Morgunblaðið - 03.01.2003, Blaðsíða 10
FRÉTTIR
10 FÖSTUDAGUR 3. JANÚAR 2003 MORGUNBLAÐIÐ
ENGINN af formönnum stjórn-
málaflokkanna útilokar stofnun
nefndar um Evrópumál eins og
forsætisráðherra stakk upp á í
áramótagrein í Morgunblaðinu.
Formaður Vinstrihreyfingarinnar
– græns framboðs segist styðja
hugmyndina. Þótt þarna sé ekki
ný hugmynd á ferðinni taki hann
jákvætt í hana enda verði þetta þá
gert af fullri alvöru. Utanríkisráð-
herra styður einnig stofnun slíkrar
nefndar en leggur um leið áherslu
á að með því ætli menn ekki að
draga neitt úr því starfi sem þarf
að fara fram innan Framsóknar-
flokksins í Evrópumálum. Formað-
ur Samfylkingarinnar segir á hinn
bóginn að sér lítist lítt á hugmynd-
ina ef tilgangur hennar eigi fyrst
og fremst að vera sá að fela vand-
ræðagang Sjálfstæðisflokksins í
Evrópumálum. Sverrir Her-
mannsson, formaður Frjálslynda
flokksins segist ekki hafa neitt
sérstakt um hugmyndina að segja.
Málið verið rætt innan
Framsóknarflokksins
Halldór Ásgrímsson, formaður
Framsóknarflokksins, segist telja
rétt að fara þá leið sem forsætis-
ráðherra nefndi í ávarpi sínu:
„Mér finnst það sjálfsagt og við
höfum rætt þetta nokkuð innan
Framsóknarflokksins og teljum að
það sé hið besta mál. Við höfum
unnið mikið í þessum málum og
fögnum því að fá tækifæri til þess
að kynna þá vinnu fyrir stjórn-
málaflokkunum og hlusta á skoð-
anir annarra. Með því erum við þó
ekki að draga neitt úr því starfi
sem við teljum að þurfi að fara
fram innan flokksins; við munum
halda því starfi áfram og við mun-
um jafnframt halda áfram að ræða
Evrópumálin eftir því sem tilefni
gefst til.“
Aðspurður hvort skoðanir
manna séu ekki of ólíkar til þess
að eitthvert raunverulegt gagn
yrði af starfi slíkrar nefndar segir
Halldór enga ástæðu til þess að
hafa fyrirframmótaðar skoðanir
varðandi það. „Stjórnarandstaðan
lagði til að mynda til á sínum tíma
að það yrði sett á fót svokölluð
auðlindanefnd. Ég taldi að það
væri sjálfsagt að fallast á það og
ég álít að það hafi verið ágætur ár-
angur af hennar starfi eins og for-
sætisráðherra minnist á.“
Hlutverk flokkanna að móta
stefnu í Evrópumálum
Össur Skarphéðinsson, formaður
Samfylkingarinnar, segir að sér
lítist í fljótu bragði ekkert á að
setja á fót sérstaka nefnd ef til-
gangur hennar eigi fyrst og fremst
að vera að fela vandræðagang
Sjálfstæðisflokksins í Evrópumál-
um. „Þingið hefur vissulega sett
upp merkar nefndir sem hafa
fjallað um utanríkismál, eins og
t.d. öryggismálanefndina árið 1980
og þá ekki síður Evrópustefnu-
nefndina 1987–1990. Ég tel í sjálfu
sér jákvætt að Alþingi setji á fót
nýja Evrópustefnunefnd sem ynni
í þeim anda. Sú nefnd myndi hafa
það verkefni að fjalla um allar
hliðar Evrópumálanna, um hags-
muni okkar, valkosti, samnings-
markmið og yrði skipuð alþing-
ismönnum og af Alþingi en gæti
kallað eftir áliti sérfræðinga og
myndi starfa fyrir opnum tjöld-
um.“
Össur segist þó leggja áherslu á
að slík nefnd geti ekki mótað
stefnu Íslands í Evrópumálum.
„Það er verkefni stjórnmálamanna
að gera það eins og í öllum öðrum
stórum og mikilvægum málum.
