Morgunblaðið - 05.09.2002, Blaðsíða 35

UMRÆÐAN
MORGUNBLAÐIÐ FIMMTUDAGUR 5. SEPTEMBER 2002 35
KENNSLA HEFST MÁNUDAGINN 9. SEPTEMBER.
Brautarholti 4
46. starfsár
Við kennum alla venjulega samkvæmisdansa fyrir fullorðna,
unglinga og börn yngst fjögurra ára.
Auk þess eru sérnámskeið í eftirtöldu:
Kántrýdansar
Innifalin er bók með lýsingu á 21 dansi.
Social Foxtrott
Danslegur björgunarhringur - allir karlmenn
ættu að læra þennan dans.Tangó
Við höfum lært argentínskan, finnskan, franskan og tangó frá Suður-Kóreu.
Við kennum tangóinn sem 90% af veröldinni dansar og þekkir.
Tjútt
Við kennum gamla góða íslenska tjúttið.
Suður-amerískir dansar
Í þessum hópi eru eingöngu kenndir suður-
amerískir dansar.
Gömlu dansarnir
Þarna lærið þið polka, skottís, marsúka og alla
gömlu góðu dansana.Línudans
Þarna fáið þið amerískt par sem kennir rúmbu, cha cha og fleiri
dansa sem og línudans. Gestakennarar Tim og Rachel.
Salsa
Við kennum tvær tegundir af salsa, salsa
frá Kúbu og salsa frá
Kólumbíu. Gestakennari
Carlos Mendes.
Konu„beat”
Flottar danshreyfingar og
líkamsrækt fyrir konur á öllum
aldri.
Freestyle
Ekta freestyle dansar, enginn jazzballett. Þú getur
mætt einu sinni eða tvisvar sinnum í viku.
Strákar: Sértími í freestyle fyrir ykkur, þar sem
eingöngu strákar kenna.
Brúðarvalsinn
Kenndur í einkatíma.
Innritun fer fram í símum 552 0345 og 551 3129
milli kl. 16 og 22 daglega til 8. september.
Mosfellsbær og Suðurnes - Innritun og
upplýsingar í sömu símum.
Erla
freestyle - salsa.
Emmi
freestyle.
Geymið auglýsinguna
SKÓLASTARF er
hafið og tugþúsundir
nemenda um land allt
setjast á skólabekk.
Stærsti skóli landsins
er Háskóli Íslands en
í honum nema og
starfa um 10.000
manns. Nemar við
Háskóla Íslands eiga
sér Stúdentaráð sem
sinnir hagsmunabar-
áttu stúdenta. Ég vil
fyrir hönd Stúdenta-
ráðs bjóða alla ný-
nema við HÍ vel-
komna til starfa og
segja þeim stuttlega
frá þeirri þjónustu
sem Stúdentaráð sinnir.
Skrifstofa
Stúdentaráð er með skrifstofu í
Stúdentaheimilinu við Hringbraut.
Hún er opin alla virka daga frá kl.
9–17. Þangað geta allir nemendur
leitað vanti þá upplýsingar eða að-
stoð varðandi háskólann og há-
skólasamfélagið. Á skrifstofunni
starfa auk mín, lánasjóðsfulltrúi
sem aðstoðar stúdenta varðandi
námslán hjá LÍN, alþjóðafulltrúi,
jafnréttisfulltrúi, og framkvæmda-
stjóri Stúdentaráðs. Þjónusta
Stúdentaráðs er viðamikil og
stendur skrifstofan öllum stúdent-
um opin. Réttindabaráttan snertir
mörg svið og þannig má nefna að
innan Stúdentaráðs starfa sex
nefndir. Þær eru menntamála-
nefnd, hagsmunanefnd, lánasjóð-
snefnd, atvinnulífsnefnd, jafnrétt-
isnefnd og alþjóðanefnd.
Nýr meirihluti
Vaka, félag lýðræðissinnaðra
stúdenta, fer með meirihluta í
Stúdentaráði en Vaka tók við hinn
15. mars síðastliðinn. Sakir þess að
nýr meirihluti hefur tekið til starfa
munu stúdentar með áþreifanleg-
um hætti finna fyrir nýjum vinnu-
brögðum og ferskum vindum í
hagsmunabaráttu stúdenta. Kjör
námsmanna á náms-
lánum hafa batnað til
mikilla muna en
óvenjugóðir samning-
ar náðust við Lána-
sjóðinn í ár. Skólaárið
hefst af krafti og
verður stúdentum
boðið upp á fjöl-
breytta dagskrá til að
ná upp góðri stemn-
ingu fyrir komandi
vetur. Skóli snýst um
meira en bækur og
mun Stúdentaráð í
samvinnu við nem-
endafélög innan skól-
ans kappkosta að lífið
í Háskólanum sé
skemmtilegt.
