Morgunblaðið - 21.02.2003, Blaðsíða 24

SUÐURNES
24 FÖSTUDAGUR 21. FEBRÚAR 2003 MORGUNBLAÐIÐ
HVERNIG búa má til tónlist með
tunnum, felgum, rörum og spýtum
er eitt af því sem nemendur Tón-
listarskóla Reykjanesbæjar hafa
getað kynnt sér í vikunni. Í tilefni
af degi tónlistarskólanna, sem hald-
inn verður á morgun, laugardag,
bauð Tónlistarskóli Reykjanes-
bæjar upp á mjög óvenjulega
kennsluviku dagana 17. til 21. febr-
úar.
Hefðbundið skólastarf er lagt
niður en í staðinn gefst nemendum
kostur á annars konar tónlistar-
upplifun. Auk þess að sækja skyldu-
kúrsa sem tengist tónlistarnámi
hvers og eins gátu allir nemendur
valið sér námskeið eftir áhugasviði.
Háu tónarnir frá Reykjaneshöll-
inni undanfarna daga hafa vakið at-
hygli margra bæjarbúa en þar eru
á ferðinni áhugasamir nemendur
um Stomp. Námskeiðið gengur út á
að búa til tónlist úr óvenjulegum
hlutum og þegar blaðamaður Morg-
unblaðsins leit við hjá einum hópn-
um voru tunnur barðar af miklum
móð. Ekki síður framandi eru tón-
arnir úr ástralska frumbyggja-
hljóðfærinu didgeridoo, sem nem-
endum hefur einnig gefist kostur á
að kynnast ásamt fjölmörgu öðru,
svo sem bjöllukór, afró- og free-
style dansi og ryþma. Meðal fyr-
irlesara voru Jónas Ingimundarson,
Garðar Cortes, Jóhann Ingimund-
arson, Tatu Kantomaa og Pétur
Grétarsson.
Afrakstur opnu vikunnar verður
svo opinberaður í Kirkjulundi á
morgun í sérstakri dagskrá sem
boðið er til á degi tónlistarskól-
anna.
Morgunblaðið/Svanhildur Eiríksdóttir
Gleðin leynir sér ekki hjá nemendum Tónlistarskóla Reykjanesbæjar sem ákváðu að kynna sér Stomp í vikunni.
Tónlist með tunnum og spýtum
Reykjanesbær
STOFNAÐUR hefur verið
vinnuhópur til að marka for-
varnarstefnu fyrir Reykja-
nesbæ. Íbúarnir eiga kost á að
taka þátt í mótun stefnunnar.
Yfirmarkmið forvarnar-
stefnunnar er fyrirbyggjandi
starf sem stuðlar að aukinni
velferð og velgengni allra íbúa
með áherslu á börn til átján
ára aldurs. Að því er fram
kemur á heimasíðu Reykjanes-
bæjar felur verkefnið í sér öfl-
un gagna, þ.á m. forvarnar-
stefnu annarra sveitarfélaga
og framhaldsskóla. Einnig að
kalla til fundar þá aðila í bæj-
arfélaginu sem vinna að for-
vörnum.
Vinnuhópinn skipa þau
Ragnar Örn Pétursson for-
varnar- og æskulýðsfulltrúi,
Rannveig Einarsdóttir yfir-
félagsráðgjafi og Gylfi Jón
Gylfason yfirsálfræðingur.
Íbúum gefst kostur á að
taka þátt í mótun stefnunnar
með því að senda inn ábend-
ingar á vef Reykjanesbæjar,
www.reykjanesbaer.is. Frest-
ur til þess að skila inn tillögum
er til 1. mars 2003. Stefnt er að
því að drög að forvarnarstefnu
Reykjanesbæjar verði lögð
fyrir bæjarstjórn til samþykkt-
ar 16. apríl næstkomandi.
Íbúar geta
mótað for-
varnar-
stefnu
Reykjanesbær
BÆJARSTJÓRN Reykjanesbæjar
hefur samþykkt áskorun um að Suð-
urnesin verði ekki afskipt við úthlut-
un þess fjár sem ríkisstjórnin hyggst
veita til Byggðastofnunar til at-
vinnuuppbyggingar. Allir bæjar-
fulltrúar stóðu að ályktun þessa efn-
is sem Jóhann Geirdal talaði fyrir.
Í ályktuninni er því fagnað að rík-
isstjórnin hafi ákveðið að leggja
fram aukið fé til vegaframkvæmda á
næstu átján mánuðum en um leið
vakin athygli á því að við það skapist
einkum hefðbundin karlastörf. Þá
kemur fram sú skoðun að mikilvægt
sé að þær 700 milljónir sem ákveðið
hefur verið að veita til Byggðastofn-
unar vegna atvinnuuppbyggingar
nýtist vel þar sem atvinnuleysi er
mest. „Bæjarstjórn Reykjanes[bæj-
ar] hvetur því stjórn SSS [Samtök
sveitarfélaga á Suðurnesjum], at-
vinnu- og hafnaráð og aðra þá sem að
atvinnuuppbyggingu koma til að
stuðla að því að Suðurnesin verði
ekki afskipt við úthlutun þessa fjár.“
Í greinargerð vekja bæjarfull-
trúarnir athygli á að 21% þeirra sem
skráðir voru atvinnulausir á lands-
byggðinni um miðjan þennan mánuð
séu búsettir á Suðurnesjum. „Það er
því mikilvægt að þeir aðilar sem að
atvinnuuppbyggingu geta komið á
þessu svæði leggi sig eftir því að
tryggja Suðurnesjunum a.m.k. sinn
hlut af þessari fjárveitingu sérstak-
lega með kvennastörf í huga því hlut-
fallslega er atvinnuleysi kvenna
mest hér á Suðurnesjum,“ segir í
greinargerðinni.
