Morgunblaðið - 03.01.2003, Blaðsíða 2
FRÉTTIR
2 FÖSTUDAGUR 3. JANÚAR 2003 MORGUNBLAÐIÐ
STERKAR líkur eru á að um ein króna verði
greidd með hverri kílóvattstund sem seld verður
frá Kárahnjúkavirkjun og tapið verði um 4,4
milljarðar miðað við 4.400 gígavattstunda raf-
orkusölu á ári. Þetta sagði Ólafur F. Magnússon,
borgarfulltrúi frjálslyndra og óháðra, á borg-
arstjórnarfundi í gær. Ingibjörg Sólrún Gísla-
dóttir borgarstjóri sagði að það væri skynsam-
legt af Landsvirkjun að bíða með undirritun
orkusamnings við Alcoa, þar til borgarstjórn
hefði fjallað um málið 16. janúar.
Kárahnjúkavirkjun var til umræðu utan dag-
skrár á fundi borgarstjórnar í gær, að beiðni
Ólafs. Hann óskaði eftir því að borgarstjóri kæmi
í veg fyrir afgreiðslu málsins innan stjórnar
Landsvirkjunar meðan það hefði ekki verið af-
greitt frá eigendanefnd Landsvirkjunar, sem fer
yfir arðsemismat framkvæmdarinnar, og borg-
arstjórn Reykjavíkur. Ólafur sagði að borgin
hefði ekki, sem 45% eignaraðili, fjallað um málið,
en 10. janúar hygðust stjórnir Landsvirkjunar og
Alcoa taka ákvörðun um raforkusamning sem
ætti að undirrita í næsta mánuði.
Skynsamlegt af Landsvirkjun
að bíða með undirritun
Borgarstjóri sagðist ekki vita hvort það væri á
hennar valdi hvort afstaða yrði tekin til málsins í
stjórn Landsvirkjunar áður en fjallað hefði verið
um það í borgarstjórn. Hún hefði þó gert ráðstaf-
anir til þess að Landsvirkjun væri ljóst að ekki
yrði fjallað um málið í borgarstjórn fyrr en 16.
janúar. Skýrsla eigendanefndar yrði væntanlega
lögð fyrir borgarráð 7. janúar og fjallað yrði um
hana viku síðar, 14. janúar, þar sem borgarráðs-
fulltrúar þyrftu tíma til að fara yfir skýrsluna.
Málið kæmi því fyrir borgarstjórn 16. janúar.
Það væri skynsamlegt af Landsvirkjun að bíða
með undirritun orkusamnings þar til málið hefði
verið tekið fyrir á borgarstjórnarfundi.
Ingibjörg Sólrún sagði að það hefði ekki tíðk-
ast hingað til að borgarstjórn Reykjavíkur
fjallaði um ábyrgðir áður en að lántöku kæmi, en
stærð málsins væri slík að eðlilegt væri að það
yrði gert áður en kæmi til endanlegrar undirrit-
unar samninga. Forstjóri Landsvirkjunar hefði
sagt, á fundi með borgarráði, að æskilegt væri að
grundvallarafstaða í málinu lægi fyrir áður en
endanlega yrði gengið frá málinu gagnvart Alcoa.
Fulltrúar Landsvirkjunar kynntu borgarráði
drög að samningum við Alcoa nýlega. Ólafur
sagðist á fundinum í gær telja það brýna al-
mannahagsmuni að upplýsa þjóðina um hið allt of
lága orkuverð sem myndi fást frá virkjuninni og
fyrirsjáanlegt stórtap á framkvæmdinni sem að
auki myndi valda gífurlegum og óafturkræfum
umhverfisspjöllum á 3.000 ferkílómetra áhrifa-
svæði.
Tekjur af orkusölu frá Kárahnjúkavirkjun
yrðu innan við 6 milljarða, miðað við fyrirliggj-
andi orkusölusamning og framtíðarspár sérfræð-
inga um álverð, sem þýddi milljarða tap á ári.
