Morgunblaðið - 14.02.2003, Blaðsíða 22
22 FÖSTUDAGUR 14. FEBRÚAR 2003 MORGUNBLAÐIÐ
Farið á svig við lagaákvæði
Þar kemur jafnframt fram að við
samningu ársreikninga fyrir skatt-
aðilann vegna rekstraráranna 1998
og 1999 verði ennfremur að telja að
hafi verið farið á svig við ákvæði 8.,
9. og 63. gr. laga nr. 144/1994, um
ársreikninga.
Í 6. kafla skýrslu skattrannsókn-
arstjóra er fjallað um rannsókn á
viðskiptum með hlutabréf skattaðil-
ans í Fjölmiðlun hf. Þar kemur fram
að fyrir liggi skjal með yfirskriftinni
„Share purchase agreement“, varð-
andi sölu hlutabréfa skattaðilans í
Fjölmiðlun hf. að nafnvirði kr.
56.679.317 til Inuit Enterprises Ltd.
á kr. 280.000.000. Í skjali þessu, sem
dagsett sé 12. og 13. ágúst 1999,
komi fram að salan taki gildi 15. júní
1998. Gerð sé grein fyrir þessu í
skattframtali skattaðilans gjaldárið
1999, vegna rekstrarársins 1998.
Þá segir orðrétt: „Við rannsókn
skattrannsóknarstjóra ríkisins
komu fram gögn og upplýsingar
sem bentu eindregið til þess að til-
greint söluverð eignarhlutanna í
Fjölmiðlun hf. samkvæmt nefndu
skjali væri margfalt lægra en raun-
verulegt verðmæti og söluandvirði
eignarhlutanna á þeim tíma sem sal-
an fór fram. Verið var að selja hluta-
bréf í Fjölmiðlun hf., félagi þar sem
Jón Ólafsson Friðgeirsson var eign-
araðili hlutafjár og stjórnarfomaður,
frá íslenskum lögaðila, Jóni Ólafs-
syni & Co. sf., sem var í eigu Jóns
Ólafssonar Friðgeirssonar og fjöl-
skyldu hans, til annars lögaðila, Inu-
it Enterprises Ltd., sem er lögaðili
skráður erlendis, en jafnframt í eigu
Jóns Ólafssonar Friðgeirssonar.
Sterkar vísbendingar komu fram við
rannsókn skattrannsóknarstjóra
ríkisins um að Jón Ólafsson Frið-
geirsson hefði einhliða ákveðið verð-
lagningu í viðskiptunum og hún
hefði verið í samræmi við hugmynd-
ir hans um hvernig verðlagningu
þeirra eignarhluta, sem seldir yrðu
til Inuit Enterprises Ldt., skyldi
háttað.“
Inuit eigandi að 63%
Fram kemur í 6. kafla skýrslunn-
ar að með kaupum Inuit Enter-
prises Ltd. á hlutafé skattaðilans í
Fjölmiðlun hf., auk annarra hluta-
bréfakaupa, hafi Inuit Enterprises
Ltd. eignast rúmlega 63% hlutafjár í
Fjölmiðlun hf. Þegar salan fór fram
lá fyrir áætlun um stofnun öflugs
fjölmiðlafyrirtækis með sameiningu
Fjölmiðlunar, sem á þeim tíma var
eignarhaldsfélag sem m.a. átti Ís-
lenska útvarpsfélagið og Sýn, við
Norðurljós, sem var yfirtökufélag
og varð við sameininguna í desem-
ber 1999 móðurfélag Skífunnar hf.,
Íslenska útvarpsfélagsins hf., Sýnar
hf. og eigandi 35% hlutafjár í Tali hf.
Verðmat Kaupþings á Fjölmiðlun
hf. á þessum tíma, eða um mitt ár
1999, þ.e. áður en Skífan hf. samein-
aðist öðrum félögum Fjölmiðlunar
undir hatti Norðurljósa, var um 6,55
milljarðar króna.
Eins og gerð var grein fyrir í
fyrstu grein, stóð Jón Ólafsson að
stofnun Inuit Enterprises Ltd. með
aðsetur á Bresku Jómfrúreyjum í
desember 1997 í gegnum breskan
banka, Rotschild Trust Corporation
Limited. Eins og fram kemur í
skýrslu skattrannsóknarstjóra, til-
heyra eyjarnar þeim hópi landa þar
sem kröfur til skráðra félaga eru í
lágmarki, skattskylda takmörkuð,
en tekjur viðkomandi ríkis af félög-
unum byggjast á stofngjöldum og
þjónustugjöldum vegna vistunar fé-
laganna í landinu. „Tekjur og eignir
félaga af þessum toga eru því ekki
skattlagðar á BVI (Bresku Jómfrúr-
eyjum) og verulegar líkur raunar á
að þær séu það hvergi,“ segir orð-
rétt í skýrslunni.
