Morgunblaðið - 14.02.2003, Blaðsíða 31

LISTIR
MORGUNBLAÐIÐ FÖSTUDAGUR 14. FEBRÚAR 2003 31
Samkór Selfoss heldur ungverskt
kvöld í félagsheimilinu Borg í
Grímsnesi kl. 20. M.a. verður sungin
og flutt ungversk tónlist. Meðal
þátttakenda er Karlakór Hreppa-
manna.
Borgfirðingar og Mýramenn halda
menningarhátíð á Broadway í kvöld,
föstudagskvöld, kl. 22. Fram koma
Samkór Mýramanna, Systra-
kvartettinn, Bjartmar Hannesson
grínisti, Freyjukórinn, Kirkjukór
Borgarneskirkju og Söngfuglarnir
Kata og Hófí. Flutt verða atriði úr
leikritinu Þrek og tár, sem leikdeild
Skallagríms er að setja upp í Borg-
arnesi, atriði úr Taktu lagið, Lóa,
sem leikdeild Íslendings setti upp í
vetur, og flutt verða lög úr dæg-
urlagakeppni Borgarfjarðar. Þá
verður frumsýning á nýjum örstutt-
myndum frá Englum afdalsins.
Kynnir er Gísli Einarsson frétta-
maður.
Að dagskrá lokinni leikur hljóm-
sveitin Stuðbandalagið fyrir dansi.
Í DAG
 Sjá einnig Staður og stund á mbl.is
ORÐALEIKURINN með orðið
„mezzo“ er vel til fundinn en orðið er
bæði er til í merkingunni „hálfur“ og á
„milli“. Orðaleikur þessi leiddi til þess
að yfirskrift hádegistónleikanna í Ís-
lensku óperunni sl. þriðjudag var
„Einn og hálfur sópran“. Notkun
þessa orðs í tónlist á sér langa sögu og
varð það mjög snemma til sem nafn á
milliþáttum, t.d. í óperum, og var síð-
ar notað af Schumann og Brahms í
samsetningunni Intermezzo. Í
tengslum við söng er átt við raddsvið-
ið á milli sópran- og altradda og hvað
varðar styrkleika merkir „mezzo-
forte“ styrk miðja vegu á milli forte
(sterkt) og píanó (veikt).
Hvort til er heill eða hálfur sópran
er ekki aðalmálið heldur að Hulda
Björk og Sesselja sungu mjög vel og
Sesselja, sem er „mezzo-sópran“,
söng með fullum hljómi. Þær hófu
tónleikana á vondu systrunum í Ösku-
busku eftir Rossini og héldu svo
áfram með hinar leiðitömu og fjöl-
lyndu Dorabellu og Fiordiligi í Cosi
fan tutte eftir Mozart og sungu þessi
ólíku hlutverk á nokkuð sannfærandi
máta, þótt vondu systurnar hefðu
mátt vera frekjulegri, enda eiga þær
að vera leiðinlegar dekurdrósir.
Blómadúettinn úr Lakmé eftir Delib-
es var fallega og innilega sunginn og
sama má segja um sérkennilegan
ástardúettinn, Ah perdona al primo
afetto, úr La Clemenza di Tito eftir
Mozart, sem var sérlega fallega
sunginn. Bréfadúettinn úr Kátu kon-
unum frá Windsor eftir Nicolai var
glettinn og skemmtilega fluttur.
Barkarollan úr III. þætti óperunn-
ar Ævintýri Hoffmanns eftir Offen-
bach er falleg tónsmíð, en vandmeð-
farin, því ekki má ofgera neitt í
túlkuninni, og var söngur Huldu
Bjarkar og Sesselju, við glitrandi
undirleik Iwonu Aspar, sérlega fal-
legur og umfram allt látlaus. Dúett
Lucyar og Pollyar úr Túskildings-
óperunni eftir Weill er smellin tón-
smíð en einnig sérstætt leikhús, sem
eiginlega má leika meira en að syngja,
og þótt margt væri vel gert vantaði
„kikkið“ í túlkunina. Lokaatriði tón-
leikanna, úr Annie get your gun eftir
Berlin, var meira í ætt við létta gam-
ansemi, sem þær útfærðu mjög fal-
lega, en metingurinn um það hvor
væri betri og gæti þetta eða hitt betur
hefði mátt vera svolítið hvassari og
breytilegri í leiktúlkun til að gefa sí-
felldri endurtekningunni meiri lit.