Suðurnesin
verði ekki
afskipt
Reykjanesbær
LIONSKLÚBBARNIR á Suður-
nesjum afhentu með formlegum
hætti í gær Þroskahjálp á Suður-
nesjum lyftu fyrir fatlaða einstak-
linga.
Lions- og Lionessuklúbbarnir á
Suðurnesjum héldu þing Lions-
hreyfingarinnar á Íslandi á síðasta
ári. Þá var gefið út kynningarblað
sem dreift var í öll hús á Reykja-
nesi, til að kynna klúbbana. Seldar
voru auglýsingar til að standa und-
ir útgáfunni. Pálmi Hannesson,
fjölumdæmisstjóri, segir að auglýs-
ingasöfnun hafi gengið svo vel að
afgangur hafi orðið og hafi þing-
nefndin ákveðið að nota hagnaðinn
í sameiginleg verkefni.
Einstaklingi í Reykjanesbæ var
veittur fjárstyrkur vegna læknis-
meðferðar erlendis. Gerðaskóla
gefið tjáningarforrit til að nota við
sérkennslu. Fram kom í gær að
það nýttist vel fyrir fatlaðan ein-
stakling sem er við nám í skól-
anum.
Þá var ákveðið að færa Þroska-
hjálp lyftubúnað í Ragnarssel, dag-
vistina í Keflavík. Hann er notaður
til að lyfta einstaklingum sem
þangað koma en geta ekki bjargað
sér sjálfir, að því er Pálmi segir.
Sagði Pálmi að hann myndi létta
starfsfólkinu í Ragnarsseli störfin.
Morgunblaðið/Helgi Bjarnason
Friðrik Guðmundsson fékk fyrstur að njóta lyftunnar í Ragnarsseli eftir
athöfnina í gær. Honum var lyft úr hjólastólnum í hægindastól.
Gefa lyftubúnað
í Ragnarssel
Suðurnes
GALSINN fór fljótt af nemendum
elstu bekkja Njarðvíkurskóla eftir
að leikarar Stoppleikhópsins hófu
að sýna forvarnarleikritið „Í gegn-
um eldinn“ í Frumleikhúsinu í gær.
Í verkinu virtist vera tekið á málum
sem þau þekktu.
Stoppleikhópurinn er atvinnu-
mannaleikhús sem starfað hefur
frá árinu 1995. Markmið hans er
meðal annars að færa á svið ný ís-
lensk leikrit fyrir unglinga, þar
sem fræðsla og forvarnir eru í fyr-
irrúmi.
Leikhópurinn frumsýndi ung-
lingaleikritið „Skiptistöðina“ eftir
Valgeir Skagfjörð á árinu 1996 og
sýndi það í flestum grunnskólum
landsins. Nú er hópurinn að sýna „Í
gegnum eldinn“ eftir sama höfund
en það er byggt á samnefndri bók
eftir Thollý Rósmundsdóttur og
Ísak Harðarson. Markmiðið er það
sama og áður, að fræða og hjálpa
íslenskum ungmennum á viðkvæmu
þroskaskeiði til að sjá firringu og
angist áfengis- og fíkniefnaneyslu í
réttu ljósi, eins og fram kemur í
kynningu hópsins á verkinu. Þessa
vikuna hefur hópurinn verið á ferð-
inni á Suðurnesjum. Í gær lauk sýn-
ingum fyrir 7. til 10. bekk grunn-
skólanna í Reykjanesbæ, en ein
sýning er fyrir hvern skóla. Grunn-
skólarnir og forvarnarverkefnið
Reykjanesbær á réttu róli standa
fyrir sýningunum. Fyrr í vikunni
var leikritið sýnt í Gerðaskóla í
Garði og í dag verður það sýnt í
Grunnskóla Grindavíkur.
Samkvæmt upplýsingum að-
standenda sýningarinnar hefur
einnig komið fram ósk um að sýna
verkið fyrir yngstu bekki Fjöl-
brautaskóla Suðurnesja.
Leikarar eru tveir, Brynja Valdís
Gísladóttir sem leikur Sollu, stelpu
11–30 ára, og Eggert Kaaber sem
leikur Gunna, strák 11–30 ára. Þau
leika að auki fjölda annarra hlut-
verka. Valgeir Skagfjörð leikstýrir
sýningunni.
Morgunblaðið/Helgi Bjarnason
Piltarnir úr efstu bekkjum Njarðvíkurskóla, sem tóku sér sæti á fremsta bekk, voru glaðbeittir í upphafi sýningar.
Horfa stjörf á forvarnar-
leikritið Í gegnum eldinn
Reykjanesbær