Við stofnun Inuit Enterprises
Ltd. hófst Jón Ólafsson handa um
að færa til lögaðilans eignarhluti
sem hann átti í innlendum félögum
og eignaðist á árinu 1998 og síðar.
Eins og áður hefur komið fram, ann-
aðist Inuit Enterprises Ltd. einnig
innheimtu vegna reikninga fyrir
ráðgjafastörf sem Jón Ólafsson
vann fyrir Norðurljós og tengd fé-
lög, en það voru starfsmenn Rotsc-
hild-bankans á Guernsey sem héldu
utan um þá starfsemi í nafni Inuit
Enterprises Ltd. gegn ákveðinni
þóknun.
Fram kemur í skýrslunni, að eftir
að innheimta fyrir svonefnd ráð-
gjafastörf var hafin, var Jóni Ólafs-
syni boðið að ávaxta þessar fjár-
hæðir á öðrum reikningum með
hærri vöxtum gegn bindingu í
lengri tíma. Greint er frá því að fyr-
ir liggi gögn um að opnaðir hafi ver-
ið fjárvörslureikningar í nokkrum
löndum og í gegnum þá eigi sér stað
margvíslegar fjárfestingar í verð-
bréfum, sem Jón Ólafsson taki allar
ákvarðanir um.
Við upphaf rannsóknarinnar var
lagt hald á yfirlit yfir færslur á
bankareikningum Inuit Enterprises
Ltd. hjá Rotschild Trust Guernsey
Limited, sem fundust á skrifstofu
Jóns Ólafssonar á Lynghálsi 5. Í
skýrslutöku hinn 30. apríl í fyrra hjá
skattrannsóknarstjóra kvaðst Jón
ekki hafa séð þessi gögn áður og
taldi að ritari hans, Ingunn Hall-
dórsdóttir, hefði lagt þau inn á
skrifstofu hans.
„Fram kemur einnig í fyrirliggj-
andi gögnum og í framburði Jóns
við skýrslutökur hjá skattrannsókn-
arstjóra ríkisins, að Jón notar fjár-
muni Inuit Enterprises Ltd. til að
framfleyta sér og fjölskyldu sinni,
að því er virðist í gegnum greiðslu-
kort sem hann og eiginkona hans
eru með í nafni Inuit Enterprises
Ltd. í gegnum Kaupþing í Lúxem-
borg,“ segir í skýrslunni.
Í skýrslutöku 12. apríl í fyrra
kvaðst Jón Ólafsson ekki hafa kom-
ið að því að útbúa skjöl tengd sölu á
hlutabréfum Jóns Ólafssonar & Co.
í Fjölmiðlun hf. Hann hefði átt
frumkvæði að því að viðskiptin voru
gerð, en hann kvaðst ekki muna
hver hefði komið að ákvörðun um
fjárhæð söluverðsins eða hvernig
það hefði verið fundið út. „Það hefði
verið einhver fagleg úttekt á því
máli,“ eins og segir í skýrslunni.
„Jón var í skýrslutökunni spurður
hvort það verð sem Inuit Enter-
prises Ltd. greiddi fyrir hlutinn í
Fjölmiðlun hf. (kr. 280.000.000 –
innskot blm.) gæfi rétta mynd af
raunverulegu verðmæti hans á þeim
tíma sem samningurinn var gerður,
en um væri að ræða u.þ.b. 32% í því
félagi. Sagði Jón að það hefði verið
metið svo á þeim tíma,“ segir í
skýrslunni.
Í skýrslutöku 3. apríl í fyrra sagð-
ist Hermann Hermannsson ekki
vita hvort verð það sem Inuit
Enterprises Ltd. greiddi fyrir 32%
hlut skattaðilans í Fjölmiðlun hf.
gæfi rétta mynd af raunverulegu
verðmæti hans á þeim tíma sem
hann var gerður.
