Morgunblaðið - 03.01.2003, Blaðsíða 58

FÓLK Í FRÉTTUM
58 FÖSTUDAGUR 3. JANÚAR 2003 MORGUNBLAÐIÐ
ÁRAMÓTASKAUPIÐ hefur
skapað sér sérstöðu í íslenskri sjón-
varpsþáttagerð fyrir langa löngu. Í
spjallþætti sem Gísli Marteinn
Baldursson átti við tvo af frum-
kvöðlum þess,Ómar Ragnarsson og
Flosa Ólafsson, kom skýrt fram
hversu mikið hún hefur breyst þessi
uppákoma sem vafalaust er mest
horft á af öllu sjónvarpsefni. Í ár-
daga Skaupsins var gamanvísna-
söngur áberandi, eitt skiptið var það
ein samfelld revía. Það þýddi sjálf-
sagt ekki að reyna slíkt í dag, þó
endurspeglaði Skaupið að mestu
leyti samtíma sinn þá sem nú, á því
er engin breyting í sjónmáli.
Ef Skaupið er slappt fer landinn
hundfúll yfir landamæri áramót-
anna og gott ef fýlan situr ekki í
honum þorrann og góuna líka.
Stundum hefur það verið á mörkum
þess að vera frambærilegt, síðan
koma skaup sem standa uppúr og
húllumhæið sem hér um ræðir
þurfti að keppa við eitt það besta frá
upphafi frá árinu á undan.
Mikið til sami mannskapur var
fyrir framan og aftan tökuvélarnar
bæði árin. Við höfum greinilega
eignast framtíðarskaupleikstjóra í
Óskari Jónassyni og í heild var sýn-
ingin vel yfir meðallagi. Óskar leiddi
okkur af stað með meinfyndnu atriði
á undan titlunum og lokaði síðan
skaupinu með nokkrum bravúr. Það
var jafnan fagmannlegt í öllu útliti;
stjórn, búningum, hljóði, o.s.frv., og
landslið gamanleikara stóð sig yfir
höfuð með mikilli prýði.
Uppbyggingin er svipuð frá ári til
árs. Tekin fyrir helstu hneykslis-
málin sem gengið hafa yfir dverg-
ríkið okkar í stjórnmálum, fjármál-
um og skopast að stórviðburðum
líðandi árs (sem var kosningaár með
tilheyrandi kosningasjónvarpi). Því
eru sjálfsagt margir orðnir þreyttir
á þeim Davíð Oddssyni sem Örn
Árnason hefur dröslast með á herð-
unum í mannsaldur eða meira, í tug-
um ef ekki hundruðum grínþátta.
Svipuðu máli gegnir um Pálma
Gestsson sem Halldór Ásgrímsson
og Jóhannes Kristjánsson í hlut-
verki Ólafs Ragnars forseta, svo
nokkur dæmi séu nefnd. Allir fara
þessir sómaleikarar með ólíkindum
vel með hlutverk sín en uppákom-
urnar eru vissulega hver annarri
líkar. Sjónvarpsauglýsingarnar eru
einnig á sínum stað og það var góður
ádeilubroddur í „Vaktmannalínu
Búnaðarbankans“. Þá var sápan
Bonus and the Beautiful einn af há-
punktum Skaupsins í ár, jaðraði við
að vera meinfýsin og þá er land-
anum skemmt. Á svipuðum nótum
var Marsbúinn og þeir Skarphéðins-
synir.
Gísli Rúnar Jónsson er í mínum
huga einn vanmetnasti skemmti-
kraftur landsmanna, enda getur
hann brugðið sér í allra kvikinda líki
og mætti sá hæfileiki vera mikið
betur nýttur. Hann var hreint frá-
bær sem Páll fréttamaður og svo
máttu handritshöfundarnir til með
að dusta rykið af Árna Johnsen en
atriðið með „Árna“ og „Jóni Ólafs-
syni“ var eitt af betri augnablikum
Skaupsins. Þá má ekki gleyma
kostulegum Þresti Leó í hlutverki
Sigurðar Geirdals og Karli Ágústi
sem Birni Bjarnasyni. Bogi, Elín
Hirst og Sólveig dómsmálaráðherra
voru einnig í góðum höndum ásamt
Haraldi ríkislögreglustjóra.
Áramótaskaupið 2002 var þó síð-
ur en svo gallalaust frekar en önnur
og skrifast gallarnir að mestu á
handritið sem tók nokkrar dýfur.
Einkum var heimsókn Kínaforseta/
Falun Gong-þátturinn orðinn langur
og leiðinlegur. Lítið skárri varheim-
sókn utanríkisráðherra til Palest-
ínu, framboðslistamálin og brottvís-
un Vítisenglanna og Símamál
Þórarins V. og „Lilla“.
Skaupgerðarmenn gátu ekki
gengið framhjá dramatíkinni sem
varð til í kringum óvænt upphlaup
Ingibjargar Sólrúnar, fyrrverandi
borgarstjóra, verðandi guðmávita-
hvað. Sjálfsagt hafa höfundarnir
verið komnir með Skaupið í nokk-
urn veginn frágengið horf þegar
hún lét sprengjurnar falla og
Skaupmenn séð sig knúna til að
brjóta upp línuna og grípa þetta for-
láta farsaefni á lofti. Útkoman er
sigur fyrir Eddu Heiðrúnu Back-
man og til varð Stubbakaflinn, besta
atriði kvöldsins, en heldur var nú
lopinn teygður þar.
Útkoman er mjög vel viðunandi
blanda skemmtilegheita og allt að
því leiðinda, ferskra vinda og fúlla.
Getum við farið fram á meira?
Frá Beijing til Bessastaða
SJÓNVARP
RÚV
Leikstjóri: Óskar Jónasson. Handrit: Hall-
grímur Helgason, Hjálmar Hjálmarsson,
Óskar Jónasson. Kvikmyndataka: Björn
Helgason Hljóðupptaka: Einar Sigurðs-
son. Leikmynd og munir: Úlfar Grönvold.
Tónlist: Vilhjálmur Guðjónsson. Klipping:
Sævar Guðmundsson. Framkvæmda-
stjóri: Sigrún Erla Sigurðardóttir. Aðal-
leikendur: Árni Pétur Guðjónsson, Edda
Heiðrún Backman, Gísli Rúnar Jónsson,
Helga Braga Jónsdóttir, Hjálmar Hjálm-
arsson, Jóhannes Kristjánsson, Jóhanna
Vigdís Arnardóttir, Kiddi B, Karl Ágúst
Úlfsson, Kjartan Guðjónsson, Nína Dögg
Filippusdóttir, Pálmi Gestsson, Sigurjón
Kjartansson, Skúli Gautason, Stefán Karl
Stefánsson, Steinn Ármann Magnússon,
Þórhallur Sigurðsson, Þröstur Leó Gunn-
arsson, Örn Arnarson. Sjónvarpið, 31.12.
2002.
ÁRAMÓTASKAUP 2002
Sæbjörn Valdimarsson
KRINGLUNNI - 533 1720
...einnig nýjar vörur
Útsala
hefst í DAG í þessum verslunum í Kringlunni
Meiriháttar afsláttur
Mikið úrval af flottum fatnaði
allt að 60% afsláttur
Jakkar
Buxur
Pils
Skyrtur
Bolir
Toppar
Kápur
Fallegar vörur
Stærðir 32-46
InWear - Part Two - Jackpot
KRINGLUNNI - 588 0079