðið - 05.09.2002, Blaðsíða 4

FRÉTTIR
4 FIMMTUDAGUR 5. SEPTEMBER 2002 MORGUNBLAÐIÐ
Segir hún að mikil eyðilegging
hafi blasað við þegar þau hjónin
komu að bústaðnum eftir innbrotið.
Allt hafi verið brotið sem hægt var
að brjóta. Rauðvínsflöskur og sígar-
ettustubbar hafi legið á víð og dreif
og ummerki hafi verið eftir fíkni-
efnaneyslu. Hjónin hringdu strax í
lögreglu og tilkynntu um innbrotið.
Hjónin komust degi síðar að því að
nágranni þeirra hafði tekið eftir bíl
í grennd við bústaðinn nóttina fyrir
innbrotið og hafði skrifað niður hjá
sér bílnúmerið. Lögreglu var til-
kynnt um þetta og höfðu eigend-
urnir sjálfir upp á nafni, heimilis-
fangi og kennitölu eiganda bílsins.
Þegar ekkert hafi heyrst frá lög-
reglunni tæpri viku síðar var aftur
haft samband við lögreglu og hafði
yfirmaður hjá rannsóknarlögregl-
KONA sem á sumarbústað í grennd
við höfuðborgina, sem brotist var
inn í vorið 2001, upplýsti innbrotið
upp á eigin spýtur. Ákvað hún að
taka málið upp hjá sjálfri sér, þar
sem henni fannst rannsóknin hvorki
ganga né reka hjá lögreglu. Lög-
reglan hafi haft lítinn tíma til að
sinna málinu og telur konan að mál-
ið væri líklega enn óupplýst ef hún
hefði ekki tekið það upp á sína
arma. Lögregla aðhafðist t.d. ekk-
ert þótt hún hafi fengið uppgefið
númer á bíl sem var lagt í grennd
við bústaðinn nóttina fyrir innbrot-
ið.
Vonast til að málið verði
öðrum borgurum hvatning
Þrír ungir menn fengu skilorðs-
bundna dóma fyrir innbrotið í upp-
hafi þessa árs. Konan segist vona
að mál hennar geti orðið öðrum
borgurum hvatning til að vinna að
framgangi réttvísinnar.
unni þá ekkert heyrt um málið.
Eigendurnir tilkynntu þá hver væri
skráður fyrir bílnum og var eigandi
hans, ungur maður, kallaður inn til
yfirheyrslu. Hann sagðist alsaklaus,
en gaf upp gælunöfn vina sinna sem
voru með honum í bílnum nóttina
sem innbrotið var framið.
Segir konan að lögreglan hafi tal-
ið að ómögulegt væri að hafa upp á
vinum mannsins, þar sem þeir
höfðu einungis gælunöfn í höndun-
um. Vildi hún þá að lífsýni yrði tek-
ið af eiganda bílsins, sem væri hægt
að bera saman við sígarettustubba
sem tæknideild lögreglunnar hafði
tekið til rannsóknar eftir innbrotið.
Lögregla sagði það hins vegar dýrt
að taka lífsýni. Var margsinnis haft
samband við lögregluna en alltaf
fékkst sama svar, að ólíklegt væri
að málið upplýstist. Ákvað hún þá
að tala við föður eiganda bílsins og
fékk upplýsingar um að vinir sonar
hans byggju í nágrannasveitar-
félagi. Eftir nokkra eftirgrennslan,
m.a. með hjálp skólayfirvalda, fann
hún út hverjir vinirnir væru. Hin
ráðagóða kona lét þá lögreglu vita
hverjir þessir vinir eiganda bílsins
væru og voru þeir kallaðir til lög-
reglu í yfirheyrslu þar sem þeir við-
urkenndu að hafa verið með eig-
anda bílsins en harðneituðu að hafa
komið nokkuð nálægt innbrotinu.
„Mér fannst það bara ekki við-
unandi að einhverjir pörupiltar
gætu komist upp með það að fara
inn á heimili okkar hjóna og leggja
það í rúst án þess að nokkuð væri
að gert þegar fyrirlá að þarna væru
sönnunargögn sem innihéldu lífsýni
og það var alveg víst að þetta væru
þessir þrír drengir því bíllinn sást
þarna. Varla voru þeir í náttúru-
skoðun. Ég gekk því mjög fast eftir
því að það yrðu tekin lífsýni af
þeim,“ segir hún.
