Morgunblaðið - 14.02.2003, Blaðsíða 4

FRÉTTIR
4 FÖSTUDAGUR 14. FEBRÚAR 2003 MORGUNBLAÐIÐ
Flottar vorvörur
Nýtt kortatímabil
„ÞAÐ ER alltaf verið að spyrja
mig af hverju læknir hafi farið út
í að semja tónlist. En þessu er öf-
ugt farið. Ég var tónlistarmaður
sem fór að fást við í lækningar,“
segir Páll Torfi Önundarson, yf-
irlæknir blóðmeinafræðideildar
Landspítalans og höfundur lags-
ins Ferrari sem er eitt 15 laga er
keppir um þátttöku í Eurovision-
keppninni í Lettlandi í maí.
Páll er menntaður klassískur
gítarleikari og hefur m.a. verið í
hljómsveitunum Grasrex og
Diabolus in Musica og spilað með
hinum og þessum, þ.m.t. Six-pack
Latino og því fræga bandi
Tommi, Palli og Villi-Valli á Ísa-
firði.
Hann segist hafa fengið hug-
myndina að textanum á rak-
spíraflösku en hann fjallar um
fagra stúlku sem er á gangi þeg-
ar myndarlegur maður á Ferrari
bíður henni far. „Það er svona ár
síðan ég samdi þetta lag, hafði
geymt það í tölvunni minni en
það gerir víst lítið gagn að eiga
tónlist inni í tölvu,“ segir Páll um
aðdraganda þess að hann ákvað
að senda lagið í keppnina.
Getum öll verið ánægð
„Ég er mjög ánægður með að
lagið fékk náð fyrir augum dóm-
nefndarinnar. Um 200 lög voru
send inn en fimmtán voru valin í
undankeppnina. Ég held að við
öll sem eigum lag í þeim hópi
getum verið ánægð.
Ég lít þannig á að keppnin sé
fyrst og fremst vettvangur til að
koma tónlist á framfæri innan-
lands, en ekki að endilega mark-
miðið sé að sigra heiminn. Þess
vegna fannst mér tilvalið að
senda lag í keppnina.“
Páll segist lengi hafa haft sér-
stakt dálæti á spænskri og suður-
amerískri tónlist og sé lagið í
þeim anda.
Þar sem hann vinnur á blóð-
meinafræðideild Landspítalans
fannst blaðamanni forvitnilegt að
vita hvort starfið gæfi honum
hugmyndir á tónlistarsviðinu.
„Gárungarnir kalla mig reyndar
„doktor Blood“,“ segir hann og
hlær, „en almennt séð fæ ég litlar
tónlistarlegar hugmyndir inni á
spítalanum. Tónlistarhugmyndir
fær maður snemma á laugardags-
morgnum.“
Það er Ragnheiður Gröndal, 18
ára djasssöngkona, sem flytur
lagið í keppninni. „Hún er ári
yngri en sonur minn. Hann er
klassískur píanóleikari og hefur
hingað til ekki borið mikla virð-
ingu fyrir tónlist minni. En hann
sagði að lagið væri skárra en
flest sem ég hefði gert, það eru
bestu meðmæli sem ég hef nokk-
urn tímann fengið.“
Páll Torfi Önundarson læknir fékk hugmynd að lagi á rakspíraflösku
Morgunblaðið/Þorkell
Páll Torfi segist ekki fá hugmyndir að lögum sínum í vinnunni.
Lagið skárra en flest
sem pabbi hefur gert
ÁVÖXTUNARKRAFA húsbréfa
hækkaði mikið í viðskiptum gær-
dagsins og segir Guðmunda Ósk
Kristjánsdóttir, hjá greiningardeild
Búnaðarbankans, að svo virðist sem
ákveðins taugatitrings hafi gætt á
markaðnum í gær. Hún segir að svo
virðist vera sem fjárfestar hafi orðið
hræddir við aukið framboð skulda-
bréfa á innlendum markaði og hafi
því ákveðið að leysa út þann geng-
ishagnað sem skapast hefur að und-
anförnu, en ávöxtunarkrafan hafi
lækkað mikið frá áramótum.
