Morgunblaðið - 19.11.2002, Side 12

FRÉTTIR
12 ÞRIÐJUDAGUR 19. NÓVEMBER 2002 MORGUNBLAÐIÐ
NIÐURSTÖÐUR prófkjörs Framsóknar-
flokksins í Norðvesturkjördæmi, sem haldið
var á kjördæmisþingi um helgina, sæta nokkr-
um tíðindum þótt vart sé hægt að segja að nið-
urstaðan hafi verið með öllu óvænt. Ljóst var
að harður slagur yrði um efsta sætið á þinginu
enda búið að steypa þremur kjördæmum sam-
an í eitt á sama tíma og þingmönnum er fækkað
um þriðjung eða úr fimmtán í tíu. Reglur próf-
kjörsins voru hins vegar mjög skýrar og var
kosið í tveimur umferðum um hvert sæti.
Mestu tíðindin eru óneitanlega þau að með
prófkjörinu er endi bundinn á þingferil Páls
Péturssonar félagsmálaráðherra en einnig má
nefna að Elín R. Líndal, sem verið hefur vara-
þingmaður í rúman áratug, verður ekki lengur í
framboði.
Stóð höllum fæti
Páll hefur verið í forystusveit Framsóknar-
flokksins um árabil, setið á þingi fyrir Fram-
sóknarflokkinn frá 1974 og verið ráðherra frá
1995. Hann hlaut hins vegar einungis 14,09%
atkvæða í fyrstu umferðinni um efsta sæti
listans og ákvað þá að gefa ekki kost á sér í ann-
að sætið. Vitað var fyrir prófkjörið að Páll
stæði höllum fæti og sjálfur sagði hann eftir
kosninguna að hann hefði „átt von“ á þessari
niðurstöðu. Þeir sem rætt voru flestir á sama
máli og sögðu að tími hefði verið kominn á Pál.
Mikið var rætt um það fyrr á þessu ári hvort
Páll myndi draga sig í hlé en í júlí lýsti hann því
yfir að allar sögusagnir um slíkt væru úr lausu
lofti gripnar. „Það eru nógir til sem vilja mig
dauðan, en ég mun ekki verða sjálfviljugur við
þeirri ósk,“ sagði Páll við Morgunblaðið í júlí.
Eftir að niðurstöður prófkjörsins lágu fyrir á
laugardag nefndi Páll það sérstaklega í viðtali
við Morgunblaðið að Árni Gunnarsson, fyrrum
aðstoðarmaður hans, hefði einnig falast eftir
fyrsta sætinu og taldi það eina helstu ástæðu
þess að árangur hans var ekki betri. Ekki eru
allir sammála þessu og sumir segja Pál hafa
komið í veg fyrir að Árni næði öruggu sæti.
Árni er frá Sauðárkróki og virðist ljóst að
Skagfirðingar hafi upp til hópa stutt framboð
hans en hann fékk 17,55% atkvæða í fyrsta sæt-
ið eða 15 atkvæðum meira en Páll. Þótt Árni sé
fyrrum aðstoðarmaður Páls í ráðuneytinu og
faðir hans, Gunnar á Flatatungu á Kjálka, lengi
einn af dyggustu stuðningsmönnum Páls, hefur
verið stirt á milli þeirra Páls og Árna um nokk-
urt skeið. Árni, sem er fyrrum formaður Sam-
bands ungra framsóknarmanna, tók einnig
þátt í prófkjöri Framsóknarflokksins á Norð-
urlandi vestra fyrir fjórum árum. Töldu Árni
og stuðningsmenn hans ljóst að Páll hafi ekki
stutt við bakið á honum í þeim slag heldur Her-
dísi Sæmundsdóttur. Þá hafi hann ekki „hleypt
Árna að“ sem varaþingmanni á kjörtímabilinu.
Legið hefur ljóst fyrir um nokkurt skeið að
Árni stefndi á þátttöku í prófkjörinu en hann
skipaði annað sætið á lista Framsóknarflokks-
ins í Norðurlandi vestra í síðustu kosningum.
Niðurstaða helgarinnar er hins vegar sú að
hvorki Páll né Árni verða á listanum. Pólitísk-
um ferli Páls er lokið en ferill Árna nær ekki að
hefjast.
Magnús með breiðara fylgi
Það var Kristinn H. Gunnarsson, formaður
þingflokks Framsóknarflokksins, sem náði
flestum atkvæðum eða 33,95% í fyrstu umferð-
inni. Kom það mörgum nokkuð á óvart hversu
sterkur Kristinn var í þessum kosningum en