Að lokum gafst lögreglan upp
undan þrýstingi og var ákveðið að
kalla piltana þrjá til lífsýnatöku og
var kveðinn upp dómsuppskurður
þar um. Viðurkenndu þeir þá að
hafa verið þarna að verki, en for-
sprakkinn hafði verið staðinn að
verki í öðrum innbrotum. Þeir
fengu á sig skilorðsbundna dóma í
upphafi þessa árs, tveir þeirra til
þriggja mánaða og forsprakkinn til
sex mánaða, auk þess sem þeim var
gert að greiða tryggingafélagi
hjónanna skaðabætur.
Sumarbústaðareigandi upp-
lýsti innbrot upp á eigin spýtur
Segir að rannsókn málsins hafi
hvorki gengið né rekið hjá lögreglu
UM 500 erlendir námsmenn munu
stunda nám við Háskóla Íslands í
vetur. Þar af eru um 250 skipti-
nemar og um 250 stúdentar á eigin
vegum, að sögn Guðnýjar Gunn-
arsdóttur, alþjóðafulltrúa við Há-
skólann. Til samanburðar stund-
uðu um 250 erlendir stúdentar
nám við Háskólann árið 1997.
Árlegur kynningarfundur Há-
skólans fyrir erlenda stúdenta var
haldinn í hátíðarsal skólans í gær,
en þar bauð rektor skólans, Páll
Skúlason, námsmennina velkomna.
Auk þess var stúdentunum kynnt
öll aðstaða skólans, s.s. tölvuver og
námsráðgjöf.
Erlendu nemendurnir koma víða
að en flestir eru þeir frá Norð-
urlöndunum, Þýskalandi og
Bandaríkjunum. Skiptinemarnir
koma ýmist á eigin vegum, eins og
áður sagði, eða á vegum stúdenta-
skiptaáætlana á borð við Erasmus,
Nordplus og Isep, en einnig fara
stúdentaskipti fram við einstaka
skóla, m.a. í Bandaríkjunum, Kan-
ada, Ástralíu og Japan. Flestir
stunda erlendu nemendurnir nám
við heimspekideil Háskólans, að
sögn Guðnýjar, en einnig eru vin-
sæl námskeið meðal þessara stúd-
enta í verk- og raunvísindadeild.
„Ástæðan fyrir því að við getum
tekið á móti svona mörgum stúd-
entum er sú að æ fleiri námskeið
eru kennd á ensku,“ útskýrir
Guðný. Segir hún að flestar deildir
Háskólans bjóði nú námskeið á
ensku.
Leist vel á
námskeiðin
Fred Qusu frá Ghana kom fyrst
hingað til lands á vegum AUS – al-
þjóðlegra ungmennaskipta, en hef-
ur nú í hyggju að klára nám í við-
skiptafræði við Háskóla. Hann
segir að hann hafi valið HÍ vegna
þess að honum hafi litist vel á nám-
skeiðin sem þar eru í boði. Hann
telur að það muni ekki koma að
sök þótt hann sé ekki búinn að
læra íslensku; námsbækurnar séu
flestar á ensku og hann muni fá að-
stoð við að þýða glósur úr kennslu-
tímunum. Þá sé hann í íslensku fyr-
ir útlendinga. Hann segir
aðspurður að hann sé búinn að
kynnast mörgum íslenskum náms-
mönnum og er bjartsýnn á að hon-
um eigi eftir líða vel hér á landi,
þau ár sem hann verði við háskól-
ann.
Vinkonurnar Cally Paddisson og
Nocola Flaridge koma frá Bright-
on í Bretlandi, en þar stunda þær
nám við háskólann í Sussex. Þær
eru á Íslandi á vegum evrópsku
skiptinemasamtakanna Erasmus
og munu sækja námskeið í mann-
fræði við HÍ. Þau námskeið verða
síðan metin í námi þeirra í Sussex.