Guðmunda Ósk nefnir einkum
tvennt sem skýri þessa þróun. Hún
segir að þær ráðstafanir sem ríkis-
stjórnin muni ráðast í til að sporna
við atvinnuleysi virðist hafa hreyft
við markaðnum, en framkvæmdirn-
ar muni stuðla að því að minnka slak-
ann í efnahagslífinu. Þá hafi ummæli
Davíðs Oddssonar forsætisráðherra,
á viðskiptaþingi Verslunarráðs Ís-
lands í fyrradag, um að til greina
komi að ríkið taki innlend lán til að
greiða erlend lán komið hreyfingu á
markaðinn. „Það myndi að öðru
óbreyttu auka framboðið á skulda-
bréfamarkaði. Ég held að markaður-
inn hafi verið að bregðast við þessu
og fjárfestar hafi séð sér leik á borði
og innleyst gengishagnað.“
Svo mikil hreyfing er sjaldséð
Hækkaði ávöxtunarkrafan um-
talsvert á öllum helstu markflokkum
skuldabréfa í gær. Í hálffimm frétt-
um Búnaðarbankans kemur fram að
velta með skuldabréf innan dagsins
nam alls rúmum 10 milljörðum
króna. Hækkunin á ávöxtunarkröfu
hús- og húsnæðisbréfa var á bilinu
7–11 punktar, en 11–20 punktar á
óverðtryggðum ríkisskuldabréfum.
„Þetta er rosalega mikil hreyfing
innan eins dags, sem bendir til
ákveðins taugatitrings. Svona mikil
hreyfing innan eins dags er sjaldséð.
Ég held að ákveðin hræðsla hafi gert
vart við sig, en krafan hefur verið að
lækka mjög mikið og þeir fjárfestar
sem hafa átt bréf síðustu vikur eða
mánuði eru að innleysa mjög góðan
gengishagnað,“ segir Guðmunda.
Taugatitr-
ingur á
markaði
Ávöxtunarkrafa
húsbréfa hækkaði
VALGERÐUR Sverrisdóttir, iðn-
aðar- og viðskiptaráðherra, undir-
ritaði í gær samstarfssamning við
Cecil Clarke, viðskiptaráðherra
Nova Scotia, um aukin viðskipti
milli Íslands og Kanadafylkisins
Nova Scotia. Lauk þar með form-
legri dagskrá íslenskrar viðskipta-
sendinefndar til Kanada.
Þetta er í annað skiptið með
slíkur samningur er undirritaður,
en fyrst var samið árið 1998 um
aukið samstarf milli Nova Scotia
og Íslands. Alls hafa ferðir þriggja
viðskiptasendinefnda verið skipu-
lagðar til Kanada, auk þess sem
fulltrúar kanadískra fyrirtækja
hafa sótt Ísland heim í nokkur
skipti.
Á miðvikudag var haldin fjöl-
menn kynning og viðskiptaráð-
stefna í Halifax þar sem íslensk
fyrirtæki kynntu vörur sínar og
þjónustu. Valgerður sagði við
Morgunblaðið að kynningin hefði
heppnast mjög vel og greinilega
væri mikill áhugi á frekari við-
skiptum við Íslendinga, ekki bara í
Nova Scotia, heldur víðar í Kan-
ada.
Valgerður Sverrisdóttir iðnaðarráðherra á tali við Cecil Clarke, við-
skiptaráðherra Nova Scotia, á kynningu íslenskra fyrirtækja í Halifax.
Með þeim, t.v., er Vigfús Jóhannsson, forstjóri Stofnfisks hf.
Samið um aukin
viðskipti Íslands
og Nova Scotia
BROTIST var inn í Öskjuhlíðarskóla
í fyrrinótt og stolið þaðan 60 rítalín-
töflum. Hurð var spennt upp og farið
inn á skrifstofur skólans þar sem
rótað var í hlutum og töflunum stol-
ið. Tilkynnt var um innbrotið
skömmu fyrir kl. 8 í gærmorgun og
hefur lögreglan í Reykjavík tekið
málið til rannsóknar.
