Morgunblaðið - 11.09.2002, Page 8

FRÉTTIR
8 MIÐVIKUDAGUR 11. SEPTEMBER 2002 MORGUNBLAÐIÐ
KORNSLÁTTUR er að hefjast á bænum Skammadal í
Mýrdal og voru bræðurnir Guðgeir og Árni Sigurð-
arsynir að láta slá kornakurinn sinn þegar fréttaritara
bar að garði.
Að sögn Guðgeirs er kornið, sem er tveggja raða
bygg, vel þroskað en brotnaði þó aðeins í hvassviðrinu í
síðustu viku. Guðgeir segist súrsa kornið í tunnur og
síðan valsa það til að gefa kúnum. Uppskeran er mikil
og kornið vel þroskað í ár og er þetta því mjög góð bú-
bót og sparar fóðurbætiskaup.
Guðgeir reiknar með að þeir bændur sem eru með
korn fari að slá það á næstu dögum ef veður leyfir.
Morgunblaðið/Jónas Erlendsson
Góð kornuppskera í Mýrdal
Fagradal. Morgunblaðið.
Alþjóðleg ráðstefna um Evrópumálin
Hvaða þýðingu
hefur fullveldi?
ALÞJÓÐLEG ráð-stefna undir yfir-skriftinni „Merk-
ing fullveldis á 21. öldinni –
viðhorf frá Íslandi“ hefst á
morgun, fimmtudaginn 12.
september, og stendur í
tvo daga. Rannsóknastofn-
unin í Evrópurétti eða
„Akademia of European
Law“ í Trier stendur fyrir
ráðstefnunni, sem haldin
verður á Radisson SAS
Hótel Sögu í samvinnu við
Samtök iðnaðarins, Al-
þýðusamband Íslands og
Evrópuréttarstofnun Há-
skólans í Reykjavík.
Rætt var við Jón Stein-
dór Valdimarsson, aðstoð-
arframkvæmdastjóra
Samtaka iðnaðarins, um
ráðstefnuna og það sem
þar verður efst á baugi.
„Rannsóknastofnun í Evrópu-
rétti í Trier hafði samband við
okkur í vor og falaðist eftir aðstoð
okkar við að koma á fót ráðstefnu
á Íslandi um fullveldi og Evrópu-
mál. Umræðan sem hér fór hátt í
vor um mögulega aðild Íslands að
ESB komst í erlenda fjölmiðla og
hafði vakið athygli þeirra.“
Erindinu var vel tekið hjá Sam-
tökum iðnaðarins, að sögn Jóns
Steindórs enda hafa Samtök iðn-
aðarins fjallað mikið um þessi mál
og hafa mótaða stefnu um að Ís-
lendingar eigi að sækja um aðild
að ESB. „Við lítum svo á að það sé
bráðnauðsynlegt að ýta undir yf-
irvegaða og faglega umræðu um
þessi mál. Okkur Íslendingum
hættir stundum til, eins og mörg-
um öðrum þegar hitamál ber á
góma, að fara að kallast á og
hætta að talast við. Okkur fannst
því gullið tækifæri að fá óháðan
aðila sem myndi fá hingað góða
fyrirlesara með sérfræðiþekkingu
á mörgum sviðum ESB.“
Hvaða mál verða tekin fyrir á
ráðstefnunni?
„Merking fullveldis á 21. öldinni
er krufin og einnig eru tekin fyrir
önnur mál sem hafa verið í brenni-
depli hér á landi. Starfsmaður úr
ráðuneyti Franz Fischlers, fiski-
málastjóra ESB, talar um sjávar-
útvegsmálin. Þá verður talað um
vinnumarkaðsmál, en því hefur
verið haldið fram að vinnumark-
aðurinn hér sé mun sveigjanlegri
en almennt gerist í Evrópu og það
muni þróast til verri vegar með
inngöngu í ESB. Einnig verður
rætt um evruna. Um þessi þrjú
málefni, sem öll verða á dagskrá
fyrri daginn, verða myndaðir um-
ræðuhópar, sem stýrt verður af
Íslendingum, þar sem málin verða
rædd ofan í kjölinn.“
Hvað fleira verður til umræðu á
ráðstefnunni?
