Morgunblaðið - 14.02.2003, Blaðsíða 47
FRÉTTIR
MORGUNBLAÐIÐ FÖSTUDAGUR 14. FEBRÚAR 2003 47
Bridshátíð hefst
á föstudaginn
Bridshátíð Flugleiða, BR og BSÍ
verður haldin í 23. skipti dagana 14.–
17. febrúar nk. Spilað er á Hótel
Loftleiðum að venju. Áhugi erlendra
stórspilara er mjög mikill þetta árið
og langt síðan gestalistinn hefur ver-
ið skipaður jafnmörgum erlendum
stjörnum.
Geir Haarde fjármálaráðherra
setur hátíðina föstudag kl. 19.00.
Áhorfendur eru hvattir til að fjöl-
menna á Hótel Loftleiðir um helgina.
Allar upplýsingar um mótið eru á
heimasíðu Bridssambands Íslands,
www.bridge.is. Einnig er hægt að
fylgjast með stöðunni á bls. 326 í
textavarpinu.
Dagskrá:
Tvímenningur:
Föstudagur 14. febrúar kl. 19.00:
Geir Haarde fjármálaráðherra setur
hátíðina.
Kl. 19:15–00:30 1.–10. umferð.
Laugardagur 15. febrúar kl.
11:00–13:10 11.–14. umferð.
Kl. 13:10–14:00 matarhlé.
Kl. 14:00–19:30 15.–23. umferð.
Sveitakeppni:
Sunnudagur 16. febrúar kl. 13:00–
19:00 1.–4. umferð.
K. 19:00–20:30 matarhlé.
Kl. 20:30–23:15 5.–6. umferð.
Mánudagur 17. febrúar kl. 12:15–
18:30 7.–10. umferð.
Kl. 19:00 verðlaunaafhending.
Skagamenn sterkir
í Borgarfirðinum
Aðalsveitakeppni Bridsfélags
Borgarfjarðar var fram haldið
mánudaginn 10. febrúar. Skaga-
menn héldu uppteknum hætti og
unnu glæsta sigra þannig að búast
má við verulegu spennufalli er líður á
mótið. Staðan að loknum 6 umferð-
um er þessi:
Skagamenn (Tryggvi, Þorgeir,
Óli Grétar, Ingi Steinar) 141
Bjartasta vonin (Lárus, Örn, Kristján,
Jón Viðar, Sveinbjörn) 122
Hjálparsveitin (Sveinn, Haraldur,
Hrefna, Þórður) 110
Skólastrákarnir (Jón E., Baldur,
Flemming, Guðmundur) 101
Sigursveitin (Eyjólfur, Jóhann,
Eyjólfur, Jón P.) 99
BRIDS
Umsjón Arnór G.
Ragnarsson
SAMKEPPNI stendur yfir hjá Lög-
réttu, félagi laganema við HR, um
merki félagsins. Öllum er þátttaka
heimil og ber að skila inn úrlausnum
fyrir kl. 12 föstudaginn 28. febrúar.
Tillögum skal skila á netfangið:
logretta@ru.is.
Peningaverðlaun eru í boði fyrir
bestu tillöguna að upphæð kr.
50.000. Frekari upplýsingar er að
finna á heimasíðu Visku, www.viska-
.is, segir í fréttatilkynningu.
Samkeppni um
merki Lögréttu
V-dagssamtökin standa fyrir mál-
þingi í dag, V-daginn, í hátíðarsal
Háskóla Íslands kl. 16.30. Fund-
arstjóri er Edda Jónsdóttir. Erindi
halda: Elín Hirst fréttastjóri, Sverr-
ir Björnsson framkvæmdastjóri,
Sæunn Kjartansdóttir, sálgreinir og
handleiðir, Erpur Eyvindarson tón-
listarmaður, Hildur Fjóla Antons-
dóttir, mannfræði- og kynja-
fræðinemi, og Jón Þór Ólafsson
lögfræðingur. Að loknum erindum
verða pallborðsumræður.
Í Borgarleikhúsinu hefst dagskrá kl.
20 á Nýja sviðinu en húsið verður
opnað kl. 19. Vefsíða V-dagssamtak-
anna verður formlega opnuð og flutt
verður brot úr Píkusögum. Að dag-
skrá lokinni verður V-dagsgleði í
Þjóðleikhúskjallaranum.
V-dagsbolir og V-dagsmerki fást í
tískuvöruverslunum og kaffihúsum á
höfuðborgarsvæðinu.