Aðspurðar segjast þær m.a. hafa
valið Ísland vegna þess að þær hafi
aldrei búið hér áður. „En ég kom
líka hingað vegna norðurljós-
anna,“ segir önnur þeirra. Þá segja
þær ekki loku fyrir það skotið að
þær eigi eftir að gera lokaverkefni
um Ísland við háskólann í Sussex.
Áhugi á goðafræði
Að lokum ræddi Morgunblaðið
við bandarískan háskólanema, sem
kýs að kalla sig Frog, en hann er
frá háskólanum í Minnesota í
Bandaríkjunum. Frog segist hafa
lært finnsku og þýsku og að hann
hafi mikinn áhuga á því að læra ís-
lensku líka. Hann stundar því nám
í íslensku fyrir útlendinga. Ætlun
hans er að vera eitt ár á Íslandi.
Hann segist m.a. stunda nám í
goðafræði í Minnesota og segist
vilja læra íslensku til að geti betur
nálgast sögur sem fjalli um nor-
ræna goðafræði.
Bandaríski háskólaneminn Frog. Cally Paddison og Nicola Claridge eru skiptinemar frá Bretlandi.
Guðný Gunnarsdóttir,
alþjóðafulltrúi hjá HÍ.
Morgunblaðið/Kristinn
Fred frá Ghana.
Um 500 erlendir
stúdentar við HÍ
SAMTÖK um kvennaathvarf
hafa stefnt erfingjum Einars
Sigurðssonar, útgerðarmanns í
Vestmannaeyjum, til greiðslu
á 4,5 milljónum króna. Krafan
er studd þeim rökum að erf-
ingjarnir hafi auðgast með
óréttmætum hætti þegar þeir
gengu að forkaupsrétti sínum
að húsinu Bárugötu 2.
Í stefnunni kemur fram að
Kvennaathvarfið keypti húsið
af klausturreglunni í nóvem-
ber árið 2000. Kaupverðið var
39 milljónir sem hafi verið
nokkru fyrir neðan markaðs-
verð á þeim tíma og fram hafi
komið hjá systrunum að með
því að selja húsið undir mark-
aðsverði vildu þær styrkja
Kvennaathvarfið. Eftir að
kaupsamningi var þinglýst
kom í ljós að erfingjar Einars
töldu sig eiga forkaupsrétt að
húsinu.
Hæstiréttur staðfesti for-
kaupsrétt erfingjanna
Málið fór fyrir dóm og
lyktaði með því að Hæsti-
réttur staðfesti forkaupsrétt
erfingjanna. Vegna mála-
rekstursins fékk lögmaður
Kvennaathvarfsins, Jón
Steinar Gunnlaugsson hrl.,
dómkvadda matsmenn til að
leggja mat á markaðsvirði
hússins og töldu þeir það
vera 43,5 milljónir. Kvenna-
athvarfið krefst nú þess að
erfingjarnir greiði mismun-
inn á kaupverði og matsverði,
4,5 milljónir króna. Að öðrum
kosti sé um ólögmæta auðgun
erfingjanna að ræða enda til-
heyri gjöf St. Jósefssystra
þeim ekki.
Erfingjar
greiði mis-
mun á mats-
verði og
kaupverði
VEGAGERÐIN hefur auglýst út-
boð vegna byggingar nýrrar brúar
á Þjórsá, en byggingunni á að vera
að fullu lokið í septemberlok að ári
liðnu. Brúin er 170 metra löng, 11
metra breið, úr stáli og steinsteypu,
en fram kemur að hún sé byggð í
níu höfum og sé yfir farvegi árinn-
ar borin uppi af 78 metra löngum
boga úr stáli og steinsteypu.
Tilboðum á að skila fyrir 30.
september næstkomandi. Núver-
andi brú var byggð árið 1950 og er
því orðin meira en hálfrar aldar
gömul, en gerðar hafa verið end-
urbætur á henni með tilliti til jarð-
skjálfta. Hún mun standa áfram og
þjóna umferð hestamanna, að því
er fram kemur í framkvæmdafrétt-
um Vegagerðarinnar. Þar segir
ennfremur að það skaði heldur ekki
að hafa varaleið yfir Þjórsá á þess-
um mikilvæga stað í samgöngukerf-
inu.
Gamla brú-
in stendur
áfram
Brú yfir Þjórsá boðin út