Morgunblaðið - 05.09.2002, Blaðsíða 14

AKUREYRI
14 FIMMTUDAGUR 5. SEPTEMBER 2002 MORGUNBLAÐIÐ
OKTAVÍA Jóhannesdóttir bæjar-
fulltrúi Samfylkingarinnar á Akur-
eyri ætlar að kanna hvort úrskurð-
arnefnd félagsmálaráðuneytisins vilji
athuga hvort ráðning í stöðu deild-
arstjóra íþrótta- og tómstundadeild-
ar Akureyrar standist samþykktir
bæjarins. Nokkur umræða var um
ráðningu í stöðuna á fundi bæjar-
stjórnar og lögðu fulltrúar minni-
hlutaflokkanna fram bókanir vegna
málsins.
Meirihluti bæjarstjórar felldi til-
lögu Oktavíu um að ákvörðun íþrótta-
og tómstundaráðs um ráðningu deild-
arstjórans yrði vísað til ráðsins að
nýju með ósk um endurupptöku.
Í bókun Oktavíu segir að það sé
gert á þeim forsendum að ráðningin
brjóti í bága við ákveðnar greinar í
Jafnréttisáætlun Akureyrarbæjar og
Starfsmannastefnu bæjarstjórnar
Akureyrar. „Að auki koma fram í
skriflegum gögnum sem notuð voru
við ákvarðanatöku í málinu villur eða
misskilningur sem mögulega hafa
haft áhrif á ákvarðanatöku og rök-
stuðningi er stórlega ábótavant,“ seg-
ir Oktavía í bókun sinni.
Alls sóttu 34 um starf deildarstjóra
íþrótta- og tómstundadeildar og að
mati Mannafls sem fór yfir umsóknir
voru 4 úr þeim hópi taldir hæfastir til
að gegna stöðunni. Fulltrúar meiri-
hlutans í íþrótta- og tómstundaráði
lögðu til að Kristinn H. Svanbergsson
yrði ráðinn í stöðuna en minnihlutinn
lagði til að Soffía Gísladóttir yrði ráð-
in. Kristinn var ráðinn í stöðuna.
Með því að vísa málinu til úrskurð-
arnefndar vill Oktavía fá úr því skorið
hvort samþykktir Akureyrarbæjar
hafi eitthvert gildi „eða hvort þær séu
bara falleg orð sem bæjarfulltrúar
skreyti sig með á hátíðarstundu,“
eins og hún orðaði það í umræðum á
fundi bæjarstjórnar.
Rangar upplýsingar
alvarlegasta málið
Oktavía sagði í samtali við Morg-
unblaðið að alvarlegast væri þó að
rangar upplýsingar hefðu fylgt gögn-
um varðandi menntun þess er stöð-
una hlaut og væri þar um að ræða
„handvömm af verstu sort“ af hálfu
þeirra sem fóru yfir umsóknir.
„Í ljósi þess teldi ég ekki óeðlilegt
að einhver umsækjenda léti á það
reyna með kæru hvort þessi mála-
tilbúnaður stenst,“ sagði Oktavía.
Bæjarfulltrúar L-listans segja í
sinni bókun að Soffía Gísladóttir sé
hæfust umsækjenda og vitna m.a. í
jafnréttisáætlun bæjarins þar sem
segir að unnið skuli að því að jafna
hlut kynjanna þegar ráðið sé í stjórn-
unarstöður.
Valgerður H. Bjarnadóttir, fulltrúi
Vinstri grænna segir í sinni bókun að
nú séu í hópi deildar- og verkefnis-
stjóra bæjarins 5 konur og 15 karlar.
Nefndir bæjar hafi tvisvar á síðustu
vikum látið renna sér úr greipum
tækifæri til að ráða hæfar konur í hóp
deildarstjóra Akureyrarbæjar. „Ef
hér hafa orðið mistök þarf að endur-
skoða ákvörðunina,“ segir Valgerður
sem studdi tillögu Oktavíu um að vísa
málinu til íþrótta- og tómstundaráðs
að nýju.
Kristján Þór Júlíusson bæjarstjóri
sagði á fundi bæjarstjórnar að hann
hefði fulla trú á því fólki sem sæti í
nefndum og ráðum bæjarins og hefði
með mannaráðningar að gera. Þá
treysti hann einnig því fagfólki sem
hefði sérhæft sig í starfsmannamál-
um og hefði enga ástæðu til að efast
um getu þess.
Jakob Björnsson, formaður bæjar-
ráðs, kvaðst undrandi á umræðunum,
þó ýmsu væri vanur. Hann taldi
minnihlutann ekki tala af mikilli speki,
mest fara með rugl og þvaður, sund-
urlausar tilvitnanir og sjónarspilið
væri lágkúruleg sýndarmennska.
