Morgunblaðið - 26.09.2002, Qupperneq 8

FRÉTTIR
8 FIMMTUDAGUR 26. SEPTEMBER 2002 MORGUNBLAÐIÐ
Evrópski tungumáladagurinn
Málþing um
málakennslu
EVRÓPSKI tungu-máladagurinn erhaldinn hátíðlegur
í dag, öðru sinni. Á síðasta
ári var Evrópskt tungu-
málaár og ákvað Evrópu-
ráðið að hér eftir skyldi 26.
september ár hvert vera
sérstaklega helgaður evr-
ópskum tungumálum.
Í tilefni dagsins efnir
menntamálaráðuneytið til
málþings á Grand hóteli,
en Stofnun Vigdísar Finn-
bogadóttur í erlendum
tungumálum var falið að
annast undirbúning og
framkvæmd þingsins.
Stofnunin, sem áður hét
Stofnun í erlendum tungu-
málum við Háskóla Ís-
lands, fékk nýtt heiti í
október í fyrra, þegar Há-
skólinn ákvað að heiðra forsetann
fyrrverandi fyrir störf hennar í
þágu tungumála.
– Hvert er efni málþingsins?
„Málþingið ber yfirskriftina
Straumar og stefnur í kennslu er-
lendra tungumála á Íslandi,“ segir
Guðný Guðlaugsdóttir. „Dagskrá-
in hefst kl. 14 með ávarpi mennta-
málaráðherra, sem var sjálfur
tungumálakennari um árabil, en
að því loknu verða nokkur málefni
tekin fyrir. Hjálmar Sveinsson
ætlar að kynna niðurstöður könn-
unar, sem menntamálaráðuneytið
lét vinna á síðasta ári um viðhorf
til tungumálakennslu. Þá verður
fjallað um viðhorf stjórnenda fyr-
irtækja til tungumála og tungu-
málakunnáttu. Þar verða þrír fyr-
irlesarar, Frosti Bergsson, for-
stjóri Opinna kerfa, Anna Gunn-
hildur Sverrisdóttir, rekstrar-
stjóri Bláa lónsins, og Erlendur
Hjaltason, framkvæmdastjóri ut-
anlandssviðs Eimskips.
Þriðji þáttur málþingsins ber
yfirskriftina Ungt fólk með tungu-
málakunnáttu í farteskinu. Fyrir-
lesarar eru Sigríður Ásthildur
Andersen, lögfræðingur hjá
Verslunarráði Íslands, Björgvin
Þór Björgvinsson, meistaranemi í
sjávarútvegsfræðum og Katrín
Þórðardóttir, starfsmaður sendi-
ráðs Kanada hér á landi.
Síðasti dagskrárliðurinn fjallar
um kosti og galla námsskráa í er-
lendum tungumálum. Fyrirlesar-
ar eru Guðmundur Helgason,
enskukennari í Langholtsskóla,
Valgerður Bragadóttir, þýsku-
kennari í Menntaskólanum við
Hamrahlíð, Brynhildur Anna
Ragnarsdóttir, kennsluráðgjafi á
Fræðslumiðstöð Reykjavíkur, og
Margrét Helga Hjartardóttir,
frönskukennari við Kvennaskól-
ann.
Að fyrirlestrum loknum verða
almennar umræður sem Hólm-
fríður Garðarsdóttir formaður
STÍL, Samtaka tungumálakenn-
ara á Íslandi, stýrir.“
– Er málþingið öllum opið?
„Já, það er öllum opið á meðan
húsrúm leyfir og aðgangur er
ókeypis. Við gerum ráð fyrir að
málþingið standi frá kl.
14 til 17.30.“
– Er Evrópski
tungumáladagurinn
haldinn hátíðlegur um
alla Evrópu?
„Já, þegar hann var haldinn í
fyrsta sinn á síðasta ári tóku 45
þjóðir þátt í verkefninu og héldu á
lofti fjölbreytni tungumála og
kostum þess að geta talað erlend
tungumál.“
– Hvað er annars á döfinni hjá
Stofnun Vigdísar Finnbogadótt-
ur?
„Á næstunni kynnum við dag-
skrá vetrarins, en stofnunin skipu-
leggur fyrirlestra, ráðstefnur og
málstofur, þar sem innlendir og
erlendir fyrirlesarar fjalla um efni
sem tengjast erlendum tungumál-
um og menningarfræði. Í nóvem-
ber fara frú Vigdís Finnbogadóttir
og Auður Hauksdóttir forstöðu-
maður stofnunarinnar til Japans,
en tilgangurinn er að kynna stofn-
unina og efna til tengsla við há-
skóla þar. Háskóli Íslands hefur
nýlega gert samstarfssamning við
Waseda-háskólann, sem er einn
virtasti háskóli Japans og þær
munu meðal annars heimsækja
þann skóla. Þetta er fyrsta kynn-
isferðin til útlanda, en fyrirhugað
er að kynna stofnunina á þeim
málsvæðum er tengjast þeim er-
lendu tungumálum sem kennd eru
við Háskóla Íslands.
Stofnunin vinnur líka að því að
afla fjármagns til starfseminnar
og hefur leitað til fyrirtækja á Ís-
landi. Við höfum fengið ágætan
stuðning, sem við erum afar þakk-
lát fyrir, en betur má ef duga skal.
Hér á landi ríkir almennur skiln-
ingur á nauðsyn þess að vera vel
að sér í erlendum tungumálum.
Það getur skipt sköpum í þeirri
hnattvæðingu sem nú ríkir. Góð
tungumálakunnátta og læsi á
menningu annarra þjóða er lykill-
inn að árangri í alþjóðaviðskipt-
um. Dagskrá málþingsins í dag
fjallar einmitt um mikilvægi
tungumálakunnáttu fyrir einstak-
linginn, menningu okkar og síðast
en ekki síst fyrir at-
vinnulífið. Fyrirtæki
fjárfesta í auknum
mæli í mannauði og þar
með talið er fólk með
góða tungumálakunn-
áttu, sem er læst á menningu ann-
arra þjóða. Í þessu sambandi vil
ég nefna að Myako Þórðarson,
prestur heyrnarlausra, heldur fyr-
irlestur í vetur m.a. um hin óorð-
uðu samskipti og líkamstjáningu,
sem eru svo mikilvæg í Japan og
útlendingar átta sig oft ekki á. Það
er mikilvægt að kunna skil á um-
gengnisreglum, rétt eins og
reglum tungumálsins.“
Guðný Guðlaugsdóttir
 Guðný Guðlaugsdóttir fæddist
í Reykjavík 22. maí 1974. Hún
lauk B.Ed.-prófi frá Kennarahá-
skóla Íslands árið 1998, hélt svo
til Sviss og lauk MBA-prófi frá
City University í Zürich. Í Zürich
fékkst hún við kennslu og starf-
aði hjá markaðsrannsóknarfyrir-
tæki. Frá júlí sl. hefur hún verið
verkefnastjóri hjá Stofnun Vig-
dísar Finnbogadóttur í erlendum
tungumálum. Guðný er gift
Andra Stefánssyni, sem er að
ljúka doktorsnámi við ETH-
háskólann í Sviss og starfar hjá
Raunvísindastofnun HÍ. Þau eru
búsett á Kjalarnesi.
Skilja nauð-
syn tungu-
málakunnáttu