Morgunblaðið - 03.01.2003, Blaðsíða 6
FRÉTTIR
6 FÖSTUDAGUR 3. JANÚAR 2003 MORGUNBLAÐIÐ
Laugavegi 54, sími 552 5201
Útsala
30-70%
afsláttur
ÓVISSA er um framtíð Selfossflug-
vallar eftir að eigendur landsins sem
hann er á seldu það Fossmönnum
ehf. og Ræktunarsambandi Flóa og
Skeiða. Leigusamningur Flug-
klúbbs Selfoss vegna afnota af land-
inu rennur út árið 2005. Nýir eig-
endur landsins, sem hyggjast
skipuleggja þar íbúðarbyggð, segj-
ast ekki vilja hafa atvinnuflugvöll á
svæðinu né aukna flugumferð.
Tilboð nýrra eigenda var sam-
þykkt af eigendum landsins á gaml-
ársdag en um er að ræða 80 hektara
lands sem liggur vestan Eyravegar
og nær frá Haga, niður með Ölfusá
og Eyravegi. Eigendur landsins
voru Sigurður Guðmundsson í Eyði
Sandvík og svonefnd Sandvíkur-
torfa með bænum Stekkum. Gengið
verður frá kaupsamningi aðila á
næstu dögum en kaupverð fæst ekki
uppgefið að svo stöddu.
Svartur dagur í
samgöngumálum
„Þetta er svartur dagur í okkar
huga varðandi samgöngumál á Sel-
fossi og Suðurlandi,“ segir Sigurður
Karlsson, formaður Flugklúbbs Sel-
foss. Í leigusamningnum vegna af-
nota af landinu er ekki ákvæði um
greiðslur vegna uppbyggingar á
brautum og öðrum eignum á vell-
inum. Að sögn Sigurðar ber klúbbn-
um að fjarlægja öll ummerki vall-
arins að samningstíma loknum.
„Við eigum þarna eignir upp á um
200 milljónir og við höfum þrábeðið
flugmálayfirvöld um að tryggja land
undir flugvöllinn og fá flugbrautirn-
ar að gjöf frá klúbbnum en ekkert
hefur gerst í því efni. Við stöndum
nú mögulega frammi fyrir því að
eignirnar verði hirtar af okkur bóta-
laust,“ segir Sigurður. Að hans dómi
er málið pólitískt af hálfu bæjaryf-
irvalda þar sem þau fari með skipu-
lagsmál og staðsetning vallarins sé
skipulagsmál. „Við munum fá okkur
lögmann til að fara yfir málið og
skoða okkar hagsmuni. Ég trúi því
ekki fyrr en ég tek á því að bæjaryf-
irvöld leyfi þetta,“ segir Sigurður og
kveðst gera ráð fyrir að boðað verði
til borgarafundar um málið.
Ný staða í flugvallarmálinu
„Við höfum gert ráð fyrir að flug-
völlurinn verði á svæðinu og það
byggðum við á því að ríkið yfirtæki
völlinn, keypti land undir hann og
kæmi honum í rekstur,“ segir Þor-
valdur Guðmundsson, forseti bæjar-
stjórnar Árborgar. Hann segir
kaupin á landinu í kringum völlinn
nýja stöðu í málinu sem menn hafi
ekki reiknað með. „Þetta er auðvit-
að líka gott byggingarland og það
verður ekki horft framhjá því. Svo
er Flugklúbburinn búinn að leggja í
kostnað sem átti að vera grunnur í
yfirtöku ríkisins á vellinum. Ég geri
ráð fyrir að við munum ræða þetta
mál ásamt fleirum á vinnufundi
næstkomandi laugardag og fara yfir
þetta.“
Nái hugmyndir hinna nýju eig-
enda fram að ganga verður til ríf-
lega 100 hektara byggingasvæði á
Selfossi með Hagalandi, nýju land-
spildunni og ódeiliskipulögðum
spildum frá Árborg og Fossmönn-
um. Þar geta rúmast 800–1.000
íbúðir í einbýlis-, rað- og fjölbýlis-
húsum. Fossmenn hafa skipulagt og
staðið að uppbyggingu nýs hverfis í
Fosslandi og Ræktunarsambandið
keypti nýlega Hagalandið með það í
huga að þar yrði íbúðarbyggð.
Þannig mun íbúðarbyggð á Selfossi
þróast að meginhluta niður með Ölf-
usá og fylgja þeirri hagkvæmni sem
nálægð árinnar býður upp á s.s.
vegna frárennslismála.
