Morgunblaðið - 05.09.2002, Blaðsíða 25
LISTIR
MORGUNBLAÐIÐ FIMMTUDAGUR 5. SEPTEMBER 2002 25
TÓNLISTARSTARF í Langholts-
kirkju hefst mánudaginn 9. sept-
ember. Við kirkjuna starfa sjö kór-
ar og eru þátttakendur frá
fjögurra ára aldri. Undanfarin ár
hefur fjöldinn verið hátt á þriðja
hundrað.
Fyrstu tónleikar Kórs Langholts-
kirkju á vetrinum verða í nóvember
og verður þá m.a. frumflutt verk
sem Árni Egilsson samdi fyrir kór-
inn og heitir „Eilífi ljóssins faðir“.
50 ára afmæli
Næsta ár fagnar kórinn fimmtíu
ára afmæli sínu. Í tilefni þess verða
margir viðburðir allt árið. Kórinn
hefur fengið Hildigunni Rúnars-
dóttur til að semja Messu fyrir kór,
einsöngvara og hljómsveit sem
verður frumflutt í apríl nk. Einnig
er fyrirhugað að flytja óratoríuna
Messías á árinu með núverandi og
fyrrverandi kórfélögum, en kórinn
hefur flutt verkið yfir tuttugu sinn-
um. Stjórnandi kórsins er Jón Stef-
ánsson. Kórinn æfir mánudags- og
miðvikudagskvöld kl. 20–22 og nýt-
ur raddþjálfunar Ólafar Kolbrúnar
Harðardóttur. Hægt er að bæta við
söngvurum í allar raddir.
Kammerkór Langholtskirkju er
skipaður fimmtán söngvurum en
kórinn hreppti fyrstu verðlaun í
flokki kammerkóra í alþjóðlegri
kórakeppni í Danmörku sl. sumar.
Kórinn mun taka upp geisladisk á
haustdögum sem kemur út í vetur.
Stjórnandi kórsins er Jón Stef-
ánsson. Hann stjórnar einnig Grad-
uale Nobili sem er kór stúlkna sem
hafa sungið með Gradualekórnum.
Kórinn hefur hlotið margar við-
urkenningar.
Gradualekór Langholtskirkju
æfir þriðjudaga og fimmtudaga kl.
17–19, ætlaður fyrir aldurshópinn
11–17 ára. Kórinn hefur þegið boð
á Alþjóðlegu kórahátíðina Symp-
aatti sem fram fer í Finnlandi
næsta sumar. Stjórnandi kórsins er
Jón Stefánsson.
Kóraskóli
Graduale futuri er kór sem stofn-
aður var sl. haust og er yngri deild
barnakórs. Hann æfir á þriðjudög-
um og fimmtudögum frá 17–19 og
er hugsaður fyrir aldurshóp 10–12
ára. Nokkur pláss eru laus í kórn-
um. Stjórnandi er Harpa Harð-
ardóttir.
Kórskóli Langholtskirkju starfar
á þriðjudögum og fimmtudögum
frá 17–18.20. Kennarar eru Bryn-
dís Baldvinsdóttir, Helga Björg
Svansdóttir og Ólöf Kolbrún Harð-
ardóttir. Nokkur pláss eru laus í
kórskólanum.
Krúttakórinn æfir á mið-
vikudögum, yngri deild (fjögurra
og fimm ára) kl. 17–17.40 og eldri
deild (sex til sjö ára) frá 17.30–
18.10. Kennarar eru Bryndís Bald-
vinsdóttir og Harpa Harðardóttir.
Ný Messa frum-
flutt á afmælisári
Morgunblaðið/Jim Smart
Frá æfingu Kórs Langholtskirkju.
NORRÆN söngtónlist er
meðal þess merkasta í tónsköp-
un norrænna tónskálda og að
miklu leyti nær eina tónlistin,
sem liggur eftir aldamótatón-
skáldin. Þarna hefur Sibelius
sérstöðu umfram marga en
hann átti samt margt í sjóði er
laut að gerð sönglaga og eftir
hann söng Gerður fjögur snilld-
arverk á tónleikum sínum í Nor-
ræna húsinu sl. sunnudagskvöld.
Tónleikarnir hófust á lögum
eftir Grieg, við texta eftir H.C.
Andersen, Henrik Ibsen, Björn-
sterne Björnson og fleiri, allt
vinsæl og lög. Perlur, eins og
Jeg elsker dig, En Svane, Med
en vandlilje og Með en primula-
veris, svo nokkur séu nefnd,
sem mörg hver voru þokkalega
flutt.
Eftir Sibelius söng Gerður
meistaraverkin Flickan kom,
Den förste kyssen, Svarta Ros-
or og Såf, säf, susa og var ým-
islegt vel gert bæði hjá söng-
konunni og píanóleikaranum
Júlíönu Rún. Gerður hefur fal-
lega og hljómmikla rödd en
margt er óunnið til að jafna tón-
sviðið og hljómgun raddarinnar.
