Morgunblaðið - 12.12.2002, Blaðsíða 64

FÓLK Í FRÉTTUM
64 FIMMTUDAGUR 12. DESEMBER 2002 MORGUNBLAÐIÐ
5TA HERDEILDIN hefur nú
sent frá sér samnefndan frumburð,
en á bak við nafnið standa Gímaldin
(Gísli Magnússon) og Loftur S.
Loftsson sem fá síðan til liðs við sig
ýmsa hljóðfæraleika og tvær ágætar
söngkonur.
Þetta er um
margt sérstök plata
– þjóðlagakynjuð
tónlist sem dýft er í
rokk og tekur ýmsa
hliðarspretti. Text-
arnir sækja sumir í rammíslenska
vísnahefð, sagðar sögur af einhverri
ógæfu eins og í draugavísunum í
„Undir Starkaðssteini“ þar sem
„beinin gulna við vindsins strok“.
Aðrir textar eru á hinn bóginn súr-
realískar samsetningar sem erfitt er
að botna í, t.d. textinn um hjónalífið í
fjórðu vídd í „Polkanum Klezmer“
þar sem kemur m.a. fyrir línan „þú
ert svo hlutgerð að ég keyri á þér í
vinnuna“(!). Söngkonurnar Sonja
Lind og Unnur Andrea setja svip
sinn á plötuna og gera mikið fyrir þau
lög sem þær syngja með blátt áfram
og tilgerðarlausum söng sínum –
spilamennskan er á köflum nokkuð
losaraleg og hljómurinn ekkert sér-
staklega góður – en þær gefa þessu
meiri festu og heildarsvip og halda
þræðinum saman. Sum lögin eru
varla meira en hálfkarað grín og
flipp, t.d. „Fiskeldisbragur“ þar sem
hljómurinn er frekar falskur og und-
arlegur, en inn á milli tekst herdeild-
inni ágætlega upp eins og í fyrr-
nefndu „Undir Starkaðssteini“, þar
sem næst draugalegt andrúmsloft og
lagið státar af sérlega annarlegum
gítarhljómum í millikaflanum. Í upp-
hafslaginu „Guðrúnarvísur“ (þar sem
ég held að sé sungið um epli sem vill
verða banani) er takturinn þungur og
forneskjulegur eins og staf sé barið í
gólf enda er jólasveinninn ákallaður í
því lagi en í allt aðra átt fer „Hring-
dans“ sem er fjörugur ræll þar sem
söngkonan fer út í náttúruna og
syngur „í víðáttubrjálæði finnst mér
gott að vera/þegar ég slepp loksins
upp í sveit“. Einnig er ónefnt aukalag
í lokin („Skref fyrir skref?“) áhuga-
verður tilraunaspuni og „A kiss on
the head“ er mjög sérstakt, melód-
ískur söngurinn eins og venjuleg
poppballaða sé á ferðinni en undir
hljómar óskapnaðarforritun og allt
annar taktur – fær mann óneitanlega
til að sperra eyrun.
Þetta er nokkuð ójöfn plata en það
áhugaverðasta við hana er hvernig
sveitin fer í óvæntar áttir með hljóma
og nótur, beygir af leið þar sem mað-
ur ætti von á beinni línu og útkoman
er undurfurðuleg þjóðlagaframúr-
stefna sem er í öfuga átt við alla meg-
instrauma.
Öfug átt
5ta herdeildin
5ta herdeildin
Ógrunduð forsjá
5ta herdeildin er Gímaldin (söngur, gítar,
mandólín, forritun), Loftur S. Loftsson
(bassi/söngur), Sonja Lind Eyglóardóttir
og Unnur Andrea Einarsdóttir söngur,
Þórdís Claessen, ásláttur í 2 lögum og
Elvar Geir Sævarsson gítar í einu lagi.
Upptaka og hljóðblöndun: Gísli Magn-
ússon. Ógrunduð forsjá gefur út.
Steinunn Haraldsdóttir
HLJÓMSVEITIN Sign sendi frá
sér prýðilega plötu fyrir síðustu jól
sem stakk nokkuð í stúf við það sem
annars kom út þá; mun rokkaðri tón-
list en aðrir voru að fást við og sú
plata sem hér er tekin til kosta geng-
ur enn lengra í þá
átt; nú eru menn
komnir á kaf í glys-
rokkið eins og um-
slag plötunnar
undirstrikar svo
eftirminnilega.
Fyrir ofan himininn er skemmti-
lega gamaldags svo mikið er víst, og
byrjunin á henni, „Aldrei aftur“, er
hreint framúrskarandi skemmtileg;
léttþungt glysrokk af bestu gerð. Í
því er allt vaðandi af gíturum, mylj-
andi keyrsla og spunakaflar. Fyrir-
taks lag sem undirstrikar að Ragnar
Zolberg er enn að vaxa sem tónlist-
armaður. Það er líka vel sungið því
þó röddin eigi enn eftir að taka út
þroska syngur hann blátt áfram og
af einlægni.
