Morgunblaðið - 07.02.2003, Blaðsíða 8
FRÉTTIR
8 FÖSTUDAGUR 7. FEBRÚAR 2003 MORGUNBLAÐIÐ
Það er hér eins og annarstaðar, Þórólfur minn. Hver hefur haft sinn djöful að draga.
Stór og fjölmenn ferðakaupstefna
Ferðamál frá
mörgum hliðum
FLUGLEIÐIRstanda í elleftaskipti fyrir kaup-
stefnunni Mid-Atlantic
Workshop&Travel Sem-
inar og hefst uppákoman í
dag, föstudag. Steinn
Lárusson, forstöðumaður
á markaðssviði hjá Flug-
leiðum, er í forsvari fyrir
kaupstefnuna og hann
svaraði nokkrum spurn-
ingum Morgunblaðsins
um tilurð þessarar uppá-
komu, tilgang hennar og
þann árangur sem náðst
hefur.
– Segðu okkur hvað hér
er á ferðinni ...
„Þetta er ferðakaup-
stefna. Við flytjum inn
kaupendur, ferðaskrif-
stofufólk frá Bandaríkj-
unum, Kanada, Norðurlöndun-
um, Bretlandi, Póllandi,
Rússlandi og Eystrasaltslöndun-
um Eistlandi og Lettlandi. Þátt í
stefnunni taka einnig seljendur
sem koma frá hótelkeðjum, bíla-
leigum, rútufyrirtækjum, ferða-
skrifstofum og svo framvegis.
Hér kemur því allur hópurinn
saman sem mestu máli skiptir.“
– Þegar þú talar um Norður-
löndin, eru þá Færeyjar og
Grænland með?
„Já, Færeyingar og Grænlend-
ingar komu inn í þetta hjá okkur
í fyrra, enda hefur markaðsöxull-
inn Ísland-Færeyjar-Grænland
eflst mjög með vaxandi starfi
Vestnorden. Það eru fleiri nýir
að koma, t.d. Pólland og Eystra-
saltslöndin eru að fikra sig inn í
þetta í rólegheitunum. Þá verða í
fyrsta skipti fulltrúar frá Japan.
Þeir eru mjög áhugasamir og
hugsanlegt að í kjölfarið bætist
þeir í þennan samstarfshóp.“
– Hvað er þetta stór hópur
manns?
„Að utan koma um 300 manns
og við hópinn bætast nokkrir
tugir manna frá íslenskum fyr-
irtækjum þannig að þetta fer
hátt í fjögur hundruð manns með
öllum.“
– Hvernig er svo dagskráin?
„Dagskráin hófst með sam-
komu í Ráðhúsinu í gær. Í dag
hefst dagurinn fyrir hádegi með
kaupstefnu þar sem bæði kaup-
endur og seljendur halda tölur
yfir hópnum og kynna sína vöru.
Seinni hluti dagskrár þessa dags
fer fram í anddyri Laugardals-
hallarinnar þar sem allir mæta,
en þar verða 110 kynningarbásar
frá þessum sölufyrirtækjum öll-
um saman. Þarna geta menn rölt
um og fengið gögn og upplýsing-
ar um allt sem í boði er. Þetta er
langstærsta ferðakaupstefna
sem haldin er hér á landi. Alls
eru bandarískir aðilar með um 40
bása, íslenskir með 20 bása, en
aðrir færri. Margir eru þó mjög
að sækja í sig veðrið. Á morgun
er slökun og skemmtun, þátttak-
endur skoða land og þjóð. Boðið
er upp á sjö til átta mismunandi
ferðir, m.a. jeppaferðir þar sem
menn fá að aka sjálfir,
hraðferð að Gullfossi
og Geysi, menningar-
ferð um höfuðborgina
og nágrenni hennar,
ferð í Hafnarfjörð til
fundar við álfa, tröll og fleiri ver-
ur. Ég man þetta nú ekki allt
saman svona rétt í augnablikinu,
en fjölbreytnin er mikil. Þessu
verður öllu lokið um fjögurleytið
og þá hittist hópurinn allur í Bláa
lóninu þar sem hann vaskar af
sér ferðarykið. Þar verður
snæddur kvöldverður og þetta
fólk fer síðan til síns heima á
sunnudag.“
– Eru einhverjar sérstakar
áherslur á kaupstefnunni þetta
árið?
