Morgunblaðið - 17.12.2002, Blaðsíða 52

KVIKMYNDIR
52 ÞRIÐJUDAGUR 17. DESEMBER 2002 MORGUNBLAÐIÐ
ÍTALSK-bandaríska mafían er
líklega eitt rómantískasta viðfangs-
efni bandaríska kvikmyndaiðnaðar-
ins. Umfjöllun um þessa framtaks-
sömu innflytjendur, sem numu land í
Ameríku og nýttu sér tækifærin sem
þar buðust á sviði skipulagðrar
glæpastarfsemi, býður líka upp á
dramatíska sagnagerð. Þar höfum
við persónur sem lúta hollustu og
fjölskyldutryggð umfram annað, og
heimur mafíunnar er heimur hefð-
bundinna karlmennskugilda. Það
sem prýðir góðan mafíósa er öðru
fremur kjarkur, tryggð við félaga og
yfirboðara og töffaralegt fas sem fær
aðra til að lúffa skilyrðislaust. Ekk-
ert ósvipuð lögmál og gilda í sam-
skiptum hunda.
Margt gott hefur verið gert úr
þessum efniviði, líkt og þríleikurinn
um Guðföðurinn er besta dæmið um,
og munu kvikmyndagerðarmenn
seint þreytast á að reyna að leika
þann leik eftir með mjög svo þreytt-
um árangri. Með Sopranos-sjón-
varpsþáttaröðinni, þar sem kreppa
nútímamafíósans er skoðuð í fé-
lagslegu og sálrænu ljósi, var
skemmtilegri endurnýjun veitt inn í
þessa kvikmyndagrein. Hin öllu lak-
ari Analyze This er á svipuðum nót-
um og sömu slóðir reyna þeir Brian
Koppelman og David Levien að feta í
frumraun sinni á leikstjórnarsviðinu
sem kennd er við Knockaround
Guys. Það er hins vegar merkilegt að
sjá hversu grunnt hin endurskoðandi
hugmyndafræði í anda Sopranos-
syrpunnar í raun ristir í þessari kvik-
mynd. Þegar allt kemur til alls er
hún ein stór afsökun fyrir því að
velta sér upp úr áðurnefndum karl-
mennskugildum og töffaraaðdáun
svo vandræðalegt er á að horfa á
tímabilum.
Aðalpersónan Matty (Barry Pepp-
er) er sonur stórlax í mafíuveldinu,
sem hafnar starfsgrein föður síns.
Þetta gerir hann reyndar eftir að í
ljós kemur að hann er ekki „þannig
gerður“ að geta skotið besta vin föð-
ur síns í höfuðið. Sú prófraun er
reyndar lögð fyrir drenginn þegar
hann er tólf ára gamall, og er þetta
ógeðfellda upphafsatriði fyrsta
merkið um undirliggjandi ofbeldis-
dýrkun myndarinnar. En aðaláhersl-
an í fléttunni eru sú kreppa sem Matt
lendir í þegar hann áttir sig á því að
allar dyr eru honum lokaðar inn í
samfélag heiðvirðra manna vegna
þess að hann er sonur þekkts maf-
íósa. Matt þráir engu að síður að láta
til sín taka í samfélaginu og svo fer
að hann ákveður að reyna að afla sér
virðingar innan mafíunnar fyrst
hann fær ekki hana ekki annars stað-
ar. Þegar fyrsta verkefnið fer úr-
skeiðis verður smábær nokkur með
spilltum löggum æfingastöð fyrir
mafíósann unga og vini hans. Þar
þurfa þeir að sýna fram á veldi sitt og
„hræða“ stolna peningatösku út úr
bæjarbúum. Þeir félagar sýna hina
ýmsustu veldistilburði, sem eru væg-
ast sagt hjákátlegir, sérstaklega í
ljósi þess að ekki er hægt að afgreiða
myndina sem svarta kómedíu vegna
þess dramatíska undirtóns sem mikil
áhersla er lögð á. Það er mikið ósam-
ræmi í þessari kvikmynd, sem helst
hefur til að bera forvitnilega fléttu.
Allar tilraunir til að byggja upp eitt-
hvert mafíósadrama eru hins vegar
ferlega misheppnaðar, og eru leik-
arar á borð við John Malkovich,
Dennis Hopper og Seth Green ýktir
og ósannfærandi í lítt sannfærandi
hlutverkum sínum. Sem sagt, enn
ein slaka mafíósamyndin.
KNOCKAROUND GUYS
(SENDISVEINARNIR)
Smárabíó
Leikstjórn og handrit: Brian Koppelman
og David Levien. Aðahlutverk: Barry
Pepper, Vin Diesel, Seth Green, John
Malkovich og Dennis Hopper. Lengd: 94
mín. Bandaríkin, 93 mín.
Heiða Jóhannsdóttir
Menn með minnimáttarkennd
Með byssu í annarri og byssu í
hinni: Vin Diesel í Knock-
around Guys.
