Morgunblaðið - 13.10.2002, Side 12

12 SUNNUDAGUR 13. OKTÓBER 2002 MORGUNBLAÐIÐ
LISTIN er löng en lífið er stutter stundum sagt. Útlit erfyrir að listamannslíf JúlíuTómasdóttur geti orðið langt
ef svo heldur fram sem horfir. Júlía
hélt sína fyrstu málverkasýningu nú
fyrir skömmu, aðeins fimm ára göm-
ul. Fjörutíu gestir komu á sýninguna
sem haldin var heima hjá listamann-
inum í fallegri og bjartri stofu við
Skólatún á Álftanesi. Útsýnið er svo
fagurt út um glugga stofunnar að
það gæti veitt jafnvel hinum ólist-
hneigðu innblástur. Júlía hefur enda
málað myndaröð þar sem húsið, hún
sjálf og umhverfið kemur mjög við
sögu.
Mesta athygli allra sýningargesta
vakti þó fjársjóðsmyndin svokallaða.
„Þetta er mynd af fjársjóðskistu,
út henni kemur gull og margt fleira,
en það ætlar padda að ræna því öllu,“
segir listakonan og hristir höfuðið yf-
ir þessari fyrirætlan flugunnar svo
ljósar fléttur hennar dansa um axl-
irnar.
Hún leiðir blaðamann á milli
myndanna sinna og útskýrir þær
jafnóðum.
„Þetta er mamma mín og bróðir
minn, það er mjög stórt á honum nef-
ið og þetta er ég sjálf að fara út í
sjoppu að kaupa bland í poka,“ segir
hún. Móðirin er mæðuleg á myndinni
enda er hún að sögn Júlíu að taka til í
herbergi hennar.
„Við vorum orðnar mjög þreytt-
ar,“ segir hún og brosir blíðlega.
Myndirnar eru málaðar á tveggja
ára tímabili, sú elsta er af bláum
svani með langan háls, máluð árið
2000.
Athygli blaðamanns vekur mynd
sem listakonan segir að sé af Gull-
fossi.
„Ég fór þangað með afa mínum og
málaði svo mynd af fossinum þegar
ég kom heim eins og ég mundi eftir
honum,“ segir hún.
Mestan áhuga hefur Júlía nú um
stundir á að mála fiðrildi og alls kon-
ar dýr, sem og hefur hún málað
myndir af vinkonum sínum, ein
þeirra var á sýningunni, mynd af
hinni bleikklæddu Diljá.
En hvers vegna skyldi hún hafa
ákveðið að halda málverkasýningu?
„Til þess að leyfa fólkinu að sjá
fínu myndirnar mínar,“ segir hún og
bætir við að hún hafi málað tvær
myndir fyrir sýninguna, fjársjóðs-
myndina og mynd af móður sinni
sem glimmer er límt ofan í.
„Öllum sem komu á sýninguna
fannst fjársjóðsmyndin flottust,
sumir vildu kaupa hana. Ég vildi ekki
selja hana, ég seldi bara eina mynd.
Hún var af afa mínum og hann keypti
hana á tíu krónur,“ segir Júlía stolt.
Júlía ætlar kannski
að mála myndir í jólagjafir
Svo mikill var áhugi sýningargesta
að margir þeirra sem nákomnir voru
tjáðu sig hafa mikla löngun til að fá
mynd eftir listakonuna í jólagjöf.
„Það lítur út fyrir að ég hafi það
rólegt í ár hvað jólagjafir snertir,
Júlía sér um þá hlið málanna lík-
lega,“ segir Alda Guðjónsdóttir fata-
hönnuður, móðir Júlíu, og hellir kaffi
í bolla blaðamanns.
Hún kvað hugmyndina að sýning-
unni hafa komið til vegna þess hve
Júlía hafi verið stolt af myndum sín-
um. Þegar stofan á heimilinu var
máluð kviknaði sú hugmynd að nota
tækifærið áður en hengt yrði upp á
veggina á ný að Júlía sýndi þar verk
sín á hvítum nýmáluðum veggjum.
„Við útbjuggum boðsmiða og send-
um út og vorum svo með veitingar á
sýningunni, alls konar djús og nið-
urskorið grænmeti – allt mjög hollt
að sjálfsögðu,“ segir hún.
„Það var svo gaman hvað komu
margir, þetta voru bæði vinir og
vandamenn og þar í kring.
Fjársjóðsmyndin var sem fyrr
greindi heitasta myndin og verður
hún áfram á sínum heiðursstað á
veggnum á móti inngangnum.“
Alda kvað Júlíu leggja sérstaka
áherslu á að hún sé „myndlistar-
kona“ – ekki myndlistarmaður.
„Júlía hefur einstaklega gaman af
ljósmyndum, myndum og litum og er
dugleg að föndra.
Í leikskólanum þar sem Júlía er fá
börnin að ráða hvað þau gera og hún
velur alltaf myndlistarkrókinn. Þar
fær sköpunargleðin að njóta sín.“
Að sögn Öldu hefur sýningin
reynst mjög hvetjandi fyrir Júlíu og
hún hefur haft við orð að hún hugsi
sér að halda aðra sýningu seinna.
Júlía Tómasdóttir í fangi móður sinnar, Öldu Guðjónsdóttur.
Morgunblaðið/Kristinn
Júlía Tómasdóttir við hina „heitu“ fjársjóðsmynd sína.
Listin er löng
Listhneigð kemur oft snemma í ljós í fari fólks.
Fáir hafa þó haldið sjálfstæða myndlistarsýningu
fimm ára gamlir. En það gerði Júlía Tómasdóttir
fyrir skömmu og segir hér Guðrúnu Guðlaugs-
dóttur frá þeirri reynslu og myndsköpun sinni.
Úr myndaröð Júlíu um húsið sitt.
Úr myndaröðinni um Júlíu, húsið og umhverfið — takið eftir hvað það er sólríkt.
Sjálfsmynd af Júlíu við húsið sitt. Bróðir Júlíu með langa nefið og móðir hennar.
gudrung@mbl.is