Í skýrslutöku hjá skattrannsókn-
arstjóra 4. október í fyrra sagðist
Símon Ásgeir Gunnarsson ekki
muna eftir sölusamningnum á milli
Jóns Ólafssonar & Co. og Inuit Ent-
erprises Ltd. um söluna á bréfum í
Fjölmiðlun hf. og hann kvaðst ekki
kunna skýringar á því að gildistaka
samningsins hefði verið gerð aftur-
virk. Þá kvaðst hann ekki geta svar-
að því hvaða vinnu hann hefði lagt í
könnun á þessum viðskiptum við
samningu ársreiknings skattaðilans
og endurskoðun. Hann myndi það
ekki.
Borið var undir Símon Ásgeir
bréf, sem var að meðal tölvugagna
sem skattrannsóknarstjóri aflaði á
starfstöð Símonar Ásgeirs hjá
KPMG endurskoðun hf. Bréfið hafði
Símon Ásgeir ritað til Theodore
Goddard, en þar kemur fram að
Símon Ásgeir telur verðmæti rúm-
lega 32% eignarhlutar skattaðilans í
Fjölmiðlun hf. ekki vera undir kr.
1.000.000.000. (Einn milljarður
króna – innskot blm.) og byggði
hann verðmatið á viðskiptum sem
nýlega höfðu átt sér stað. Kvaðst
Símon Ásgeir hafa verið beðinn um
að gefa lýsingu á fjármálum Jóns,
samkvæmt ábendingu Jóns sjálfs.
Fjárhæðin hefði væntanlega verið
fundin með hliðsjón af samningi
sem gerður hefði verið á árinu 1998,
þegar svokallaðir fjórmenningar
hefðu verið keyptir út úr Fjölmiðlun
hf.
Símon skýrði hluta bréfs síns til
bresks fjármálafyrirtækis: „Mr.
Olafsson’s future plans involve sell-
ing these shares and his current
concern is finding the most favour-
able preparation for this, in terms of
future tax payment,“ á eftirfarandi
hátt: „Sagði Símon Ásgeir að í
stuttu máli sagt, þá hefði Jón Ólafs-
son Friðgeirsson verið að huga að
skattahagræðingu þarna. Hugsunin
hefði verið sú, að lágmarka skatt-
greiðslur af bréfunum.“
Í skýrslutökunni voru viðskipti
með hlutabréf í Fjölmiðlun, sem
áttu sér stað mánuði fyrr en kaup-
samningur var gerður um sölu á
hlutabréfum skattaðilans í Fjölmiðl-
un, rakin fyrir Símon Ásgeir, en þar
kom fram að Inuit Enterprises Ltd.
keypti 10,12% eignarhlut í Fjölmiðl-
un af Sigurjóni Sighvatssyni á USD
7.000.000 eða krónur 518.000.000
(sölugengi dollars kr. 74 23. júlí
1999). Ennfremur hafði Inuit Ent-
erprises Ltd. keypt 18,12% hlut
Chase Manhattan Bank á USD
9.750.000 eða kr. 721.000.000 og
Kaupþing hafði keypt 15% hlut í
Fjölmiðlun hf./Norðurljósum sam-
skiptafélagi hf. á kr. 730.000.000. Í
ágústmánuði 1999 var svo samið um
kaup Inuit Enterprises Ltd. á
32,98% hlut Jóns Ólafssonar & Co.
fyrir kr. 280.000.000. Þannig virtist
skattrannsóknarstjóra, að því er
fram kemur í skýrslunni, sem hluta-
bréf Jón Ólafssonar & Co. í Fjöl-
miðlun hf. hefðu verið seld á verði
sem sýndist fjarri raunverulegu
markaðsverðmæti eignarinnar. Sím-
oni Ásgeiri var á það bent að hann
hefði áður við skýrslutöku greint frá
því að hann hefði starfað sem endur-
skoðandi Fjölmiðlunar og Norður-
ljósa. Í því ljósi var hann spurður á
hvaða forsendum hann hefði áritað
ársreikning skattaðilans fyrir
rekstrarárið 1998 án fyrirvara.
„Símon Ásgeir sagði að viðmið-
unardagsetning samningsins væri í
júní 1998. Samningurinn hefði verið
gerður á milli tveggja aðila, skatt-
aðilans og Inuit Enterprises Ltd. og
hefði Símon Ásgeir sjálfur ekki haft
með ákvörðun kaupverðsins að
gera,“ segir í skýrslunni. Hann
kvaðst í einstaka tilvikum hafa bent
Jóni Ólafssyni á, að sumir samning-
ar sem Jón hefði staðið að kynnu að
orka tvímælis í skattalegu tilliti.
