Morgunblaðið - 17.12.2002, Blaðsíða 8

FRÉTTIR
8 ÞRIÐJUDAGUR 17. DESEMBER 2002 MORGUNBLAÐIÐ
Solla er alltaf að hrekkja mig, hún leggur mig í einelti.
Golfhringur Íslands
Kostirnir eru
mun fleiri en
gallarnir
EDWIN Rögnvalds-son golfvallar-hönnuður hefur
samið, hannað og gefið út
bókina Golfhringur Ís-
lands. Hún er í stóru broti,
mjög myndskreytt og
fjallar í máli og myndum
um alla viðurkennda GSÍ
golfvelli landsins og þeir
eru fleiri en margan grun-
ar. Edwin rekur eigið fyr-
irtæki með áherslu á golf-
vallahönnun og hann
gefur bókina sjálfur út.
Morgunblaðið spurði hann
nánar út í fyrirtækið.
– Segðu okkur fyrst frá
tildrögum þess að þú tókst
þessa bók saman og
greindu frá efni hennar …
„Hugmyndin að bók af
þessu tagi hefur oft verið
rædd. Þetta snerist eingöngu um
að hafa svigrúm til að ráðast í svo
tímafrekt verkefni. Þetta svig-
rúm hafði ég nú í sumar og haust.
Ég ákvað því að slá til. Í bókinni
eru á þriðja hundrað ljósmynda í
lit af öllum golfvöllum innan Golf-
sambands Íslands, sem eru 54. Í
textanum lýsi ég staðháttum og
reyni auk þess að vekja hinn al-
menna kylfing til umhugsunar
um nokkur atriði er varða hönn-
un golfvalla. Ég tel að hver kylf-
ingur hafi gott af því og að hann
njóti leiksins betur eftir því sem
hann veit meira um fagið.“
– Hvað er hægt að segja um ís-
lenska golfvelli, sérkenni þeirra
og einkenni?
„Á Íslandi höfum við leyft nátt-
úrunni að njóta sín við hönnun
byggingu golfvalla. Það hefur
verið gert af illri nauðsyn. Margir
íslenskir golfvellir hafa verið
byggðir af vanefnum. Við slíkar
aðstæður skapast óneitanlega
vandræði, en takmörkuðu fjár-
magni geta þó einnig fylgt tæki-
færi þótt það kunni að hljóma
undarlega. Þetta gildir aðeins ef
hentugt land er valið undir golf-
völlinn. Þegar fjárráð eru lítil
neyðist hönnuðurinn til að nýta
landkostina til hins ýtrasta.
Að mínu mati öðlast golfvöllur,
sem lagaður er fullkomlega að
landinu, allmikla sérstöðu. Hann
mótast af umhverfi sínu og ein-
kennum landsins frá náttúrunnar
hendi, en þau eru breytileg frá
einum stað til annars. Þannig
næst fjölbreytileiki auk þess sem
náttúrunni er sýnd virðing í
verki. Umhverfismálin eru mjög
ofarlega á baugi í golfvallargerð í
dag, en golfvellir hafa ekki notið
sannmælis gagnvart þeim mála-
flokki hingað til.“
– Er Ísland heppilegt golfland?
„Í ljósi þess sem ég sagði áðan
falla flestir íslenskir golfvellir vel
að umhverfi sínu og gefa kylfing-
um kost á að komast í nána snert-
ingu við óspillta náttúru. Það er
þessi snerting sem vekur svo
mikla hrifningu er-
lendra kylfinga sem
hingað hafa komið til
að leika golf. Þetta er
afdráttarlaus kostur
að mínu mati. Það
sama má segja um hinn mikla
birtutíma sem við höfum á sumr-
in. Ég held því að kostirnir séu
fleiri en gallarnir og að Ísland sé
því heppilegt til golfleiks.“
– Hvað er markhópurinn þinn
stór, þ.e.a.s. hversu margir kylf-
ingar eru hér á landi?
„Félagsbundnir kylfingar á Ís-
landi eru nú orðnir um ellefu þús-
und og er Golfsamband Ísland
orðið næststærsta sérsambandið
innan ÍSÍ. Hinir ófélagsbundnu
eru óþekkt stærð, en kannanir
hafa gefið til kynna að saman-
lagður fjöldi allra kylfinga á Ís-
landi sé á þriðja tug þúsunda.“
– Þú gefur bókina sjálfur
út … er þetta ekki allt of dýrt og
áhættusamt fyrirtæki?
„Vissulega er þetta mjög
kostnaðarsamt, ekki síst vegna
þess að ég vildi vanda til verks.
Ég ákvað þó að fara þessa leið
þar sem útgáfa bókarinnar á
ákveðna samleið með öðrum
verkefnum sem ég hyggst ráðast
í. Þessa stundina vinn ég að
kynningarriti um íslenska golf-
velli á ensku, sem verður dreift
erlendis á fyrri hluta næsta árs.
Mig langar að taka þátt í upp-
byggingu golfíþróttarinnar hér-
lendis og vil því tryggja að sá
ágóði sem kann að hljótast af út-
gáfunni, skili sér aftur inn til
hreyfingarinnar … og það von-
andi margfalt.“
– Nú ert þú lærður golfvallar-
hönnuður, hvers konar nám er
það og hvernig nýtist það hér á
landi?