einnig ber að hafa í huga að hann var eini Vest-
firðingurinn sem bauð sig fram í fyrsta sætið á
meðan tveir fulltrúar voru frá gamla Vestur-
landskjördæmi og Norðurlandi vestra. Krist-
inn hefur setið á þingi frá árinu 1991, fyrst fyrir
Alþýðubandalagið, síðan utan flokka og loks
gekk hann í þingflokk Framsóknarflokksins í
desember 1998. Þá þegar var ljóst að Gunn-
laugur Sigmundsson hafði ekki hug á frekari
þingmennsku og í mars 1999 þremur mánuðum
eftir að Kristinn gekk í Framsóknarflokkinn
var ákveðið á kjördæmisþingi að hann myndi
leiða lista flokksins á Vestfjörðum. Eftir kosn-
ingar var hann síðan skipaður formaður þing-
flokksins.
Vestfirðingar stóðu þétt að baki Kristni á
kjördæmisþinginu nú um helgina og voru stað-
ráðnir í að koma sínum manni að. Það dugði
hins vegar ekki til því að í síðari umferðinni
skaust Magnús Stefánsson upp í fyrsta sætið.
Hann jók fylgi sitt úr 112 atkvæðum í 231 milli
umferða á meðan Kristinn jók fylgið úr 147 í
197 atkvæði.
Í fyrri umferðinni voru það gömlu kjördæm-
in sem réðu ferðinni þegar menn greiddu at-
kvæði en í þeirri síðari virðist það hafa ráðið úr-
slitum að Magnúsi gekk mun betur að ná
breiðu fylgi í nýja kjördæminu. Magnús sat á
þingi 1995–1999 og kom svo aftur inn á þing í
fyrra er Ingibjörg Pálmadóttir hætti afskipt-
um af stjórnmálum. Hann er rekstrarfræðing-
ur frá Samvinnuháskólanum og hefur meðal
annars verið sveitarstjóri á Grundarfirði og
framkvæmdastjóri Heilbrigðisstofnunarinnar
á Selfossi. Það hefur ekki farið mikið fyrir
Magnúsi, enda stutt síðan hann kom aftur á
þing, en það sýnir greinilegan styrk að ná
fyrsta sætinu í samkeppni við ráðherra og for-
mann þingflokksins.
Kristinn H. Gunnarsson náði strax í fyrstu
umferð um annað sætið rúmlega 50 prósent at-
kvæða og því þurfti ekki að halda aðra umferð.
Þegar hér var komið við sögu var ljóst að
miklar líkur væru á því að þriðja sætið færi til
Norðurlands vestra og einnig voru uppi sterk-
ar raddir um að nauðsynlegt væri að hafa konu
í öðru sæti. Það voru líka fulltrúar frá Norður-
landi vestra, þau Herdís Á. Sæmundsdóttir,
Árni Gunnarsson og Elín R. Líndal sem kom-
ust áfram í aðra umferð og að lokum var það
Herdís sem reyndist hlutskörpust. Hún er frá
Sauðárkróki, hefur verið oddviti framsóknar-
manna í sveitarstjórn Skagafjarðar, formaður
byggðaráðs og kenndi einnig í mörg ár við Fjöl-
brautaskóla Norðurlands vestra.
Framsóknarmenn ánægðir
Almennt virðast framsóknarmenn í Norður-
landi vestra ánægðir með prófkjörið og það fyr-
irkomulag sem var valið. Eflaust á staðan hjá
Sjálfstæðisflokknum í kjördæminu að afloknu
prófkjöri drjúgan þátt í þeirri ánægju. Þar sem
kosið var um hvert sæti fyrir sig reyndist erfitt
að mynda kosningablokkir og einnig þykir
mönnum sem vel hafi tekist til með að halda
jafnvægi milli gömlu kjördæmanna, kynja og
aldurshópa. Í fjórum efstu sætunum eru tveir
karlar og tvær konur en í fjórða sætinu er Ey-
dís Líndal Finnbogadóttir frá Akranesi.
Átök en ekki
óvænt úrslit
Hart var barist um sætin á flokksþingi Framsóknar-
flokksins á Norðvesturlandi um helgina. Steingrímur
Sigurgeirsson fjallar um niðurstöðu prófkjörsins.
sts@mbl.is
FULLTRÚARÁÐ sjálfstæðisfé-
laganna í Skagafirði og Húnavatns-
sýslum samþykkti á fundi sínum á
sunnudag að beina því til miðstjórn-
ar Sjálfstæðisflokksins að hún tæki