Núverandi heimsmarkaðsverð á áli væri nálægt
1.370 dollurum á hvert tonn áls. Í þeim raf-
orkusamningi sem nú biði undirritunar væri gert
ráð fyrir mun hærra heimsmarkaðsverði, langt-
um hærra en tíðkast hefði undanfarin fimm ár.
Líkur á því að þetta háa viðmiðunarverð næðist
væru hverfandi.
„Að öllu samanlögðu eru sterkar líkur á því að
greidd verði um ein króna með hverri kílóvatt-
stund sem seld verður frá Kárahnjúkavirkjun og
tapið miðað við 4.400 gígavattstunda raforkusölu
á ári því um 4,4 milljarðar króna. Orkuverðið er á
bilinu 50–60% af því sem það þyrfti að vera til að
virkjunin bæri sig,“ sagði Ólafur.
„Vinnubrögð ríkisstjórnarinnar í þessu máli
einkennast af valdníðslu og pólitískri spillingu,
þar sem viðvaranir lögmætra stofnana og fag-
fólks eru að engu hafðar. Umhverfistjónið af
Kárahnjúkavirkjun er öllum augljóst. Fjárhags-
tjónið er líka augljóst þegar orkuverð frá virkj-
uninni liggur fyrir. Þess vegna er reynt að halda
grundvallarupplýsingum um orkuverð Kára-
hnjúkavirkjunar leyndum fyrir þjóðinni til þess
að hægt sé að blekkja hana til fylgis við virkj-
unina,“ sagði Ólafur. Hann sagði það sanngirn-
iskröfu að þjóðin fengi að greiða atkvæði um
þetta mál, bæði vegna stærðar þess og alvar-
leika.
Borgarstjóri vill að beðið
verði með orkusamning
Ólafur F. Magnússon telur að króna verði greidd með hverri kílóvattstund
ÁRNI Þór Sigurðsson, borgarfulltrúi og
forseti borgarstjórnar, mun taka afstöðu
gegn byggingu Kárahnjúkavirkjunar
þegar málið kemur til afgreiðslu borg-
arstjórnar. „Það hefur komið fram að
innan Reykjavíkurlistans og flokkanna
sem að honum standa eru mjög skiptar
skoðanir um þetta mál og við höfum al-
mennt gert ráð fyrir því að menn fylgi
sannfæringu sinni í þessu máli. Hún er
mjög skýr hvað mig snertir og hefur
reyndar áður komið fram í atkvæða-
greiðslu í borgarstjórn þar sem ég hef
ekki alltaf fylgt öðrum í Reykjavíkurlist-
anum að málum í þessu máli,“ segir Árni
Þór.
Spurður um afstöðu borgarfulltrúa
Sjálfstæðisflokksins til Kárahnjúkavirkj-
unar sagði Björn Bjarnason, oddviti sjálf-
stæðismanna í borgarstjórn, að fulltrúar
Sjálfstæðisflokksins hefðu ekki fjallað um
málið þar sem þeir hefðu ekki enn fengið
þau gögn í hendur sem fara þyrfti yfir
áður en afstaða yrði tekin. „Meirihlutinn
verður náttúrlega að leggja málið fyrir
okkur,“ sagði hann.
Mun taka afstöðu gegn
Kárahnjúkavirkjun
ÞAÐ gekk mikið á þegar norður-
ljósin dönsuðu um himinhvolfið,
upp af Höfðabrekkuhálsi í Mýrdal.
Eftir að mjög dimmt hafði verið yf-
ir vegna þoku og rigningar birti
skyndilega upp eftir jól og frysti
lítillega og þá sáust þessi fallegu
norðurljós um allan næturhimininn.
Sjónarspilið var stórfenglegt.
Norðurljósin breyttust mjög hratt
og færðust til þannig að aldrei var
sama myndin á himninum.
Morgunblaðið/Jónas Erlendsson
Norðurljós á næturhimni
ÍSLENSKUR karlmaður, sem var
framseldur frá Hollandi vegna gruns
um aðild að smygli til Íslands á um
fimm kílóum af amfetamíni og um
150 grömmum af kókaíni, var fluttur
til landsins frá Amsterdam í gær-
kvöldi. Yfirheyrslur yfir manninum
munu fara fram á næstunni.
