Morgunblaðið - 07.02.2003, Blaðsíða 6
FRÉTTIR
6 FÖSTUDAGUR 7. FEBRÚAR 2003 MORGUNBLAÐIÐ
VAXANDI líkur eru taldar á að
samningar náist fljótlega um kaup
svissnesks fiskræktanda, Rudolf
Lamprecht, á tveimur jörðum í
Heiðardal í Mýrdal. Jafnframt er
reiknað með að innan skamms
verði gengið frá samningi um að
Svisslendingurinn taki á leigu
Heiðarvatn og Vatnsá til tíu ára.
Taka á samkomulag sem fyrir ligg-
ur um leigutökuna fyrir á aðalfundi
veiðifélagsins Stakks í næstu viku.
Jarðirnar eiga helming
Heiðarvatns og 25% í Vatnsá
Lamprecht kom til landsins sl.
sumar og sýndi áhuga á að taka
Vatnsá á leigu. Gerði hann jafn-
framt tilboð í jarðirnar Litlu-Heiði
og Stóru-Heiði. Eru þær einu jarð-
irnar í Heiðardalnum og ná landa-
mörk þeirra upp undir Mýrdals-
jökul. Heiðarvatn er í dalnum
sunnanverðum og er þar töluverð
silungsveiði. Vatnsá rennur úr
Heiðarvatni til norðausturs í Kerl-
ingadalsá og er bæði lax og sil-
ungsveiði í ánni. Verði af kaup-
unum mun Svisslendingurinn
eignast 25% réttinda í Vatnsá og
Kerlingadalsá og eignast helming í
Heiðarvatni.
Bjarni Benediktsson, héraðs-
dómslögmaður og lögfræðingur
mannsins hér á landi, staðfesti í
gær að málin væru langt komin
hvað varðar hugsanleg jarðakaup,
þótt ekki hafi endanlega verið
gengið frá samningum.
Kvaðst hann eiga von á nið-
urstöðu mjög fljótlega. Að sögn
Bjarna hafa tekist samningar við
veiðifélagið um leigu á vatninu og
ánni.
Áður en af hugsanlegri sölu
jarðanna getur orðið þarf sveit-
arstjórn að taka afstöðu til hvort
hún nýtir forkaupsrétt sinn sam-
kvæmt jarðalögum. Að sögn Sveins
Pálssonar, sveitarstjóra Mýrdals-
hrepps, er málið ekki komið inn á
borð sveitarstjórnar.
Starfrækir eldi á
beitarfiski í Indónesíu
Rudolf Lamprecht rekur fyr-
irtæki sem ber heitið Regal
Springs. Sérhæfir það sig í eldi á
beitarfiski (tilapia) og sölu á fersk-
um og frystum beitarfiskflökum.
Starfsmenn fyrirtækisins eru um
1.000, starfrækir fyrirtækið m.a.
níu eldisstöðvar í Indónesíu og er
einnig með starfsemi í Hondúras,
Bandaríkjunum og Evrópu.
Bjarni segir Svisslendinginn hafa
lagt sig sérstaklega eftir því að
hugsanleg kaup hans og leiga hér á
landi verði í sem mestri sátt við
heimamenn. Er m.a. kveðið á um
samstarf í samkomulaginu við
veiðifélagið, sem tryggir áfram-
haldandi aðgang þess að ánni o.fl.
Eigendur jarðanna Litlu- og
Stóru-Heiði vildu ekki tjá sig um
hugsanlega sölu þegar Morg-
unblaðið hafði samband við þá, þar
sem málið væri enn ófrágengið.
Svisslendingur vill kaupa jarðir í Heiðardal og leigja Vatnsá og Heiðarvatn
Morgunblaðið/Jónas Erlendsson
Heiðardalur í Mýrdal er skammt frá þjóðvegi 1. Á myndinni má sjá stöðuvatnið Heiðarvatn og jörðina Litlu-Heiði.
Samn-
ingar
langt
komnir JANÚARMÁNUÐUR varfremur hlýr og í þurrara lagi,að því er fram kemur í veð-
urfarsgögnum á vefsíðu Veð-
urstofunnar sem Þóranna
Pálsdóttir veðurfræðingur
tók saman.
Mikil hlýindi voru fram yfir
miðjan mánuðinn en upp úr
því gerði kuldakast með
miklu frosti um allt land dag-
ana 18. til 23. janúar. Fór
frostið á Norðausturlandi yfir
20 stig.
Í Reykjavík var meðalhit-
inn 1,5°C sem er 2 stigum yfir
meðaltali áranna 1961-1990.
Úrkoman mældist 44,8 milli-
metrar, sem Þóranna segir að
sé rúmlega helmingur þess
sem venja sé. Sólskinsstundir
í borginni voru 24,2, eða
þremur stundum færri en í
meðalmánuði.
Á Akureyri var meðalhitinn
-1,1°C í janúarmánuði sem er
1,1 gráðu yfir meðallagi. Úr-
koman var í tæpu meðallagi,
eða 49,3 mm, og sólskins-
stundir 5 færri en venja er,
eða 1,8. Í Akurnesi var með-
alhitinn 0,1°C og úrkoman
mældist 99,4 mm. Hitinn á
Hveravöllum var -4,8°C að
meðaltali í janúar, úrkoman
var 35,9 mm og sólskins-
stundir alls 13,3.
Janúar
fremur
hlýr og
þurr
FYRRI hluta pílagrímaflugs Flug-
félagsins Atlanta er nú lokið og eru
tíu þotur af 24 þotna flota félagsins í
því verkefni, átta B747-þotur og
tvær B767-þotur. Hafþór Hafsteins-
son, forstjóri Atlanta, gerir ráð fyrir
að um 300 þúsund farþegar verði
fluttir í ár og segir hann að þetta sé
næstumfangsmesta pílagrímaflug
fyrirtækisins.
