Morgunblaðið - 19.11.2002, Síða 4

FRÉTTIR
4 ÞRIÐJUDAGUR 19. NÓVEMBER 2002 MORGUNBLAÐIÐ
ÞAÐ var fátt sem benti til þess, þeg-
ar árrisulir ferðalangar streymdu
um borð í Herjólf í Friðarhöfn að
morgni síðastliðins sunnudags, að
fyrir þeim lægi að veltast um borð í
skipinu í um ellefu klukkustundir.
Það hafði verið spáð talsverðum
vindstrekkingi en það var lens alla
leiðina til Þorlákshafnar. Farþegar
voru flestir í kojum en nokkrir héldu
til í sjónvarpsherberginu og veit-
ingasalnum og ekki væsti um nokk-
urn mann.
Þegar menn fóru að búa sig undir
ferðalok tilkynnti Lárus Gunnólfs-
son skipstjóri að mikið brimrót væri
við hafnargarðinn í Þorlákshöfn og
auk þess háfjara og ekki á það hætt-
andi að fara inn. Þetta var upp úr
klukkan ellefu og ákvað skipstjóri að
sæta færis ef aðstæður myndu
batna. En þær fóru stöðugt versn-
andi og nú voru allir um borð orðnir
áþreifanlega varir við það að sjólag
var með versta móti.
Skipið valt og tók af og til djúpar
dýfur þegar það endastakkst af him-
inháum öldunum ofan í öldudalina.
Allt innvolsið í ferðalöngunum tók
sömu dýfur, altént þeirra sem höfðu
verið svo óforsjálir að koma sér ekki
fyrir í koju. Ferðafélagi minn, sem er
reyndur sjósundmaður, orðaði lík-
lega hugsanir margra þegar hann
sagði upp úr eins manns hljóði að
fyrr myndi hann synda í land en fara
aftur til Eyja í þessum sjógangi. Í
sama mund tilkynnti Lárus skip-
stjóri í hátalarakerfinu, eftir þriggja
tíma volk fyrir utan hafnargarðinn í
Þorlákshöfn, að snúið yrði við til
Vestmannaeyja, „það er alltaf svo
gaman í Eyjum“ lét hann fylgja með.
Ferðafélaginn lét ekki verða af
áformum sínum, þótt freistandi
væru, enda hefði hverjum verið
bráður bani búinn að reyna slíka fífl-
dirfsku. Sumir gældu við þá hugsun
að Lárusi snerist hugur og sigldi
bara beinustu leið til Reykjavíkur en
þar er vitaskuld engin aðstaða fyrir
bílferju eins og Herjólf. Það er
reyndar umhugsunarvert að ekki
skuli vera til varahöfn fyrir stórt
flutningaskip eins og Herjólf rétt
eins og allt millilandaflug og jafnvel
innanlandsflug hefur úr vara-
flugvöllum að velja. Það var því ekki
annað hægt að gera en bíta í skjald-
arrendur og þreyja þorrann og
góuna í bullandi sjóveiki og vanlíðan.
Meðal ferðafélaga voru nokkrir nem-
endur úr Sjómannaskólanum og tvo
þeirra sá ég gæða sér á hamborgara
með frönskum og mikilli kokteilsósu.
Sú sýn varð síst til að bæta heilsuna
en líklega hafa nemendurnir valið
sér rétta lífsstarfið.
Á leiðinni til Eyja lék allt á reiði-
skjálfi og það var því líkast á stund-
um að risastór járnkúla lemdi skips-
skrokkinn þegar öflug brotin riðu yf-
ir. Verst var þó þegar skipið missti
snertingu við úfinn hafflötinn og
hreinlega pompaði ofan í öldudal-
ina. Fimm myndbandsspólum seinna
og eftir ellefu klukkustundir í hafi,
tilkynnti Lárus skipstjóri að skipið
myndi leggjast að bryggju í Vest-
mannaeyjum eftir tíu mínútur. Síðan
bætti hann við: „Kæru farþegar. Við
vonum samt að þið hafið notið ferð-
arinnar með okkur.“
Tíu kílómetrar til lands
Nokkrar góðar lexíur má draga af
þessari löngu sjóferð. Fyrsta að telja
er þessi sígilda og algilda að enginn
ræður sínum næturstað. En í annan
stað sýndi ferðin að Herjólfur er
traust skip þótt það velti óheyrilega
mikið þegar þannig stendur á. Ein
afleiðing í einkavæðingu samgöngu-
æðar Vestmannaeyinga blasir þó við.