„Það er hægt að telja þá á
fingrum annarrar handar, stað-
ina þar sem hægt er að stunda
nám í golfvallahönnun. Ég lauk
þessu námi hjá European Instit-
ute of Golf Course
Architects, sem hefur
bækistöðvar í Suður-
Englandi. Með því að
ljúka því býðst mönn-
um innganga í samtök-
in, sem eru hagsmunasamtök
golfvallahönnuða í Evrópu. Ég
stefni síðan á að ljúka masters-
gráðu í faginu næsta haust við
Heriot Watt-háskóla í Edinborg.
Námið nýtist á sama hátt hér-
lendis og annars staðar. Hönnun
hágæðagolfvallar krefst þekking-
ar á fjölmörgum sviðum og gildir
þá einu hvort um sé að ræða golf-
völl hér á landi eða erlendis.“
Edwin Rögnvaldsson
 Edwin Rögnvaldsson er fædd-
ur 23. júní 1977. Hann er stúdent
frá Verslunarskóla Íslands 1997.
Hefur lokið störfum í Golf Stud-
ies frá Merrist Wood Collage í
Englandi og í golfvallahönnun
frá European Institute og Golf
Course Architects. Edwin starf-
aði sem blaðamaður á Morgun-
blaðinu og gekk síðan til liðs við
Golfsamband Íslands. Í byrjun
þessa árs stofnaði hann hins veg-
ar eigið fyrirtæki með megin-
áherslu á hönnun golfvalla. Hann
stefnir síðan á frekara nám í
greininni á næstu misserum.
Völlurinn
mótast af um-
hverfi sínu
ÖLVAÐUR karlmaður um þrítugt
ók á ofsahraða um götur Siglufjarðar
um kvöldmatarleytið á sunnudags-
kvöld og sinnti ekki stöðvunarmerkj-
um lögreglu. Hann var handtekinn
stuttu síðar á veitingastað í bænum
og var þá óviðræðuhæfur sökum ölv-
unar, skv. upplýsingum lögreglu.
Manninum var sleppt úr haldi í gær-
morgun.
Samkvæmt radarmæli lögregl-
unnar á Siglufirði ók maðurinn fólks-
bifreið sinni á 94 km hraða á klukku-
stund um Suðurgötu en hámarks-
hraði þar er 35 km/klst. Hann sinnti
ekki stöðvunarmerkjum lögreglu
heldur ók á ofsahraða út úr bænum.
Lögregla veitti honum eftirför vest-
ur fyrir Strákagöng en þar sneri
maðurinn við og ók aftur inn í bæinn.
Stuttu síðar var hann handtekinn á
veitingastað í bænum og var látinn
gista fangageymslur lögreglunnar
sökum ölvunar.
Ölvaður öku-
maður á 94
km hraða
innanbæjar
EYÞÓR Arnalds hefur
selt hlut sinn í Lífstíl hf.,
sem meðal annars sér um
veitingarekstur Hótels
Borgar, og er að hefja
störf hjá Landmati hf.
Sveinbjörn Kristjánsson
hefur einnig selt hlut sinn
í Lífstíl og Bjarni Haukur
Þórsson, leikari og leik-
stjóri, hefur keypt sig inn
í fyrirtækið og á það nú í
félagi við Árna Þór Vig-
fússon og Kristján Ra.
Kristjánsson.
Eyþór Arnalds, sem
verið hefur fram-
kvæmdastjóri Lífstíls,
segir að nú um áramótin
muni hann taka við leið-
andi stjórnunarstarfi hjá
Landmati og að hann sé
þegar farinn að vinna
með fyrirtækinu, en Ey-
þór situr einnig í stjórn þess. Þar
sem fyrirtækin krefjist fullrar at-
hygli hafi hann ákveðið að selja í
Lífstíl og einbeita sér að nýju
verkefni.
Á aðeins hálfu ári sé Lífstíll
orðinn stórt fyrirtæki og hjá því
séu nú 155 starfsmenn.
Eyþór segir að Land-
mat hafi náð góðum ár-
angri á Indlandi og að sá
árangur hafi fleytt fyr-
irtækinu inn í Evrópu.
Það hafi nú náð samn-
ingum við símafyrirtækið
Vodafone og fleiri fyrir-
tæki á fjarskiptasviði og
fyrirtækið eigi mikla
möguleika.
Bjarni Haukur Þórsson
segir að Lífstíll sé vel
rekið fyrirtæki með mikil
sóknarfæri og hann hafi
því talið góða fjárfestingu
að kaupa hlut í því. Þá
segir hann að þeir Árni
Þór og Kristján Ra. eigi
einnig saman fyrirtækið
Þrjár sögur, eða Three
Sagas Entertainment, og
það hafi átt þátt í þeirri
ákvörðun hans að gerast þátttak-
andi í Lífstíl.
Bjarni Haukur mun ekki starfa
hjá Lífstíl, en Yngvi Halldórsson,
fjármálastjóri Lífstíls, mun taka
við starfi framkvæmdastjóra fyr-
irtækisins.
Frá Lífstíl til Landmats
Eyþór
Arnalds
Bjarni Haukur
Þórsson