Morgunblaðið - 04.02.2003, Side 18

LANDIÐ
18 ÞRIÐJUDAGUR 4. FEBRÚAR 2003 MORGUNBLAÐIÐ
„VIÐ vorum auðvitað dauðskelkaðir
og okkur brá heilmikið, þetta gerðist
svo hratt. Bíllinn fékk á sig vind-
hviðu og var svo bara kominn útaf,“
sagði Heiðar Þór Karlsson, einn far-
þega í hópferðabíl með um tuttugu
knattspyrnupilta frá Selfossi sem
fauk útaf veginum undir Ingólfsfjalli
um tíuleytið á sunnudagskvöld og
hafnaði í skurði fyrir neðan veginn.
Mjög hvasst var og gekk á með mikl-
um vindhviðum. Ein þeirra hreif bíl-
inn með sér en ökumaðurinn gat
stýrt honum þannig að hann valt
ekki. Enginn piltanna sem voru með
í rútunni slasaðist.
„Við vorum um tuttugu talsins í
rútunni, á heimleið frá fótboltaæf-
ingu í Fífunni í Kópavogi. Það var
eins og bíllinn lyftist og síðan var
hann bara kominn útaf. Okkur varð
auðvitað mjög bilt við, vorum að
horfa á sjónvarpið í bílnum og áttum
okkur einskis ills von,“ sagði Heiðar
Þór. „Við gáðum strax hvort ekki
væri í lagi með alla en svo brutu
þjálfarinn og bílstjórinn rúðurnar og
við fórum út. Svo komu vegfarendur
að og skutluðu okkur niður á Selfoss
að íþróttahúsinu þar sem við hitt-
umst allir áður en við fórum heim,“
sagði Heiðar Þór sem hélt að það
tæki einhvern tíma að jafna sig eftir
þessa lífsreynslu. Enginn piltanna
var með öryggisbelti spennt þótt þau
væru til staðar í rútunni.
Morgunblaðið/Sigurður Jónsson
Hópferðabíllinn í skurðinum fyrir neðan veginn undir Ingólfsfjalli.
Bíllinn fékk á sig
vindhviðu og fór útaf
Selfoss
SUÐURNES
Á ÞESSARI mynd, sem er tekin úr
neðri botnum fyrir ofan Seyð-
isfjörð, má sjá hvernig nýja höfnin
er að taka á sig mynd. Fram-
kvæmdirnar eru tilkomnar vegna
komu nýrrar Norrænu.
Húsið sem rís hæst er landgang-
urinn. Ljóst er að hin nýja höfn mun
bæta aðstöðuna mikið fyrir ferjuf-
arþega en þeim fjölgar stöðugt.
Hið nýja og glæsilega skip mun
hefja siglingar í vor, en er vænt-
anlegt til Íslands í sýningarferð í
mars.
Ljósmynd/Elmar Bragi Einarsson
Ný höfn fyrir Norrænu
Seyðisfjörður
ÞAÐ er oft mikil litadýrð sem
myndast á himni og jörð þegar
sólin er að setjast og ekkert sól-
arlag er með sama lit og annað.
Það er svo margt sem spilar inn í,
samspil sólar, skýja, vinds og
hvort snjór er á jörð eða hún auð.
Þessi mynd er tekin seinnipart
sunnudags í köldu og stilltu veðri í
Mýrdalnum.
Morgunblaðið/Jónas Erlendsson
Blóðrautt sólarlag
Fagridalur
„JÁKVÆÐI og gleði eru leiðarljós í
starfseminni. Hér verður frelsið alls-
ráðandi, ekki bara hjá þátttakendum
heldur einnig hjá þeim kennurum og
leiðbeinendum sem hér eiga eftir að
starfa. Við erum ekki háð neinni yf-
irstjórn og því mun sköpunargleði
hvers og eins fá að njóta sín til fulls,“
segja ævintýrahjónin Marta Eiríks-
dóttir og Friðrik Þór Friðriksson um
starfsemi Púlsins í Sandgerði.
Þau hjónin hafa um nokkurt skeið
átt sér þann draum að opna æv-
intýrahús og nú er sá draumur að
rætast. Í fyrrasumar festu þau kaup
á gamla kaupfélagshúsinu í Sand-
gerði og undanfarið hálft ár hafa þau
lagt nótt við dag að koma því í stand.
