Morgunblaðið - 19.11.2002, Síða 16

FYRSTU tíu mánuði ársins drógu
Flugleiðir heildarframboð á flugsæt-
um saman um 15,9%. Í heild fækkaði
farþegum í millilandaflugi Flugleiða
úr 1.216 milljónum í fyrra í 1.066
milljónir í ár eða um 12,4% Hins veg-
ar hefur sætanýting batnað á milli
tímabila um 1%. Í október í ár var
sætaframboð Flugleiða 14,5% minna
en í október í fyrra en farþegum
fækkaði hins vegar mun minna eða
um 3,7%. Sætanýting var 6,8% betri í
október 2002 en á sama tíma í fyrra.
Eitt af meginmarkmiðum í rekstri
félagsins á þessu ári er að draga úr
hlutfalli farþega sem eru á leið yfir
Norður-Atlantshaf en auka hlutfall
þeirra sem ferðast til og frá Íslandi. Í
október voru farþegar á leiðum til og
frá Íslandi 60% af heildarfjölda far-
þega. Í október í fyrra var þetta hlut-
fall 54%. Fyrstu tíu mánuði ársins
voru farþegar á leiðum til og frá
landinu 60% en á sama tímabili í
fyrra var þetta hlutfall 52%.
„Þrátt fyrir minnkað framboð og
færri áfangastaði en í fyrra fjölgaði
farþegum í innanlandsflugi Flug-
félags Íslands, dótturfyrirtækis
Flugleiða, í októbermánuði um 1,1%,
úr 21.795 farþegum í fyrra í 22.030 í
ár, á meðan sætanýting félagsins
jókst um 0,8 prósentustig. Sætanýt-
ing hjá Flugfélagi Íslands hefur
batnað um 6,1 prósentustig fyrstu
níu mánuði ársins og á þátt í veruleg-
um bata á afkomu fyrirtæksins
ásamt með kostnaðarlækkun og mik-
illi hagræðingu á flestum sviðum
starfseminnar,“ að því er segir í til-
kynningu frá Flugleiðum.
Markaðsvirði hækkað
um 8 milljarða
Viðskipti með bréf Flugleiða
námu 313 milljónum króna í síðustu
viku og hækkaði gengi bréfanna um
14,9%. Samkvæmt morgunpunktum
Kaupþings hefur gengi bréfa Flug-
leiða hækkað um 242% á einu ári og
hefur markaðsvirði Flugleiða því
aukist um rúma 8 milljarða á því
tímabili.
Í gær voru engin viðskipti með
bréf Flugleiða í Kauphöll Íslands en
lokagengi þeirra var 5 á föstudag.
Flugleiðir munu birta níu mánaða
uppgjör félagsins síðdegis í dag.
 

! "##$"##"
25
!  7 

C G  G    H
C G  G  H
$#&$.#%"$

@
@
$C* 
&''$





 
 
  
 



$C* 
&''&
$#'.+#-+-
(( (
 2
 

2 
/
 &.#+,+   &,#$0$
25
2 
 
9 7  7
  
  