Að sögn Ásgeirs Karlssonar, yfir-
manns fíkniefnadeildar lögreglunn-
ar í Reykjavík, fóru tveir lögreglu-
menn til Amsterdam í gærmorgun
og náðu í manninn. Maðurinn var bú-
settur í Þýskalandi þegar málið kom
upp en þýsk stjórnvöld féllust ekki á
framsal hans þar sem maðurinn er
þýskur ríkisborgari. Hann var hins
vegar handtekinn nokkru síðar á
hóteli í Amsterdam og féllst yfir-
réttur þar í landi fyrir skömmu á að
maðurinn yrði framseldur til Ís-
lands.
Sakborningur kom-
inn frá Hollandi
TALSVERT magn af fíkniefnum,
um 100 kannabisplöntur og skart-
gripir sem stolið hafði verið fundust í
kjölfar þess að lögreglan á Blönduósi
stöðvaði bíl í Langadal á gamlársdag.
Samkvæmt upplýsingum frá lög-
reglunni voru tveir karlmenn og
tveir kvenmenn í bifreiðinni. Annað
parið á þrítugsaldri en hitt innan við
tvítugt. Við leit í bifreiðinni og á fólk-
inu fannst talsvert af fíkniefnum af
ýmsum tegundum, samtals um 100
grömm. Við yfirheyrslur kom fram
að fíkniefnin átti að selja á helstu
þéttbýlisstöðum Norðurlands. Lög-
reglan segir að jafnframt hafi fundist
í bifreiðinni skartgripir sem grunur
leiki á að sé þýfi, sem stolið hafi verið
í innbroti í skartgripaverslun í
Grindavík.
Eftir yfirheyrslur var öðru parinu
sleppt en hitt parið var flutt til Kefla-
víkur til yfirheyrslu vegna rannsókn-
ar á innbrotinu.
Lögreglan í Keflavík gerði í kjöl-
farið húsleit í húsnæði fólksins í
Grindavík og fann þar yfir 100
kannabisplöntur og nokkurt magn af
kannabis auk skartgripa sem talið er
að séu úr innbrotinu sem fyrr var
getið. Fólkinu var sleppt eftir yfir-
heyrslur en rannsókn málsins er
ekki lokið. Við rannsókn málsins
naut lögreglan á Blönduósi samvinnu
við lögregluna í Keflavík og Reykja-
vík.
Í fíkniefnasöluferð
um Norðurland
GENGIÐ FRÁ BANKASÖLU
Gengið var frá sölu á 45,8% hlut í
Landsbanka Íslands fyrir 12,3 millj-
arða króna til Samsonar ehf. á gaml-
ársdag. Kaupverð getur þó skv.
samningi lækkað um allt að 700
milljónir króna við endurmat á til-
teknum eignaliðum bankans sem
fram á að fara í október. Engin við-
líka stór sala eða samruni í fjár-
málageiranum hefur heppnast á
Norðurlöndunum á nýliðnu ári.
Skynsamlegt að bíða
Ingibjörg Sólrún Gísladóttir borg-
arstjóri segir að skynsamlegt væri af
Landsvirkjun að bíða með und-
irritun orkusamnings við Alcoa, þar
til borgarstjórn hafi fjallað um málið
16. janúar nk. Rætt var um Kára-
hnjúkavirkjun fundi borgarstjórnar
í gær að beiðni Ólafs F. Magn-
ússonar borgarfulltrúa, en hann seg-
ir sterkar líkur á að um ein króna
verði greidd með hverri kílóvatt-
stund sem seld verður frá virkj-
uninni og tapið verði um 4,4 millj-
arðar miðað við 4.400 gígavattstunda
raforkusölu á ári.
Denktash gagnrýndur
Recep Tayyip Erdogan, leiðtogi
stjórnarflokksins í Tyrklandi, gagn-
rýnir leiðtoga Kýpur-Tyrkja, Rauf
Denktash, fyrir skort á sáttfýsi í við-
ræðum um lausn Kýpur-deilunnar.
