Morgunblaðið - 07.02.2003, Blaðsíða 20
SUÐURNES
20 FÖSTUDAGUR 7. FEBRÚAR 2003 MORGUNBLAÐIÐ
SAFNAHÚSIÐ á Egilsstöðum var
byggt á árunum 1983 til 1995 og
hýsir Héraðsskjalasafn Austfirð-
inga, Minjasafn Austurlands og
Bókasafn Héraðsbúa. Arkitektar
þess eru Stefán Örn Stefánsson og
Stefán Jónsson, en það var stjórn
Safnastofnunar Austurlands sem
hafði frumkvæði að byggingunni.
Upphaflega var gert ráð fyrir að
húsið yrði um þrjú þúsund fermetr-
ar að gólfleti með þremur burstum.
Enn á eftir að byggja tæplega tvo
þriðju hluta hússins og fram-
kvæmdum við þann hluta sem þeg-
ar er í notkun er ekki lokið. Þá hef-
ur húsið aldrei formlega verið
afhent eignaraðilum, en þeir eru
Egilsstaðabær, nú Austur-Hérað,
fyrir hönd Bókasafns Héraðsbúa,
byggðasamlag sveitarfélaga á
Fljótsdalshéraði og Borgarfirði
eystra um Minjasafn Austurlands
og byggðasamlag sveitarfélaganna
í Múlasýslum um Héraðsskjalasafn
Austfirðinga.
Húsið er 1256m2 að gólffleti og
skiptist í jarðhæð og tvær hæðir. Á
jarðhæð er Héraðsskjalasafnið og
stórt andyri sem nýtist sem sýning-
araðstaða. Þaðan er gengið inn í
geymslur og forvörsluverkstæði
Minjasafns, sem eru í grunni hins
óbyggða hluta Safnahússins. Á
miðhæð er Minjasafnið með sýn-
ingarsal og skrifstofu, auk opins
rýmis fyrir gesti. Uppi er svo
Bókasafn Héraðsbúa, vinnuað-
staða, skrifstofa Minjavarðar Aust-
urlands og lítil sýningaraðstaða.
Aðstaða safnanna þriggja er að
sögn forstöðumanna þeirra þegar
orðin mjög kröpp og vantar tilfinn-
anlega geymslur, svo eitthvað sé
nefnt.
Fólki blöskrar að ekki
skuli vera lyfta í húsinu
Það hefur lengi staðið styr um
Safnahúsið. Bygging þess gekk
brösuglega, erfitt var að fjármagna
bygginguna og ekki ríkti eining
meðal byggingaraðila um hvernig
skyldi að málum staðið. Hin síðari
ár hefur verið deilt á að erfitt er
fyrir hreyfihamlaða að nýta húsið,
einkum Bókasafn Héraðsbúa, því
engin er lyftan, hún fylgdi hinum
óbyggða áfanga. Þá eru stigar upp
í bókasafnið mjög brattir og erfiðir.
Er mikið um þetta rætt og mörgum
blöskrar að þeir sem jafnvel helst
vildu nýta sér bókasafn, svo sem
aldraðir og sjúklingar, komist ekki
þangað.
Samkvæmt upplýsingum for-
stöðumannasafnanna eru ýmis van-
höld á að framkvæmdum við húsið
sé lokið. Neyðarútganga vantar á
efri hæð og reykrýmisbúnaður er
ónýtur. Eldvarnareftirlit mun
ítrekað hafa gert alvarlegar at-
hugasemdir við hvoru tveggja. Eft-
ir er að byggja svalir á miðhæð og
verulegur kostnaður hefur hlotist
af hitunar- og loftræstikerfi húss-
ins vegna alvarlegra galla. Kerfið,
sem kostaði á sjöundu milljón
króna, hefur aldrei verið tekið út
og enginn skriflegur samningur var
gerður um eftirlit með verkinu.
Þannig ber enginn ábyrgð á því
sem aflaga fór, eða þeim kostnaði
sem hefur fylgt því að reyna að
gera kerfið starfhæft.
Sem fyrr segir eru geymslur og
forvörsluverkstæði Minjasafns í
kjallara hins óbyggða hluta Safna-
hússins. Numið var staðar í bygg-
ingarframkvæmdinni eftir að kjall-
arinn var byggður vegna deilna og
fjárskorts. Platan ofan á kjallaran-
um fór að leka fljótlega eftir að hún
var kláruð og var farið í flóknar og
dýrar aðgerðir til að koma í veg
fyrir lekann, sem m.a. skemmdi
muni í geymslum. Einhverjum frá-
gangi utanhúss er einnig ólokið og
fyrir liggur að mála þarf húsið allt
að utan á næstunni.