Kjósendur eiga lýðræðislegan rétt
á að stjórnmálaflokkarnir setji
fram slíka stefnu, jafnvel þótt
Davíð Oddsson eigi í vandræðum
með að fá að koma saman slíkri
stefnu innan Sjálfstæðisflokksins.“
Össur leggur áherslu á að stefna
í Evrópumálum snerti alla þætti
íslensks samfélags, hún snúist um
það hvaða framtíð menn ætli sér,
hvernig lífskjör fólksins og sam-
keppnisskilyrði atvinnulífsins verði
á næstu áratugum.
„Ef forystumenn í stjórnmálum,
sem jafnvel sitja í ríkisstjórn,
skilja ekki hvaða hag Ísland hefði
af agaðri efnahagsstjórn, lægri
vöxtum fyrir heimilin og atvinnu-
lífið, þá er ég ekki viss um að það
sé hægt að koma þeim í skilning
um það með því að setja málið í
einhverja sérstaka nefnd. Ég tel
eðlilegra að fólkið í landinu eigi að
fá að greiða atkvæði um stefnu
flokkanna í Evrópumálum. Sam-
fylkingin hefur sinnt þeirri skyldu
að leggja slíka stefnu fram.“
Ekki ný hugmynd
Steingrímur J. Sigfússon, for-
maður Vinstrihreyfingarinnar –
græns framboðs, segist vera
hlynntur hugmynd forsætisráð-
herra um að sett verði á fót þver-
pólitísk nefnd til að fjalla um Evr-
ópumál. Að vísu sé þetta ekki ný
hugmynd, hann hafi t.d. sjálfur
spurt bæði forsætis- og utanrík-
isráðherra hvort þeim þætti ekki
koma til greina að gera einmitt
þetta. „Ég tek mjög jákvætt í hug-
mynd forsætisráðherra enda verði
þetta þá gert af fullri alvöru og vel
að málum staðið; nefndin fái þann-
ig það umboð og þær aðstæður
sem þarf til þess að gera þetta af
myndarskap. Ég hef stundum vitn-
að til Evrópunefndarinnar sem í
sátu m.a Eyjólfur Konráð Jónsson
og Hjörleifur Guttormsson en sú
nefnd vann mjög gott starf.“
Steingrímur nefnir einnig svo-
kallaða úthafsveiðinefnd frá því á
tíunda áratugnum sem í áttu sæti
fulltrúar allra flokka og helstu
hagsmunaaðila. „Þegar fengist er
við mjög stór framtíðarmál sem
koma til með að hafa áhrif á stöðu
Íslands um langa framtíð er hollt
að minnast þess að ríkisstjórnir
koma og fara og einmitt þess
vegna er gagnlegt að fá að borðinu
fulltrúa allra stjórnmálaflokkanna.
Það er mjög æskilegt ef tekst að
halda slíkri vinnu svolítið utan og
ofan hins flokkspólitíska farvegs.
Ég er því mjög hallur undir slík
vinnubrögð og hef raunar oft
gagnrýnt síðustu ríkisstjórnir fyrir
að hafa dregið úr slíkri vinnu.“
Aðspurður segir Steingrímur að
þverpólitískri nefnd um Evrópu-
málin sé ekki endilega ætlað að
sætta ólík sjónarmið. Hún eigi
hins vegar að fara rækilega yfir
málin, afla upplýsinga, kynna rök
og gagnrök.
„Menn gætu til dæmis, þrátt
fyrir ólík langtímamarkmið, orðið
sammála um tiltekið stöðumat,
þótt þeir séu ekki endilega sam-
mála um langtímamarkmið,“ segir
Steingrímur.
Tilbúin að ræða málin
Sverrir Hermannsson, formaður
Frjálslynda flokksins, segist ekki
hafa neitt sérstakt um hugmynd
forsætisráðherra að segja.