ENN af munaðarleysingjum. Nú
er það Calvin sem býr á munaðar-
leysingjahæli, og stendur í eilífri
baráttu við stærri og sterkari
krakka. Dag einn eignast Clavin
körfuboltaskó sem merktir eru MJ
og hann trúir að Michael Jordan hafi
átt þá í æsku. Þessi trú hans gerir að
verkum að þegar hann er í skónum
verður jafngóður hann og Mike í
körfubolta og fer m.a.s. að leika með
úrvalsdeild NBA.
Þetta er ekkert verri hugmynd en
margar aðrar, en þetta handrit er
býsna þunnt, þar sem í kringum
þunnan söguþráð er spunnið annað
hvort bjánalegum eða væmnum at-
riðum sem hafa lítið að gera með
framvindusögunnar.
Boðskapurinn kemst illa til skila
og myndin er illa leikin. Rapparinn
ungi, Lil’ Bow Wow, sem leikur aðal-
hlutverkið, stendur sig reyndar ekki
sem verst, en aðrir vart í frásögur
færandi. Crispin Glover sem er upp-
lagður í hlutverk hins hrollvekjandi
og gráðuga umsjónarmanns munað-
arleysingjahælisins, tekst ekki að
vera ógnandi á neinn hátt.
Þetta er á marga vegu fullamerísk
mynd fyrir íslenskan krakkamarkað,
þrátt fyrir að flest þeirra hafi ein-
hvern áhuga og þekkingu á körfu-
bolta og NBA.
Körfuboltaævintýri
LIKE MIKE
(EINS OG MIKE)
Smárabíó
Leikstjórn: John Schultz. Handrit: Micael
Elliot og Jordan Moffet. Kvikmyndataka:
Shawn Maurer. Aðalhlutverk: Lil’ Bow
Wow, Jonathan Lipnicki, Morris Chest-
nut. Brenda Song og Crispin Glover. USA
99 mín. 20th Century Fox 2002.
Hildur Loftsdóttir
Lil’ Bow Wow treður yfir David
Robinson í Like Mike.
FYRIR nokkrum árum duttu
stórframleiðandinn Joel Silver og
gæðaleikstjórinn Robert Zemeckis,
niður á töfraformúlu sem þeir fundu
í B-hrollum Williams Castle.
Græddu á tá og fingri á endurgerð
The House on Haunted Hill (’99), og
Thirteen Ghosts, tveim árum síðar.
Nú er þriðji ófögnuðurinn kominn á
tjaldið, The Ghost Ship, sem einnig
er lauslega byggður á arfleifð Castle
sáluga.
Endurvinnslan felst fyrst og
fremst í brellum upp á nokkrar millj-
ónir dala. Síðan er hóað saman vafa-
sömum hópi lítt kunnra leikara með
fallna stjörnu í fararbroddi. Allt í
góðu með þá þætti myndarinnar.
Sömuleiðis kvikmyndatökuna og það
besta er sláandi leikmynd.
Kvikmynd verður sjaldan betri en
sagan sem hún byggist á og hún er
sannarlega höfuðverkur Drauga-
skipsins. Í sjálfu sér er rauði þráð-
urinn nógu magnaður til að byggja
upp ósvikna hrollvekju ef alvöru spá-
menn hefðu verið kallaðir til.
Kanadískur veðurfræðingur kem-
ur að máli við áhöfn dráttarbáts sem
hefur sérhæft sig í björgun skipa.
Hann segir þeim af stóru far-
þegaskipi sem hann hafi séð á floti á
Beringssundi, þar sé um að ræða
skemmtiferðaskip sem hvarf með
manni og mús 40 árum áður. Hér
gæti verið eftir miklu að slægjast.
Gengið slær til, kemst um borð og
andskotinn er laus, í orðsins fyllstu
merkingu. Dallurinn er illa farinn en
lumar á ýmsum leyndarmálum.
Bæði óvæntum fjársjóði og aftur-
göngum.
Framan af virkar Draugaskipið
laglega sem draugasaga. Hefst á
mögnuðu atriði örlaganóttina 1962
þegar þeir válegu atburðir gerðust
um borð sem verða skipsmönnum og
skipi að aldurtila. Síðan missa hand-
ritshöfundarnir stjórn á hlutunum,
við tekur ólýsanlega fábjánaleg at-
burðarás þar sem draugar haga sér
ýmist eins og af þeim er vænst eða
persónur af holdi og blóði. Drauga-
sagan kafnar í blóðsulli og bulli þó að
góð leikmynd og frammistaða aðal-
leikaranna tveggja hjálpi upp á sak-
irnar. Draugaskipið er vissulega
ómerkileg og greinilega gerð í þeim
eina tilgangi að hala inn fé á hrekkja-
vökuhelginni, en hún er fjarri því að
vera alvond. Með meiri yfirlegu hefði
útkoman getað orðið forvitnileg
blanda af Shining og Mary Celeste
en verður í staðinn sennilegur enda-
punktur á stuttum ferli Dark Castle
Entertainment.