nú þegar fyrir framkvæmd próf-
kjörsins sem haldið var í kjördæm-
inu og úrskurð kjörnefndar um nið-
urstöðu vegna prófkjörsins og kveði
upp úr um hvaða áhrif annmarkar á
því hafi á gildi þess. Var tillagan
samþykkt með 61 samhljóða at-
kvæði. Miðstjórn flokksins hefur
verið kölluð saman til fundar.
Eins og greint hefur verið frá er
Vilhjálmur Egilsson, sem hafnaði í 5.
sæti í prófkjörinu, ósáttur við nið-
urstöðuna og hefur fullyrt að sigur í
prófkjörinu hafi verið hafður af sér
með brögðum.
Davíð segir annað prófkjör
ekki koma til greina
Haft var eftir Davíð Oddssyni for-
sætisráðherra í fréttum Stöðvar 2 að
ekki kæmi til greina að endurtaka
prófkjörið. Það hafi hins vegar orðið
heilmikil mistök við framkvæmd
prófkjörsins en hann telji ekki að
þau mistök geti orðið til þess að eyði-
leggja allt prófkjörið og ekki sé vinn-
andi vegur að fara í nýjan prófkjörs-
slag.
Davíð sagðist heldur ekki fylgj-
andi því að Vilhjálmur færi í sér-
framboð undir merkjum Sjálfstæð-
isflokksins.
„Ég tel að það sé ekki heppilegt og
ekki vænlegt til árangurs í framtíð
að bjóða upp á slíkan möguleika. Við
höfum aldrei leyft það, sjálfstæðis-
menn. Annaðhvort bjóða menn sig
fram undir merki flokksins eða ekki.
Ég hygg að hreinar línur í þeim efn-
um séu bestar, “ sagði Davíð.
Ekki flóknar reglur
Spurður um heimildir miðstjórnar
Sjálfstæðisflokksins til þess að grípa
inn í málið segir Kjartan Gunnars-
son, framkvæmdastjóri flokksins, að
miðstjórnin sé æðsta vald hans á
milli landsfunda og út af fyrir sig geti
allir flokksmenn leitað til hennar
með umkvörtunar- eða áhyggjuefni
vegna mála sem snerta flokkinn. Í
prófkjörsreglunum sé að finna sér-
stakt ákvæði um það að ágreiningi
sem kemur fram innan stjórnar kjör-
dæmisráðs varðandi prófkjör megi
skjóta til miðstjórnarinnar sem sé þá
hið endanlega úrskurðarvald. „Það
eru engar flóknar réttarfarsreglur í
skipulagsreglum flokksins. Um mið-
stjórnina segir í skipulagsreglum að
framkvæmdastjórn flokksins sé í
höndum miðstjórnar og hún hafi úr-
skurðarvald um allar framkvæmdir
á vegum flokksins, umráð eigna hans
og gætir þess að skipulagsreglum
flokksins sé fylgt.“
Vilja skoða meinta annmarka prófkjörs
Miðstjórn fer með
úrskurðarvaldið
Morgunblaðið/Jón Sig.
Frá fundi fulltrúaráðs sjálfstæðismanna á Blönduósi.
MAGNÚS Stefánsson alþingis-
maður skipar fyrsta sætið á lista
framsóknarmanna í Norðvest-
urkjördæmi en hann hlaut 231 at-
kvæði eða tæp 54% í annarri um-
ferð en Kristinn H. Gunnarsson,
formaður þingflokks framsókn-
armanna, fékk 46% atkvæða en
hafði hlotið flest atkvæði um
fyrsta sætið í fyrstu umferðinni. Í
þriðju umferð tryggði Kristinn
sér annað sætið með 54% atkvæða
en Páll Pétursson félagsmálaráð-
herra hafði áður dregið sig í hlé
og mun því láta af þingmennsku
nú í vor. Páll er 65 ára gamall og
hefur verið þingmaður Norður-
landskjördæmis vestra í 26 ár og
er núverandi aldursforseti Alþing-
is.
Herdís Á. Sæmundardóttir
hlaut 52% atkvæða í 2. umferð um
þriðja sætið. Árni Gunnarsson,
framkvæmdastjóri og fyrrum að-
stoðarmaður félagsmálaráðherra,
náði ekki kjöri í fyrsta, annað eða
þriðja sætið og sóttist ekki eftir
að skipa fjórða sætið. Eydís Lín-
dal Finnbogadóttir var kjörin í
fjórða sætið með 78% atkvæða og
Ingi Björn Árnason í fimmta með
65,5% atkvæða.
Páll hættir þing-
mennsku í vor

