Morgunblaðið - 14.02.2003, Blaðsíða 56

Hafið
Með Hafinu er komið fram verk sem ber þess
vitni að íslenskt listafólk hafi náð fullkomnum
tökum á hinu alþjóðlega tungumáli kvik-
myndalistarinnar. (H.J.) Háskólabíó.
Hringadróttinssaga: Tveggja
turna tal (Lord of the Rings:
The Twin Towers)
Millikafla stórvirkis Tolkiens og Jacksons
gnæfir yfir aðrar myndir ársins, mikilfengleg
sagnagáfa þeirra skapar eitt magnaðasta
ævintýri kvikmyndasögunnar. Ósvikin epík
um hugrekki, vináttu og drenglyndi. (S.V.)
Smárabíó.
Chicago
Kyngimögnuð og kynþokkafull söng- og
dansamynd þar sem Zelleweger, Zeta-Jones
og síðast en ekki síst Richard Gere fara ham-
förum í hrífandi kvikmyndagerð leikhúss-
verksins. (S.V.) Laugarásbíó, Regnboginn,
Smárabíó.
Óafturkallanlegt
(Irréversible)
Mjög óhugguleg en áhrifarík frönsk kvikmynd
um nauðgun og hefnd. Leikararnir standa sig
frábærlega í ofbeldisatriðum þar sem ekkert
er dregið undan, og kvikmyndin er gerð af
réttsýni og einlægni. Merkileg kvikmynd sem
vart er hægt að mæla með. (H.L.) Háskólabíó.
Gríptu mig ef þú getur
(Catch Me If You Can)
Þeir eru allir í toppformi; Di Caprio sem barn-
ungur svikahrappur; Hanks sem FBI-maður-
inn á hælum hans og Walken sem lánleysing-
inn faðir pilts. Frábær endursköpun sjöunda
áratugarins og myndin sú fyndnasta frá
Spielberg. (S.V.)
Sambíóin, Háskólabíó.
8 mílur (8 Mile)
Þegar á heildina er litið er það hversu einföld
meginfléttan er, en hún snýst í raun um þátt-
töku rapparans í einni keppni, bæði helsti
kostur og galli myndarinnar. Þannig tekst að
halda sögunni á raunsæislegu sviði en á
sama tíma er sigursagan teygð dálítið á lang-
inn. (H.J.)
Laugarásbíó.
Gullplánetan
(Treasure Planet)
Skemmtilegar og frumlegar persónur í geggj-
uðu umhverfi þeysast um himingeiminn í
spennandi og dramtískri leit að gulli. Fyrir
alla fjölskylduna. (H.L.)
Sambíóin.
Grúppíurnar
(The Banger Sisters)
Tvær, frábærar leikkonur halda lífinu í gam-
anmynd um miðaldra kvinnur sem eyddu
bestu árunum sem hjásvæfur poppara. 20
árum síðar hefur margt breyst. (S.V.)
Regnboginn.
Didda og dauði kötturinn
Didda er níu ára gömul Keflavíkurmær sem
gengur á milli bols og höfuð á glæpalýð í
Bítlabænum. Góður leikur, hollt, gott og gam-
aldags barnagaman. (S.V.)
Háskólabíó, Sambíóin Keflavík og Akureyri.
Deyðu annan dag
(Die Another Day )
Full löng Bond-mynd þar sem hasarinn ræð-
ur ríkjum og húmorinn er komin í hring. Ágæt-
asta afþreying fyrir fólk í góðu skapi og með
smekk fyrir fallegu fólki. (H.L.)
Smárabíó.
Frida
Á heildina litið krafmikil og litrík kvikmynd
sem veitir ævintýrakennt yfirlit yfir ævi Fridu
Kahlo, en áhuginn á að kafa nægilega djúpt í
list eða hugmyndaheim listakonunnar víkur
fyrir áherslu á dramatík og holdlegar ástríður,
og þaðan er stuttur vegur yfir í söluvænlega
melódramatík. (H.J.)
Regnboginn.
Á gægjum (I Spy)
Wilson og Murphy leika skemmtilegar anti-
hetjur í þessari grín njósnamynd. Myndin
sjálf hefði hins vegar mátt vera mun frumlegri
og fyndnari þótt hún læði fram á manni ein-
staka brosi. (H.L.) Smárabíó, Borgarbíó Akureyri.
Geimstöðin: Makleg mála-
gjöld (Star Trek: Nenesis)
Geimhasar af lélegri sortinni, þar sem sagan
er þunn og leikmyndin gamaldags. Geim-
bardagarnir eru samt ágætlega unnir. (H.L.)