„Það koma alltaf upp einhverj-
ar nýjungar, sérstaklega eru það
minni birgjar á Íslandi. Í ár og
nýverið eru þetta t.d. nýjar bíla-
leigur og jeppafyrirtæki. Þetta
eru gjarnan stærri aðilar sem
koma að utan, Hertz, Avis og
heilu hótelkeðjurnar.“
– Er einhver mælanlegur ár-
angur af svona kaupstefnu?
„Mælanlegur? Ferðamennsk-
an er þannig að við sem vinnum
við hana verðum bara að halda
okkar striki og halda sannfær-
ingunni. Maður veit oft ekki
hvort eitthvað sem er verið að
gera er að skila einhverju og það
getur tekið 2–3 ár eða jafnvel
lengur að koma í ljós. Varðandi
þessa kaupstefnu þá er Icelanda-
ir a.m.k. ekki að tapa peningum á
henni. Við komum sléttir frá
henni.“
– Já, en þið eruð að halda
þessa samkomu í ellefta skipti, er
einhver árangur?
„Við getum orðað það svo að ef
við fyndum ekki fyrir árangri þá
myndum við ekki standa í þessu
ár eftir ár. Og það sama má segja
um þá aðila sem tekið hafa þátt í
þessu með okkur frá byrjun.
Alltaf koma þeir aftur, þannig að
þeir hafa greinilega séð sér hag í
því. Og við má bæta að hróður
kaupstefnunnar hefur borist svo
víða að það hefur stórfjölgað í
þátttakendahópnum síðustu árin
og sér ekki fyrir end-
ann á þeirri fjölgun
enn. Í þessu sambandi
er rétt að geta þess, að
hvað Icelandair varð-
ar, þá er ekki einungis
um að ræða að erlendir ferða-
menn komi hingað til lands og
njóti þess sem Ísland hefur upp á
að bjóða, heldur eru erlendu að-
ilarnir einnig að selja Icelandair
yfir hafið í báðar áttir, vestur um
haf og til Evrópu. Það á sérstak-
lega við þá aðila sem starfa nærri
ákvörðunarstöðum okkar vestan
hafs, t.d. Boston, New York,
Baltimore og Orlando.“
Steinn Lárusson
Steinn Lárusson er fæddur
23.september 1942. Hann er
stúdent frá Verslunarskóla Ís-
lands 1962 og starfaði óslitið á
ferðaskrifstofusviðinu á ár-
ununum 1962–1984. Var þar af
framkvæmdastjóri Úrvals á ár-
unum 1970–84. Hann var svæð-
isstjóri Flugleiða í Noregi
1984–87 og í Bretlandi 1987–
92. Hefur síðan verið for-
stöðumaður á markaðssviði hjá
Flugleiðum. Eiginkona er
Hrafnhildur Sigurbergsdóttir
og eiga þau þrjú uppkomin
börn.
Árangurinn
oft lengi að
koma í ljós
HALLDÓR Ásgrímsson
utanríkisráðherra segir
ræðu Colins Powells, ut-
anríkisráðherra Banda-
ríkjanna, í öryggisráði
Sameinuðu þjóðanna á
miðvikudaginn, hafa ver-
ið áhrifamikla og sann-
færandi. Halldór telur
jafnframt að veita eigi
vopnaeftirlitsmönnum
SÞ meira svigrúm til eft-
irlits í Írak.
„Ég tel að ræða Pow-
ells hafi verið áhrifamikil
og sannfærandi. Í henni
kom fram mikið magn
upplýsinga, sem studdar
voru góðum rökum. Ég
tel að þessi ræða styrki menn í
þeirri trú að Írakar ráði yfir efna-
vopnum, enda hafa þeir ekki gert
grein fyrir því hvort og hvernig þeir
hafa eytt vopnum, sem þeir viður-
kenndu áður að þeir réðu yfir,“ seg-
ir Halldór.
„Nú er það verkefni öryggisráðs-
ins að fara yfir málið eins og upplýs-
ingar frá vopnaeftirlitsmönnunum.
Ég tel að það verði að gefa vopna-
eftirlitinu meira svigrúm til að fara
yfir þetta.