Enginn tekur af skarið
Forstöðumennirnir segja að um
árabil hafi reynst örðugt og jafnvel
ógjörningur að fá úrlausn þessara
mála og segja þeir að enginn virðist
bera ábyrgð á framkvæmdum við
húsið eða tilbúinn að leggja til
nauðsynlegt fjármagn. Hver stofn-
un um sig hefur stjórn, en ekki hef-
ur verið um formlegt samráð að
ræða. Eigendur Safnahússins, sem
eins og áður hefur komið fram eru
fjölmargir, hafa heldur ekki haft
með sér skipulagt samráð á þessum
sérstaka vettvangi og byggingar-
nefnd er gengin úr skaftinu.
Kristrún Jónsdóttir er forstöðu-
Tuttugu ára þóf um húsbyggingu
Byggingu
Safnahússins
ætlar seint
að ljúka
Egilsstaðir
HIÐ árlega þorrablót Kvenfélags-
ins Baugs var haldið í félagsheim-
ilinu Múla í góðum hópi heima-
manna og gesta úr landi.
Þorrablótsnefndina skipuðu þær:
Aðalheiður Sigurðardóttir, Helga
Mattína Björnsdóttir, Rannveig Vil-
hjálmsdóttir og Sigrún Þorláksdótt-
ir.
Á þorrablótsdaginn þandi Kári
sig rækilega og sýndi húsbóndavald
sitt með því að hrista hressilega
hvítan feldinn. Inn á milli mildaðist
hann og þá var lag. Sæfari, hin
ómetanlega ferja okkar Grímsey-
inga, lagðist að bryggju með þorra-
blótsgesti og aðalskemmikraft há-
tíðarinnar, Einar Georg Einarsson,
sem hafði lagt á lengri ferð en sigl-
inguna yfir Grímseyjarsundið.
Hann hafði keyrt af stað frá heimili
sínu í Miðfirðinum kl. 5 um morg-
uninn. Svona eiga hetjur skemmt-
analífsins að vera! Nú var bara að
sjá með hljómsveit Friðriks Ómars
frá Dalvík sem ætlaði að leika fyrir
dansi. Yrði flogið? Yndislegt hljóð –
flugvélagnýr heyrðist upp úr sex um
kvöldið og hljómsveitin ásamt fleiri
þorrablótsgestum lenti örugglega.
Sungu soðinn bræðing
Frúrnar í nefndinni brettu nú upp
ermarnar í Múla – girnileg þorraföt-
in voru fyllt af súru og nýju lostlæti
og þorrablótshátíðin gekk í garð.
Þorrablótsnefndin söng af innlifun
saman soðinn bræðing við undirleik
skólastjórans Dónald Jóhannesson-
ar við nýjasta stuðlag Stuðmanna:
Þorrablót á Baugn-
um þrátt fyrir Kára
Grímsey
LANDIÐ
SPARISJÓÐS- og fyritækjamót
íþróttafélagsins Ness í boccia var
haldið síðastliðinn laugardag.
Mótið er annars vegar flokka-
skipt einstaklingskeppni hjá Nesi
og hins vegar sveitakeppni hjá
fyrirtækjum.
Í einstaklingskeppni Ness sigr-
aði Ívar Egilsson í flokki 10 ára
og yngri, Linda Björg Björgvins-
dóttir varð í 2. sæti og Valur
Freyr Ástuson í 3. sæti. Í flokki
11–16 ára varð Gestur Þor-
steinsson í 1. sæti, Bryndís Brynj-
ólfsdóttir í 2. sæti og Einar Þór
Björgvinsson í því þriðja. Í flokki
17–26 ára sigraði Vilhjálmur Þór
Jónsson, Arnar Már Ingibjörns-
son varð í 2. sæti og Sigríður
Karen Ásgeirsdóttir í þriðja. Í
flokki 27 ára og eldri varð Lára
María Ingimundardóttir í 1. sæti,
Guðný Óskarsdóttir í 2. sæti og
Sigrún Benediktsdóttir í 3. sæti.
Í fyrirtækjamótinu sigraði
Þrumugengið en það er skipað
þeim Guðmundi Ingiberssyni,
Bjarna Kristjánssyni og Gylfa
Pálssyni, í 2. sæti var Fagræsting
skipað Róberti Aron Ólafs, Sig-
urði Benediktssyni og Vilhjálmi
Þór Jónssyni og í 3. sæti var b-lið
Sparisjóðsins í Keflavík en það
skipa þær Guðrún Einarsdóttir,
Guðný Magnúsdóttir og Ágústa
Ásgeirsdóttir. Langmesta þátt-
taka í mótinu var frá Fisk-
þurrkun í Garði en þaðan komu
sjö lið með samtals 21 keppanda.