„Sagðist Símon Ásgeir ekki vera
viss hvort hann hefði sagt það við
Jón í þessu tilviki. Aðspurður hvort
hann teldi að samningur þessi hefði
orkað tvímælis, sagði Símon Ásgeir
að hann gæti ekki neitað því nú, með
öll gögn fyrir framan sig.“
Fram kemur í skýrslunni að
Gunnar Jónsson hrl. var í skýrslu-
töku hjá skattrannsóknarstjóra 25.
mars í fyrra, þar sem lagt var fyrir
hann bréf frá Rotschild Trust
Guernsey Limited til Gunnars, sem
dagsett er 18. nóvember 1999. Í
bréfi þessu eru listaðar upp fjárfest-
ingar sem gerðar höfðu verið í nafni
Inuit Enterprises Ltd., þ. á m. kaup-
in á eignarhlutum Jóns Ólafssonar
& Co. í Fjölmiðlun og gerir
Rotschild Trust fyrir hönd Inuit
Enterprises Ltd. athugasemdir í
bréfinu við hvernig staðið hefur ver-
ið að kaupum á hlutum í félögum
eins og Fjölmiðlun, Sýn og Krók-
hálsi 6. „Sem dæmi þá er í lið 1.1
sem varðar Fjölmiðlun hf. fjallað um
að Rotschild Trust og þar af leiðandi
Inuit Enterprises Ltd. hafi enga
vitneskju um að þann 15. júní 1998,
hafi verið keyptir 56.679.317 hlutir í
Fjölmiðlun hf. í nafni Inuit Enter-
prises Ltd. á kr. 280.000.000, fyrr en
í ágúst 1999 og bréfritara er ekki
ljóst hvernig greiða átti fyrir þessi
bréf þar sem á þeim tíma voru ekki
til neinir sjóðir til að mæta skuld-
bindingum vegna þessara kaupa.“
Gunnar var beðinn að tjá sig um
framangreint bréf og hvers vegna
það væri stílað á hann. Ástæðu þess
sagðist Gunnar telja að hann hefði
væntanlega verið talinn búa yfir
upplýsingum um þessi viðskipti, en
önnur svör kvaðst hann ekki geta
veitt og vísaði Gunnar til 17. gr.
siðareglna lögmanna í því efni.
Í skýrslutöku af Sigurði G. Guð-
jónssyni hrl. og forstjóra Norður-
ljósa kom fram að hann gæti ekki
gert neina grein fyrir Inuit Enter-
prises Ltd. Jón Ólafsson hefði komið
fram fyrir hönd þessa lögaðila gagn-
vart Norðurljósum.
Samkvæmt samantekt á gengi
hlutabréfa Fjölmiðlunar hf. á til-
teknum tíma sést að Inuit Enter-
prises Ltd. greiddi kr. 280.000.000
fyrir hlutabréf Jóns Ólafssonar &
Co. í Fjölmiðlun að nafnvirði kr.
56.679.317. Bréfin voru því seld á
genginu 4,94. Samningurinn um sölu
hlutabréfanna er dagsettur 12.
ágúst 1999, en í viðskiptum með
hlutabréf í Fjölmiðlun í júní og júlí
sama ár, voru hlutabréf í félaginu
seld á genginu 23,23 til 35,05.
Í skýrslunni, þar sem fjallað er
um viðskiptin og söluverð á eign-
arhluta Jóns Ólafssonar & Co. segir
m.a.: „Skýringar Jóns eru afar ótrú-
verðugar og í mikilli mótsögn við
fyrirliggjandi gögn og upplýsingar.