Ungir vinstri grænir halda
skemmtikvöld í dag, föstudaginn 14.
febrúar, kl. 20 á Hallveigarstöðum
við Túngötu. M.a. sýna meðlimir úr
Stúdentaleikhúsinu leikþátt eftir Ár-
mann Jakobsson, töfradúett stígur á
stokk o.fl. Allir velkomnir meðan
húsrúm leyfir.
Í DAG
Málþing Félags um átjándu aldar
fræði verður haldið á morgun, laug-
ardaginn 15. febrúar, kl. 13.30 í fyr-
irlestrasal á 2. hæð í Þjóðarbók-
hlöðu. Fyrirlestra halda: Þórunn
Guðmundsdóttir sagnfræðingur,
Ragnhildur Bragadóttir sagnfræð-
ingur, Guðrún Laufey Guðmunds-
dóttir sagnfræðingur, Bergrós
Kjartansdóttir bókmenntafræð-
ingur og Ragnhildur Sigrún Björns-
dóttir sagnfræðingur. Veitingar
verða fáanlegar í veitingastofu í
Þjóðarbókhlöðu, 2. hæð. Öllum er
heimill ókeypis aðgangur.
Ungmennafélag Íslands stendur
fyrir menningarverkefninu ,,á mín-
útunni“, á morgun, laugardaginn 15.
febrúar kl. 15.02. Þá munu fjölmörg
ungmenna- og íþróttafélög standa
fyrir menningarviðburðum á svæði
sínu. Á meðal verkefna sem félögin
ætla að standa fyrir eru mál-
verkasýning, örsagnasamkeppni og
upplestur, flutningur á Þorraþræl,
tónlistarflutningur við sundlaug,
skemmtidagskrá með söng og tón-
listaratriðum, ljóðalestur í versl-
unarmiðstöð, rapp og danssýningu
og margt fleira skemmtilegt.
Samtökin Átak gegn stríði boða
til útifundar á Ingólfstorgi á morg-
un, laugardaginn 15. febrúar, kl. 14
til að mótmæla hugsanlegri árás
gegn Írak og stuðningi íslenskra
stjórnvalda við þessi áform. Eftir
fundinn verður gengið að stjórn-
arráðinu og því næst að sendiráðum
Bretlands og Bandaríkjanna.
Á MORGUN
Námskeið um ISO 9000 gæða-
staðlana verður haldið hjá Staðla-
ráði Íslands fimmtudaginn 20. febr-
úar fyrir þá sem vilja læra á nýja
útgáfu ISO 9000 gæðastjórn-
unarstaðlanna. Markmið námskeiðs-
ins er m.a. að þátttakendur geti gert
grein fyrir megináherslum og upp-
byggingu kjarnastaðlanna í ISO
9000:2000 röðinni og þekki hvernig
þeim er beitt við að koma á og við-
halda gæðastjórnunarkerfi. Auk
þess að skýra uppbyggingu staðl-
anna, notkun og kröfurnar í ISO
9001, verður farið yfir tengsl staðl-
anna og gæðastjórnunarkerfis sam-
kvæmt ISO 9000. Námskeiðið fer
fram hjá Staðlaráði Íslands, Lauga-
vegi 178, kl. 8.30 – 14.45. Nánari
upplýsingar og skráning á vef
Staðlaráðs, www.stadlar.is eða í
síma.
Foreldrafélag misþroska barna
og Eirð, fræðsluþjónusta um uppeldi
og geðheilsu barna og unglinga,
bjóða upp á tvö námskeið á vorönn.
Fræðslunámskeið fyrir foreldra
barna á grunnskólaaldri 1.–7. bekkj-
ar verður haldið í húsi Öryrkja-
bandalagsins Hátúni 10, 9. hæð,
laugardagana 29. mars og 5. apríl kl.
9.30 – 14.30. Fjórir fyrirlestrar verða
hvorn daginn. Fjallað verður um ein-
kenni ofvirkni, lyfjameðferð, hegð-
unarmótandi aðferðir, sjálfsmynd
ofvirkra barna, athyglisbrest o.fl.
Námskeið fyrir foreldra ofvirkra
barna og barna með hegðunarvanda
er ætlað foreldrum barna á aldrinum
4–12 ára og hefst þriðjudaginn 11.
mars kl. 17–19, í 9. skipti. Leiðbein-
endur verða Kristín Kristmunds-
dóttir félagsráðgjafi og Málfríður
Lorange sálfræðingur. Meginvið-
fangsefni námskeiðsins er að styrkja
æskilega hegðun barnsins og efla já-
kvæð samskipti á milli foreldra og
barns. Nánari upplýsingar og skrán-
ing fer fram hjá Foreldrafélagi mis-
þroska barna kl. 13 og 15 alla virka
daga.