Flugvöllurinn geti verið áfram
í einhvern tíma á þessum stað
„Þetta er mjög fallegt og gott
byggingarland meðfram Ölfusá. Öll
frárennslismál eru einföld því stofn-
ræsið er mjög nálægt,“ segir Guð-
mundur Sigurðsson, framkvæmda-
stjóri Fossmanna ehf. Hvað
flugvöllinn varðar segir hann að
hann gæti verið þarna áfram í ein-
hvern tíma en uppbygging landsins
sé hugsuð langt fram í tímann. „Við
viljum ekki atvinnuflugvöll á þessu
svæði og höfum ekki áhuga á auk-
inni flugumferð. Það er í gildi samn-
ingur við Flugklúbb Selfoss til árs-
ins 2005 og við munum ræða við
Flugklúbbsmenn hafi þeir áhuga á
því. Hugmyndin er að skipuleggja
Hagalandið og þetta land undir
íbúðabyggð. Við höfum einnig áhuga
á að kaupa 5 hektara landspildu í
eigu Árborgar, milli núverandi
lands Fossmanna og Hagalandsins
en bæjarstjórnin hefur frestað
ákvörðun um það mál.“
Hann segir mikið hagsmunamál
byggðarinnar að svæðið nái að
byggjast upp með íbúðum. „Útsýni
er mjög gott frá þessu svæði, yfir
Ölfusá til Ingólfsfjalls, Hellisheiðar
og hálendisins. Þá er fljótfarið inn
að miðbæjarkjarna Selfoss og til
allra athafnaþátta bæjarins.“
ÞORGEIR Pálsson flugmálastjóri
hefur sent seljendum flugvallar-
landsins bréf þar sem hlutverk
vallarins er tíundað auk fram-
kvæmda og fjárfestinga á hon-
um. „Það var til þess að menn
gengu ekki gruflandi að því
hvernig að þessum rekstri hefur
verið staðið,“ segir hann.
Hann bendir á að málið sé flók-
ið þar sem um er að ræða einka-
land en oftast séu flugvellir á
landi í opinberri eigu. Rætt verði
við nýja eigendur enda gangi
hugmyndir þeirra út á uppbygg-
ingu í framtíðinni. „Það er þá
kannski grundvöllur fyrir því að
flugvallarstarfsemi geti verið
þarna áfram í einhvern tíma.“
Að sögn hans hafa flugmála-
yfirvöld komið að fjárfestingum
á vellinum í gegnum tíðina þó
meginþorri þeirra hafi verið á
vegum Flugklúbbs Selfoss. Þann-
ig nemi fjárfestingar flugmála-
yfirvalda líklega ekki meiru en
10–20 milljónum þó að heildar-
fjárfestingin á vellinum sé talin
hátt í 200 milljónir.
Hann segir ótímabært að velta
því fyrir sér hvað gert verði komi
til þess að flugvöllurinn verði að
víkja. „Það er engin spurning um
að það þarf flugvöll af þessari
gerð á vestanverðu Suðurlands-
undirlendinu, í Ölfusi eða Flóa.
Það er mikið öryggi sem felst í
því, sérstaklega fyrir umferð lít-
illa véla sem eru í sjónflugi og
sömuleiðis er ekki alltaf fært yfir
heiðina eins og gengur. Þá er
mikið öryggi í því að hafa flug-
völl þarna á næsta leiti.“
Hann segir Selfossflugvöll til-
greindan í flugmálaáætlun og
samgönguáætlun, auk þess sem
kennslu- og æfingarflug hafi ver-
ið að aukast um hann.
„Mér finnst þetta mál sorglegt
því Flugklúbburinn er búinn að
vinna einstaklega gott starf ,“
segir Arngrímur Jóhannsson,
formaður Flugmálafélags Ís-
lands, um söluna. „Klúbburinn er
búinn að koma sér þarna fyrir og
maður sér ekki að hann hafi bol-
magn til að kaupa land annars
staðar og koma upp þessari að-
stöðu aftur.“
Hann segir mjög bagalegt fyr-
ir einkaflug ef völlurinn verður
lagður af. „Reykvískir einkaflug-
menn hafa ekkert gaman af því
að fara upp í flugvél og fljúga þar
í hring. Selfoss hefur verið áning-
arstaður þeirra og það eru ekki
margir flugvellir á Suðurlandi í
þessum gæðaflokki. Þannig að ef
honum verður lokað verður það
mjög slæmt fyrir einkaflugið.“
Völlurinn mikilvægur
af öryggisástæðum
Einkaaðilar á Selfossi kaupa 80 hektara byggingarland niður með Ölfusá
Óvissa um Selfossflugvöll
Morgunblaðið/RAX
Leigusamningur vegna landsins sem Selfossflugvöllur stendur á rennur út árið 2005.
Selfossi. Morgunblaðið.
VILHJÁLMUR Egilsson,
alþingismaður og fram-
kvæmdastjóri Verslunar-
ráðs Íslands, fer á næstu
dögum til starfa hjá Al-
þjóðagjaldeyrissjóðnum í
Washington í Bandaríkjun-
um. Vilhjálmur hefur sagt
upp starfi sínu hjá Verslun-
arráðinu og reiknað er með
að hann muni jafnframt
segja af sér þingmennsku.