Spennandi dagskrá
Dagana 9.–13. september verður
haldin sérstök nýnemavika með
það að leiðarljósi að bjóða nýja
stúdenta velkomna og kynna fyrir
þeim Háskólann. Dagskrá vikunn-
ar er fjölbreytileg og þannig má
nefna að haldin verður spurninga-
keppni milli deilda innan HÍ sem
kallast Kollgátan.
Stúdentaráð heldur tölvu-
námskeið og spænskt kvöld verður
haldið í samvinnu við Kólumbus
heppna, félag spænskunema. Þá
verður bjórkvöld í Stúdentakjall-
aranum en staðurinn hefur fengið
andlitslyftingu og getur nú betur
þjónað hlutverki sínu. Fótbolta-
mótið HM 2002 verður á sínum
stað fyrir þá sem áhuga hafa á fót-
bolta og sérstök fjölskylduhátíð
verður haldin á Stúdentagörðun-
um. Nýr meirihluti í Stúdentaráði
leggur mikla áherslu á að bæta
hag foreldra sem eru í námi, en í
ljós hefur komið að fjórðungur há-
skólanema á börn og því þarf að
sinna þeim hópi stúdenta betur en
gert hefur verið.
Nýnemavikunni lýkur svo á
glæsilegum Stúdentadegi föstu-
daginn 13. september. Þá verður
keppt til úrslita í Kollgátunni,
pylsupartí verður í tjaldi fyrir
framan aðalbyggingu þar sem
Reykjavik Beat Generation mun
spila fyrir stúdenta. Sama dag
verða einnig úrslit í HM 2002 og
þá verður keppt um það hver
sterkasti stúdentinn er. Kvöldinu
lýkur svo með allsherjarháskóla-
partíi á Astró. Allar upplýsingar
um Nýnemaviku og Stúdentadag
er hægt að nálgast á www. stud-
ent.is.
Stúdentablaðið
Stúdentaráð heldur úti fréttavef
fyrir stúdenta en slóð vefjarins er
www.student.is. Á vefnum geta
stúdentar treyst því að hægt sé að
fá fréttir af hagsmunabaráttu
stúdenta sem og almennar upplýs-
ingar um starfsemi Stúdentaráðs.
Stúdentaráð gefur auk þess út
Stúdentablaðið mánaðarlega. Nýr
meirihluti í Stúdentaráði setur
markið hátt og nú mega stúdentar
eiga von á því að fá Stúdentablaðið
með Morgunblaðinu. Blaðinu verð-
ur að auki dreift í allar byggingar
Háskólans. Dreifingin verður því
mun betri en áður og er það liður í
því að gera veg Stúdentablaðsins
sem mestan.
Það er von mín að Nýnemavika
og Stúdentadagur verði til að ná
upp stemningu í háskólasamfé-
laginu og að framundan sé góður
vetur í Háskóla Íslands.
Stúdentar boðnir
velkomnir til starfa
Brynjólfur
Stefánsson
Stúdentaráð
Stúdentar munu með
áþreifanlegum hætti,
segir Brynjólfur Stef-
ánsson, finna fyrir nýj-
um vinnubrögðum og
ferskum vindum.
Höfundur er formaður
Stúdentaráðs.
LANDSSAMBAND
kúabænda eru ekki
tilbúið til þess að gefa
Íslendingum þumlung
eftir þegar kemur að
því að ná fram sparnaði
á heimilum lands-
manna. Á aðalfundi fé-
lagsins í lok ágúst var
ályktað harðlega gegn
því að Íslendingar ættu
kost á því að fá land-
búnaðarvörur á kristi-
legu verði – einokun
skal áfram vera kjörorð
þessa hóps; kverkatak
eru vinnubrögð kúa-
bænda. Þessu hyggjast
bændurnir ná fram með
því að leggjast gegn aðild Íslendinga
að Evrópusambandinu. Eins og
Bjartur í Sumarhúsum meta þessir
menn sjálfstæði sitt svo mikils að þeir
átta sig ekki á því hversu mikinn óleik
þeir eru í raun að vinna sér og sínum.
Íslenskur landbúnaður er hvorki
samkeppnishæfur né í samkeppni.
Vegna tolla íslenskra stjórnvalda á
erlendar landbúnaðarvörur þurfa ís-
lenskir neytendur að greiða að með-
altali um 40 prósent meira fyrir land-
búnaðarvörur en nágrannar okkar
innan Evrópusambandsins. Þrátt
fyrir það að íslenskar landbúnaðar-
vörur séu mun dýrari en sömu vörur
innan ESB eru styrkir íslenskra
stjórnvalda til landbúnaðar um
32.000 krónur á hvern Íslending. Inn-
an ESB nema styrkir um 8.000 krón-
um á hvern íbúa.
