Morgunblaðið - 22.10.2002, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 22. OKTÓBER 2002 VERÐ Í LAUSASÖLU 190 KR. MEÐ VSK.
SAMNINGAVIÐRÆÐUR Samson-
ar eignarhaldsfélags ehf. og fram-
kvæmdanefndar um einkavæðingu
um kaup félagsins á 45,8% hlut rík-
isins í Landsbanka Íslands voru
strangar. Þetta kom fram á blaða-
mannafundi sem eigendur Samson-
ar eignarhaldsfélags boðuðu til í
gær. Þeir sögðu að félagið hefði
teygt sig til hins ýtrasta til að koma
til móts við ríkið varðandi kaupverð
og fleira og að endanlegt kaupverð
væri töluvert hærra en upphaflegar
hugmyndir félagsins gerðu ráð fyr-
ir. Þeir telja þó að báðir aðilar eigi
að geta verið sáttir við niðurstöð-
una.
Eigendur Samsonar eignarhalds-
félags eru feðgarnir Björgólfur Guð-
mundsson og Björgólfur Thor
Björgólfsson og Magnús Þorsteins-
son. Þeir sögðust á blaðamanna-
fundinum í gær ekki eiga von á því
að starfsfólki Landsbankans eða úti-
búa yrði fækkað í kjölfar kaupa fé-
lagsins á 45,8% hlut ríkisins í bank-
anum. Hagræðingaraðgerðir bank-
ans á undanförnum árum hefðu að
þeirra mati skilað góðum árangri og
að ekki væri hægt að gera miklu
meira í þeim efnum.
Samson eignarhaldsfélag stefnir
að því að efla þjónustu Landsbanka
Íslands og fjölga viðskiptavinum
bankans, jafnt hér á landi sem er-
lendis. Eigendur félagsins telja að
bankinn eigi ýmis sóknartækifæri.
Kaup bankans á Heritable bankan-
um í London séu skýrt dæmi þar
um og áhugi sé fyrir því að leita að
fleiri slíkum tækifærum.
Ný stjórn fyrir áramót
Samson eignarhaldsfélag og
framkvæmdanefnd um einkavæð-
ingu náðu samkomulagi um kaup fé-
lagsins á hlut ríkisins í Lands-
bankanum síðastliðinn laugardag.
Stefnt er að því að skrifað verði
undir kaupsamning í desember
næstkomandi en kaupverðið er rúm-
ir 12,3 milljarðar króna. Í fram-
haldinu verði boðað til hluthafa-
fundar og ný stjórn bankans verði
kjörin á hluthafafundi fyrir áramót.
Björgólfur Thor sagði að þeir
væru ákaflega stoltir og ánægðir
með að hafa verið valdir í það hlut-
verk að kaupa mestan hluta ríkisins
í Landsbankanum. Þeir gerðu sér
ljóst að þessu fylgdi mikil ábyrgð.
Framundan væru spennandi tímar
við það verkefni að fjölga viðskipta-
vinum bankans og þróa og bæta
þjónustu hans. Landsbankinn hefði
verið banki allra landsmanna til
þessa og hann yrði það áfram um
ókomin ár. Það væri verkefni Sam-
sonar að tryggja að svo yrði.
Samson eignarhaldsfélag segir kaupverðið á Landsbankanum í hærri mörkum
Hafa ekki áform um
að fækka starfsfólki
 Ný stjórn/30
 Almenn/20
RAGNAR Stefánsson jarðeðlisfræð-
ingur segir enga ástæðu til að ætla
að skjálftahrinan í Öræfajökli sé
fyrirboði eldhræringa á svæðinu.
Skjálftahrinan sem hófst fyrir
helgi er sú mesta í 10 ár og voru
sterkustu skjálftarnir á bilinu 3–3,2
stig á Richter. Sá fyrsti reið yfir um
klukkan þrjú aðfaranótt mánudags
og í gær urðu tveir með um mínútu
millibili, klukkan 17.22 og 17.23.
Upptök allra skjálftanna eru undir
Vatnajökli, skammt vestan Esju-
fjalla. Ragnar segir skjálftasvæðið
nátengt eldstöðvakerfi Öræfajök-
uls. Á sögulegum tíma hefur Öræfa-
jökull gosið árin 1362 og 1722.
,--

%' 
&. 
%  /'
% 0 ' %%


 











 

  
 1
''%%

 

