Morgunblaðið - 21.02.2003, Blaðsíða 8

HÓPUR íslenskra dansara keppti á
alþjóðlegri danskeppni sem fram
fór í Kaupmannahöfn um síðustu
helgi Árangur keppendanna var
góður, sér í lagi meðal yngri kepp-
enda, 10–11 ára.
Sigurður Már Atlason og Sara
Rós Jakobsdóttir frá Dansíþrótta-
félagi Hafnarfjarðar hrepptu
bronsið í keppni í suður-amerískum
dönsum á sunnudag og Rúnar Sig-
urðsson og Björk Guðmundsdóttir,
einnig frá DÍH, lentu í fimmta sæti.
Keppni fór fram dagana 14., 15.
og 16. febrúar sl. og mætti stór hóp-
ur áhorfenda frá Íslandi til að hvetja
sitt fólk.
Að sögn Auðar Haralds dans-
kennara var keppnin stórglæsileg í
alla staða en tímataflan var þó oft
nokkuð á undan áætlun og það kom
sér óþægilega fyrir keppnispörin
þegar þau voru kölluð óundirbúin
inn á gólfið, stundum tæplega
klukkustund á undan uppgefnum
tíma.
Góður árangur
ungmenna í dans-
keppni í Danmörku
Ungu dansararnir stóðu sig vel í Danmörku. Sara Rós Jakobsdóttir (l.t.v.),
Sigurður Már Atlason, Björk Guðmundsdóttir og Rúnar Sigurðsson.
FRÉTTIR
8 FÖSTUDAGUR 21. FEBRÚAR 2003 MORGUNBLAÐIÐ
Útsala
kvenfataverslun, Skólavörðustíg 14,
sími 551 2509.
Enn er hægt að gera góð kaup
á útsölunni í Man Skólavörðustíg
Dæmi um afslátt:
Dragtir í stórum stærðum 50%
Ane Kenssen prjónapils 50%
Hörfatnaður 70%
Góði, hættu að elta okkur svona, það er nú skuldfrelsi í þessu landi.
Leiðsögumenn hreindýraveiða stofna félag
Þurfum að hafa
okkar málsvara
STOFNAÐ hefurverið Félag leið-sögumanna með
hreindýraveiðum, FLH,
en leiðsögumenn hrein-
dýraveiðimanna gegna
lögskipuðu hlutverki við
hreindýraveiðar og tengj-
ast um leið vaxandi um-
sýslu við margvíslega
þjónustu sem veitt er
veiðimönnum. Skúli
Magnússon er formaður
hins nýskipaða félags og
svaraði hann nokkrum
spurningum.
– Hvað er þetta stór
hópur manna ... og eru
þetta bara Austfirðingar?
„Þegar það var sett í
lög að leiðsögumenn
fylgdu öllum hreindýra-
veiðimönnum fyrir tveim-
ur árum, var sett á námskeið
fyrir okkur og mættu þar 83 sem
fengu þar með réttindi sem leið-
sögumenn á þessu sviði. Alls vor-
um við milli 40 og 50 á stofnfund-
inum og samtals hafa 68 af
þessum 83 lýst yfir áhuga á að
vera í umræddu félagi. Þetta eru
ekki allt saman Austfirðingar.
Við erum reyndar flestir héðan
að austan, en það eru líka menn
með réttindi í Reykjavík, Hafn-
arfirði og á Akureyri.“
– Þetta er talsverður hópur
miðað við ekkert allt of umfangs-
mikinn veiðiskap. Hafa menn
eitthvað uppúr þessu?
„Það er nú misjafnt, en það er
einhver hópur manna sem hefur
töluverðar tekjur. Hins vegar
snýst þetta ekki einungis um há-
ar eða lágar tekjur leiðsögu-
manna, heldur er hér um að
ræða mikilvægan þátt í ferða-
þjónustu. Á námskeiðinu forðum
kom ungur hagfræðingur sem
fenginn hafði verið til að reikna
út tekjur af hreindýraveiðum.
Hann var með töluna 25 til 30
milljónir sem koma inn fyrir
veiðileyfasölu, en þessi maður
taldi að það væri aðeins fjórð-
ungur af þeirri upphæð sem væri
í heildarveltunni. Einhvers stað-
ar verða þessir veiðimenn að
gista og borða, þeir borga elds-
neyti og skotfæri, þannig að
margir njóta góðs af.“
– En hvers vegna voruð þið að
stofna félag af þessu tagi?
„Málið er, að löggjöfin kveður
á um að leiðsögumaður skuli æv-
inlega vera með er farið er á
hreindýraveiðar og 83 leiðsögu-
menn kunna hver og einn að hafa
sína skoðun á því hvernig best er
að hafa hlutina. Mikilsvert er að
þessi hópur hafi sinn málsvara.
Óðinn Gunnar Óðinsson hjá Þró-
unarstofu Austurlands og Ingi-
mundur Sigurðsson hjá um-
hverfisráðuneytinu hafa komið
að þessu máli, unnið með und-
irbúningshópi til að tryggja sem
best að ábendingar til stjórn-
valda skili sér sem best.“
– Hvaða ábendingar?
„Við skulum hafa eitt á hreinu.