Ólafur Davíðsson, ráðuneytisstjóri
í forsætisráðuneytinu, staðfesti við
Morgunblaðið að frá því væri gengið
að Vilhjálmur færi til starfa hjá Al-
þjóðagjaldeyrissjóðnum.
„Ísland fer núna með forystu í okk-
ar kjördæmi innan Alþjóðagjaldeyr-
issjóðsins. Í kjördæminu eru Norð-
urlöndin og Eystrasaltsríkin. For-
ysta okkar nær til áranna 2002 og
2003. Það þýðir að Íslend-
ingur hefur verið fulltrúi
kjördæmisins í stjórn sjóðs-
ins, sem er þá kallaður fram-
kvæmdastjóri í fram-
kvæmdastjórn sjóðsins.
Ólafur Ísleifsson, hagfræð-
ingur í Seðlabankanum, hef-
ur verið í þessari stöðu.
Það hefur verið ákveðið
að Ólafur komi heim til að
taka að sér ákveðin ráð-
gjafastörf fyrir ríkisstjórnina og
Seðlabankann. Vilhjálmur mun fara í
þetta starf og gegna því til loka kjör-
tímabilsins sem er til loka þessa árs
sem nú er nýhafið,“ sagði Ólafur í
samtali við Morgunblaðið.
Vilhjálmur hefur verið fram-
kvæmdastjóri Verslunarráðs frá
árinu 1987 og alþingismaður frá
árinu 1991.
Vilhjálmur til Alþjóða-
gjaldeyrissjóðsins
Vilhjálmur
Egilsson
RÁÐNING Þórólfs Árnasonar sem
borgarstjóra sýnir að mikill glund-
roði ríkir í hópi borgarfulltrúa
R-listans og að ekkert traust ríkir
þeirra á milli. Þetta sögðu borgar-
fulltrúar Sjálfstæðisflokksins í bók-
un sem lögð var fram utan dagskrár
á fundi borgarstjórnar í gær.
„Atburðarásin frá því að Ingi-
björg Sólrún Gísladóttir ákvað að
bjóða sig fram til þings, glundroðinn
og illindin milli Samfylkingar,
Framsóknarflokks og Vinstrihreyf-
ingarinnar – græns framboðs og
ráðning borgarstjóra án pólitísks
umboðs sýnir, að R-listinn er í raun
úr sögunni,“ segir í bókuninni sem
Björn Bjarnason, oddviti sjálfstæð-
ismanna, gerði grein fyrir.
Lýstu sjálfstæðismenn andstöðu
við þá ákvörðun að hverfa frá þeirri
skipan að velja borgarstjóra með
ótvírætt pólitískt umboð og kröfðust
þess að forseti borgarstjórnar
greindi frá því hver yrði málsvari
Reykjavíkurborgar vegna pólitískr-
ar stefnumótunar eftir að nýr borg-
arstjóri tæki við.
Hefur umboð hins
pólitíska meirihluta
Árni Þór Sigurðsson, forseti
borgarstjórnar, gerði grein fyrir
bókun R-listans þar sem kom fram
að nýr borgarstjóri mundi hafa um-
boð hins pólitíska meirihluta og tala
fyrir þeirri stefnu og verkum hans,
eins og eðlilegt væri að borgarstjóri
gerði á hverjum tíma. „Að sjálf-
sögðu verður engin breyting á því
að formenn nefnda og ráða eru tals-
menn, hver í sínum málaflokki,“
sagði Árni Þór.
Ólafur F. Magnússon, Frjáls-
lynda flokknum, sagðist hafa verið
andvígur því árið 1991 þegar borg-
arstjórnarflokkur Sjálfstæðis-
flokksins leitaði út fyrir raðir kjör-
inna borgarfulltrúa til að finna
næsta borgarstjóra á eftir Davíð
Oddssyni. Eins sé hann andvígur
því að leitað verði út fyrir raðir kjör-
inna fulltrúa nú, borgarstjóri eigi að
hafa pólitískt umboð frá borgarbú-
um.
Vilhjálmur Þ. Vilhjálmsson, borg-
arfulltrúi sjálfstæðismanna, sagði
söguna vera að endurtaka sig. Skip-
an mála hefði verið mjög óheppileg
á árunum 1978–82 þegar vinstri-
stjórn réð óflokksbundinn borgar-
stjóra. Þegar Sjálfstæðisflokkur
skipaði Markús Örn Antonsson sem
borgarstjóra árið 1991 hefði annað
verið uppi á teningnum, hann hefði
haft skýrt pólitískt umboð borgar-
fulltrúanna, enginn þáverandi borg-
arfulltrúa hefði á þeim tíma haft
jafnmikla reynslu af borgarmálun-
um og hann hafði. Því væri ekki
hægt að líkja þessu tvennu saman.
Segja R-
listann úr
sögunni