Sambíóin.
Njósnakrakkarnir 2
(Spy Kids 2)
Njósnakrakkarnir, foreldrar þeirra, afar og
ömmur í miklum Bond-hasar og laufléttri fjöl-
skylduskemmtun. (S.V.)
Laugarásbíó, Smárabíó, Borgarbíó Akur-
eyri.
Aftur í meðferð
(Analyze That)
Framhaldsmyndin á sína spretti, og er það
iðulega vegna þess hversu vel aðalleikurun-
um tekst að fylla upp í tómlegt handritið.
(H.L.) Sambíóin.
Flutningsmaðurinn
(The Transporter)
Sólskinið í Suður-Frakklandi, vel skipulögð
átakaatriði og eltingaleikur eru ljósu punkt-
arnir í annars myrkri meðalmennsku. (S.V.)
Smárabíó.
Kjánaprik: Kvikmyndin
(Jackass: The Movie )
Botnlaus kjánaskapur og fífldirfska eru drif-
krafturinn á bak við þessa kvikmynd, sem er
óneitanlega sprenghlægileg í 50% tilfellum.
Ekki alvitlaus, þegar menn ná að halda sig
innan lágkúrumarkanna. (H.J.) Sambíóin.
Ingiríður Eygló
(Juwanna Man)
Körfuboltakappi klæðist kvenfötum og heldur
áfram í kvennaliði þegar hann er rekinn úr
NBA. Mun skárra en það hljómar. (S.V.) Sambíóin.
Einu sinni var í Miðlöndum
(Once Upon a Time in the
Midlands)
Úrval breskra leikara tekst ekki að gera
fyndna mynd, þar sem stefnuleysi og vanvirð-
ing fyrir persónunum ráða ríkjum. Dramað
virkar rétt undir lok og brandararnir eru allt of
fáir fyrir gamanmynd. Vonbrigði. (H.L.) Háskólabíó.
Darraðardans
(Half Past Dead)
Seagal er orðinn gamall og feitur, en þráast
við í sama hlutverkinu einn áratuginn í viðbót.
Góður hraði, þunnur söguþráður, gloppur,
endalaus slagsmál og dyngjandi rapptónlist
einkenna hola mynd. (H.L.) Regnboginn.
Stella í framboði
Helst er hægt að hafa gaman af Stellu í fram-
boði með því að nálgast hana eins og ára-
mótaskaup með mjög afmörkuðu sögusviði.
(H.J.) BÍÓIN Í BORGINNI
Sæbjörn Valdimarsson/Hildur Loftsdóttir/Heiða Jóhannsdóttir




Meistaraverk


Ómissandi

Miðjumoð
Tímasóun 0 Botninn
KVIKMYNDIR
56 FÖSTUDAGUR 14. FEBRÚAR 2003 MORGUNBLAÐIÐ
UMFANGSMIKIL njósnastarfsemi og banvæn
leynistríð eru gjarnan fylgifiskar valdabaráttu á
hvíta tjaldinu og er söguþráður spennumynd-
arinnar Ballistic: Ecks vs. Sever þar engin und-
antekning. Tveir svarnir óvinir heyja kapphlaup
um einstakt morðvopn, sem mikið orðspor hefur
farið af. Örlitlu efni er sprautað inn í fórn-
arlambið. Efnið liggur í dvala í líkamanum uns
það er virkjað og drepur þá strax sjáanleg um-
merki.
Aðeins tveir einstaklingar eru taldir búa yfir
nauðsynlegri tækni, færni og þrautseigju, sem
þarf til að takast ætlunarverkið. Sever, sem leik-
inn er af Lucy Liu, hefur verið þjálfuð til að drepa
og treystir sér fullkomlega í verkið. Hinn snjalli
og staðfasti Ecks, sem leikinn er af Banderas, er
hinsvegar fyrrum mannaveiðari hjá FBI, en sagði
upp störfum eftir að eiginkona hans lét lífið af
völdum sprengju. Nú er hann á ný leiddur inn í
hringinn og er falið mest krefjandi verkefni, sem
hann hefur nokkru sinni tekið að sér.
Leikstjóri myndarinnar, sem kallar sig Kaos og
er aðeins á þrítugsaldri, er að þreyta frumraun
sína í leikstjórastólnum vestanhafs, en hann er
einnig einn framleiðenda myndarinnar. Hann er
af tælensku bergi brotinn, fæddur í Bangkok, en
alinn upp í Moskvu, Kaupmannahöfn, Islamabad
og á Nýja-Sjálandi þar sem faðir hans var sendi-
ráðsstarfsmaður. Kaos settist síðan á skólabekk í
Emerson College í Boston þaðan sem hann út-
skrifaðist sem kvikmyndagerðarmaður árið 1996.
