Morgunblaðið - 12.12.2002, Qupperneq 23

HÖFUÐBORGARSVÆÐIÐ
MORGUNBLAÐIÐ FIMMTUDAGUR 12. DESEMBER 2002 23
MINNIHLUTI bæjarstjórnar
Kópavogs gagnrýnir vinnubrögð
meirihluta Sjálfstæðisflokks og
Framsóknarflokks vegna staðfest-
ingar fjárhagsáætlunar 2002 sem af-
greiða átti á aukafundi á þriðjudag.
Gagnrýndi Samfylkingin að ekki
hefðu fylgt efnahagsreikningar þeim
gögnum sem bæjarfulltrúar fengu
send fyrir fundinn og að ákveðið
hefði verið á fundinum að fresta
næsta fundi bæjarstjórnar 17. des-
ember nk., þegar leggja átti fram
fjárhagsáætlun næsta árs, þar til 30.
desember. Í fréttatilkynningu frá
Samfylkingu segir að efnahags-
reikningur hljóti að teljast nauðsyn-
legt gagn til að hægt sé að fjalla um
fjárhagsáætlunina en honum hafi
fyrst verið dreift á fundinum. Því
mótmælti Samfylkingin og í bókun
þeirra kom m.a. fram að fjárhags-
áætlunin væri tekin fyrir seint miðað
við önnur sveitarfélög og væri dæmi
um „skort á vönduðum vinnubrögð-
um hjá Sjálfstæðisflokki og Fram-
sóknarflokki við stjórnun bæjarins.“
Samfylkingin tók ekki þátt í af-
greiðslunni en henni var frestað til
næsta fundar að tillögu bæjarstjóra.
Sigurður Geirdal bæjarstjóri
sagði í samtali við Morgunblaðið
ekkert óeðlilegt við að fjalla um hluta
fjárhagsáætlunarinnar án þess að
efnahagsreikningur lægi fyrir. En
þar sem samfylkingarmenn hefðu
viljað lengri tíma til að lesa gögnin
hefði verið ákveðið að fresta af-
greiðslunni til næsta fundar af tillits-
semi við minnihlutann, eins og kem-
ur fram í bókun meirihlutans.
Tímafrekt að ganga
frá reikningum
Sagði Sigurður að sökum þess að
sveitarfélög verði nú að ganga frá
reikningum á nýju reikningsskila-
formi hefði tekið lengri tíma en ella
að leggja fjárhagsáætlun 2002 fram
til staðfestingar. Sama ástæða lægi
að baki því að fjárhagsáætlun 2003
yrði ekki tekin fyrir á fundi 17. des-
ember eins og áður hefði verið
ákveðið heldur 30. desember. „Þetta
nýja form er alveg bylting á fram-
setningu reikninganna. Það þarf t.d.
að fara fram kerfisbundið mat á öll-
um eignum bæjarins og það er nú
ekki lítið mál. Svo allt hefur þetta
tekið mikinn tíma,“ sagði Sigurður.
Gagnrýna vinnu-
brögð við afgreiðslu
fjárhagsáætlunar
Nýtt reikningsskilaform tefur fyrir,
segir Sigurður Geirdal bæjarstjóri
Kópavogur
MIKIL umræða hefur skapast meðal
Mosfellinga á heimasíðu Mosfellsbæj-
ar, www.mos.is um fjárhagsáætlun
bæjarins sem lögð var fram til fyrri
umræðu á bæjarstjórnarfundi í síð-
ustu viku.
Barnafólk gagnrýnir að leikskóla-
gjöld verða samkvæmt fjárhagsáætl-
uninni hækkuð og sömuleiðis fæðis-
gjöld í leikskólum um 25%. Einnig sé
gert ráð fyrir að gjöld fyrir heilsdags-
skóla hækki verulega og íþrótta- og
tómstundastarf. „Ég trúi því ekki að
megnið af hækkun gjalda í Mos-
fellsbæ eigi að lenda á barnafólki og
því fleiri börn sem fólk á því hærri
álögur. Af hverju er verið að auka
álögur barnafólks svo verulega?“
spyr einn maður inni á vefnum.
Þjónustugjöld löguð að
því sem þekkist í
nágrannasveitarfélögum
Að sögn meirihlutans er gert ráð
fyrir 215 milljóna króna tekjuafgangi
fyrir fjármagnsliði í stað 11 milljóna
króna halla í fjárhagsáætluninni.
Þetta verður gert með því að hækka
útsvarsprósentu á næsta ári úr
12,65% í 12,94% og með því að laga
ýmis þjónustugjöld að því sem gerist í
nágrannasveitarfélögum, skv. upplýs-
ingum forsvarsmanna meirihlutans.
„Ástæðan er einfaldlega sú, að við
erum með einhverjum hætti að reyna
að auka tekjur bæjarsjóðs, sem er að
okkar mati frekar illa staddur, og vilj-
um þá gera það hressilega tímabund-
ið, til þess að vera frekar í stakk búin
síðar til þess að draga úr þessum
álögum,“ segir Ragnheiður Ríkharðs-
dóttir, bæjarstjóri í Mosfellsbæ, í
Morgunblaðinu á þriðjudag.
Fulltrúar minnihlutans hafa gagn-
rýnt hækkanir og segja að niður-
greiðsla skulda komi mjög illa við
barnafjölskyldur.
Fjárhagsáætlun Mosfellsbæjar
verður tekin til síðari umræðu á bæj-
arstjórnarfundi 18. desember nk.
Barnafólk
ósátt við
hækkanir
Mosfellsbær
Mikið úrval af
tískuskartgripum
Laugavegi
s. 511 4533
Kringlunni
s. 533 4533
Smáralind
s. 554 3960
TED LAPIDUS ADSL mótald • Stofngjald • Músarmotta
Samtals verðmæti 18.125 kr.
Aðeins
5.900 kr.
Tilboð 1.
Hver býður
betur?
Startpakkinn
- allt sem til þarf
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
SS
1
94
81

11
/2
00
2
Nokia 3310 á 9.900 kr.
Með 12 mánaða áskrift.
Ekkert stofngjald 2.100
Venjulegt verð 14.900 kr.
9.900 kr.
Tilboð 2.
islandssimi.is
Hringdu strax í síma 800 1111 eða
komdu í verslun okkar í Kringlunni.
sófasett