Öll verðlaun á mótinu gaf
Sparisjóðurinn í Keflavík.
Verðlaunahafar í einstaklingskeppni Sparisjóðsmóts íþróttafélagsins Ness í Reykjanesbæ eru ánægðir.
Fjöldi sigurvegara
í fyrirtækjamóti Ness
NEMENDUR Fjölbrautaskóla Suð-
urnesja í Keflavík hafa fengið að-
gang að gögnum um sig sem geymd
eru í upplýsingakerfi fyrir fram-
haldsskóla, fyrstir framhaldsskóla-
nemenda. Fyrirhugað er að nemend-
ur annarra skóla fái aðgang að sams
konar upplýsingum á næstunni.
Inna.is er heiti á upplýsingakerfi
fyrir framhaldsskóla sem mennta-
málaráðuneytið lét gera. Kerfið hef-
ur verið tekið í notkun í öllum fram-
haldsskólum landsins. Kennarar
skólanna hafa haft aðgang að þeim
upplýsingum sem þeir hafa þurft á
að halda vegna kennslunnar.
Ákveðið hefur verið að veita nem-
endum skólanna aðgang að upplýs-
ingum um þá sjálfa í kerfinu og var
ákveðið að Fjölbrautaskóli Suður-
nesja myndi ríða á vaðið til að hægt
yrði að sníða af hugsanlega agnúa
áður en þessi aðgangur yrði almennt
veittur. Sturla Bragason, deildar-
stjóri tölvudeildar FS, segir að vef-
urinn hafi verið mikið notaður þá tvo
daga sem hann hefur verið opinn.
Þannig hafi verið setið frá morgni til
kvölds við tölvur sem settar voru
fram á gang af þessu tilefni en nem-
endurnir hafa einnig aðgang að kerf-
inu heima hjá sér og hvar sem þeir
vilja. Hann segir að litlir agnúar hafi
komið fram við þessa notkun.
Nemendurnir geta skoðað stunda-
töflur og námsferil sinn. Þannig geta
þeir til dæmis athugað einkunnir allt
aftur í grunnskóla og séð hvaða hluta
námsins þeir hafa lokið og hvað er
eftir. Þá eiga nemendurnir að geta
skoðað fyrri próf í áfanganum sem
þau eru skráð í.
Tilgangurinn með því að veita
þennan aðgang er, að sögn Sturlu,
meðal annars að nemendurnir viti
hvað er skráð um þá í kerfinu og geti
gert athugasemdir ef eitthvað er þar
rangt.
Morgunblaðið/Reynir Sveinsson
Dögg Halldórsdóttir og Ágúst Rúnar Elvarsson, nemendur í FS, skoða vef-
svæðið Inna.is. Með þeim á myndinni er Sturla Bragason deildarstjóri.
Fá aðgang að upplýs-
ingum um námsferilinn
Keflavík
ÍSLENSKIR aðalverktakar hf.
hafa keypt lóð á mörkum Njarð-
víkur og Keflavíkur og hyggjast
byggja þar hús fyrir íbúðir,
verslanir og þjónustufyrirtæki.
Á lóðinni Brekkustígur 45 í
Njarðvík er hús sem tilheyrði
loðnuverksmiðju Fiskiðjunnar
hf. en hefur síðustu árin verið
notað sem vörugeymsla, meðal
annars fyrir Eimskip. Reykja-
nesbær hefur afnot af húsunum
um þessar mundir og geymir
þar víkingaskipið Íslending.
Gúanólóðin er um 15 þúsund
fermetrar að stærð og nær yfir á
Hafnargötu í Keflavík og er því í
miðjum Reykjanesbæ.
Leiðarendi, einkahlutafélag
fasteignasalanna Sigurðar
Ragnarssonar og Böðvars Jóns-
sonar, keypti húsið og lóðina á
árinu 2001 og hugðist byggja
þar aðstöðu fyrir stóra verslun
eða verslunarmiðstöð en fram-
kvæmdir hófust ekki.
Íslenskir aðalverktakar eru
nú að festa kaup á þessari eign.
Að sögn Eyjólfs Gunnarssonar,
forstöðumanns sölu- og markas-
mála hjá ÍAV, er nú verið að
undirbúa ákvarðanir um hvað
byggt verði á lóðinni. Til greina
kemur að byggja íbúðir og versl-
unar- og þjónusturými og hug-
myndir hafa verið um háhýsi.
Húsin verða rifin og reiknar
Eyjólfur með að ráðist verði í
uppbygginguna í áföngum
vegna þess að markaðurinn í
Reykjanesbæ sé tiltölulega lítill.
Áformar
uppbygg-
ingu á
gúanólóð
Njarðvík