Morgunblaðið - 26.09.2002, Side 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 26. SEPTEMBER 2002 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla daga
Allt fyrir
námsmenn!
Láttu
Íslandsb
anka
sjá um
fjármáli
n.
www.isb.is
Sími 588 1200
„HVAÐ ert þú að drullumalla?“
gæti þessi unga stúlka verið að
spyrja vin sinn þar sem hún gægist
ofan í fötuna hjá honum á lóðinni
við Tjarnarborg í Reykjavík. Tals-
vert hefur rignt á sunnanverðu
landinu síðustu daga og hefur yngri
kynslóðin eflaust tekið rigningunni
fagnandi. Það er einmitt fátt
skemmtilegra en að brynja sig
regnstökkum og stígvélum, skella
sér út í rigninguna, hoppa í pollum,
skvetta vatni og búa til allskonar
kræsingar úr sandi og drullu.
Morgunblaðið/Ómar
Drullumall-
að í Tjarn-
arborg
FÆREYINGAR og Íslendingar
hafa náð samkomulagi um mörk
efnahagslögsögu landanna. Þar
með er lokið afmörkun efnahags-
lögsögu Íslands gagnvart lögsögu
nágrannalandanna 27 árum eftir
að íslensk stjórnvöld færðu land-
helgina út í 200 mílur.
,,Landhelgin var færð út í 200
mílur árið 1975 og það er fyrst
núna sem við getum fullyrt hvar
mörkin liggja. Fyrst var lokið hinu
stóra deilumáli varðandi Jan
Mayen. Síðan tókst okkur að ljúka
málinu gagnvart Grænlandi í sam-
bandi við Kolbeinsey fyrir nokkr-
um árum og núna við Færeyjar.
Að mínu mati er þetta stór dagur í
sögu íslenskrar landhelgisbar-
áttu,“ sagði Halldór Ásgrímsson
utanríkisráðherra í gær.
Halldór og Anfinn Kallsberg,
lögmaður Færeyja, skrifuðu undir
samkomulagið í Þórshöfn í Fær-
eyjum í gær, en ágreiningur hefur
verið milli þjóðanna um hvar land-
helgislínan skyldi liggja.
Í samkomulaginu felst að nyrðri
hluti umdeilda svæðisins, sem ligg-
ur norðan 63º30’ og nemur um
tveimur þriðju hlutum af svæðinu í
heild, skiptist þannig milli aðila að
Ísland fær 60% í sinn hlut en Fær-
eyjar 40%. Syðsti hluti umdeilda
svæðisins, sem liggur sunnan
63º30’ og nemur um þriðjungi af
svæðinu í heild, skiptist hins vegar
jafnt á milli þjóðanna.
Vegna sérstakra aðstæðna á
syðsta hluta svæðisins var um það
samið að aðilar heimiluðu hvor
annarra fiskiskipum veiðar á sín-
um hluta svæðisins og verður því í
raun um sameiginlegt nýtingar-
svæði landanna tveggja að ræða. Á
þessum hluta svæðisins er að finna
rækjuhóla sem hvorki er að finna í
næsta nágrenni til vesturs né aust-
urs og myndi það gera fiskiskipum
þjóðanna erfitt fyrir að stunda
rækjuveiðar ef aðgangur þeirra að
svæðinu yrði takmarkaður.
Mikilvægt að þjóðirnar geti
leyst ágreiningsmál sín
Anfinn Kallsberg lýsti einnig
ánægju sinni með samkomulagið
og sagði mikilvægt að þessar tvær
þjóðir, sem byggju á útjaðri Evr-
ópu, gætu leyst ágreiningsmál sín
í milli. ,,Rök í málinu hafa verið
vegin og metin. En ég tel að við
höfum komist að skynsamlegri
lausn sem bæði íslensk og færeysk
stjórnvöld geta verið ánægð með,“
sagði hann.
Færeysk og íslensk stjórnvöld undirrita samkomulag
Landhelgin afmörkuð
27 árum eftir útfærslu
BÆJARYFIRVÖLD í Mosfellsbæ
hafa ákveðið að grípa til víðtækra að-
gerða vegna slæmrar fjárhagsstöðu
bæjarsjóðs. Ný úttekt, sem nýr
meirihluti sjálfstæðismanna ákvað
að láta endurskoðunarfyrirtækið
KPMG gera eftir kosningarnar í vor,
leiddi í ljós að skuldir Mosfellsbæjar
næmu rúmum þremur milljörðum
króna, eða um hálfri milljón á hvern
bæjarbúa.
Á fundi bæjarráðs í gær var
ákveðið að bregðast við þessu með
því að leggja niður störf jafnréttis-
fulltrúa, staðardagskrárfulltrúa og
atvinnufulltrúa, selja eignir á borð
við bæjarskrifstofurnar og vatns-
veitur bæjarins, auk þess sem þjón-
ustugjöld sveitarfélagsins verða
hækkuð. Þá var ákveðið að lækka
stjórnar- og nefndarlaun kjörinna
fulltrúa og nefndarfólks um 10%.
Segir í fréttatilkynningu að
rekstrarkostnaður bæjarsjóðs sé
rúmlega 97% af skatttekjum á fyrri
helmingi ársins 2002 auk fyrr-
nefndra skulda. Ef gjaldfærð fjár-
festing og greiðslubyrði lána er tekin
með í reikninginn hækkar þessi tala,
að sögn bæjarstjóra, hins vegar upp í
120%. Segir í tilkynningunni að leit-
ast verði við að hlúa að kjarnastarf-
semi á borð við skólarekstur og sam-
félagsþjónustu „en verkefni sem
ekki eru talin bráðnauðsynleg verða
aflögð eða þeim slegið á frest“.
Ekki frekari
uppsagnir
Ragnheiður Ríkharðsdóttir bæj-
arstjóri segir að þjónustugjöld hafi
verið mun lægri í Mosfellsbæ en í ná-
grannasveitarfélögunum. Þau hafi
verið fjármögnuð með lántökum. Nú
sé verið að endurskoða öll þjónustu-
gjöld bæjarins, t.d. sorphirðugjöld,
dagvistargjöld, sundlaugargjöld,
heilsdagsskóla- og gatnamálagjöld
svo eitthvað sé nefnt. Hún segir að
ekki sé útlit fyrir frekari uppsagnir
starfsmanna hjá Mosfellsbæ.
Ragnheiður segir að Mosfellsbær
eigi ekki margar eignir en í athugun
sé að selja hita- og vatnsveitu bæj-
arins sem og Kjarna, sem hýsir bæj-
arskrifstofur sveitarfélagsins. Þess-
ar eignir verði þó ekki seldar á
spottprís.
Skuldir Mosfellsbæjar nema rúmum þremur milljörðum
Eignir verða seldar
og störf lögð niður