Um helgina hófst starfsemin með
opnu húsi fyrir almenning og að því
búnu tók við dagskrá samkvæmt
tímatöflu, meðal annars leikfimi á
mánudagsmorgun. Fjölbreytt dag-
skrá var á opnunardaginn og komu
margir gestir við í húsinu.
„Þegar ég stundaði tveggja ára
nám í leiklist, dansi og söng í Kaup-
mannahöfn kynntist ég alls konar
frjálsri liststarfsemi og heillaðist af
svona námskeiðsstöðum þar sem
frelsið var ofar öllu og allir gátu
fundið útrás við sitt hæfi með list-
rænu ívafi. Þaðan kemur innblást-
urinn að svona húsi og okkur hjónin
langar að gefa fólki tækifæri á svona
útrás,“ sagði Marta í samtali við
Morgunblaðið.
Öðruvísi námskeið
Í Púlsinum er boðið upp á ýmis
námskeið en Marta segir að leiklist-
arstarfsemin sé sál hússins. „Þar
liggur ástríðan.“ Þegar þau hjónin
eru innt eftir því inn á hvaða aldur
þau séu að stíla, svarar Friðrik því til
að boðið verði upp á námskeið fyrir
þriggja ára börn og upp úr.
„Skemmtilegheit eru ekki bundin við
neinn aldur,“ sagði Friðrik við blaða-
mann og því til sönnunar er fjöl-
breytileiki þeirra námskeiða sem eru
í boði. „Við höfum líka leitast við að
hafa þetta öðruvísi námskeið en er
verið að bjóða annars staðar. Leik-
fimin verður t.d. þessi gamla góða,
ekki þolfimi með dúndrandi stress-
tónlist. Við ætlum líka að vera með
alls kyns helgarnámskeið sem ekki
hafa áður sést á Íslandi og höfum í
því skyni verið í sambandi við marga
erlenda námskeiðshaldara.“
Hvíld við sjóinn
Marta og Friðrik hafa alfarið séð
um breytingar á húsnæði með stuðn-
ingi fjölskyldu og vina en fengu fjár-
stuðning frá Sandgerðisbæ til tækja-
kaupa. Í staðinn mun Púlsinn þjóna
sérstaklega aldurshópnum 16 til 20
ára, m.a. í formi námskeiða. „Húsið
er endurgert með það í huga að
rúma leiklist, dans, söng, tónlist, alls
kyns líkamsrækt og margt fleira. Í
húsinu eru tveir stórir salir, skipti-
klefar og sturtur, sminkherbergi og
að auki lítið leiksvið. Við sjáum fyrir
okkur að húsið gæti t.d. verið nýtt af
litlum leikhópum utan af landi, sem
vilja skreppa út fyrir bæinn, gista í
sumarhúsum rétt utan Sandgerðis,
við sjóinn á Þóroddsstöðum, hvíla
sig, vinna saman um stund í Púls-
inum eða bara vera saman á ein-
hverju spennandi námskeiði. En
þessa hugmynd sjáum við að vísu
nýtast öllu fólki, sem langar til að
skreppa í skemmtilega helgarferð,“
sögðu ævintýrahjónin að lokum.
Allar nánari upplýsingar er að
finna á heimasíðu Púlsins,
www.pulsinn.is.
Morgunblaðið/Reynir Sveinsson
Hjónin Friðrik Þór Friðriksson og
Marta Eiríksdóttir tóku á móti gest-
um í ævintýrahúsinu Púlsinum um
helgina.
Morgunblaðið/Reynir Sveinsson
Uppáklætt ungt fólk bauð gestum góðgæti á opnu húsi hjá Púlsinum. Þar
var einnig fjölbreytt dagskrá með söng og leik.
„Skemmtilegheit eru
ekki bundin við aldur“
Sandgerði
Ævintýrahúsið Púlsinn opnað
GERÐ hafa verið drög að samningi
um viðbyggingu við skólahús Fjöl-
brautaskóla Suðurnesja í Keflavík.
Samningurinn er nú til umfjöllunar
hjá sveitarstjórnunum á Suðurnesj-
um.
