Morgunblaðið - 03.01.2003, Page 8
FRÉTTIR
8 FÖSTUDAGUR 3. JANÚAR 2003 MORGUNBLAÐIÐ
Sundþjálfunin frá borgarstjórakosningunum kemur sér vel þegar svona fyrirvaralaust
er stokkið frá borði.
Háskóla í hvert kjördæmi?
Rætt um stefnu
í háskólamálum
Ráðstefna með yfir-skriftina Háskóli íhvert kjördæmi –
hvert stefnir með upp-
byggingu háskóla í land-
inu? verður haldin í húsa-
kynnum
ReykjavíkurAkademíunn-
ar í JL húsinu við Hring-
braut 121 í dag og hefst
hún klukkan 15. Steinunn
Kristjánsdóttir er formað-
ur stjórnar Reykjavík-
urAkademíunnar og svar-
aði hún nokkrum
spurningum Morgunblaðs-
ins.
– Hver er tilurð þessar-
ar ráðstefnu og útskýrðu
fyrir okkur yfirskrift henn-
ar.
„Við köllum þessa ráð-
stefnu Rannsóknarstefnu
ReykjavíkurAkademíunnar. Þetta
er í þriðja sinn sem Reykjavík-
urAkademían efnir til slíkrar
rannsóknarstefnu, en hún er hald-
in árlega. Á rannsóknarstefnunum
er venjulega tekið á málum sem
snerta rannsóknar- og háskóla-
samfélagið í heild. Hún er hugsuð
sem opinn umræðuvettvangur um
rannsóknir á Íslandi, forsendur
fyrir virku fræðasamfélagi og
hvað íslenskt rannsóknarumhverfi
hefur að bjóða vísindamönnum
sem stunda háskólanám eða hafa
lokið því. Yfirskrift rannsóknar-
stefnunnar í ár er Háskóli í hvert
kjördæmi – Hvert stefnir með
uppbyggingu háskóla í landinu?
Eins og titillinn gefur til kynna,
verður fjallað um stefnu stjórn-
valda varðandi rannsókna- og há-
skólaumhverfi hérlendis.“
– Má skilja það sem svo að nú-
verandi fyrirkomulag í þessum
efnum sé ekki gott?
„Ég held að þróunin hafi verið
mjög jákvæð varðandi fjölgun
menntaðs fólks á Íslandi en frá
lokum áttunda áratugar síðustu
aldar hefur fjöldi þeirra sem út-
skrifast úr háskólum hér á landi
tvöfaldast. Yfir átján hundruð
manns útskrifast nú árlega frá ís-
lenskum háskólum. Í dag hafa
nánast allir tækifæri til að mennta
sig, óháð búsetu eða stöðu. Aftur á
móti sakna ég þess að sjá ekki
markvissari stefnu að baki þessari
þróun. Það er ekki nóg að mennta
þjóðina vel heldur einnig að skapa
tækifæri handa þeim sem hafa lok-
ið háskólanámi og virkja mark-
visst menntun þeirra. Áherslan
liggur of mikið á kennslunni sjálfri
á kostnað rannsókna.“
– Hver er tilgangur ráðstefn-
unnar og markmið hennar?
„Háskólasamfélagið hefur tekið
miklum breytingum hérlendis á
undanförnum árum. Háskólum
hefur fjölgað og þeir eru nú um
land allt. Ýmsir sérskólar hafa ver-
ið færðir á háskólastig og búið er
að opna háskólasetur á nokkrum
stöðum á landsbyggðinni. Fram til
ársins 1971 var Háskóli Íslands
eini skólinn sem útskrifaði nem-
endur á háskólastigi, nú eru þeir
átta talsins. Tilgangurinn með
rannsóknarstefnunni
er að kalla eftir um-
ræðum um hið breytta
háskólasamfélag á Ís-
landi, stefnuna í há-
skólamálum hérlendis í
heild, svo og uppbyggingu háskóla
um landið.“
– Hvernig byggið þið ráðstef-
una upp, hverjir tala og um hvað?
„Flutt verða stutt erindi og
þeim síðan fylgt eftir með pall-
borðsumræðum. Menntamálaráð-
herra, Tómas Ingi Olrich mun
hefja rannsóknarstefnuna með
ávarpi, Stefán Arnórsson prófess-
or við Háskóla Íslands fjallar síðan
um rannsóknir og háskóla. Við
tekur Ólafur Proppé, rektor
Kennaraháskóla Íslands, með er-
indi um rekstrarskilyrði háskóla
og loks mun Ari Edwald fram-
kvæmdastjóri Samtaka atvinnu-
lífsins fjalla um menntun og at-
vinnulíf. Í pallborði sitja Ólafur
Örn Haraldsson varaformaður
menntamálanefndar Alþingis,
Kolbrún Halldórsdóttir fulltrúi
vinstri-grænna í menntamála-
nefnd, Guðfinna Bjarnadóttir
rektor Háskólans í Reykjavík, Páll
Skúlason rektor Háskóla Íslands
og Stefán Baldursson skrifstofu-
stjóri í menntamálaráðuneytinu.
Rætt verður um stefnuna í há-
skólamálum frá ýmsum sjónar-
hornum og gefst fundarmönnum
tækifæri til að leggja spurningar
fyrir þá sem verða í pallborðinu.
Fundarstjóri verður Erna Ind-
riðadóttir fréttamaður.“
– Verður á einhvern hátt unnið
úr því sem fram kemur á ráðstefn-
unni?
„Við sem stöndum að Rann-
sóknarstefnunni vonum að það
efni sem tekið verður fyrir á henni
eigi eftir að opna umræðurnar um
þróun háskólasamfélagsins í heild.
Málefnið snertir okkur öll sem er
annt um framþróun rannsókna- og
fræðastarfs, en grundvöllur þess
er menntunin sjálf. Viðfangsefni
rannsóknarstefnunnar snertir
ekki síst samfélög eins og það sem
ReykjavíkurAkademían rekur hér
í JL-húsinu. Reykjavík-
urAkademían var
stofnuð sem félag sjálf-
stætt starfandi fræði-
manna árið 1997 en eitt
helsta markmið hennar
er að hlúa að þeim fræðimönnum
sem starfa sjálfstætt að fræða- og
rannsóknarstörfum. Reykjavík-
urAkademían er líka góður val-
kostur þeirra sem hyggjast stunda
framhaldsnám á háskólastigi. Hið
akademíska umhverfi er nauðsyn-
legt hverjum fræðimanni, hvort
sem hann stundar rannsóknir inn-
an háskólastofnana eða sjálf-
stætt.“
Steinunn Kristjánsdóttir
Steinunn Kristjánsdóttir er
fædd á Patreksfirði 13. október
1965. Stúdent frá MÍ 1986. Fil.
kand. og fil. mag. í forn-
leifafræði við Háskólann í
Gautaborg 1993 og 1994. Stund-
ar nú doktorsnám. Hefur stjórn-
að ýmsum fornleifarannsóknum,
t.d. í Skriðdal, Viðey, Geirs-
stöðum og Þórarinsstöðum. Er
verkefnisstjóri fornleifarann-
sókna á Skriðuklaustri í Fljóts-
dal, formaður stjórnar Reykja-
víkurAkademíunnar og
formaður Fornleifafræðinga-
félags Íslands. Hún á tvö börn,
Sigurhjört, 17 ára, og Helgu
Valgerði, 15 ára.
… ekki nóg
að mennta
þjóðina
9 990