Veitur seldar/12
ARNALDUR Indriðason rithöf-
undur á þrjár söluhæstu skáldsög-
urnar á Íslandi í ágúst, samkvæmt
samantekt Félagsvísindastofnun-
ar.
Grafarþögn er í efsta sæti á
bókalistanum, sem birtur er í
Morgunblaðinu í dag, Dauðarósir í
öðru og Mýrin í því þriðja. Arn-
aldur átti líka þrjár söluhæstu
skáldsögurnar í júlí og apríl, tvær
af þremur söluhæstu skáldsögun-
um í júní og tvær söluhæstu sög-
urnar í mars. Í júlí var fjórða bók-
in, Napóleonsskjölin, einnig á lista
yfir tíu söluhæstu skáldverkin, í 8.
sæti. Listinn nær bæði yfir inn-
lend verk og erlend.
Sé horft til bóksölu í heild sinni
eru bækurnar í 3., 5. og 7. sæti í
síðasta mánuði. Söluhæsta bókin á
landinu í ágúst var hins vegar
Lost in Iceland, ljósmyndabók eft-
ir Sigurgeir Sigurjónsson. Orða-
bækur eru í öðru og fjórða sæti.
Á þrjár
söluhæstu
skáldsög-
urnar

Bóksala/23
Bókalistinn

Sameiginleg/28
NOKKUR jarðskjálftavirkni var við
Grímsey í gær. Skjálfti sem mældist
3,4 stig á Richter varð um 10 km suð-
austur af Grímsey um kl. 1:30 í fyrri-
nótt. Nokkrir skjálftar á bilinu 2-2,5
stig á Richter komu fram á jarð-
skjálftamælum í gær auk smærri
skjálfta en skv. upplýsingum sem
fengust á Veðurstofunni er þetta
svipuð skjálftahrina og verið hefur
undanfarna daga á svæðinu úti fyrir
Norðurlandi.
Skjálfta-
virkni við
Grímsey
♦ ♦ ♦