„Það verður líka rætt um mál
sem lúta að réttarkerfinu og inn-
anríkismálum, s.s. lögreglusam-
starfið, Schengen og mannrétt-
indi. Einnig verður rætt um
fjármálin, enda eru menn ekki á
eitt sáttir um hvað aðild kostar.
Þá mun Einar Tamimi
ræða almennt um full-
veldi, en hann er for-
stöðumaður nýrrar
Evrópuréttarstofnun-
ar við Háskólann í
Reykjavík.“
Hvaða spurningum verður velt
upp í því sambandi?
„Við erum auðvitað meðlimir í
samfélagi þjóðanna, sem er að
taka miklum breytingum. Við höf-
um tekið á okkur vissar skuld-
bindingar með aðild að margvís-
legu alþjóðlegu samstarfi og má
þar nefna Sameinuðu þjóðirnar,
Norðurlandasamstarfið, Atlants-
hafsbandalagið, GATT, EFTA,
EES-samninginn. Því þurfum við
að velta fyrir okkur hvort við höf-
um afsalað hluta af okkar fullveldi
með þátttöku í alþjóðlegu sam-
starfi. Er það okkur til tjóns? Er
eitthvað til sem heitir fullveldi, í
þeim skilningi sem menn lögðu í
það á fyrri hluta síðari aldar, eða
hefur það breyst? Því hefur verið
haldið fram að í EES-samningn-
um felist mikið fullveldisafsal, því
þar erum við að taka við reglum
og lögum, sem við mótum ekki
sjálf. Með því að ganga í ESB
værum við að endurheimta full-
veldi að vissu leyti, því við sætum
þá við borðið þar sem reglurnar
eru smíðaðar. Við viljum skoða
Evrópumálin frá sjónarhóli Ís-
lands, með áherslu á fullveldi og
sjálfstæði. Hvað gerist í sjávarút-
vegsmálum og hvaða áhrif hefur
það á efnahaginn ef við færum
þessa leið? Erum við sjálfstæðari
fyrir innan eða utan ESB?
Í lokin verða svo hringborðs-
umræður um framtíð ESB.
„Þá verður rætt um stjórnar-
skrárþingið, sem stendur yfir um
þessar mundir, þar sem ákvarð-
anir verða teknar um
framtíðarskipulag ESB
og skiptingu valds milli
aðildarríkja og stofn-
ana bandalagsins. ESB
er að stækka og því
þarf að endurskoða þá
sáttmála sem liggja til grundvall-
ar. Upphaflega voru þetta aðeins
sex þjóðir en ef stækkunin gengur
eftir verða þær 20 til 25 talsins.
Það getur falið í sér uppstokkun á
dreifingu valdsins, endurnýjun
stofnananna, endurskoðun á
grunnreglunni um dreifræði og
síðast en ekki síst nýtt hlutverk
þjóðþinganna.“
Jón Steindór Valdimarsson
 Jón Steindór Valdimarsson,
aðstoðarframkvæmdastjóri Sam-
taka iðnaðarins, fæddist 27. júní
1958 á Akureyri. Lauk stúdents-
prófi frá MA 1978 og embættis-
prófi í lögfræði árið 1985. Jón
Steindór starfaði um skeið hjá
Vinnumálanefnd ríkisins, síðar
hjá Vinnumálasambandinu en
réðst svo til Félags íslenskra iðn-
rekenda árið 1988 sem ásamt sex
öðrum félögum í iðnaði runnu
saman í Samtök iðnaðarins árið
1994. Jón Steindór hefur einkum
haft á sinni könnu alþjóðamál og
alþjóðaviðskiptasamninga, s.s.