Hreindýraveiðar snúast ekki um
að skapa tekjur fyrir
leiðsögumenn eða
ferðaþjónustuaðila og
þær snúast ekki held-
ur um að veiðimenn
fái svalað einhverri
drápsfýsn. Þær eru stofnstærð-
arstýring sem snýst um að halda
hreindýrastofninum í ákveðinni
stærð til þess að hann gangi ekki
nærri kjörgróðri. Spurningin er
hvernig við nýtum sem best
þessa stofnstærðarstýringu. Um
það geta komið ábendingar og
hugleiðingar frá okkur og þær
gætu snúið að ýmsu, enda er ætl-
ast til lögum samkvæmt að
hreindýraveiðar séu stundaðar
af fagmennsku þar sem virðing
er borin bæði fyrir bráðinni og
umhverfinu.“
– Hvert er hlutverk leiðsögu-
manns hreindýraveiðimanns?
„Hlutverk okkar er að sjá til
þess að farið sé að lögum og
reglum sem í gildi eru hverju
sinni. Þá ber okkur að finna dýr-
in og koma veiðimönnum í skot-
færi við þau. Það kemur fyrir, en
sem betur fer sjaldan, að dýr
særast og þá er það okkar hlut-
verk að hafa uppi á viðkomandi
dýrum og fella þau á sem
skemmstum tíma. Margir veiði-
menn ætlast síðan til þess að við
slægjum bráðina og síðan er það
í okkar verkahring að koma af-
urðunum til byggða, þannig að
matur verði úr hráefninu og
veiðiminjar spillist ekki.“
– Er þetta þannig veiðiskapur
að allir veiða svo fremi sem þeir
geti skotið tiltölulega beint?
„Við getum aldrei fullyrt að
allir veiði. Menn bóka ákveðna
daga og auðvitað getur það gerst
að það er niðaþoka á svæðinu all-
an tímann. En þetta er þó líklega
eins tryggt og það getur verið og
án þess að ég hafi mælt það þá
þykir mér líklegt að 95% eða
fleiri veiðimanna nái sínu dýri.“
– Hvernig er annars fyrir-
komulagið?
„Það eru níu afmörkuð svæði
og ekkert gefið að leiðsögumað-
ur megi vera á þeim öllum. Sjálf-
ur hef ég aðeins leyfi til að vera á
tveimur svæðum. Þá megum við
aðeins hafa þrjá viðskiptavini að
veiðum í einu. Ef það
eru fjórir veiðimenn í
hópnum þá verða þeir
að gera samkomulag
um það hver veiðir
hvaða dag og hver
hvílir. Það geta verið fleiri leið-
sögumenn með skyttur á sama
svæði, en það kemur ekki að sök,
dýrin eru iðulega í mörgum hóp-
um og slíkt eykur bara á sam-
vinnu milli leiðsögumanna.“
– Er þetta bara karlasport?
„Því miður þá erum við leið-
sögumennirnir aðeins karlar, en
sem betur fer fjölgar konum í
röðum skotveiðimanna.“
Skúli Magnússon
 Skúli Magnússon fæddist í
Reykjavík 5.október 1944. Hann
er húsasmíðameistari auk þess
að vera sveinn í tréskipasmíði.
Var umdæmisstjóri Vinnueft-
irlitsins á Austfjörðum í tólf ár,
en starfar nú sem leiðsögumaður
hreindýraveiðimanna, smiður og
hjá Minjasafninu á Egilsstöðum,
auk þess að reka fashanabú á
Tókastöðum á Héraði. Hann er
giftur Jórunni Örnu Ein-
arsdóttur og eiga þau þrjú upp-
komin börn og sjö barnabörn.
Við getum
aldrei fullyrt
að allir veiði
FORMAÐUR samninganefndar
sveitarfélaga um kjarasamning
grunnskólakennara, Birgir Björn
Sigurjónsson hjá Reykjavíkur-
borg, segir það alrangt hjá Félagi
grunnskólakennara að ákvörðun
fræðsluráðs Reykjavíkur um að
samræma vetrarfrí í grunnskól-
um sé brot á kjarasamningi kenn-
ara við sveitarfélögin.
Birgir Björn segir ljóst að skól-
unum beri að rétta sig eftir því
sem fram komi í lögum og reglu-
gerðum, kjarasamningum og
samþykktum sveitarfélaga.
„Reykjavíkurborg hefur heim-
ild til að taka ákvörðun um þessa
samræmingu, enda eru þarfir
skólasamfélagsins fyrir henni.
Kjarasamningurinn kemur hreint
ekki í veg fyrir það heldur eru
forsendur hans þannig að fara
skuli eftir samþykktum sveitar-
stjórna,“ segir Birgir Björn, sem
segist ekki hafa séð neitt erindi
til samninganefndarinnar frá
kennurum um að brot hafi átt sér
stað.
Borið undir
borgarlögmann
Stefán Jón Hafstein, formaður
fræðsluráðs Reykjavíkur, segir að
fræðsluráð hafi fengið álit borg-
arlögmanns og embættismanna
áður en gengið var til atkvæða
um tillögu um að samræma vetr-
arfrí í grunnskólunum í Reykja-
vík. „Af okkur hálfu töldum við
okkur hafa gengið úr skugga um,
og höfðum álit borgarlögmanns
fyrir því, að við hefðum rétt til
þess að ákveða þetta og menn
höfðu gögn um það á fundinum,“
segir Stefán Jón.
Gerður G. Óskarsdóttir,
fræðslustjóri í Reykjavík, segir
að menn hafi talið þetta leyfilegt
og rétta túlkun á kjarasamningi
enda hafi önnur sveitarfélög þeg-
ar gert þetta, s.s. Kópavogur og
Garðabær, en sér sé ekki kunn-
ugt hvort það hafi ef til vill verið
gert með öðrum hætti, það sé þó
hugsanlegt.
Samræmt
vetrarfrí
ekki brot á
samningum