Ummælin þykja merkileg enda hafa
stjórnvöld í Ankara jafnan verið eini
bandamaður Kýpur-Tyrkja.
Lokað í Lækjargötu
Tískuversluninni TopShop í Lækj-
argötu verður lokað og hefur starfs-
fólki þegar verið sagt upp störfum.
Verslunin var opnuð 15. mars 2000
en önnur TopShop-verslun var opn-
uð í Smáralind á haustmánuðum
2001. Hefur verslunin í Lækjargötu
síðan þá ekki getað staðið undir sér.
Ólafur er bestur
Ólafur Stefánsson, handknatt-
leiksmaður hjá Magdeburg í Þýska-
landi, er íþróttamaður ársins 2002.
Þetta var kunngjört í gærkvöldi en
það eru Samtök íþróttafréttamanna
sem standa að valinu.
Óttast um 3.700 manns
Óttast er um afdrif 3.700 íbúa Sal-
ómonseyja í Kyrrahafi en hvirf-
ilbylur gekk yfir svæðið á laug-
ardagskvöld. Öll fjarskipti við íbúa
tveggja eyja, sem urðu verst úti,
liggja niðri en þær eru afar af-
skekktar.
F Ö S T U D A G U R 3 . J A N Ú A R 2 0 0 3 B L A Ð B
MÆÐGURNAR ELLEN OG SIGRÍÐUR/2 DAGBÓK UM ÞAÐ HELSTA/3
AÐ STÍGA Á STOKK OG STRENGJA HEIT/4 HEIM Í ALVÖRU
FRELSI/5 HREYFIHÖMLUN/6 AUÐLESIÐ EFNI/8
SJÁLFSAGT hafa margir klætt sig í sitt fín-asta púss um nýafstaðin áramót og skund-að á galakvöld og aðrar hátíðarsamkomur
til að fagna nýju ári. Tími glæsiklæðnaðar er þó
rétt að byrja því framundan eru árshátíðir og
fagnaðir ýmis konar þar sem öllu er til tjaldað
hvað klæðnað varðar.
Kvöldklæðnaður karla við slík tækifæri er
hefðbundinn, oftast dökk jakkaföt með tilheyr-
andi hálsbindi eða hinn sígildi „smóking“ með
þverslaufu. Nokkur tilbrigði má þó finna við hinn
dæmigerða kvöldklæðnað karla og fer það vita-
skuld eftir tilefninu hverju sinni.
Sævar Karl Ólason kaupmaður og klæð-
skerameistari hefur um árabil fylgst með þróun-
inni í herrafatatískunni og kappkostað að bjóða
upp á vandaðan kvöldklæðnað fyrir karla. Í versl-
un hans í Bankastræti er heldur ekki í kot vísað í
þeim efnum, en þar má meðal annars finna smók-
ingföt frá Armani svo fátt eitt sé nefnt. Að sögn
Sævars Karls eru svo-
kölluð „tvíhneppu-
horn“ í tísku varðandi
smókingfötin, hvort
heldur fötin sjálf eru
einhneppt eða tví-
hneppt. „Þegar ég var
að læra klæðskurð í
kringum 1970 lærði
ég að breyta svona
tvíhneppukrögum,
sem þá þóttu gam-
aldags, í rúnnaða
smókingkraga sem
voru í tísku. Nú eru
hins vegar þessir
hornskörpu kragar
komnir aftur, en hinir
rúnnuðu hafa látið
undan síga. Aðal-
atriðið er þó auðvitað
að fötin passi mönn-
um og fari vel, en mér
finnst alltaf dálítið
sorgleg sjón að sjá
þegar herramenn
hafa troðið sér í
smóking, sem passaði
þeim kannski þegar þeir tóku stúdentspróf, en
gera það ekki lengur,“ sagði Sævar Karl.