Flogið er milli Jeddah í Sádi-Ar-
abíu og borga í Malasíu, Nígeríu og
Indónesíu og er þetta ellefta árið í
röð sem Atlanta annast pílagríma-
flug. Um 350 starfsmenn Atlanta
sinna fluginu og ef taldar eru með
flugfreyjur flugfélaganna fjögurra
sem flogið er fyrir sinna verkefninu
alls um 900 manns. Flugfélögin eru
Garuda í Indónesíu, Air Asia í Mal-
asíu, Albarka í Nígeríu og Saudi
Arabian Airlines í Sádi-Arabíu.
Hafþór segir að pílagrímaflugið í
fyrra hafi verið það umfangsmesta
en þá var því sinnt með tólf þotum
og flogið með um 400 þúsund
manns. Um tvær milljónir manna
ferðast árlega til Mekka og segir
Hafþór milli 700 og 800 þúsund
ferðast með flugvélum. Múslimaríki
fá úthlutað kvóta á hverju ári, um
1% af íbúafjölda ríkjanna, og noti
þau ekki fullan kvóta er hann færð-
ur til þeirra sem óska meiri kvóta.
Seinni áfanga pílagrímaflugsins lýk-
ur 15. mars.
Tíu þotur Atlanta
í pílagrímaflugi
SAMKOMULAG hefur tekist milli
menntamálaráðherra og fulltrúa
sveitarfélaga á Snæfellsnesi um að
hafinn verði undirbúningur að stofn-
un framhaldsskóla á norðanverðu
Snæfellsnesi. Gert er ráð fyrir að
skólinn verði staðsettur í Grundar-
firði. Lögð verður áhersla á að þessi
nýi framhaldsskóli verði leiðandi í
notkun upplýsingatækni og nýti sér
m.a. kosti dreifnáms. Sérstaða hans
verði að námið fari fram bæði stað-
bundið og í fjarnámi.
„Þetta er mikill gleðidagur á Snæ-
fellsnesi, ekki bara hér í Grundar-
firði því þetta er hagsmunamál Snæ-
fellinga allra,“ segir Björg
Ágústsdóttir, bæjarstjóri í Grundar-
firði, sem segir Snæfellinga hafa
flaggað í gær af tilefninu. „Við erum
búin að vera að undirbúa þetta lengi
en um þrjú ár eru síðan við fórum að
vinna að þessari hugmynd. Þannig að
þarna er ánægjulegum áfanga náð.“
Hún segir samkomulagið fela í sér
að starfsmaður verði ráðinn á þessu
ári til undirbúnings og stefnumótun-
ar fyrir skólann. „Þá væntum við
þess að ráðuneytið muni beita sér
fyrir því að það fáist framlög til skól-
ans á fjárlögum næsta árs,“ segir
Björg en ekki var talið svigrúm til
fjárframlaga til skólans á fjárlögum
ársins 2003.
Gert er ráð fyrir að skólinn verði í
leiguhúsnæði til að byrja með og að
sögn Bjargar ganga hugmyndir út á
að á fyrsta starfsári skólans, sem
hefjist haustið 2004, verði skólinn
með nemendur á fyrsta og öðru ári
framhaldsskóla. Síðan verði þriðja
og fjórða árinu bætt við þannig að
kominn verði fullur fjögurra ára
framhaldsskóli á þriðja starfsári
hans. Er áætlað að fjöldi nemenda
verði í kring um 150 til 170 þegar
skólinn verður búinn að festa sig í
sessi.
Samkomulag um stofnun framhaldsskóla í Grundarfirði
„Mikill gleðidagur
á Snæfellsnesi“
Morgunblaðið/Alfons Finns
Íslenski fáninn við hún við gamla
pakkhúsið í Ólafsvík í gær.
SENDIRÁÐ Íslands í Kaupmanna-
höfn ætlar að flytja inn 2–300 kíló
af þorramat til Danmerkur og er
varningurinn væntanlegur þangað
í næstu viku.
Danska matvælaráðuneytið hafði
áður bannað innflutning ein-
staklinga á þorramat en samkvæmt
reglugerðabreytingu Evrópusam-
bandsins verða kjötvinnslur að hafa
sérstaka vottun frá Evrópusam-
bandinu til að hægt sé að leyfa inn-
flutning. Útlit var því fyrir að ekk-
ert yrði af hefðbundnum þorra-
blótum í ár.
Að sögn Friðriks Jónssonar
sendiráðunauts hefur sendiráðið
fengið samþykki danska matvæl-
aráðuneytisins fyrir því að flytja
inn þorramat að því gefnu að hann
tengist viðburðum á vegum sendi-
ráðsins. Friðrik segir að fáir við-
burðir séu meira tengdir ráðuneyt-
inu en einmitt þorrablótin sem séu
með stærstu viðburðum ársins hjá
Íslendingum í Danmörku.
Þrjú blót eru fyrirhuguð 15. febr-
úar nk., í Árósum, Óðinsvéum og
Kaupmannahöfn og þann 23. verð-
ur haldið þorrablót á Suður-
Jótlandi. Friðrik reiknar með að
um 5–600 manns gæði sér á þorra-
mat í ár, þar af 350–400 manns í
Kaupmannahöfn.
„Eftir öllum upplýsingum sem ég
hef verður þetta í lagi. Ég ætla þó
ekki að fagna fyrr en ég stend og
horfi framan í sviðahausinn,“ segir
Friðrik.
Fagna ekki fyrr en horft er
framan í sviðahausinn