2 % 3&

 Skjálftahrina
norðan
Öræfajökuls
STÖÐ 2 hefur undanfarna tíu
daga gert tilraunir með sjón-
varpssendingar um gervi-
tungl sem ná til alls landsins.
Til greina kemur að dreifa
sjónvarpsefni Stöðvar 2 með
þessum hætti í framtíðinni, ef
niðurstöður mælinga lofa
góðu, sem næði til allra
byggða á landinu, samkvæmt
upplýsingum Sigurðar G.
Guðjónssonar, forstjóra
Norðurljósa.
Fyrirtækið er í samstarfi
við erlenda gervihnatta-
eigendur um þetta verkefni
og að sögn Sigurðar er til-
gangurinn sá að skoða þá
kosti sem eru í boði til að
dreifa sjónvarpsdagskrá
Norðurljósa á Íslandi á sem
ódýrastan hátt.
„Ein leiðin er sú að fara
upp í gervihnött frá Íslandi
og niður aftur og þar með
nær sendingin yfir allt landið
samkvæmt okkar mælingum.
Það er búið að gera mælingar
á Vestfjörðum, sem hafa verið
erfiðastir vegna legu þeirra
hnatta sem sveima hér í
kringum jörðina,“ segir hann.
Stafræn útsending
innan skamms
„Þetta er enn á fyrstu
stigum en það er alveg ljóst
að Norðurljós munu innan
ekki mjög langs tíma taka
upp stafrænar útsendingar
(digital). Það verðum við að
gera til þess að fylgja
tækninni. Analog-tækni er að
hverfa í sjónvarpi og öll okk-
ar uppbygging á síðustu árum
hefur miðast við að það verði
tekin upp stafræn útsending
innan ekki langs tíma,“ segir
Sigurður G. Guðjónsson, for-
stjóri Norðurljósa.
Stöð 2
reynir
sjónvarps-
sendingar
um gervi-
tungl
GRÍÐARLEGT tjón varð í einum
mesta húsbruna hérlendis í áratugi
þegar eldur kviknaði í húsum við
Laugaveg 40 á laugardagskvöld. Tal-
ið er að tjónið geti hlaupið á hundr-
uðum milljóna króna en verið er að
meta það. Íbúðir og verslanir auk
vörulagera eyðilögðust í brunanum,
en bjarga tókst talsverðum verðmæt-
um frá eyðileggingu.
Karlmaður á fimmtugsaldri situr í
gæsluvarðhaldi, grunaður um að hafa
lagt eld að húsunum. Tvö þeirra eru
ónýt auk skemmda á fleirum. Lög-
reglan handtók manninn skammt frá
byggingunum um klukkustund eftir
að eldsins varð vart. Hörður Jóhann-
esson yfirlögregluþjónn segir að mað-
urinn sé ekki íbúi í húsunum, en lög-
reglan hyggst skoða skýringar sem
hann hefur gefið á ferðum sínum í
nánd við byggingarnar. Umræddur
maður hefur margoft komið við sögu
lögreglunnar.
Í húsunum voru bæði íbúðir og
verslanir og þykir mesta mildi að ekki
skyldi hljótast af manntjón í brunan-
um. Allt að 80 slökkviliðsmenn börð-
ust við eldinn klukkustundum saman
aðfaranótt sunnudags og tókst að
ráða niðurlögum hans snemma á
sunnudagsmorgun. Þá höfðu fimm
íbúðir skemmst verulega í eldinum.
Lengi var óttast að hann dreifðist í
nærliggjandi hús en slökkviliðsmönn-
um tókst að halda honum í skefjum.
Flókin húsaskipan
Slökkviliðsmenn áttu í erfiðleikum
með að átta sig á húsaskipan og full-
vissa sig um að enginn væri innan-
dyra og olli það þeim miklum áhyggj-
um. Unnið var að því að fá yfirlit yfir
vettvanginn með því að safna saman
upplýsingum frá reykköfurum, lög-
reglu og íbúum sem bjargast höfðu
út. „Við töldum okkur vera búna að fá
upplýsingar um að það væri enginn
þarna inni en höfðum samt áhyggjur
af því að svo gæti verið. Við vorum í
þeirri stöðu að það var orðið ljóst að ef
einhver hefði verið þarna inni í bak-
húsunum hefði ekki verið hægt að
bjarga viðkomandi. Við gerðum okk-
ur grein fyrir þeirri stöðu og þetta
hvíldi þungt á mönnum þarna um
nóttina,“ sagði Birgir Finnsson, fram-
kvæmdastjóri útkallsdeildar SHS.
Þrettán íbúar húsanna fengu
áfallahjálp í gær í Hallgrímskirkju, en
áfallahjálp var mjög tilviljanakennd á
vettvangi þegar ógnin af eldinum var
sem mest. Tveir íbúar vou heima við
þegar eldurinn blossaði upp og tókst
þeim að flýja út úr brennandi húsun-
um.
Karlmaður í gæsluvarðhaldi grunaður um íkveikju við Laugaveg
Tjónið talið hlaupa á
hundruðum milljóna
Morgunblaðið/Júlíus
Brunasérfræðingar tæknideildar lögreglunnar í Reykjavík rannsökuðu vettvang á Laugavegi síðdegis á sunnudag til að reyna að finna orsakir brunans.
 Eldsvoði/6, 14–15