Hann skrifaði handrit og leikstýrði tælensku bíó-
myndinni Fha, sem átti mikilli velgengni að fagna
í heimalandinu árið 1998. Að sögn Kaos, var nokk-
uð ljóst hvert hugurinn stefndi eftir að foreldrar
hans fóru með einkasoninn, þá átta ára gamlan,
fyrst í bíó á hákarlamyndina Jaws. Hann tók ást-
fóstri við kvikmyndaheiminn og stefndi ótrauður á
hann, en meðal leikstjóra, sem hann telur að hafi
haft mikil áhrif á sig, nefnir hann Steven Spiel-
berg, John Woo, Michael Mann, Michael Bay og
hinn Hong Kong-ættaða Wong Kar-Wai.
Smárabíó frumsýnir Í skotlínu (Ballistic: Ecks vs.
Sever). Leikarar: Antonio Banderas, Lucy Liu, Gregg
Henry, Ray Park, Talisa Soto og Miguel Sandoval.
Banderas mundar byssuna.
Kapphlaup
um nýtt
morðvopn
ÞAÐ er ekki auðvelt að vera lítill
strákur og eiga vin, sem enginn trúir
að sé til í raun og veru. Það fær Brói
litli að reyna þegar hann kynnist
Kalla á þakinu, skrýtnum karli, sem á
hús uppi á þaki og er með þyrluspaða
á bakinu svo hann geti flogið um eins
og fugl. En svo gerast ósköpin í þess-
ari sænsku barnateiknimynd, sem er
með íslensku tali og heitir á frummál-
inu Karlsson på taket.
Einhver kemur auga á Kalla á flugi
og stórfé er heitið þeim, sem getur
upplýst ráðgátuna um þennan dul-
arfulla, fljúgandi furðuhlut. Þegar
tveir skuggalegir náungar, sem sví-
fast einskis til að komast yfir verð-
launaféð, brjótast inn til Bróa til að
handsama Kalla eru góð ráð dýr. En
Kalli á þakinu hefur reyndar ráð und-
ir rifi hverju.
Þessi fallega teiknimynd er byggð
á bók eftir hina þekktu, sænsku
skáldkonu Astrid Lindgren, en bæk-
ur hennar hafa sem kunnugt er farið
sigurför um veröldina og njóta gríð-
arlegra vinsælda barna sem fullorð-
inna um allan heim.
Davíð Þór Jónsson þýddi myndina
yfir á íslensku og Jakob Þór Ein-
arsson leikstýrði talsetningunni sem
var auk annarrar hljóðvinnslu unnin
af Lotus-hljóðsetningu.
Kalli deyr
ekki
ráðalaus
Kalli á þakinu er gerð eftir sögu
Astrid Lindgren.
Smárabíó og Laugarásbíó frumsýna
sænsku teiknimyndina Kalli á þakinu.
Leikraddir: Jóhann Páll Jóhannsson,
Atli Rafn Sigurðarson, Sigurður Sig-
urjónsson, Jóhanna Jónas, Steinn Ár-
mann Magnússon, Davíð Þór Jónsson,
Guðfinna Rúnarsdóttir, Jóhanna Vigdís
Arnardóttir, Hólmfríður Lilja Gylfadóttir
og Bragi Þór Hinriksson.
SEGJA má að það sé jafnan tilhlökkunar-
efni þegar stórleikarinn Jack Nicholson
kemur fram í nýrri mynd, en hann fer ein-
mitt með titilhlutverkið í bíómyndinni Allt
um Schmidt, sem byggð er á samnefndri
skáldsögu Louis Begley um Warren
Schmidt, ósköp hversdagslegan mann, sem
lendir á skömmum tíma í ótrúlegu mótlæti.
Hann er að ljúka starfsævinni sem trygg-
ingasérfræðingur og veit satt best að segja
ekki hvað hann á að taka sér fyrir hendur.
Augasteinninn hans, einkadóttirin Jeannie,
er um það bil að giftast Randall, náunga
sem Schmidt hefur óbeit á, auk þess sem
eiginkona hans til 42 ára fellur skyndilega
frá.
Orðinn einstæðingur án eiginkonu, fjöl-
skyldu og starfs heldur Schmidt í örvænt-
ingarfulla leit að fyllingu í sitt sviplausa líf.