Hinn hefðbundni kvöldklæðnaður karla getur
þó boðið upp á ýmis tilbrigði, einkum hvað háls-
tau varðar. Sævar Karl benti á að þverslaufur
mættu gjarnan vera í lit og mælti með grárri
slaufu. „Grái liturinn sameinar svörtu fötin og
hvítu skyrtuna og þetta er ágæt lausn ef menn
vilja aðgreina sig frá þjónunum, sem oft eru í
smóking með svarta slaufu. Eins finnst mér alltaf
fara vel dökk jakkaföt, hvít skyrta og grátt háls-
bindi, en auðvitað geta ýmsir aðrir litir á slauf-
unni komið til greina.“
Sævar Karl sagði að tilefnið hverju sinni ætti
að ráða klæðaburðinum. Í sumum tilvikum henta
smókingfötin ekki þótt veislan sé vegleg. „Í nýár-
sveislu á Perlunni er smóking auðvitað rétti
klæðnaðurinn. Ef þú vilt hins vegar ekki vera al-
veg svo formlegur getur þú klætt þig í smóking
og haft fallegt bindi við. Ef veislan er óformlegri,
þar sem klæðnaður er frjálslegri og ekki krafist
hefðbundins kvöldklæðnaðar, er til dæmis hægt
að klæðast brúnum velúr-fötum, með silkiháls-
klút og skyrtu í stíl. Þannig geta menn verið vel
klæddir og glæsilegir þótt þeir séu ekki í smók-
ing eða dökkum jakkafötum,“ sagði Sævar Karl
Ólason.
Vel klæddir
herrar
Einhnepptur smóking með tvíhneppukraga,
grárri silkislaufu og silkiklút í brjóstvasa.
Brún velúrföt með
silkihálsklút. Dökk jakkaföt og grátt hálsbindi.
Morgunblaðið/Jim Smart
Tvíhnepptur smóking með svartri slaufu.
Vasarnir eru með lóðréttu opi.
2003 FÖSTUDAGUR 3. JANÚAR BLAÐ C
B L A Ð A L L R A L A N D S M A N N A
SPENNANDI LOKASPRETTUR Á HIGHBURY / C3
EKKERT verður úr því að Auðun Helgason
gangi liðs við sænska úrvalsdeildarliðið Halm-
stad. Auðun var til reynslu hjá liðinu í haust og í
kjölfarið hófust samningaviðræður milli hans
og forráðamanna félagsins. Þeim viðræðum
hefur nú verið slitið eftir því sem fram kemur í
sænska blaðinu Hallandsposten í gær. Blaðið
segir að Halmstad hyggist kaupa sterkan sókn-
armann og hafi þar með ekki ráð á að kaupa
fleiri leikmenn.
„Þetta eru vonbrigði enda taldi ég góðar lík-
ur á að við næðum saman. Það bar hins vegar
mikið á milli og þar sem liðið ætlar víst að
kaupa góðan framherja þá er þetta mál líklega
úr sögunni. Ég held áfram að kanna markaðinn
með mínum umboðsmanni og vonandi verður
okkur ágengt,“ sagði Auðun í samtali við Morg-
unblaðið.
Auðun Helgason
ekki til Halmstad
Ólafur sagði að verðlaunin trufl-uðu hann í rauninni dálítið við
undirbúninginn með íslenska lands-
liðinu sem tekur þátt í HM í Portú-
gal síðar í mánuðinum. „Flestir
íþróttamenn eru það klókir að þeir
nota svona viðurkenningu til að
halda áfram á sömu braut. Verðlaun
geta og eiga að hvetja menn til dáða,
auka sjálfstraustið sem eykur aftur
vellíðan manna í íþróttinni og hjálp-
ar manni að slaka á. Slökun er síðan
góð til að auka einbeitinguna, þannig
að verðlaun eru auðvitað af hinu
góða og þetta sýnir að maður hefur
verið að gera eitthvað af viti á
árinu,“ sagði Ólafur í samtali við
Morgunblaðið eftir að hann hafði
tekið við viðurkenningu sinni.