Júlíana Rún Indriðadóttir lék
oft fallega en hélt sig um of til
hlés en í söngvum Griegs og
Sibelíusar býr mikið af drif-
krafti söngvanna í „píanórödd-
inni“. Leikur Júlíönu var skýr,
ekki hnökralaus en oft fallega
„fraseraður“, sem naut sín sér-
lega í vel útfærðri og sparlegri
pedalnotkun.
Síðari hluti tónleikanna var
helgaður Páli Ísólfssyni, með
lögum sömdum við ljóð eftir
Davíð Stefánsson og Jónas Hall-
grímsson, allt snilldarvel gerð
söngverk. Gerður söng lög Páls
með sérlega góðum framburði,
sem og lögin eftir Grieg og
Sibelius en það vantaði að
nokkru tónflæðið í sönginn, svo
að í heild var hljómurinn daufur.
Eins og fyrr segir hefur Gerður
fallega og hljómmikla rödd, er
efnileg söngkona en á margt eft-
ir óunnið varðandi röddina, sér-
staklega á há- og lágsviðinu.
Norræn sönglög
TÓNLIST
Norræna húsið
Gerður Bolladóttir og Júlíana
Rún Indriðadóttir fluttu sönglög
Eftir Grieg, Sibelius og Pál Ísólfsson.
Sunnudagurinn 1. september 2002.
EINSÖNGSTÓNLEIKAR
Jón Ásgeirsson
SÍÐUSTU sýningar sumars-
ins á The Saga of Gudridur,
eftir Brynju Benediktsdóttur,
verða í Skemmtihúsinu við
Laufásveg 22 annað kvöld,
föstudags- og sunnudags-
kvöld, kl. 20.30.
Þar sem verkið er flutt á
ensku, hefur meiri hluti
áhorfenda verið ferðamenn í
heimsókn á Íslandi, en einnig
hefur töluvert af Íslendingum
sótt sýninguna, auk nýbúa og
erlendra stúdenta sem hér
eru við nám.
Auk sýninga helgarinnar
verður verkið sýnt á ráðstefn-
unni Saga og samfélag í
Borgarnesi laugardagskvöldið
7. september.
Að loknum þessum sýning-
um verður reglulegu sýning-
arhaldi hætt fram til næsta
vors, utan sýningar sem pant-
aðar eru vegna ráðstefnu- og
fundahalda.
Sumarsýn-
ing af fjöl-
unum í
Skemmti-
húsinu
Þórunn Clausen í hlutverki
Guðríðar Þorbjarnardóttur.
Fimmtudagur – Tónleikar kl. 19.30 í
Háskólabíói. Sinfóníuhljómsveit Ís-
lands leikur lög eftir tónskáldin
Kristian Rusila (FI), Kyrre Sasseho
Haaland (NO), Benjamin Staern
(SE), Lauri Kilipo (FI), Clarence Al-
bertsson Barlow og Stefán Arason
(IS). Einleikari á píanó er Deborah
Richards. Stjórnandi er Hermann
Baümer. Í dag kl. 13 heldur Clarence
Barlow fyrirlestur í Listaháskóla Ís-
lands.
Tónlistarhátíð UNM
Moggabúðin
Derhúfa, aðeins 800 kr.
UM þessar mundir er verið leggja
lokahönd á ævisögu Jóns Baldvins
Hannibalssonar, Tilhugalíf, sem út
mun koma hjá Vöku-Helgafelli um
miðjan nóvember. Höfundur bók-
arinnar, Kolbrún Bergþórsdóttir
bókmenntagagn-
rýnandi, hefur
unnið að verkinu
í Washington
ásamt Jóni Bald-
vini og er þar nú
að ganga frá
lokagerð þess.
Kolbrún byggir
á samtölum sín-
um við hann og
samferðamenn
hans, minnis-
punktum og
einkabréfum. Í ævisögu sinni
greinir Jón Baldvin ýtarlegar frá
einkalífi sínu en áður, m.a. sam-
skiptum sínum við föður sinn,
Hannibal Valdimarsson, uppvexti
á Vestfjörðum og í Reykjavík, eig-
inkonu sinni Bryndísi Schram,
námi heima og erlendis, skóla-
meistaraárum á Ísafirði, ritstjóra-
ferli sínum á Alþýðublaðinu og
uppgjörinu við Vilmund Gylfason í
kjölfar deilna sem áttu sér stað í
kringum blaðið. Þá birtir hann í
bókinni umbúðalaust skoðanir sín-
ar á mönnum og málefnum.
Ævisaga
Jóns Bald-
vins vænt-
anleg
Jón Baldvin
Hannibalsson