&+"#%0+
 !
  &$0#,.-
"#!
Farþegum Flug-
leiða fækkar um
12,4% milli ára
VIÐSKIPTI/ATHAFNALÍF
16 ÞRIÐJUDAGUR 19. NÓVEMBER 2002 MORGUNBLAÐIÐ
sérsniðin innheimtulausn
TAP Íslandssíma fyrstu níu mánuði
ársins nam 376 milljónum króna
samanborið við 777 milljónir króna á
sama tímabili í fyrra. Tap félagsins á
þriðja ársfjórðungi 2002 nam 242
milljónum króna.
Í tilkynningu frá Íslandssíma
kemur fram að þrjár meginástæður
séu fyrir tapinu. Í fyrsta lagi hefur
rekstur Halló verið sameinaður
rekstri Íslandssíma, það er afkoma
Halló er inni í rekstrarniðurstöðu Ís-
landssíma á þriðja ársfjórðungi.
Halló er yngra félag og afkoma þess
lakari en Íslandssíma. Af því leiðir
að heildarafkoma Íslandssíma
versnar. Í öðru lagi var sala Íslands-
síma fyrstu mánuði ársins undir
væntingum. Nýir viðskiptavinir Ís-
landssíma eru hins vegar nú í nóv-
ember orðnir jafnmargir og áætlanir
gerðu ráð fyrir. Í þriðja lagi hefur
kostnaður orðið vegna þess mikla
starfs sem unnið hefur verið í sam-
runamálum bæði vegna Halló og
Tals.
Eimskip flytur símaþjónustu
Einn stærsti samningur sem Ís-
landssími er að gera um þessar
mundir er við Hf. Eimskipafélag Ís-
lands og nokkur dótturfélög fyrir-
tækisins um yfirtöku fastlínuteng-
inga, farsímaþjónustu, internet-
þjónustu, útlandasambönd og
gagnatenginga félaganna. Félögin
sem um ræðir eru auk móðurfélags-
ins Hf. Eimskipafélag Íslands, Eim-
skip ehf, sem verður frá áramótum
það fyrirtæki samstæðunnar sem
annast flutningastarfsemi og þar
með einnig Eimskip innanlands hf.,
Vöruhótelið hf., Flytjandi hf., og
Hafnarbakki hf. Auk þess sjávarút-
vegsfélögin Haraldur Böðvarsson
hf., Skagstrendingur hf. og Útgerð-
arfélag Akureyrar hf. sem mynda
sjávarútvegseiningu Eimskipa-
félagsins og að lokum fjárfestinga-
félagið Burðarás ehf.
Skrifað var undir samning í gær
sem er til þriggja ára. Samningurinn
felur í sér samtengingu allra meg-
instarfsstöðva félaganna í símstöðv-
um Íslandssíma sem gerir fyrirtækj-
unum kleift að hringja frítt sín á milli
í tal- og farsíma. Þá var samið um
verulegan fjölda ADSL tenginga.
Útlit fyrir rekstrarbata
„Á síðustu dögum hefur verið
skrifað undir samskonar samninga
við fjölda annarra stórfyrirtækja.
Meðal þeirra eru Pharmanor, eitt
stærsta lyfjadreifingarfyrirtæki
hérlendis, Orkuveitu Reykjavíkur,
Íslensk verðbréf, Slippfélagið í
Reykjavík og Gámaþjónustuna,“ að
því er segir í tilkynningunni.
Þrátt fyrir tap félagsins á þriðja
ársfjórðungi telja stjórnendur horf-
ur á rekstrarbata í þeim fjórða og
framtíðarhorfur góðar. Tæplega 82
milljóna króna tap varð af rekstri
sameinaðs félags fyrstu níu mánuði
ársins sé horft til afkomu fyrir af-
skriftir, fjármagnsliði og skatta
(EBITDA). Þar af er tap á þriðja
ársfjórðungi 71 milljón. Rekstrar-
tekjur sameinaðs félags námu 1.588
milljónum króna fyrstu níu mánuði
ársins og rekstrargjöldin voru 1.670
milljónir króna. Afskriftir félagsins
fyrstu níu mánuði ársins 2002 hafa
aukist um 129 milljónir króna frá
sama tímabili árinu áður, úr 333
milljónum í 462 milljónir. Auknar af-
skriftir skýrast af miklum fjárfest-
ingum síðasta árs en meginuppbygg-
ingu fjarskiptakerfa félagsins er
lokið. Þá er byrjað að afskrifa við-
skiptavild Halló á þriðja ársfjórð-
ungi, að því er segir í tilkynningu.
Eiginfjárhlutfallið 46%
Fjármagnsliðir félagsins voru já-
kvæðir um 94 m.kr. fyrstu níu mán-
uði ársins 2002 og er það verulegur
viðsnúningur frá sama tímabili árið
áður en þá voru fjármagnsliðir nei-
kvæðir um 269 m.kr. Skýrist þetta
einkum af jákvæðri gengisþróun