Ég á alveg eins von á því að ör-
yggisráðið muni
staðfesta það að
Írakar hafi brotið
ályktun Sameinuðu
þjóðanna nr. 1441 og
fyrri ályktanir. Það
er ljóst að í þeirri
ályktun er krafa um
að Írakar afvopnist.
Ef þeir geri það ekki
með góðu, þá verði
gripið til viðeigandi
ráðstafana. Sú álykt-
un er mjög afger-
andi.
Leiðin til að koma
í veg fyrir átök, sem
ég vona að finnist,
vegna þess að átök
og stríð hefa jafnframt hörmulegar
afleiðingar, er að miklu leyti í hönd-
um Saddams Husseins. Hann getur
bætt samskipti sín við eftirlitsmenn-
ina og Sameinuðu þjóðirnar og það
er líka í höndum þeirra ríkja sem
hafa möguleika á að hafa áhrif á
hann, þ.e. ríkja sem vilja gjarnan
vinna að því að hann fari frá völdum
og nýir aðilar taki við stjórnartaum-
unum í Írak.“
Mikil hætta á átökum
„Ég vona svo sannarlega, eins og
allir Íslendingar og mestöll heims-
byggðin, að þetta takist, en það er
enginn vafi í mínum huga að það er
mikil hætta á því að þarna komi til
átaka, vegna þess að hér er alvara á
ferðum,“ segir Halldór
Spurður hvort staðfesting á að
Írak hafi brotið ályktun Sameinuðu
þjóðanna auki líkurnar á að beitt
verði hervaldi til að afvopna Íraka
sagði Halldór að hernaðaraðgerðir
hefðu lengi verið uppi á borðinu.
„Það sem nú er að gerast eykur lík-
urnar á að ályktunin frá því í haust
hafi verið brotin. Þá vitum við hvað
það getur þýtt. En ég tel að það eigi
að taka sér meiri tíma í málið og
veita meira svigrúm, vegna þess að
mér er ljóst að átök og stríð geta
haft hörmulegar afleiðingar. Það er
ekki ólíklegt að Írakar beiti efna-
vopnum. Saddam hefur gert það áð-
ur gagnvart sinni þjóð og öðrum
þjóðum. Það er heldur ekki ólíklegt
að það myndist stjórnleysi á þessu
svæði. Slík átök hefðu mjög alvar-
legar afleiðingar á efnahagslífið í
heiminum. Það er því til mikils að
vinna. Hins vegar er ljóst að Sadd-
am Hussein mun aldrei gefa neitt
eftir eða fara frá nema hann standi
frammi fyrir hörðum kostum,“ segir
Halldór Ásgrímsson.
Halldór Ásgrímsson segir ræðu Colins Powells í
öryggisráði SÞ hafa verið áhrifamikla og sannfærandi
Vopnaeftirlitsmenn
SÞ fái meira svigrúm
Halldór Ásgrímsson
utanríkisráðherra.
FJÖLDI atvinnulausra háskóla-
menntaðra manna á landinu jókst
um tæp 75% á síðasta ári og á síð-
ustu tveimur árum hefur fjöldinn
þrefaldast. Þetta kemur fram í frétt
á heimasíðu Samtaka atvinnulífsins.
Segir þar að um síðustu áramót
hafi 363 háskólagengnir verið á at-
vinnuleysisskrá á landinu öllu, þar
af tæplega 30 tölvunarfræðingar, 60
verk- og tæknifræðingar og rúm-
lega 40 manns með menntun í öðr-
um raunvísindagreinum.
Þá eru tæplega 80 manns með
viðskipta- og rekstrarmenntun á at-
vinnuleysisskrá og 24 kennarar. Í
stærsta hópnum, sem flokkast und-
ir önnur hugvísindi, voru hins vegar
133 einstaklingar í desemberlok.
Segir í fréttinni að hlutfall há-
skólagenginna af atvinnulausum í
heild hafi farið vaxandi en í árslok
árið 2001 hafi háskólagengnir verið
5,1% af heildarfjölda á atvinnuleys-
isskrá. Í lok desember sl. hafi hlut-
fallið hins vegar verið komið upp í
7,2%.
Atvinnulausum háskóla-
mönnum fjölgar um 75%