Annað lag plötunnar, „Sólin skín /
Í síðasta skiptið“, finnst mér ekki
eins vel heppnað, keyrslan ekki eins
markviss þó það sé vel samsett og
lokaspretturinn góður.
„Eichvað“ byrjar með groddalegu
dauðarokköskri og lagið hefði reynd-
ar getað sómt sér vel sem slíkt, mikið
af kaflaskiptingum og níðþungri
stemmningu; bara auka hraðann ei-
lítið og bjaga gítara meira.
Rafgítarballaðan er á sínum stað,
„Innri skugginn“ byrjar með hug-
ljúfu gítarplokki og rólyndislegum
söng, en síðan eykst þunginn smám
saman þar til allt ætlar um koll að
keyra í djöfulgangi, þá skipt aftur í
lága gírinn og svo aftur af stað –
klassískt þungarokklag með
skemmtilegum spunaköflum í lokin,
en hefði eins getað staðið fyrir sínu
sem poppballaða, fer eftir útsetning-
unni.
Svo vindur plötunni fram, bestu
lögin jafnan þau þar sem mest er í
gangi, þ.e. þunginn er mestur, enda
fer hamagangur slíkri tónlist best.
Víða eru góðir sprettir sem fanga
mann við fyrstu hlustun og leiða síð-
an inn í lagið. Sjá þannig „Ég leitaði“
sem er með frábæru upphafi, en í því
er meira á seyði en virðist við fyrstu
hlustun. Frábært lag og næstbesta
lag plötunnar á eftir „Aldrei aftur“.
Þetta er mikil gítarplata og allur
gítarleikur góður, skælifetlar og
bjögunartól notuð af íþrótt. Gítar-
kaflarnir í öðru lagi skífunnar eru
þannig skemmtilegir og slíka spretti
er reyndar víðar að finna á plötunni.
Gítarhljómur er góður. Vert er einn-
ig að geta trommuleiksins sem er
hreint frábær út í gegnum plötuna,
spilað af krafti og íþrótt (og greini-
legt að gamall trommuleikari sat við
takkana). Ragnar Zolberg syngur
mjög vel, öskrar og raular eftir því
sem við á, og raddar skemmtilega
með sjálfum sér, sjá til að mynda tit-
illag plötunnar og „Augun“, en Sig-
urður Ágúst syngur líka bakraddir.
Þessi plata Sign er hin besta
skemmtun, kraftmikil og grípandi í
senn, sannkallað rokk sem gefur fyr-
irheit um framtíðina.
Tónlist
Sign
Fyrir ofan himininn
R&R-músík
Fyrir ofan himininn, breiðskífa hljóm-
sveitarinnar Sign sem skipuð er þeim
Ragnari Zolberg sem leikur á gítar og
syngur, Agli Erni sem leikur á trommur,
Baldvin Frey sem leikur á gítar og Sigurði
Ágústi sem leikur á bassa og syngur bak-
raddir. Einnig leika þeir Ingó og Silli Geir-
dal á gítar í einu lagi. Upptöku stýrðu
feðgarnir Ragnar Zolberg og Rafn Jóns-
son, en Rafn sá einnig um takkastjórn og
hljóðblöndun. R&R músík gefur út.
Árni Matthíasson
Morgunblaðið/Sverrir
Ragnar Zólberg er söngvari og gítarleikari Sign.
Sannkallað rokk
Grettissaga
saga Grettis
leikrit eftir Hilmar Jónsson byggt
á Grettissögu
Þri 17. des. UPPSELT,
sun 29. des kl. 20,
HÁTÍÐARSÝNING, nokkur sæti
föst 3. jan, kl 20, laus sæti
Sellófon
eftir Björk Jakobsdóttur
föst 13. des, nokkursæti
LOKASÝNING FYRIR JÓL.
Sýningarnar á Sellófon hefjast kl 21.00
Miðasala í síma 555 2222 0g á www.hhh.is og midavefur.is
Miðasala er opinn alla virka daga frá 15.00 til 19.00.
Nánari upplýsingar um Grettissögu og máltíð á Fjörukránni
fyrir sýningu á www.hhh.is
Kvöldverður fyrir og eftir sýningar
Miðasala er opin frá kl. 10-16 virka daga,
kl. 14-17 um helgar, frá kl. 19 sýnd.
Ósóttar pantanir seldar 4 dögum fyrir
sýningar. Sími 562 9700
Munið gjafakortin!
Fös. 13/12 kl. 21 Nokkur sæti,
síðasta sýning fyrir jól
Lau 28. 12. kl. 21 Jólasýning
Föst 3/1 kl. 21 Uppselt
Föst 10/1 kl 21
Sérstakar jólasýningar!