Bæjarfulltrúi Samfylkingar um ráðningu
deildarstjóra íþrótta- og tómstundadeildar
Úrskurðarnefnd
kanni hvort ráðningin
standist samþykktir
Morgunblaðið/Þórhallur Jónsson
Eiríkur Björn Björgvinsson, fráfarandi deildarstjóri íþrótta- og tóm-
stundadeildar Akureyrar, var kvaddur með formlegum hætti af sam-
starfsmönnum sínum fyrir helgina. Settur var upp knattspyrnuleikur á
Akureyrarvellinum milli Eiríks og samstarfsmanna gegn forystumönnum
innan íþróttahreyfingarinnar í bænum og er skemmst frá því að segja að
Eiríkur og félagar unnu öruggan sigur, 6:1. Á myndinni er Eiríkur um
það bil að senda boltann í mark andstæðinganna en það var hins vegar
hinn landsþekkti knattspyrnudómari Páll Magnússon sem blés í flautuna.
HALLDÓR Jónsson, forstjóri
Fjórðungssjúkrahússins á Akur-
eyri, segir alveg skýrt að ekki verði
gengið frá stofnanasamningum við
starfsfólk fyrr en tekist hafi að
tryggja fjármagn til að mæta þeim
kostnaðarauka sem þeir hafi í för
með sér.
Þar sem ekki hefur verið gengið
frá stofnanasamningum á FSA búa
starfsmenn við lakari kjör en bjóð-
ast á Landspítala – háskólasjúkra-
húsi.
Gert er ráð fyrir að stofnana-
samningur við starfsfólk FSA kosti
um 60 milljónir króna á ári.
„Ástæða þess að við höfum ekki
gengið frá stofnanasamningum er
einfaldlega sú að ekki eru til pen-
ingar fyrir þeim,“ sagði Halldór.
Kjarasamningar starfsfólks eru
með þeim hætti að þeir skiptast í
tvo hluta. Miðlægir samningar gilda
fyrir hvern starfshóp og þá er stofn-
unum gert að ganga frá sérstökum
samningum við sitt starfsfólk og sjá
um útfærslu þeirra.
„Í fjárveitingum til sjúkrahússins
er ekki gert ráð fyrir að þessir
samningar kosti peninga. Við tókum
þá afstöðu að ekki væri hægt að
ganga til samninga við starfsfólk
um bætt launakjör þegar peningar
eru ekki til fyrir þeim,“ sagði Hall-
dór.
Fjórðungssjúkrahúsið á Akureyri
er ein af fáum ef ekki eina í landinu
sem ekki hefur gengið frá stofnana-
samningum. Fjárveitingar væru ef
til vill til staðar á einhverjum stofn-
unum eða svigrúm til að gera slíka
samninga, en eins væru ljóst að
margar stofnanir hefðu ekki yfir
fjármagni að ráða vegna samning-
anna og skýrði það sjálfsagt að ein-
hverju leyti hallarekstur þeirra.
„Það er ljóst að margar stofnanir
hafa ekki átt fyrir þessum samn-
ingum þó að gengið hafi verið frá
þeim,“ sagði Halldór. Halldór sagði
eðlilegt að starfsfólk á FSA og
Landspítala byggju við sambærileg
launakjör.
Engan veginn viðunandi
„Það er engan veginn viðunandi
að kjörin séu ekki sambærileg á
þessum tveimur sjúkrahúsum. Ég
sem stjórnandi hér sætti mig engan
veginn við að geta ekki greitt mínu
fólki sömu laun og bjóðast syðra,
þetta á ekki að vera svona,“ sagði
Halldór. „Við vitum af óróa meðal
starfsfólks sem auðvitað er ekki sátt
við að ekki náist að gera þennan
samning hér eins og annars staðar.“
Fulltrúum í ráðuneytum fjár-
mála- og heilbrigðismála sem og
Jóni Kristjánssyni heilbrigðisráð-
herra hefur verið gerð grein fyrir
stöðu mála og leitað hefur verið eft-
ir leiðréttingu. Halldór vonaði að
málið fengi farsælar lyktir innan
tíðar.
Lakari kjör á FSA þar sem
stofnanasamningar eru ófrágengnir
Engir pening-
ar til fyrir
samningnum
HÁSKÓLINN á Akureyri er 15
ára gamall í dag, en hann hóf
starfsemi sína 5. september 1987
með kennslu í hjúkrunarfræði og
iðnrekstrarfræði. Fyrsta skóla-
árið stunduðu 30 nemendur nám,
en nú eru starfræktar fimm
kennsludeildir; auðlindadeild,
heilbrigðisdeild, kennaradeild,
rekstrar- og viðskiptadeild og
upplýsingatæknideild.
Frá upphafi hafa 967 kandídat-
ar brautskráðst frá Háskólanum
og á þessu skólaári munu um
1.060 nemendur stunda þar nám.
Framhaldsnám, fjarnám og al-
þjóðasamstarf eru vaxandi þættir
í starfsemi háskólans og verið er
að undirbúa nýtt nám í félags-
vísindum og lögfræði. Gert er ráð
fyrir að kennsla í þessum grein-
um hefjist haustið 2003.
Auk þess sem fjölbreyttar
rannsóknir eru stundaðar í öllum
deildum Háskólans er hann í
góðu samstarfi við fjórar sjálf-
stæðar rannsóknastofnanir. Einn-
ig er náið samstarf um rann-
sóknir og kennslu við aðra
háskóla og rannsóknastofnanir,
einkum rannsóknastofnanir at-
vinnuveganna.
Háskólinn á Akureyri 15 ára
Mikil framþróun
á stuttum tíma