 
 
  

  
 


 
  

  

 


 
   

!  
 "  
#  # 
$  %& '
 (

) # * 

+  ,
 -.
"

  
/  * )

 % # 0
„SAMKEPPNI á matvörumark-
aði“ er yfirskrift hádegisverðar-
fundar sem Frjálshyggjufélagið
stendur fyrir í Iðnó á morgun,
miðvikudaginn 20. nóvember.
Segir í fréttatilkynningu að fund-
urinn sé haldinn í kjölfar mikillar
umræðu um hugsanlega fákeppni
á matvörumarkaðinum og of hátt
vöruverð til neytenda.
„Eins og kunnugt er hafa verið
uppi efasemdir í þjóðfélaginu um
hvort samkeppnin færi okkur lágt
matvöruverð og hafa fyrirtæki
verið sökuð um óeðlilega háa
álagningu,“ segir í tilkynningunni.
Stjórnmálamenn hafi margir
hverjir beitt sér á Alþingi og í fjöl-
miðlum fyrir því að gripið verði til
aðgerða til að sporna við þeirri
þróun sem þeir telji óæskilega á
matvörumarkaði. Á fundinum
verði leitast við að svara þeirri
spurningu hvort tilefni sé til slíkra
aðgerða.
Haukur Örn Birgisson, formað-
ur Frjálshyggjufélagsins, Ólafur
Teitur Guðnason blaðamaður og
Össur Skarphéðinsson, formaður
Samfylkingarinnar, munu flytja
erindi á fundinum. Að loknum
framsöguerindum verða almenn-
ar umræður og spurningar frá
fundargestum. Fundarstjóri verð-
ur Jón Gnarr og hefst fundurinn
stundvíslega klukkan 12.
Samkeppni á mat-
vörumarkaði rædd