Gögn um fjölmörg önnur viðskipti
með hlutabréf í Fjölmiðlun hf. á
sama tímabili bera með sér allt ann-
að og margfalt meira verðmæti
hlutabréfa í Fjölmiðlun hf. á þeim
tíma sem salan frá skattaðilanum
átti sér stað og gildir þá einu hve-
nær á tímabilinu frá júní 1998 og til
ágúst 1999 salan á að hafa átt sér
stað … Sýnist söluverð eignarhlut-
anna í Fjölmiðlun hf. hafa verið
ákvarðað sem málamyndaverð … til
þess eins að komast hjá skattlagn-
ingu söluhagnaðar af raunverulegu
söluverðmæti bréfanna við sölu
þeirra úr landi.“
Síðar segir skýrslu skattrann-
sóknarstjóra: „Verður þannig að
telja fullvíst að Jóni Ólafssyni Frið-
geirssyni og Símoni Ásgeiri Gunn-
arssyni, löggiltum endurskoðanda,
hafi mátt vera ljóst að rangt var að
tilgreina sölu þessa í bókhaldi og
skattframtali skattaðilans gjaldárið
1999, vegna rekstrarársins 1998 og
að söluverð það sem þeir tilgreindu
sem söluverð eignarhlutans í Fjöl-
miðlun hf. væri fjarri raunverulegu
söluverðmæti eignarhlutans í félag-
inu. Þeir hafi því af ásetningi rang-
fært bókhald og skattframtal skatt-
aðilans með þessum hætti, að því er
best verður séð, í því skyni að
blekkja skattyfirvöld og koma skatt-
aðilanum hjá skattgreiðslum lögum
samkvæmt …
Svo sem fram hefur komið, telur
skattrannsóknarstjóri ríkisins fram-
angreinda meðferð á viðskiptunum í
bókhaldi skattaðilans geta brotið
gegn ákvæðum laga nr. 145/1994,
um bókhald, laga nr. 144/1994, um
ársreikninga og almennra hegning-
arlaga. Verður að telja að háttsemi
Jóns Ólafssonar Friðgeirssonar,
sem fyrirsvarsmanns skattaðilans
og Símonar Ásgeirs Gunnarssonar,
löggilts endurskoðanda, kunni að
svara til verknaðarlýsinga 3. og 5. tl.
1. mgr., sbr. og 2. mgr. 37. gr. og eft-
ir atvikum 39. gr. laga nr. 145/1994
um bókhald, 2. tl. 1. mgr., sbr. og 2.
mgr. 83. gr. og 2. og 3. tl. 85. gr. og
eftir atvikum 86. gr. laga nr. 144/
1994, um ársreikninga og 158. gr. og
262. gr. almennra hegningarlaga nr.
19/1940.
Sömuleiðis verður að telja að Sím-
on Ásgeir Gunnarsson kunni að hafa
með háttsemi sinni brotið gegn
ákvæðum 2. mgr. 7. gr. og 8. gr. laga
nr. 18/1997, um löggilta endurskoð-
endur.
Þá sýnist sú háttsemi Jóns Ólafs-
sonar Friðgeirssonar og Símonar
Ásgeirs Gunnarssonar, að standa
skil á röngum skattframtölum fyrir
skattaðilann gjaldárin 1999 og 2000,
vegna rekstraráranna 1998 og 1999,
kunni að varða þá refsingu sam-
kvæmt 5. mgr., sbr. 107. gr. laga nr.
75/1981, um tekjuskatt og eignar-
skatt og 262. gr. almennra hegning-
arlaga nr. 19/1940.“
Helstu niðurstöður
Lokakafli skýrslu skattrannsókn-
arstjóra gerir grein fyrir helstu nið-
urstöðum rannsóknarinnar og eru
þær birtar orðrétt:
„Þáttur Jóns Ólafssonar
Jón Ólafsson Friðgeirsson hefur
látið rangfæra bókhald og skatt-
framtal skattaðilans vegna rekstrar-
ársins 1998 með því að láta telja til
tekna á því ári sölu á 32,98% eign-
arhlut skattaðilans í Fjölmiðlun hf.
til Inuit Enterprises Ltd. á kr.
280.000.000, enda þótt sala nefnds
eignarhlutar hafi ekki farið fram
fyrr en á árinu 1999. Þetta hefur Jón
gert, að því er best verður séð, í því
skyni að blekkja skattyfirvöld og
koma skattaðilanum hjá skatt-
greiðslum lögum samkvæmt.
Jón Ólafsson Friðgeirsson hefur
látið rangfæra bókhald og skatt-
framtal skattaðilans vegna rekstrar-
ársins 1999, með því að vanrækja að
láta færa í bókhald og skattframtal
skattaðilans vegna rekstrarársins
1999 sölu á 32,98% eignarhlut skatt-
aðilans í Fjölmiðlun hf. Þetta hefur
Jón gert, að því er best verður séð, í
því skyni að blekkja skattyfirvöld og
koma skattaðilanum hjá skatt-
greiðslum lögum samkvæmt. Telur
skattrannsóknarstjóri ríkisins, mið-
að við fyrirliggjandi gögn og upplýs-
ingar, að söluverðmæti eignarhlut-
arins á þeim tíma sem salan fór fram
hafi numið a.m.k. kr. 1.319.494.500.