Samningurinn er á milli Sambands
sveitarfélaga á Suðurnesjum (SSS),
fyrir hönd sveitarfélaganna, og
menntamálaráðuneytis og fjármála-
ráðuneytis fyrir hönd ríkisins. Felur
hann í sér að ráðist verði í byggingu
2.800 fermetra viðbyggingar við
skólahúsið og endurbætur á eldra
húsnæði og tækjabúnaði.
Áætlað er að verkið kosti 546 millj-
ónir kr. Ríkið mun greiða sinn hluta
kostnaðar miðað við norm ráðuneyt-
isins, samtals um 346 milljónir. Sveit-
arfélögin greiða tæpar 200 milljónir
og er hlutur Reykjanesbæjar mestur,
eða tæplega 131 milljón kr.
Ríkið mun greiða sitt framlag á
fimm árum en gert er ráð fyrir að SSS
muni flýtifjármagna verkið þannig að
hægt verði að hefjast handa á næstu
mánuðum og taka húsið í notkun við
upphaf haustannar á næsta ári.
Komin drög að samningi um viðbyggingu FS
Framkvæmdir við skólann
ættu að geta hafist í sumar
Suðurnes
TVEIMUR bílum var stolið í Keflavík
síðastliðinn laugardag. Grunur leikur
á að sami maður hafi verið á ferðinni í
báðum tilvikum.
Klukkan 10:30 var lögreglu til-
kynnt um stuld bifreiðar við Þverholt.
Hún fannst síðan eftir ábendingu á
gangstíg austan við Langholt. Nokkr-
ar skemmdir voru á bifreiðinni.
Klukkan 10.18 var tilkynnt að
fólksbifreið væri utan vegar austan
við Óðinsvelli. Við athugun kom í ljós
að bifreiðinni hafði verið stolið þá um
nóttina frá Vatnsholti. Töluverðar
skemmdir voru á bifreiðinni.
Fram kemur í dagbók lögreglunn-
ar að talið er að sami maður hafi verið
að verki í báðum tilvikum. Vill lög-
reglan benda eigendum bifreiða á að
læsa bílum sínum og alls ekki skilja
lyklana eftir inni í þeim.
Sami maður
stal tveimur
bílum
Keflavík
NOKKUÐ var um pústra, utan við og
inni á dansstöðum, seinnipart nætur
aðfaranótt sunnudags, en ekkert al-
varlegt, að því er fram kemur í dag-
bók lögreglunnar í Keflavík.
Klukkan að verða hálffimm um
morguninn barst lögreglunni tilkynn-
ing um að maður hefði slegið með
krepptum hnefa í gegnum rúðu í
verslun í Grindavík og slasast við það.
Í ljós kom að maðurinn hafði hlotið
minniháttar áverka á hendi.
Rétt fyrir klukkan sjö um morg-
uninn kom maður á lögreglustöðina í
Keflavík og var blóðrisa á hálsi. Hann
kvað þrjá menn hafa ráðist á sig inni á
Strikinu (Casino) skömmu áður.
Pústrar á
dansstöðum
Keflavík
MIKIL þátttaka er í námskeiði í
gerð viðskiptaáætlana sem haldið er
í Keflavík í dag. Í gær var ekki búið
að taka saman lista yfir þátttakend-
ur en að minnsta kosti 50–60 höfðu
skráð sig.
Námskeiðið er haldið af Þjóðar-
átaki um nýsköpun 2003 en markmið
þess er að laða fram áhugaverðar
hugmyndir og verkefni og auka
þekkingu á gerð viðskiptaáætlana.
Námskeiðið er haldið í Kjarna, í
samvinnu við Reykjanesbæ.
Mikil þátttaka
í nýsköpunar-
námskeiði
Keflavík
Tónlistarskóli Reykjanesbæjar
stendur fyrir sínum fyrstu miðsvetr-
artónleikum þriðjudaginn 4. og
fimmtudaginn 6. febrúar n.k. Tón-
leikarnir verða í Ytri-Njarðvík-
urkirkju og hefjst kl. 19.30. Fram
koma nemendur á flestum stigum
tónlistarnáms með mjög fjölbreyttar
efnisskrár sem samanstanda af bæði
einleik/einsöng og samleik. Aðgang-
ur er ókeypis og eru allir velkomnir.
Í DAG