Raddlega féllu þær Hulda Björk og
Sesselja mjög vel saman, með sínum
björtu og fallegu röddum. Leikur
þeirra var einnig geðþekkur og nutu
þær öruggs samleiks, sem Iwona Ösp
Jagla sá um. Öll uppfærslan var svo
skemmtilega römmuð inn með lifandi
kynningu Davíðs Ólafssonar.
Fallegur söngur og
geðþekkur leikur
TÓNLIST
Íslenska óperan
Hulda Björk Garðarsdóttir, Sesselja Krist-
jánsdóttir og Iwona Ösp Jagla fluttu
dúetta frá ýmsum tímum. Kynnir var
Davíð Ólafsson. Á hádegi, þriðjudaginn
11. febrúar.
HÁDEGISTÓNLEIKAR
Jón Ásgeirsson
Hulda Björk
Garðarsdóttir
Sesselja
Kristjánsdóttir
UM helgina verða haldin kanadísk
menningarkvöld, menningarhátíð
Nordic Trails, í MÍR-salnum við
Vatnsstíg í Reykjavík.
Gerald R. Skinner, sendiherra
Kanada á Íslandi, setur hátíðina í
kvöld klukkan 19:30 en síðan hefst
skáldatími, þar sem Viðar Hreins-
son ræðir um bók sína um Stephan
G. Stephansson, Jónas Þór greinir
frá bók sinni um fólksflutningana
til Vesturheims og Hólmfríður
Tómasdóttir segir frá söfnun heim-
ilda og skráningu sinni á vestur-
íslenskum bréfum auk þess sem
lesin verða ljóð eftir Stephan G. og
Guttorm J. Guttormsson.
Klukkan 20 hefjast kvikmynda-
sýningar í bíósal hússins. Þar verða
sýndar myndirnar Iceland on The
Prairies, sem var gerð árið 1941 og
er 30 mínútna löng, The New Ice-
land Saga, 12 mín. löng mynd frá
árinu 2000, Icelandic Heritage, the
Stephansson Story, 26 mín. mynd
frá 1977, Markerville Creamery, A
Century of Pride and Progress, 52
mín. mynd frá 1999, og The
Importance of Being Icelandic eftir
Jón Einarsson Gústafsson.
Á laugardag verður opið hús frá
kl. 15, en kl. 17 hefjast ferðakynn-
ingar og kvikmyndasýningar. Auk
fyrrnefndra mynda verða sýndar
nokkrar aðrar myndir, m.a. frétta-
myndir frá heimsókn Vigdísar
Finnbogadóttur, fyrrverandi for-
seta, á Íslendingadaginn í Gimli
1986 og 1994 og The Gudmundson
Family Saga, 28 mín. mynd frá
2001.
Bæði kvöldin verður kaffi og
kanadískt meðlæti til sölu og auk
þess verða upplýsingar veittar um
ýmsa starfsemi sem tengist Íslandi
og Kanada, en nánari upplýsingar
eru á slóðinni www.nordictrails-
.org.
Tengsl Íslands og Kanada
á menningarkvöldum
Hlaðhömrum 1 • Grafarvogi
sími 577 4949
Næs
Glæsilegir árshátíðarkjólar
skór - veski
Fallegir síðir dragtajakkar
í stærðum 38-52
Opnunartími
miðvikudag kl. 14-18
fimmtudag kl. 14-18 og 20-22
föstudag kl. 14-18 • laugardag kl. 11-14
Hljómdiskarnir
með ljóðum Jónasar Hallgrímssonar og
sögunni Kærleiksheimilið eftir Gest Pálsson
seldust gjörsamlega upp fyrir s.l. jól.
Nýtt upplag er loksins komið aftur og
fæst í bókabúðum Máls og menningar og
Pennanum-Eymundsson í Reykjavík,
Kópavogi og Hafnarfirði. Einnig hjá
Blindrafélaginu v/Hamrahlíð.
Verð kr. 1.250 ljóðin (1 diskur)
og kr. 1.350 sagan (2 diskar).
Lesari: Jón Júlíusson, leikari.
Útgefandi: Hljóðbókin, sími 552 5281.