Í þeim tilgangi sest hann upp í forláta hús-
bíl og leggur af stað í leit að sjálfum sér á
berskuslóðunum í Nebraska, en húsbílinn
hafði hann keypt í þeim tilgangi að skoða
landið með eiginkonunni.
Hann ákveður svo að vera kominn tím-
anlega til Denver til að aðstoða Jeannie
dóttur sína við undirbúning brúðkaupsins.
Til allrar óhamingju hatar hann tengda-
soninn tilvonandi, dáðlausan undirmáls-
mann, sem vinnur við sölu á vatnsrúmum.
Til að bæta gráu ofan á svart fær Schmidt
megnustu andstyggð á frjálslegri og óhefl-
aðri framkomu foreldra hans. Ómögulegt er
að sjá fyrir hvar þetta fjölskyldudrama
endar, en ljósið er ef til vill að finna í 12
ára gömlum munaðarlausum dreng í Tanz-
aníu sem Schmidt hefur stutt við bakið á og
haft við hann bréfaskriftir.
Leikstjóri og handritshöfundur ásamt
Jim Taylor er Alexander Payne, sem hlaut
á sínum tíma mikið lof fyrir Election með
Reese Witherspoon í aðalhlutverki og var
m.a. tilnefndur til Gullpálmans í Cannes í
fyrra fyrir þá mynd.
Í leit að lífsfyllingu
Regnboginn, Laugarásbíó og Borgarbíó, Akureyri,
frumsýna Allt um Schmidt eða About Schmidt.
Leikarar: Jack Nicholson, Howard Hesseman,
Hope Davis, Dermot Mulroney og Kathy Bates.
Aumingja Schmidt, búinn að missa vinnuna,
konuna og þolir ekki tengdasoninn.
Í BÍÓMYNDINNI
Tveggja vikna fyrirvari
fer Sandra Bullock með
hlutverk Lucy Kelson,
aðalráðgjafa hjá einu stærsta fast-
eignaverktakafyrirtæki New York
borgar. Hún er frábær lögfræðingur
og er án efa einn besti hugsuður fyr-
irtækisins. Vandamálin eru hins-
vegar þau að hún hefur magasár og
verður lítið um svefn. En það er ekki
beinlínis vinnan sem leikið hefur
hana svona, heldur má öllu heldur
skella skuldinni á yfirmann hennar,
milljónamæringinn George Wade,
sem leikinn er af Hugh Grant.
Hann er bæði myndarlegur og að-
laðandi í fasi, en að sama skapi er
hann einnig mjög upptekin af sjálf-
um sér og fer með Lucy eins og hún
sé barnfóstran hans, en ekki lög-
fræðingur úr Harvard. Hann getur
varla sett á sig bindi án hennar
hjálpar, en núna, eftir að hafa stjórn-
að öllu lífi hans síðustu fimm árin,
hefur Lucy Kelson ákveðið að segja
upp störfum.
Sandra Bullock, sem fyrst varð
fræg fyrir hlutverk sitt í Speed, er
aðalframleiðandi myndarinnar en
nýjustu leiksigrar
hennar eru m.a. í
Divine Secrets of the
Ya-Ya Sisterhood,
Murder by Numbers
og Miss Congenial-
ity.
Leikstjóri og
handritshöfundur að
myndinni er Marc
Lawrence, sem hér
er að þreyta frum-
raun sína sem leik-
stjóri, en hann skrif-
aði handrit að Miss
Congeniality og
Forces of Nature sem Bullock lék í.
Hann er frá Brooklyn og hóf sinn
feril sem handritshöfundur að sjón-
varpsþáttum eftir að hafa gefist upp
á lögfræðinámi við NYU. Hann hlaut
Emmy og Humanitas tilnefningar
fyrir sjónvarpsþáttaröðina Family
Ties og Pride and Joy, en hann hefur
líka skrifað handrit að bíómyndum á
borð við Life With Mikey með Mich-
ael J. Fox í aðalhlutverkinu og The
Out-of Towners með þeim Goldie
Hawn og Steve Martin.
Uppgefin á yfirmanninum
Háskólabíó og Sambíóin,
Álfabakka, Kringlunni,
Keflavík og á Akureyri,
frumsýna Tveggja vikna
fyrirvari (Two Weeks
Notice). Leikarar: Sandra
Bullock, Hugh Grant,
Alicia Witt, Dana Ivey, Ro-
bert Klein, Heather
Burns, David Haig og
Dorian Missick.
Það ku neista á milli Bullock og Grand í Tveggja vikna fyrirvara.