„Við erum alltaf tilbúin að ræða
Evrópumálin og höfum viljað að
þau væru rædd meira og fylgst
væri betur með því sem þar er að
gerast enda þótt við séum þeirrar
skoðunar að okkur sé með öllu úti-
lokað að ganga í sambandið á með-
an fiskveiðimálin og fleira er eins
og það stendur.“
Hugmynd forsætisráðherra um þverpólitíska nefnd um Evrópumálin
Enginn flokksformaður
útilokar stofnun nefndar
ELDSNEYTISVERÐ hefur
hækkað eftir áramót hjá
Skeljungi, Olíufélaginu –
ESSÓ og Olís. Talsmenn olíu-
félaganna rekja breytingarn-
ar einkum til hækkunar á
heimsmarkaðsverði.
Gunnar Skaptason, fram-
kvæmdastjóri Bensínorkunn-
ar ehf., segir að þar á bæ hafi
enn ekki verið tekin ákvörðun
um bensínhækkanir. Hann
gerir þó ráð fyrir einhverri
hækkun á næstu dögum.
Olíufélagið – ESSÓ reið á
vaðið og hækkaði bensínlítr-
ann um 1,90 kr. í gær, dísil-
olíu um 2 kr., skipagasolíu um
1,70 kr og svartolíu um 1,50
kr. Skeljungur kom í kjölfarið
með sömu hækkanir og á
miðnætti urðu sömu verð-
breytingar hjá Olís. Þar með
kostar lítrinn af 95 oktana
bensíni hjá þessum olíufé-
lögum 98,20 kr., miðað við
fulla þjónustu, og lítrinn af 98
oktana bensíni 102,90 kr.
Lítrinn af dísilolíu kostar
46,10 kr.
Bensín
hækkar
SJÖ lögreglumenn og gestir þeirra
syntu 100 metra nýárssund í Naut-
hólsvík á nýársdag. Jón Otti Gísla-
son, lögregluvarðstjóri og formað-
ur Sjósundfélags Lögreglunnar í
Reykjavík, var meðal þeirra sem
þreyttu nýárssundið, en þetta er
fimmta árið í röð sem félagið skipu-
leggur slíkt sund. Jón Otti segir að
hitastig sjávarins hafi verið um núll
gráður. Sjórinn hafi því verið kald-
ur en betri íþrótt sé þó vart hægt að
hugsa sér. „Þetta styrkir mann
bæði andlega og líkamlega,“ segir
hann. „Við erum að þessu því þetta
er gríðarlega gaman. Og manni líð-
ur mjög vel á eftir.“
Morgunblaðið/Júlíus
Félagar í Sjósundfélagi Lögreglunnar í Reykjavík og gestir þeirra þreyttu nýárssund í Nauthólsvíkinni á nýársdag.
Félagar í Sjósundfélagi Lögreglunnar í Reykjavík í nýárssundi í Nauthólsvík
Vart hægt
að hugsa
sér betri
íþrótt
ÖKUMAÐUR, sem grunaður
var um ölvun, reyndi að komast
undan lögreglunni á Vopnafirði
að morgni nýársdags og hafnaði
úti í móa. Þegar lögreglumenn
opnuðu bílinn valt hann meðvit-
undarlaus út og taldi læknir þörf
á að flytja hann á Fjórðungs-
sjúkrahús Akureyrar og var því
óskað eftir sjúkraflugi. Þar kom
í ljós að maðurinn var nánast
ómeiddur.
Samkvæmt upplýsingum frá
lögreglunni sinnti maðurinn
ekki stöðvunarmerkjum lög-
reglunnar þegar hún hugðist
stöðva hann innanbæjar á
Vopnafirði. Ók hann á talsverð-
um hraða út úr bænum og sem
leið lá inn Hofsárdal. Nokkru
síðar sáu lögreglumenn að mað-
urinn ók út af veginum og stöðv-
aðist talsvert langt utan vegar
eftir að hafa ekið yfir kargaþýfi.
Hann var ekki í bílbelti og var
meðvitundarlaus þegar að var
komið. Læknir taldi þörf á að
flytja hann á Fjórðungssjúkra-
hús Akureyri. Maðurinn reynd-
ist hins vegar lítið meiddur.
Ökumað-
ur meðvit-
undarlaus
í bílnum
Sverrir
Hermannsson
Össur
Skarphéðinsson
Halldór
Ásgrímsson
Steingrímur J.
Sigfússon
Formenn Framsóknarflokks og VG
jákvæðir en formenn Samfylkingar og
Frjálslynda flokksins minna hrifnir