WTO, EFTA, EES og stöðu Ís-
lands gagnvart Evrópusamband-
inu með hliðsjón af hagsmunum
iðnaðarins. Kona hans er Gerður
Bjarnadóttir íslenskukennari við
Menntaskólann í Kópavogi. Dæt-
ur þeirra eru Gunnur, Halla og
Hildur.
Yfirveguð
umræða um
Evrópumál
nauðsynleg
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
U
S
18
73
8
0
9/
20
02
Vetrarfatnaður
forðumst kvefið
fyrir börn og fullorðna
Margir litir 690 kr.
Flískragar
Margir litir 890 kr.
Flísvettlingar
STJÓRN Sorpu hefur í umsögn
sinni um frumvarp umhverfis-
ráðherra um meðhöndlun úr-
gangs, sem lagt var fram á Al-
þingi á síðasta löggjafarþingi,
bent á að frumvarpið, verði það
samþykkt, geti haft í för með sér
mikla aukningu útgjalda fyrir
sveitarfélögin. Frumvarpið er
samið með hliðsjón af tilskipun
ráðsins 1999/31/EB um urðun
úrgangs frá 26. apríl 1999.
Ögmundur Einarsson, fram-
kvæmdastjóri Sorpu, segir að í
frumvarpinu sé gert ráð fyrir að
dregið verði úr urðun á lífræn-
um úrgangi. Hann segir að verði
þeim markmiðum fylgt, þ.e.
dregið úr urðun lífræns úr-
gangs, þýði það að leita þurfi
dýrari leiða við að urða úrgang-
inn. „Við viljum því vekja at-
hygli þingheims á því að ef á að
fylgja þessum markmiðum út í
ystu æsar þýðir það aukinn
kostnað fyrir samfélagið,“ segir
hann. Hann kveðst ekki geta
sagt nákvæmlega til um hvað
þetta muni leiða til mikils kostn-
aðarauka, en giskar á að það
muni tvöfalda kostnaðinn við
förgun úrgangs frá því sem nú
er.
Frumvarp um
meðhöndlun úrgangs
Hefur mik-
inn kostnað
í för með sér
KFUM og KFUK eru nú að athuga
með sölu eða leigu á Hressingar-
skálanum, eða Hressó, í Austur-
stræti en þar er nú McDonald’s-
veitingastaður til húsa.
Kjartan Örn Kjartansson, eigandi
Lystar ehf., segir að félagið hafi
ákveðið að segja upp leigusamningi
en ekki sé ljóst hvenær McDo-
nald’s-veitingastaðnum í Austur-
stræti verði lokað en það verði þó
ekki síðar en í janúar en þá sé sex
mánaða uppsagnarfrestur, sem fé-
lagið hafi, á enda. „Ég er ekki tilbú-
inn með yfirlýsingar um það hvort
við opnum annars staðar til viðbótar
við staðina í Kringlunni og við Suð-
urlandsbraut. Við höfum alltaf aug-
un opin fyrir slíku en það er ekki
neitt fast í hendi sem stendur.“
Kjartan segir aðsókn að McDon-
ald’s í Austurstræti hafa verið góða
yfir sumarmánuðina. „En sumrin
eru stutt á Íslandi og þau duga ekki
til þess að standa undir rekstrinum
allt árið. Það er einnig ljóst hver
þróunin hefur verið, við höfum hald-
ið tölur yfir það og það er bara á
einn veg, það fækkar og fækkar.“
Kjartan segir að bílastæði í mið-
bænum séu fá og dýr og Íslend-
ingar séu heldur ekki hrifnir af því
að ganga langt. Í verslunarmið-
stöðvunum séu á hinn bóginn næg
bílastæði og þau ókeypis. „Það er
einfaldlega staðreynd að fólki fækk-
ar í miðbænum og við urðum að
bregðast við því. Við teljum þetta
vera rétta ákvörðun fyrir hag fyr-
irtækisins. En því miður er þetta
staðan svona með miðbæinn þótt
mér þyki það vissulega synd.“
McDonald’s lokað í miðbænum