fyrstu sex mánuði ársins. Reiknaðar
tekjur vegna verðlagsbreytinga
námu 29 m.kr. fyrstu níu mánuði
ársins 2002. Í lok september nam
eigið fé 2.696 m.kr. og nemur eig-
infjárhlutfall félagsins 46%.
Í tilkynningu kemur fram að með
sameiningu Íslandssíma, Halló og
Tals muni nást fram veruleg sam-
legðaráhrif í rekstrarkostnaði.
„Má þar taka til betri nýtingu
markaðsfjár, lækkun stjórnunar-
kostnaðar, hagræðingu í rekstri
kerfa og nets, sparnað í húsnæðis-
málum og fleira. Íhaldssöm áætlun
gerir ráð fyrir samlegð á bilinu 600
til 750 m.kr. á ári. Við sameiningu fé-
laganna þriggja verður horft til efl-
ingar sölustarfs og gefst tækifæri til
að beina öllum kröftum að einum
keppinaut. Þannig er ráðgert að
rekstrartekjur sameinaðs félags
nemi um 5.300 m.kr. á yfirstandandi
ári. Sjóðsstreymi verður sterkt þeg-
ar á fyrsta ári. Gert er ráð fyrir að
EBITDA verði á bilinu 1.200 til 1.600
m.kr. árið 2003, fjárfestingarkostn-
aður minni og að hagnaður verði af
rekstri félagsins árið 2004. Loks er
ráðgert að heildareignir sameinaðs
félags í árslok 2002 nemi 12.500
m.kr.,“ segir í tilkynningunni.
Tap Íslandssíma 376 m.kr.
Morgunblaðið/Þorkell
Heiðar Kristinsson og Einar Birgir Einarsson frá Íslandssíma, Hlynur G.
Guðmundsson og Stefán Stefánsson frá Eimskip, Óskar Magnússon, for-
stjóri Íslandssíma, og Þorkell Sigurlaugsson, framkvæmdastjóri þróunar-
sviðs Eimskipafélagsins, voru við undirritun samnings um flutning síma-
þjónustu Eimskips til Íslandssíma.
BAUGUR-ID hefur fest kaup á
3.300.000 hlutum í House of Fraser
PLC, til viðbótar við þá 13.925.000
hluti sem félagið átti fyrir.
Samtals er eignarhlutur Baugs í
House of Fraser nú 7,45%, að því er
kemur fram í tilkynningu frá félaginu.
Lokagengi bréfa House of Fraser í
gær var 70 pens. Miðað við það námu
viðskiptin 2,3 milljónum punda, eða
tæpum 310 milljónum króna. Mark-
aðsvirði eignarhlutar Baugs í House
of Fraser nemur rúmum 1,6 milljörð-
um króna ef miðað er við sama gengi.
Síðan Baugur seldi hlut sinn í Arc-
adia í september og hagnaðist um 8
milljarða króna, hefur félagið keypt
alls rúm 15% í breska matvörufyrir-
tækinu Big Food og 7,45% í House of
Fraser. Auk þess ákvað fyrirtækið að
auka hlut sinn í Bonus Stores í
Bandaríkjunum um 9 milljónir doll-
ara. Samtals nema þessar fjárfesting-
ar tæplega fimm milljörðum króna.
Baugur
kaupir í
House of
Fraser
Yfirtökutilboð Kaup-
þings í JP Nordiska
Meirihluti
hluthafa
vill selja
MIKILL meirihluti hluthafa
sænska bankans JP Nordiska
hefur samþykkt kauptilboð
Kaupþings, samkvæmt heim-
ildum Morgunblaðsins. Talning
á svörum hluthafa stóð yfir í
gærkvöldi, en vonast var til
þess að endanlegar niðurstöður
yrðu ljósar fyrir hádegi í dag.
Kaupþing gerði yfirtökutil-
boð í félagið, en hluthafar JP
Nordiska gátu gengið að til-
boðinu þar til á föstudag. Í boði
voru 9,55 hlutir í Kaupþingi
fyrir hvern hlut í JP Nordiska.
Tilboðið er meðal annars háð
þeim skilyrðum að yfir 90%
hluthafa í JP Nordiska gangi
að tilboðinu, en Kaupþing er
sjálft eigandi um þriðjungs
hlutafjár. Ef tilskilin 90% nást
ekki getur Kaupþing fallið frá
tilboðinu, framlengt frestinn
um tvær vikur, eða fallið frá
skilyrðinu um samþykki eig-
enda 90 prósentanna. Þá myndi
fyrirtækið aðeins geta keypt
bréf þeirra sem samþykktu til-
boðið.
Kaupþing stækkar um 56%
eftir sameininguna, ef einnig er
reiknuð með sameining við
Auðlind, samkvæmt uppgjör-
um um mitt ár. Heildareignir í
íslenskum krónum fara úr 125
milljörðum króna í 194 millj-
arða króna í sameinuðu fyrir-
tæki.