Rítalíni stolið
úr skóla
HÆSTIRÉTTUR dæmdi í gær
rúmlega fertugan karlmann, Einar
Óla Einarsson, í tveggja ára fangelsi
fyrir tilraun til smygls á 30 kg af
hassi sem ætlað var til sölu hérlendis
í ágóðaskyni. Spænsk lögregluyfir-
völd lögðu hald á fíkniefnin ytra, en
þau voru falin í hurð og átti að senda
ásamt fleiri hurðum sjóleiðina til
landsins. Var dómur Héraðsdóms
Reykjavíkur frá 25. júlí 2002 stað-
festur.
Við ákvörðun refsingar var höfð
hliðsjón af því að um var að ræða til-
raun til brots og að meðferð málsins
tók alllangan tíma, en tilraunin átti
sér stað haustið 1999. Hæstarétti
þótti ekki koma til álita að skilorðs-
binda refsinguna í ljósi einarðs
ásetnings ákærða og vegna þess
magns fíkniefna sem um ræddi og
ætlað var til söludreifingar. Til frá-
dráttar refsingunni kom gæsluvarð-
hald, sem ákærði sætti frá 16. nóv-
ember til 14. desember 1999.
Málið dæmdu hæstaréttardómar-
arnir Gunnlaugur Claessen, Árni
Kolbeinsson og Ingibjörg Bene-
diktsdóttir. Verjandi ákærða var
Brynjar Níelsson hrl. Málið sótti
Ragnheiður Harðardóttir saksókn-
ari hjá ríkissaksóknara.
Tveggja ára fangelsi
fyrir smygltilraun KAFARAR, frá norska kafarafyrir-
tækinu Seløy Undervannservice,
komu í gær til Lófóten í Norður-Nor-
egi, en þeir munu sjá um neðansjáv-
arhlutann í björgun Guðrúnar Gísla-
dóttur KE-15. Hófust kafararnir
strax handa í gær og mynduðu með
neðansjávarmyndavélum í kringum
skipið þar sem það liggur á um 40
metra dýpi til að gera sér betur grein
fyrir aðstæðum.
Ásgeir Logi Ásgeirsson, sem er í
forsvari fyrir aðgerðirnar, segir að nú
sé björgunarteyminu ekkert að van-
búnaði, en aðgerðirnar töfðust um
nokkra daga meðan beðið var eftir að
kafararnir kæmu til Lófóten. Kafar-
arnir fóru í annað verkefni í millitíð-
inni sem tók lengri tíma en áætlað
var. Töfðust þeir síðan vegna veðurs á
leiðinni til Lófóten. Ásgeir segir að
veðrið sé ágætt um þessar mundir í
Lófóten og veðurspáin sé ágæt.
Kafararnir
komnir
HANNES Hlífar Stefánsson tap-
aði fjórðu skák Olís-einvígisins í
gærkvöldi. Hann náði að komast
peði yfir en Movsesjan náði smátt
og smátt að snúa taflinu sér í hag
og knýja fram sigur.
Hannes Hlífar náði jafntefli í
þriðju skák eftir magnaða tafl-
mennsku. Hannesi tókst að flækja
taflið og rugla Movsesjan í ríminu
með snjallri skiptamunsfórn, en
Movsesjan hafði fram að því haft
góð tök á stöðunni og stefndi í
þriðja sigur hans. Staðan er nú
3½-½ Movsesjan í vil.
Fimmta skákin verður tefld í
dag og hefst kl. 17. Jafnframt fer
þá fram fjölskyldumót í skák, en
þar tefla tveggja manna lið. Loka-
skák Olís-einvígisins verður síðan
tefld á morgun, laugardag, og
hefst taflið þá kl. 13. Teflt er í höf-
uðstöðvum Olís, Sundagörðum 2,
efstu hæð.
Hannes Hlífar tapaði
fjórðu skákinni ♦ ♦ ♦