Þar er heill salur með besta útsýninu
sem aldrei er opnaður jafnvel þótt
þröngt sé setinn bekkurinn í öðrum
salarkynnum skipsins. Og hver
skyldi ástæðan vera? Jú, það þyrfti
að bæta við tvo í áhöfn skipsins til
þess að þrífa salinn eftir ferðir.
Og síðast en ekki síst blasir við eft-
ir svona volk við hvaða aðstæður
Vestmannaeyingar, og reyndar allir
landsmenn sem erindi eiga til Eyja,
búa við í samgöngumálum. Flug er
varla valkostur á veturna því það
leggst niður þá hreyfir vind. Þótt
Herjólfur sé traust skip storkar það
ekki náttúruöflunum frekar en aðrar
fleytur.
Fyrir nokkrum árum var lagt
fram á Alþingi þingmál sem margir
hentu gaman að. Tillagan snerist um
að gerð yrðu jarðgöng til Vest-
mannaeyja. Það yrði ekkert verk-
fræðiafrek. Það eru um tíu kílómetr-
ar frá landi til Eyja þar sem styst er.
Hvalfjarðargöngin eru um fimm
kílómetrar. Það hafa því breiðari höf
verið brúuð í sögunni. Framkvæmd-
ina mætti svo fjármagna með hagn-
aðinum af sölu ríkisbankanna. Mikið
myndi ég gefa fyrir að geta ekið um
jarðgöng til og frá Vestmannaeyjum
í stað þess að eyða heilum sunnudegi
firrtur jafnvægisskyninu um borð í
Herjólfi.
Firrtur jafnvæg-
isskyninu um
borð í Herjólfi
Um 70 manns voru í um ellefu klukku-
stundir um borð í Herjólfi í úfnum
sjó síðastliðinn sunnudag. Guðjón
Guðmundsson var einn þeirra.
Ljósmynd/Stöð 2
Herjólfur úti fyrir hafnargarðinum í Þorlákshöfn á sunnudag.
gugu@mbl.is
„EINHVERJIR voru sjóveikir og
fólk var svekkt yfir því að komast
ekki á leiðarenda. En þetta er
bara svona. Þetta gerist í loftinu, á
þjóðvegum og á sjónum. Fólk
verður fyrir töfum og verður jafn-
vel að snúa við,“ segir Lárus
Gunnólfsson, skipstjóri á Herjólfi,
en skipið gat ekki lagst að bryggju
í Þorlákshöfn vegna brimróts fyr-
ir utan höfnina á sunnudag. Því
var snúið við til Vestmannaeyja en
alls tók sjóferðin hátt í 11 klukku-
stundir.
Lárus segir að vissulega hafi
verið rokhvasst og mikill sjór þeg-
ar skipið lagði upp frá Vest-
mannaeyjum klukkan 8.15 með 69
farþega innanborðs. Engu að síð-
ur var talið fært til Þorlákshafnar
en eftir því sem leið á ferðina
versnaði sjólag fyrir utan strönd-
ina. Því var ákveðið að halda sjó
fyrir utan Þorlákshöfn og bíða
átekta. „Við komum á fjöru og það
er nú leiðinlegast. Við höfðum von
um að þetta myndi batna um leið
og flæddi að,“ segir Lárus. Ekki
varð honum að ósk sinni því held-
ur bætti í brimið þegar leið á dag-
inn. Um klukkan 15 var ákveðið að
snúa við til Eyja og lagði skipið
þar að um klukkan 18.45.
Þegar Morgunblaðið ræddi við
Lárus í gær var Herjólfur á leið til
Þorlákshafnar með um 270 far-
þega sem er heldur meira en
venja er til á mánudagsmorgnum.
Þrátt fyrir talsverða undiröldu fór
vel um farþegana, þ.á m. Lög-
reglukórinn sem hélt tónleika í
Eyjum um helgina.
Nokkrir sjóveikir
en allir svekktir
RÚMLEGA tvítugur karlmaður,
sem slasaðist alvarlega í umferð-
arslysi á Sæbraut aðfaranótt
sunnudags, var í gær að komast til
meðvitundar en honum var um tíma
haldið sofandi í öndunarvél á gjör-
gæsludeild Landspítalans í Foss-
vogi. Líðan ungs manns sem einnig
slasaðist alvarlega er betri og hefur
hann verið færður af gjörgæslu-
deild. Ungur maður og ung stúlka
sem voru í bílnum slösuðust minna.
Samkvæmt upplýsingum frá lög-
reglunni í Reykjavík virðist sem
ökumaðurinn, sem grunaður er um
ölvun, hafi misst stjórn á bifreið
sinni vestan við Laugarnesveg. Bif-
reiðin fór út af vegarkantinum
hægra megin og rann eftir honum
drjúgan spöl þar til hún valt yfir
moldarhaug, ofan í skurð og upp úr
honum aftur og staðnæmdist loks á
skurðarbakkanum. Samtals rann
bifreiðin um 180 metra frá því öku-
maðurinn missti stjórn á henni.
