Morgunblaðið - 07.02.2003, Blaðsíða 4
FRÉTTIR
4 FÖSTUDAGUR 7. FEBRÚAR 2003 MORGUNBLAÐIÐ
123456743519877123
N
O
N
N
I
O
G
M
A
N
N
I
I
Y
D
D
A
/
s
ia
.i
s
/
N
M
0
8
5
8
2
BJÖRGVIN Þorsteinsson hrl. og
verjandi Árna Johnsen segist
óánægður með hversu þungur
dómurinn yfir Árna er. „Ég var að
vonast til að hann yrði skilorðs-
bundinn, alla vega að verulegu
leyti.“
Spurður hverju hann telji
Hæstarétt byggja þyngingu dóms-
ins á segir hann að Hæstiréttur líti
dóminn greinilega mjög alvarlegum
augum og telji Árna brotlegan í
opinberu starfi og það sé ábyggi-
lega til verulegrar þyngingar.
Árni er sakfelldur fyrir fjögur
atriði til viðbótar í Hæstarétti og
dómurinn þyngdur um níu mánuði
án skilorðsbindingar.
„Það er engin skilorðsbinding.
Annaðhvort varð hann að vera skil-
orðsbundinn að öllu leyti eða mjög
verulegu leyti til þess að það væri
heimilt. En þeir líta til þess að
þarna er um að ræða brot í op-
inberu starfi og þess vegna er
hann ekki skilorðsbundinn,“ segir
Björgvin.
Hann vill ekki fullyrða hvort hér
sé um tímamótadóm að ræða í
sögu Hæstaréttar þótt vissulega
hafi ekki margir dómar um slík
málefni gengið hér á landi. Hann
segist þó telja líklegt að dómurinn
sé fordæmisgefandi um ábyrgð
manna í opinberum störfum.
Björgvin Þorsteinsson hrl.
verjandi Árna Johnsen
Vonaðist eftir
skilorðsbundn-
um dómi
Morgunblaðið/Þorkell
Björgvin Þorsteinsson, verjandi Árna Johnsen, les yfir dóm Hæstaréttar.
„ÞETTA lá ljóst fyrir allan tímann,
þar sem rangur maður var ákæður
frá upphafi. Ég átti aldrei neina aðild
að þessu máli og það var vitað. Hins
vegar kom mér mjög í opna skjöldu
að ríkissaksóknari skyldi hafa áfrýjað
öllu málinu í heild sinni, vegna þess
að það lá fyrir að það voru mistök að
gefa út ákæru á hendur mér frá upp-
hafi,“ segir Stefán Axel Stefánsson,
sem sýknaður var í Hæstarétti í gær.
„Mér þætti mjög gaman að fá að
vita hvernig í ósköpunum hið op-
inbera hyggst ætla að reyna að laga
mannorð manns eftir þetta.“ Varð-
andi hugsanlegt bótamál segir Stefán
lögmann sinn hafa tjáð sér að erfitt
gæti orðið að reka þannig mál fyrir
dómi, þótt það lægi fyrir að vitlaus
maður hefði verið ákærður.
„Þetta er bara nokkuð sem verður
að skoða. Ég get ekki séð að það sé
nokkuð hægt að gera þegar svona
er.“
Stefán Axel Stefánsson
„Átti aldrei
neina aðild að
þessu máli“
TÓMAS Tómasson, einn hinna
ákærðu, segist ekki hafa átt von á
öðru en að úrskurður Hæstaréttar
færi á þennan veg.
Hæstiréttur staðfesti dóm héraðs-
dóms sem sýknaði Tómas af ákæru
um meinta hlutdeild hans í starfi
sínu sem verkfræðingur hjá Ístaki í
meintum umboðssvikum og fjár-
drætti Árna Johnsen í opinberu
starfi sem formaður bygging-
arnefndar Þjóðleikhússins.
„Ég var mjög hissa þegar ég fékk
þessa ákæru í fyrra og vissi ekki til
þess að ég hefði gert nokkurn skap-
aðan hlut af mér, enda hefur það
komið á daginn.“
Hann segir það alvarlegt mál þeg-
ar menn fái á sig ákæru og mikil
ábyrgð hvíli á embættismönnum
sem gefi þær út.
„Mér hefur nú skilist á lögmönn-
um að það sé nú yfirleitt ekki gert
nema það séu mjög sterkar líkur á
sakfellingu. En þetta reyndist hald-
laus ákæra,“ segir Tómas.
Tómas Tómasson
„Reyndist hald-
laus ákæra“
HART var deilt um fjárhagsstöðu
Reykjavíkurborgar á borgarstjórn-
arfundi í gærkvöld og um hvort eðli-
legt sé að skoða skuldastöðu borg-
arsjóðs eingöngu eða allan
samstæðureikning borgarinnar, þ.e.
stöðu borgarsjóðs og fyrirtækja í
eigu borgarinnar.
Björn Bjarnason, oddviti sjálf-
stæðismanna, sagði hreinar skuldir
borgarinnar án lífeyrisskuldbind-
inga hafa hækkað um 1.100% á sama
tíma og sambærilegar skuldir ríkis-
ins hafi lækkað um 13%. Það væri
veik málsvörn að segja það ósann-
gjarnt að skoða skuldastöðu sam-
stæðureiknings borgarinnar. Slík
málsvörn byggist á að slá ryki í augu
fólks. „Hún breytir ekki heldur
þeirri staðreynd að tölurnar sem við
nefnum eru réttar og þróunin sem
við lýsum er rétt,“ sagði Björn.