Ávinningur fyrir bændur
Á sama tíma og aðild Íslands að
ESB myndi þýða verulegan ávinning
fyrir heimilin í landinu, gleyma kúa-
bændur því að hér er um verulegan
ávinning að ræða fyrir þá sömuleiðis.
Vissulega er ekki pláss fyrir alla
bændur á markaðnum sem til yrði
eftir inngöngu Íslands í ESB en eftir
stæðu þó þeir sem eitthvað kunna á
búskap og rekstur. Í skýrslu utanrík-
isráðuneytisins um inngöngu Íslands
í sambandið kemur fram að styrkir til
íslensks landbúnaðar gætu numið um
5 milljörðum króna á ári. Til viðbótar
við þá gætu komið tímabundnir og
viðvarandi styrkir íslenskra stjórn-
valda, líkt og gert var bæði í Finn-
landi og Svíþjóð. Þessa styrki væri
hægt að nota á meðan verið væri að
samkeppnishæfa landbúnaðinn í al-
þjóðlegu markaðsumhverfi. Þá er
ekki ólíklegt að Ísland fengi einhverj-
ar undanþágur frá landbúnaðar-
stefnu sambandsins kæmi til inn-
göngu, á sama hátt og Svíar og
Finnar fengu varanlega undanþágu
frá stefnunni á grundvelli þess að
stunda landbúnað á norðlægum slóð-
um.
Þá er það fjarstæðukennt að ætla
að með inngöngu í ESB sé Ísland að
kalla yfir sig áður óþekkta sjúkdóma í
íslenskum búfénaði. Sambandið tek-
ur klárlega afstöðu með löndum sem
eiga sérstöðu að gæta líkt og Ísland
og hægt væri að grípa til ýmissa
verndaraðgerða til þess að koma í
veg fyrir að hingað bærust sjúkdóm-
ar á borð við gin- og klaufaveiki. Ótti
Landssambands kúabænda er heim-
óttarlegur og gefur til kynna að menn
hafi ekki unnið heimavinnuna sína.
Innganga Íslands í ESB myndi
þýða að íslenskir bændur sæju sér
ekki annað fært en að hagræða í
rekstri sínum – þyrftu að búa sig und-
ir samkeppni. Það skiptir þó öllu
meira máli að á sama tíma myndu
þeim opnast fjölmörg sóknarfæri inn-
an þess markaðar sem
er stærsti innflytjandi
landbúnaðarvara og
matvæla í heiminum –
innri markaðar ESB
sem nú er varinn sókn-
um íslenskra bænda
með tollum. Engin
ástæða er til þess að
óttast að sótt yrði að ís-
lenskum landbúnaði úr
öllum áttum. Íslenski
markaðurinn er lítill og
hagkvæmnin í því að
flytja hingað vörur er
takmörkuð. Fjarlægð
Íslands frá öðrum lönd-
um ESB kæmi íslensk-
um bændum til góða og
ljóst að sú búbót sem aðild Íslands að
ESB yrði, muni því miður ekki skila
sér að fullu til íslenskra neytenda.
Þau rök að íslensk landbúnaðar-
framleiðsla sé betri en erlend er að
sjálfsögðu marklaus. Auk þess sem
dýralækna- og heilbrigðisyfirvöld
hér á landi og innan ESB gera
ákveðnar kröfur til landbúnaðarvara,
eru það neytendur sem eiga lokaút-
spilið. Þær vörur, sem uppfylla ekki
þær gæðakröfur sem til þeirra eru
gerðar, eru einfaldlega ekki keyptar.
Að reka bóndabæ er nákvæmlega
það sama og að reka fyrirtæki. Ef
fyrirtækið þitt er ekki arðbært ferðu
á hausinn. Þú sækir ekki um styrk til
þess að geta haldið áfram að reka það
með tapi þótt skiljanlegt sé að fólk fái
styrki svo hægt sé að búa það undir
samkeppni.
Ályktun Landssambands kúa-
bænda og afstaða íslenskra stjórn-
valda er ekki til þess fallin að bæta
hag heimilanna í landinu. Afstaða
þeirra er eins og saga mannsins, sem
sáði í akur óvinar síns – í þeirra tilviki
eigin skammsýni – allt sitt líf, dag og
nótt. Slík er saga sjálfstæðustu
mannanna í landinu.
Sjálfstæðustu
menn landsins
Ómar R.
Valdimarsson
Höfundur er fjölmiðlafræðingur og
ritstjóri vefrits Ungra
jafnaðarmanna, Pólitík.is.
Landbúnaður
Að reka bóndabæ, segir
Ómar R. Valdimarsson,
er nákvæmlega það
sama og að reka
fyrirtæki.