Morgunblaðið - 17.12.2002, Blaðsíða 23

AKUREYRI
MORGUNBLAÐIÐ ÞRIÐJUDAGUR 17. DESEMBER 2002 23
OLÍUFÉLAGIÐ ESSO hefur flutt
starfsemi sína á Akureyri af Oddeyr-
artanga í húsakynni Sjafnar í Aust-
ursíðu 2. Olíufélagið, áður olíusölu-
deild KEA, hefur verið með
starfsemi á Oddeyrartanga alllengi
en þar var einnig olíubirgðastöð fé-
lagsins sem nú hefur verið flutt í
Krossanes. Félagið hefur jafnframt
opnað verslun í húsinu undir nafninu
„ESSO aðföng“ en þar er boðið upp á
allar helstu rekstrarvörur fyrir
fiskvinnslu, sjávarútvegsfyrirtæki,
verktaka, verkstæði og fleiri. Við-
skiptastjóri Olíufélagsins á Norður-
landi er Sigurður Bjarnason.
ESSO flytur
PÁLL Jóhannesson tenór og Cilla
Gabrielsson sópran halda tónleika í
Laugarborg milli jóla og nýárs, eða
föstudaginn 27. desember kl. 20.30.
Páll og Cilla verða hér á landi um
hátíðarnar og ætla að leyfa landan-
um að njóta sönghæfileika sinna, en
þau eru búsett í Stokkhólmi.
Páll hefur sungið í Konunglegu
óperunni í Stokkhólmi frá árinu 1991
og hefur hann sungið í mörgum
þekktum óperum ásamt því að efna
til ótal tónleika, bæði hér heima og
erlendis. Cilla er Svíi og starfar sem
læknir.
Á efnisskrá þeirra verða ýmsir dú-
ettar og óperuaríur úr mörgum
frægum verkum og verður efnis-
skráin flutt með leikrænu ívafi.
Einnig munu þau syngja nokkur ís-
lensk og erlend jólalög.
Páll og Cilla
á tónleikum
Í SÍÐUSTU viku hófust fram-
kvæmdir við dýpkun hafnarinnar í
Ólafsfirði. Gert er ráð fyrir að dæla
hátt í þrjátíu þúsund rúmmetrum af
sandi upp úr höfninni og á þá með-
aldýpt hennar að vera rúmlega 7
metrar. Verkið er unnið með dýpk-
unarskipinu Perlunni, sem er í eigu
Björgunar ehf.
Framkvæmdaáætlun hafnamála-
stjórnar gerði ráð fyrir að kostnaður
við dýpkunina næmi 15,6 milljónum
króna. Tvö tilboð bárust í verkið og
var tilboði Björgunar upp á
10.790.000 kr. tekið. Hitt tilboðið
kom fá Gáma- og tækjaleigu Austur-
lands sem bauð 15.761.000 kr.
Morgunblaðið/Helgi Jónsson
Höfnin
dýpkuð
Ólafsfjörður
Unnið við dýpkun Ólafsfjarðarhafnar.
BÖRNIN í fyrsta bekk c Giljaskóla
voru í óða önn að pakka inn jólagjöf-
um í gærmorgun. Í dag ætla þau svo
að fara með gjafirnar og afhenda
þær mæðrastyrksnefnd á Akureyri.
Sami háttur var hafður á í fyrra
og sagði Rut Indriðadóttir kennari
að hugmyndin hefði komið frá þeim
kennurum sem þá voru með fyrsta
bekk.
„Ég kom með dálítið sem mér
þykir mjög vænt um,“ sagði Sig-
urjón Karl Viðarsson, en það er ein-
mitt hugmyndin að baki þessu verk-
efni; að börnin kæmu með leikföng
eða annað sem þau hafa átt og þykir
vænt um. Sigurjón Karl kom m.a.
með bangsa sem hann var að pakka
inn þegar Morgunblaðið kom við í
stofu 205 skömmu fyrir hádegi í
gær. „Hann heitir ekki neitt,“ sagði
Sigurjón þegar hann var spurður
um heitið á bangsanum sínum. Hann
var bara kallaður bangsi og nú vildi
Sigurjón gleðja önnur börn með því
að gefa þeim góða bangsann sinn.
Á pakkana voru svo settir merki-
miðar ýmist til drengja eða stúlkna
og hvaða aldur hentaði. Bangsi Sig-
urjóns þótti bæði passa drengjum
og stúlkum og aldurinn var líka
sveigjanlegur; 0–100 ára.