Þórólfur Árnason, nýr borgar-
stjóri, sagðist hafa rætt við menn
sem stýra m.a. reikningshaldi og
bókhaldi borgarinnar frá því hann
varð borgarstjóri. „Ég tel mig alveg
umkominn þess að segja að við
fyrstu sýn er allt hér í mjög góðu
lagi. Að búa til efasemdir um slíkt er
ósmekklegt finnst mér,“ sagði Þór-
ólfur. Óskaði hann eftir faglegri um-
ræðu og að hætt yrði að bera saman
epli og appelsínur þegar fjármál
borgarinnar eru til umfjöllunar.
Helgi Hjörvar, borgarfulltrúi R-
lista, sagði að um síðustu áramót hafi
borgarsjóður skuldað 16,7 milljarða,
eða 388 milljónum króna meira en
þegar R-listinn tók við völdum árið
1994. Á sama tíma hafi verið ráðist í
fjárfestingar fyrir 33 milljarða. Rétt
sé að borgin eigi stór og öflug fyr-
irtæki sem hafi ráðist í umfangsmikl-
ar fjárfestingar, sem að hluta til hafi
verið fjármagnaðar með lánsfé. „Það
er rétt að skuldbindingar þessara
fyrirtækja hafa á tímabilinu aukist
um 34 þúsund milljónir,“ sagði
Helgi. Fyrirtækin hafi ráðist í fram-
kvæmdir fyrir 42 milljarða, 8 millj-
arðar hafi verið fjármagnaðir með
eigin fé og 34 milljarðar verið teknir
að láni. Borgarsjóður hafi aftur á
móti fjármagnað alla sína uppbygg-
ingu síðustu 8 ár án þess að auka
skuldir svo neinu nemi.
Björn sagði að frá 1994 hafi 24
milljarðar króna verið færðir frá fyr-
irtækjum í eigu borgarinnar í borg-
arsjóð í því skyni að styrkja sjóðinn í
samanburði við aðra sveitarsjóði. Því
gæfi samstæðureikningurinn
gleggri mynd af stöðu borgarinnar.
Neytendur greiða skuldir OR
Guðlaugur Þór Þórðarson, D-lista,
sagði rangt af meirihlutanum að
halda því fram að skuldir borgarfyr-
irtækja kæmu borgarbúum ekki illa.
Helgi Hjörvar sagði skattgreiðendur
í Reykjavík þurfa að axla skuldir
borgarsjóðs en skuldbindingar
Orkuveitu Reykjavíkur muni orku-
kaupendur greiða í orkureikningum
sínum og það séu ekki eingöngu
skattgreiðendur í Reykjavík. Skuld-
setningin hafi ekki leitt til hækkandi
orkuverðs heldur hafi orkuverð
lækkað.
Guðlaugur sagði athyglisvert að
heyra borgarfulltrúa R-listans tala
um að neytendur OR þurfi að greiða
skuldsetningu fyrirtækisins. „Það er
augljóst af orðum borgarfulltrúans
að þetta er hið besta mál, nú erum
við að færa þetta yfir á aðra neyt-
endur heldur en bara þá sem eru hér
í Reykjavík,“ sagði Guðlaugur.
Undir lok umræðunnar sagði
Björn skýringar á skuldsetningunni
ekki hafa komið fram, en tölurnar
sem sjálfstæðismenn hafi sett fram
hafi hlotið viðurkenningu og það
væri mikilvægt.
Segja meirihlutann
hafa viðurkennt
skuldaaukningu
Nýr borgarstjóri
segir fjármál
borgarinnar í
mjög góðu lagi
við fyrstu sýn
Morgunblaðið/Kristinn
Þórólfur Árnason borgarstjóri sat sinn fyrsta borgarstjórnarfund í gær.
ÞÓRÓLFUR Árnason, nýr borg-
arstjóri Reykvíkinga, sat sinn fyrsta
borgarstjórnarfund í gær. Fund-
urinn hófst með því að Árni Þór Sig-
urðsson, forseti borgarstjórnar,
bauð Þórólf velkominn til starfa og
óskaði honum góðs gengis í vanda-
sömu starfi. Þórólfur óskaði eftir
góðu samstarfi við borgarfulltrúa og
sagðist hlakka til að vinna með þeim.
„Ég hef dáðst að því fólki sem hefur
boðið sig fram í almannaþágu og nú
þegar ég hef verið kallaður í slíkt
starf ætla ég að gera mitt besta til
þess að vinna fyrir hagsmuni Reyk-
víkinga, eins og þið hafið gert,“
sagði nýi borgarstjórinn.
Björn Bjarnason, oddviti sjálf-
stæðismanna, tók undir með nýjum
borgarstjóra um gildi góðs samstarfs
í borgarstjórn og sagði að í fjöl-
miðlum hafi komið fram að Þórólfur
hafi, til undirbúnings störfum sín-
um, rætt einslega við alla borgarfull-
trúa R-listans. „Á hinn bóginn hefur
hann ekkert samband haft við okk-
ur, sem sitjum í borgarstjórn fyrir
Sjálfstæðisflokkinn, og því ákváðum
við að leggja skriflegar spurningar
fyrir nýja borgarstjórann á fyrsta
fundi hans með borgarráði síðastlið-
inn þriðjudag,“ sagði Björn.
Þórólfur sagði athugasemd
Björns beinskeytta og hann myndi
svara á sama hátt. „Ég ræð hverjum
ég býð heim til mín, Björn Bjarnason
borgarfulltrúi. Að ég hafi boðið eins-
lega nokkrum aðilum til mín í janúar
og upplýst um það í fjölmiðlum, ég
tel ósmekklegt að væna mig þar með
um að ég vilji ekki samstarf við
minnihlutann,“ sagði Þórólfur og
kvaðst myndi svara spurningum
sjálfstæðismanna í borgarráði.
„Ég ræð hverjum ég
býð heim til mín“
Viðbrögð við Hæstaréttardómi