Hann bætti því við að það væri
augljóst að hann hefði alls ekki getað
gert neitt einn, strákarnir í landslið-
inu ættu sinn hlut í þessu öllu sam-
an. „Ég geri mér grein fyrir því að
það er erfitt að velja einhvern einn
íþróttamann ársins. Það er erfitt að
bera saman íþróttir og erfitt að taka
einhvern einn út úr hópi og velja
hann bestan. Ég hefði viljað taka við
þessu sem íþróttamaður ársins 2003,
þá vissi ég að ég hefði komist á Ól-
ympíuleika eða 2004 því þá vissi ég
að ég hefði gert eitthvað gott á Ól-
ympíuleikunum,“ sagði Ólafur og
bætti við að nú yrðu menn að leggja
sig alla fram og ná þessum mark-
miðum þannig að styttan góða yrði
áfram hjá einhverjum handknatt-
leiksmanni. „Það er kannski erfitt að
meta handboltann á alþjóðlega vísu.
Margir segja að það séu svo fáir sem
stundi hann og annað því um líkt, en
við leggjum jafnmikið á okkur og
aðrir íþróttamenn – og þjóðin hefur
gaman af handbolta og það er mik-
ilvægt fyrir þjóðarsálina eins og for-
setinn kom inn á hér í kvöld.“
Spurður um eftirminnilegasta
augnablikið í handboltanum á liðnu
ári sagði Ólafur: „Þegar við unnum
meistaradeildina, það er það stærsta
sem handboltamaður getur unnið
með félagsliði. Þar streðar maður
allt árið. Einnig verð ég að nefna ár-
angur landsliðsins í Svíþjóð.“
Hann sagðist ekki ætla að fara
með styttuna til Þýskalands, heldur
geyma hana hér heima. „Alfreð fær
ekkert að sjá hana,“ sagði Ólafur en
Alfreð Gíslason, þjálfari Ólafs hjá
Magdeburg, var kjörinn íþróttamað-
ur ársins 1989.
Ólafur viðurkenndi að hann hefði
vitað að hann ætti möguleika. „Það
komu margir til mín og þótti ekkert
sjálfsagðara en að ég yrði fyrir val-
inu. Ég hefði hins vegar ekki dáið þó
ég hefði orðið í öðru sæti á eftir ein-
hverjum betri íþróttamanni, til
dæmis Kristínu Rós. Það er alltaf
erfitt að meta þetta, hver hefur unn-
ið mesta og besta sigra á sjálfum
sér? Þetta er nefnilega fyrst og síð-
ast keppni mannsins við sjálfan sig
og það sem sést í blöðum og sjón-
varpi er auðvitað bara pínulítið brot
af því sem íþróttamaðurinn fæst við
á ferli sínum – bara smábrotabrot.“
Ólafur Stefánsson handknattleiksmaður íþróttamaður ársins 2002
Verðlaun
eiga að
hvetja
menn
„VERÐLAUN eru alltaf dálítið hættuleg,“ sagði Ólafur Stefánsson,
handknattleiksmaður hjá Magdeburg í Þýskalandi, eftir að hann tók
við viðurkenningu sinni sem íþróttamaður ársins 2002 í gærkvöldi.
Samtök íþróttafréttamanna kusu Ólaf íþróttamann ársins með fá-
heyrðum yfirburðum því hann fékk 410 atkvæði af 420 mögulegum.
Örn Arnarson sundkappi varð í öðru sæti með 183 atkvæði og Jón
Arnar Magnússon tugþrautarmaður þriðji með 157 atkvæði.
Morgunblaðið/Þorkell
Ólafur Stefánsson handknattleiksmaður er íþróttamaður ársins 2002. Hann fékk 410 stig af 420
mögulegum í kjöri Samtaka íþróttafréttamanna, sem völdu íþróttamann ársins í 47. sinn í gær.
Yf ir l i t
Í dag
Sigmund 8 Minningar 40/47
Viðskipti 14/37 Staksteinar 50
Erlent 16/18/20 Bréf 52/53
Höfuðborgin 22/23 Skák 49
Akureyri 24/25 Dagbók 54/55
Suðurnes 26 Brids 55
Landið 26 Leikhús 56
Listir 30/32 Fólk 56/64
Umræðan 32/39 Bíó 62/65
Forystugrein 34 Ljósvakamiðlar 66
Viðhorf 38 Veður 67
* * *