Mennirnir þrír voru allir fyrir utan
bílinn en stúlkan var föst undir
flakinu þegar lögregla og slökkvi-
ðlið komu á vettvang. Öll voru flutt
á slysadeild, talsvert slösuð. Lög-
reglan í Reykjavík rannsakar mál-
ið.
Bíllinn kastaðist yfir moldarhaug, ofan í skurð og staðnæmdist loks á
skurðbakkanum á mótum Sæbrautar og Laugarnestanga.
Morgunblaðið/Júlíus
Lögreglu- og slökkviliðsmenn vinna hér að því að ná stúlkunni úr bílnum.
Í loftköstum eftir
vegarkantinum
Þjóðverj-
ar áfram
í haldi
GÆSLUVARÐHALD yfir
tæplega sextugum Þjóðverja
sem handtekinn var á Keflavík-
urflugvelli í lok október með 1½
kíló af kókaíni innanklæða hef-
ur verið framlengt til 7. janúar
nk. Enginn annar hefur verið
handtekinn eða yfirheyrður í
tengslum við málið og er gert
ráð fyrir að rannsókn þess ljúki
í þessari viku. Málsgögn verða
þá send ríkissaksóknara.
Annar Þjóðverji situr í
gæsluvarðhaldi vegna fíkni-
efnasmygls. Sá var stöðvaður
af tollgæslunni á Keflavíkur-
flugvelli hinn 7. nóvember sl. og
á honum fundust um 900 g af
amfetamíni og um eitt kíló af
kókaíni. Í kjölfarið handtók lög-
regla rúmlega þrítugan íslensk-
an karlmann og var hann einnig
úrskurðaður í gæsluvarðhald.
Ásgeir Karlsson, yfirmaður
fíkniefnadeildar lögreglunnar í
Reykjavík, verst allra fregna af
rannsókn málsins og segir að
hún sé á viðkvæmu stigi.
Verð á er-
lendum
diskum 20–
30% lægra
SONET ehf. hefur keypt helmings-
hlut í Japis – verslun ehf. sem tók yf-
ir rekstur tónlistarverslunarinnar
Japis á Laugavegi í febrúar á þessu
ári. Ákveðið hefur verið að hefja aft-
ur verslunarrekstur í húsnæði Japis
í Brautarholti 2 og verða báðar versl-
anir reknar undir merkjum Japis en
gagngerar breytingar verða gerðar
á rekstrarformi þeirra. Þá hefur
Japis ákveðið að lækka verð á inn-
fluttum geisladiskum um 20–30%
miðað við almennt smásöluverð.
Að sögn Óttars Felix Haukssonar,
eiganda Sonet ehf., er unnt að ná
verðinu niður með því að kaupa inn
geisladiska milliliðalaust. Þannig
munu innkaup á öllum erlendum
geisla- og mynddiskum (DVD) eiga
sér stað erlendis frá nema íslenskir
aðilar bjóði samsvarandi verð. Einn-
ig verður smásöluálagning á íslensk-
um geisladiskum lækkuð og samn-
inga leitað við útgefendur um aukna
hagkvæmni og markaðslegt sam-
starf. Aðrir eigendur Japis eru Úlfar
Þórðarson og Hafsteinn Häsler.
Búið er að lækka verð geisladiska í
verslun Japis á Laugavegi en stefnt
er að því að opna verslunina í Braut-
arholti á næstu dögum. Í tilkynningu
frá forsvarsmönnum Japis segir að
undanfarið hafi verið samþjöppun á
íslenskum tónlistarmarkaði og að
verðhækkun hafi einnig orðið á
geisladiskum.
AUÐGUNARBROTADEILD lög-
reglunnar í Reykjavík hefur upplýst
þjófnað á landbúnaðartækjum frá
sölufyrirtæki í Reykjavík en rúllu-
bindivél, flaghefli og sláttuþyrlu var
stolið þaðan fyrir rúmlega viku.
Að sögn Ómars Smára Ármanns-
sonar, aðstoðaryfirlögregluþjóns,
tókst að rekja ferð rúllubindivélar-
innar á bæ vestur á fjörðum og sótti
lögregla tækið. Við rannsókn kom í
ljós að hin tækin voru flutt austur
fyrir fjall og voru þau einnig sótt.
Þeir sem hlut eiga að máli viður-
kenndu aðild og telst málið upplýst.
Illa fengin
landbún-
aðartæki
♦ ♦ ♦