GHOST SHIP
(DRAUGASKIPIÐ)
Sambíóin
Leikstjóri: Steve Beck. Handrit: Mark
Hanton og John Pogue. Kvikmyndatöku-
stjóri: Gale Tattersall. Tónlist: John Frizz-
ell. Aðalleikendur: Gabriel Byrne, Jul-
ianna Margulies, Ron Eldard, Desmond
Harrington, Isaiah Washington, Alex
Dimitriatres, Karl Urban, Francesca Ritt-
andoni. 90 mín. Warner Bros. Bandarík-
in, okt. 2002.
Sæbjörn Valdimarsson
Draugar úr dánarbúi
Dauft þykir Draugaskipið.
Restaurant
Pizzeria
Gallerí - Café
Hádegistilboð alla daga
og gott kaffi
Cappuccino,
Caffe latte og Espresso
Hafnarstræti 15, sími 551 3340
Sérstök jólasýning!
29. des. kl. 14. örfá sæti laus
5. jan. kl. 14 laus sæti
12. jan. kl. 14. laus sæti
19. jan. kl. 14. laus sæti
Stóra svið
SÖNGLEIKURINN SÓL & MÁNI
eftir Sálina og Karl Ágúst Úlfsson
Frumsýning lau 11/1kl. 20 UPPSELT
2. sýn su 12/1 kl 20 gul kort,
3. sýn fö 17/1 kl. 20 rauð kort 4.sýn lau 18/1 græn kort
SÖLUMAÐUR DEYR e. Arthur Miller
Lau 28/12 kl 20, Su 29/12 kl. 20
Sýningum fer fækkandi
HONK! LJÓTI ANDARUNGINN
e. George Stiles og Anthony Drewe
Gamansöngleikur fyrir alla fjölskylduna
Su 29/12 kl 14, Su 12/1 kl 14,
Nýja svið
Þriðja hæðin
Litla svið
Miðasalan er opin kl. 13-18 og fram að sýningu sýningardaga. Sími miðasölu opnar kl. 10 virka daga.
Fax 5680383 midasala@borgarleikhus.is
Miðasala: 568 8000
HERPINGUR e. Auði Haralds og
HINN FULLKOMNI MAÐUR e.Mikael Torfason
í samstarfi við DRAUMASMIÐJUNA
Lau 28/12 kl 20, Fö 10/1 kl 20
RÓMEÓ OG JÚLÍA e. Shakespeare
í samstarfi við VESTURPORT
Má 30/12 kl 20, UPPSELT,
Fö 3/1 kl. 20
SÓL & MÁNI eftir Sálina hans Jóns míns og Karl Ágúst Úlfsson
FORSALA AÐGÖNGUMIÐA STENDUR YFIR - GJAFAKORT Á TILBOÐSVERÐI TIL JÓLA
JÓN OG HÓLMFRÍÐUR e. Gabor Rassov
frekar erótískt leikrit í þrem þáttum
Su 29/12 kl 20, Fö 3/1 kl. 20
GJAFAKORT Í LEIKHÚSIÐ - FRÁBÆR JÓLAGJÖF
JÓLAGAMAN BORGARLEIKHÚSSINS
Jólasveinakvæði Jóhannesar úr Kötlum í leikbúningi ofl.
Su 5/1 kl 14 og 15 - Kr 500
15:15 TÓNLEIKAR
Take Mitsu, George Crumb. Benda
Lau 21/12 kl 22 - ath. breytan tíma
Dimmalimm
Íslensku myndskreytiverðlaunin
2002
Halla Sólveig Þorgeirsdóttir
Til hamingju með
Sýningin Þetta vilja börnin sjá!
stendur til 6. janúar
Grettissaga
saga Grettis
leikrit eftir Hilmar Jónsson byggt
á Grettissögu
Þri 17. des. UPPSELT,
sun 29. des kl. 20,
HÁTÍÐARSÝNING, nokkur sæti
föst 3. jan, kl 20, laus sæti
föst 10. jan, kl 20, laus sæti
Miðasala í síma 555 2222 0g á www.hhh.is og midavefur.is
Miðasala er opinn alla virka daga frá 15.00 til 19.00.
Nánari upplýsingar um Grettissögu og máltíð á Fjörukránni
fyrir sýningu á www.hhh.is
Kvöldverður fyrir og eftir sýningar
Miðasala er opin frá kl. 10-16 virka daga,
kl. 14-17 um helgar, frá kl. 19 sýnd.
Ósóttar pantanir seldar 4 dögum fyrir
sýningar. Sími 562 9700
Munið gjafakortin!
Lau 28/12. kl. 21 Jólasýning
Föst 3/1 kl. 21 Uppselt
Lau 11/1 kl 21