Þáttur endurskoðandans
Fyrir liggur að Símon Ásgeir
Gunnarson, löggiltur endurskoðandi,
sá um gerð ársreiknings og skatt-
framtals skattaðilans vegna rekstr-
arársins 1998 og áritaði ársreikning-
inn um endurskoðun, án athuga-
semda eða skýringa.
Fyrirliggjandi gögn og upplýsing-
ar benda eindregið til þess að Símoni
Ásgeiri Gunnarssyni hafi mátt vera
ljóst að rangt var að tilgreina sölu á
eignarhluta skattaðilans í Fjölmiðl-
un hf. í bókhaldi og skattframtali
skattaðilans gjaldárið 1999, vegna
rekstrarársins 1998 og að söluverð
það sem tilgreint var sem söluverð
eignarhlutans í Fjölmiðlun hf. í bók-
haldi og skattframtali skattaðilans
með þeim hætti, í því skyni að
blekkja skattyfirvöld og koma skatt-
aðilanum hjá skattgreiðslum lögum
samkvæmt.
Fyrir liggur að Símon Ásgeir
Gunnarsson, löggiltur endurskoð-
andi, sá um gerð ársreiknings og
skattframtals skattaðilans vegna
rekstrarársins 1999 og áritaði árs-
reikninginn um endurskoðun, án at-
hugasemda eða skýringa. Fyrirliggj-
andi gögn og upplýsingar benda
eindregið til þess að Símoni Ásgeiri
Gunnarssyni hafi mátt vera ljóst að
rangt var að vanrækja að tilgreina
sölu á eignarhluta skattaðilans í
Fjölmiðlun hf. í bókhaldi og skatt-
framtali skattaðilans gjaldárið 2000,
vegna rekstrarársins 1999, sem
skattrannsóknarstjóri ríkisins telur
að hafi varðað verðmæti að fjárhæð
a.m.k. kr. 1.319.494.500. Hafi Símon
Ásgeir því rangfært bókhald og
skattframtal skattaðilans með þeim
hætti, í því skyni að blekkja skatt-
yfirvöld og koma skattaðilanum hjá
skattgreiðslum lögum samkvæmt.
Vanframtaldar tekjur
Fyrir liggur að söluverðmæti
32,98% eignarhlutar skattaðilans í
Fjölmiðlun hf. til Inuit Enterprises
Ltd. var talið ranglega fram kr.
280.000.000 í skattframtali skattaðil-
ans gjaldárið 1999, vegna rekstrar-
ársins 1998 og söluhagnaður vegna
þeirra oftalinn um kr. 173.495.886 í
skattframtalinu það ár.
Skattrannsóknarstjóri ríkisins tel-
ur að borið hafi að gera grein fyrir
sölunni í skattframtali skattaðilans
gjaldárið 2000, vegna rekstrarársins
1999, og að söluverðmætið hafi num-
ið að lágmarki kr. 1.319.494.500.
Vanframtalinn söluhagnaður nemi
því kr. 1.207.015.505 í skattframtal-
inu það ár.
Grundvöllur skattskila
Með vísan til framanritaðs og
skýrslunnar í heild liggur fyrir að
bókhald og skattframtöl skattaðilans
gjaldárin 1999 og 2000, vegna
rekstraráranna 1998 og 1999, eru
röng. Er ljóst að lögboðin gjöld til
ríkissjóðs verða ekki ákvörðuð á
grundvelli þeirra skattframtala
einna og sér sem staðið hefur verið
skil á fyrir hönd skattaðilans vegna
rekstraráranna 1998 og 1999.“
$ %"& ' ()"*+"%
,
%
S5
2# 7
) % 5
=
D)$
T#5#
,
)4
)+ )#
%G
%G
,
)4
)+ )#
,
)4
)+ )#
,
)4
)+ )#
C>#B #>>@
C #B#>>@
FB#C#>>@
E#B #>>>
CC#B#>>>
CF#B#>>>
$>>>
C#B@#>>>
EE#CB@#BBB
K # >#F
# #@EE
C#@@ #K
C#@C#K>K
#>#FB
FB#E#CEK
K # >#F
+76)+
8+6(*
'
)67
)67
',6'+
'*6+
8+6(*
3,)"''5",,,
'",,,",,,",,,
+8"+**"*(5
8,,",,,",,,
58,",,,",,,
7'7"85,",,,
),*"78+"7,,
+*,",,,",,,
agnes@mbl.is