Á NÆSTUNNI
Vinstrihreyfingin – grænt fram-
boð á Akureyri heldur fund á morg-
un, laugardaginn 15. febrúar, kl. 11 í
kosningamiðstöðinni í Hafnarstræti
94. Gestur fundarins er Árni Steinar
Jóhannsson alþingismaður og fjallar
hann m.a. um orkumál, einkavæð-
ingu í þeim geira, stóriðjufram-
kvæmdir, orkuverð o.fl.
Íslenskir og norskir jafnaðarmenn
ræða EES-samninginn í dag, föstu-
daginn 14. febrúar.
STJÓRNMÁL
Snjógæs en ekki hvít grágæs
Þekking Morgunblaðsins á fugla-
fræði brást við ritun myndatexta á
blaðsíðu tvö í gær. Þar var fullyrt að
hvít grágæs hefði átt í átökum við
gæsir á golfvelli Golfklúbbs Kópa-
vogs og Garðabæjar. Hið rétta er að
þarna var snjógæs (Anser caerulesc-
ens) á ferð. Beðist er velvirðingar á
þessum mistökum.
LEIÐRÉTT
EFTIRFARANDI tilkynning hef-
ur borist frá ReykjavíkurAkadem-
íunni, félagi sjálfstætt starfandi
fræðimanna:
„Stjórn ReykjavíkurAkadem-
íunnar (RA) fagnar því að stjórn-
völd hafi ákveðið að veita rúma 6
milljarða króna til uppbyggingar
atvinnulífs á Íslandi. Stjórn RA vill
þó vekja athygli á því að atvinnu-
leysi hefur hlutfallslega aukist
mest meðal háskólamenntaðra en
ljóst er að það fjármagn sem rík-
isstjórnin hefur nú veitt til at-
vinnuuppbyggingar mun ekki skila
sér til þeirra.
Í ReykjavíkurAkademíunni hafa
aðstöðu rúmlega 80 sjálfstætt
starfandi fræðimenn á sviði hug-
og félagsvísinda en þennan hóp
sárvantar aukið fé til rannsókna-
og fræðastarfa. Sem dæmi má
nefna að Rannsóknarráð Íslands
hafði einungis 12,5 milljónir króna
til úthlutunar nýrra rannsókna
innan hugvísinda fyrir árið 2003.
Að mati stjórnar ReykjavíkurAka-
demíunnar er nú tækifæri fyrir
stjórnvöld til þess að draga úr at-
vinnuleysi meðal háskólamenntaðs
fólks, ekki síst í hugvísindum, og
efla um leið rannsóknir og vísinda-
starf á Íslandi. Á þann hátt sýna
stjórnvöld einnig hvern hug þau
bera til uppbyggingar þessa mik-
ilvæga málaflokks.“
Segja fjármagn
ekki skila sér til
háskólamanna
Opið mán.-fim. frá kl. 9–18, fös. frá kl. 9-17
Ármúla 1, sími 588 2030 – fax 588 2033
Höfum til sölu efri sérhæð ásamt
risi og bílskúr á einstökum útsýnis-
stað við Ægisíðu. Aðalhæðin er um
125 fm og skiptist m.a. í stofur, 3
herbergi, eldhús og bað. Hringstigi
er upp í risið sem er yfir allri hæð-
inni og er þar setustofa og baðher-
bergi o.fl. Íbúðin er mikið endur-
nýjuð, m.a. nýlegt gler og lagnir yf-
irfarnar. Verð kr. 28,5 millj.
ÆGISÍÐA – HÆÐ OG RIS
Skeifan 4 • Sími 585 0000 • www.aukaraf.is
Opið frá kl. 9-18 • Laugardag frá kl. 10-16
Sendum í póstkröfu
Frábær tilboð á:
• Magellan GPS-tækjum
• GPS-aukahlutum s.s. plast-
pokum, tengjum, loftnetum o.fl.
• Talstöðvum, bíla-, báta- og
handtalstöðvum
• Aukahlutum fyrir talstöðvar
• Hljómflutningstæki fyrir bíla,
magnarar á frábæru verði,
mikið úrval hátalara
• Fjarstýrðar samlæsingar
• Þjófavarnarkerfi
• GSM-handfrjáls búnaður
• Radarvörum
• Hleðslutækjum
Flottasta
„soundherbergi“
landsins
DVD í bíla,
skjáir og hljómkerfi