26. des. kl. 14 laus sæti
29. des. kl. 14. laus sæti
5. jan. kl. 14 laus sæti
12. jan. kl. 14. laus sæti
19. jan. kl. 14. laus sæti
Stóra svið
SÖLUMAÐUR DEYR e. Arthur Miller
Lau 28/12 kl 20, Su 29/12 kl. 20
Sýningum fer fækkandi
HONK! LJÓTI ANDARUNGINN
e. George Stiles og Anthony Drewe
Gamansöngleikur fyrir alla fjölskylduna
Su 29/12 kl 14
MEÐ VÍFIÐ Í LÚKUNUM e. Ray Cooney
Í kvöld kl kl 20 - AUKASÝNING
ALLRA SÍÐASTA SÝNING
Nýja svið
Þriðja hæðin
Litla svið
Forsalur
Miðasalan er opin kl. 13-18 og fram að sýningu sýningardaga. Sími miðasölu opnar kl. 10 virka daga.
Fax 5680383 midasala@borgarleikhus.is
Miðasala: 568 8000
HERPINGUR e. Auði Haralds og
HINN FULLKOMNI MAÐUR e.Mikael Torfason
í samstarfi við DRAUMASMIÐJUNA
Lau 28/12 kl 20, Fö 10/1 kl 20
RÓMEÓ OG JÚLÍA e. Shakespeare
í samstarfi við VESTURPORT
Lau 14/12 kl 20,
Má 30/12 kl 20, UPPSELT
SÓL & MÁNI Nýr íslenskur söngleikur
eftir Sálina hans Jóns míns og Karl Ágúst Úlfsson
FORSALA AÐGÖNGUMIÐA STENDUR YFIR - GJAFAKORT Á TILBOÐSVERÐI TIL JÓLA
Frumsýning 11. janúar
BROT AF ÞVÍ BESTA - UPPLESTUR
OG TÓNLIST
Jól í Kringlusafni og Borgarleikhúsi:
Rithöfundar lesa - léttur jazz - KK
Í kvöld kl 20 Arnaldur Indriðason, Einar Már
Guðmundsson, Einar Kárason, Guðrún Eva
Mínervudóttir, Stefán Máni og Þórarinn Eldjárn.
JÓN OG HÓLMFRÍÐUR e. Gabor Rassov
frekar erótískt leikrit í þrem þáttum
Su 29/12 kl 20
JÓLAGAMAN
Jólasveinakvæði Jóhannesar úr Kötlum í leikbúningi ofl.
Lau 14/12 kl 15:00 Su 15/12 kl 15:00 - Aðeins kr. 500,
ELEGIA - FJÖGUR DANSVERK
Pars pro toto - Rússibanar - Benda
Fö 13/12 kl 20, Lau 14/12 kl 20
GJAFAKORT Í LEIKHÚSIÐ - FRÁBÆR JÓLAGJÖF
Jólatónleikar
Háskólabíó við Hagatorg I Sími 545 2500
sinfonia@sinfonia.is I www.sinfonia.is
AÐALSTYRKTARAÐILI SINFÓNÍUNNAR
Jólatónleikar fjölskyldunnar í Háskólabíói
laugardaginn 14. desember kl. 15:00
Hljómsveitarstjóri: Bernharður Wilkinson
Kórstjóri: Jón Stefánsson
Einleikarar: Nemendur úr Allegro
Suzuki skólanum
Kór: Graduale nobile
Kynnir: Atli Rafn Sigurðarson
Á boðstólum verður m.a. tónlist
úr kvikmyndinni um töfrastrákinn
Harry Potter og heimsþekkt jóla-
lög. Að síðustu taka allir lagið
saman og aldrei að vita nema
jólasveinninn komi í heimsókn.
M
Á
T
T
U
R
IN
N
&
D
Ý
R
Ð
IN
ÖRFÁ SÆTI LAUS
Hversdagslegt
kraftaverk
eftir Évgení Schwarz
Leikstjóri: Vladimir Bouchler.
Frumsýning fös. 13.12. kl. 20 uppselt
2. sýn lau. 14.12. kl. 19 laus sæti.
Barn fær frítt í fylgd með fullorðnum
í leikhúsið yfir jólin.
Miðasölusími sími 462 1400
www.leikfelag.is
Vesturgötu 3 Í HLAÐVARPANUM
Klundurjól
Jólaskemmtun Hugleiks
fös. 13. des. kl. 20.00
sun. 15. des. kl. 20.00
Ljúffengur málsverður
fyrir alla kvöldviðburði
MIÐASALA: 551 9030 kl. 10-16
má.-fö. Símsvari á öðrum tímum.
Smurbrauðsverður innifalinn
Miðasala Iðnó í síma 562 9700
Hin smyrjandi jómfrú
sýnt í Iðnó
Sun. 15. des. kl. 15 og 20
Lau. 11. jan. kl. 20
Sun. 12. jan. kl. 20