Á borðinu gat að líka leikföng af
margvíslegu tagi, mjúk dýr, risa-
eðlu, tarsan, bolta, bíla myndband,
bækur og púsluspil svo eitthvað sé
nefnt.
„Við ætlum að gefa pakkana til
þeirra sem eru fátækir, til þeirra
sem fá kannski enga pakka, eða
fáa,“ sögðu börnin í bekknum þegar
þau voru spurð af hverju þau væru
að gefa dótið sitt. „Það eru margir
sem fá enga pakka og líka margir
sem eiga fáa peninga,“ sagði ein
stúlkan. „En í gamla daga voru
fleiri fátækir,“ sagði einn dreng-
urinn. Börnin voru sammála um að
þau væru heppin að búa á Íslandi,
því víða í útlöndum ættu börn ekki
gott.
Börn í Giljaskóla gefa mæðrastyrksnefnd jólagjafir
Morgunblaðið/Kristján
„Mér þykir svolítið vænt um þennan bangsa,“ sagði Sigurjón Karl Viðars-
son, sem var að pakka bangsanum sínum í jólapappír.
Vilja gleðja
þá sem fá
enga pakka
NÚ LÍÐUR óðum að stysta degi
ársins, en á þessum árstíma má iðu-
lega sjá margs konar litbrigði him-
insins. Þessi mynd var tekin yfir
suðurhimininn yfir Eyjafjarðar-
sveit í gærmorgun.
Morgunblaðið/Kristján
Litbrigði himinsins
LÖGREGLAN var með mikið eftirlit
um helgina og stöðvaði alla umferð á
nokkrum stöðum á Akureyri og hafði
tal af ökumönnum. Alls voru stöðv-
aðir 340 ökumenn í þeim aðgerðum.
Enginn þeirra hafði neytt áfengis en
einn reyndist án ökuréttinda og 22
voru ekki með ökuskírteini meðferð-
is.
Í vikunni voru skráð 8 umferðar-
óhöpp, flest minniháttar að því er
fram kemur í dagbók lögreglunnar á
Akureyri. Tveir ökumenn voru kærð-
ir fyrir ætlaðan ölvunarakstur, og sjö
fyrir of hraðan akstur. Þá voru 31
ökumenn áminntir fyrir að vera með
ljósabúnað í ólagi. Tilkynnt var um 8
þjófnaði og 2 fíkniefnamál komu upp.
Um helgina var mikil umferð í
bænum. Loka þurfti göngugötinni á
laugardaginn þar sem svo margt var í
bænum. Þá var stöðug umferð við
verslunarmiðstöðina Glerártorg alla
helgina.
Um 340 ökumenn stöðvaðir
Enginn undir áhrifum
BÚSTÓLPI ehf. á Akureyri og
Ungmennasamband Eyjafjarðar,
UMSE, hafa ritað undir styrktar-
samning þar sem kveðið er á um ár-
legan fjárstyrk til sambandsins á ár-
unum 2002–2004 eða fram að Lands-
móti ungmennafélaganna í Skagafirði
sumarið 2004.
Með samningnum vill Bústólpi
styðja við ungmenna- og æskulýðs-
starf í sveitum Eyjafjarðar og leggja
sitt af mörkum til að UMSE geti sem
best hagað undirbúningi fyrir lands-
mótið 2004, segir í frétt frá Bústólpa.
Áður hefur félagið gert sambæri-
legan styrktarsamning við Héraðs-
samband Suður-Þingeyinga.
Haft er eftir Ólafi Jónssyni, fram-
kvæmdastjóra Bústólpa, að með
samningnum vilji félagið styðja við
íþrótta- og æskulýðsstarf í sveitum
Eyjafjarðar og Suður-Þingeyjar-
sýslu, en í þessum tveimur sýslum eru
um 80% af viðskiptum fyrirtækisins.
„Okkur þótti rétt að leggja UMSE og
HSÞ myndarlega lið fram að lands-
mótinu í Skagafirði og stuðla þannig
að öflugri þátttöku þessara tveggja
stóru sambanda í mótinu,“ segir Ólaf-
ur.
Innan UMSE eru 14 aðildarfélög
og virkir félagar á fimmtánda hundr-
aðið, en 16 aðildarfélög eru innan
HSÞ og í þeim um tvö þúsund manns.
Bústólpi styður UMSE og HSÞ
♦ ♦ ♦