Morgunblaðið - 21.02.2003, Blaðsíða 19

ERLENT
MORGUNBLAÐIÐ FÖSTUDAGUR 21. FEBRÚAR 2003 19
OD
DI
H
F

J
41
14
Nóatúni 4 • 105 Reykjavík • Sími 520 3000 • www.sminor.is
Nú eru kjarakaupadagar hjá okkur. Gerðu reyfarakaup hvort sem þig
vantar lampa í svefnherbergin eða stofuna, þráðlausan síma eða
farsíma, prentara eða faxtæki, sísogandi ryksugu, kaffivél, brauðrist
eða matvinnsluvél, eldunargræjur, svalan kæliskáp, hljóðláta og lúsiðna
uppþvottavél eða velvirka og vinnusama þvottavél.
• Öll heimilistæki í eldhúsið frá Siemens. Eldunartæki, kæli- og
frystiskápar, uppþvottavélar og smátæki af ýmsu tagi.
• Þvottavélar og þurrkarar frá Siemens sem snúast í þína þágu.
• Öflugar Siemens ryksugur á skotsilfursparandi kostakjörum.
• Ótrúlega, já hreint lygilega ódýr smátæki frá Bomann.
• Þráðlausir símar og farsímar frá Siemens á firnagóðu verði.
• Tölvuprentarar frá Olivetti á hláturtaugakitlandi kostaverði.
• Mikið úrval glæsilegra og vandaðra lampa. Ýmis sértilboð og
útsala á mörgum lampagerðum. Gerðu frábær kaup.
Láttu sjá þig. Við tökum vel á móti þér.
Engum flýgur sofanda steikt gæs í munn!
Síðasti dagur á morgun
Opið laugardag frá 11 - 16
Kjarakaupadagar
LEITARMENN í Íran fundu í gær-
morgun flak Íljúsjín-76-flutningaþot-
unnar sem fórst síðdegis á miðviku-
dag í Sirch-fjöllum, um 35 kílómetra
frá borginni Kerman í suðurhluta
landsins, að sögn AFP-fréttastofunn-
ar. Alls voru 302 um borð og fórust
allir þegar flugvélin rakst skömmu
fyrir lendingu á fjallið Seif í slæmu
skyggni og splundraðist. „Flugum-
ferðarstjórar í Kerman sögðu að
flugmaðurinn hefði sagt að veðrið
væri slæmt og hífandi rok, áður en
sambandið rofnaði,“ sagði í frétt
írönsku fréttastofunnar IRNA.
Þotan var í eigu hersins og á leið
frá borginni Zahedan, skammt frá
landamærunum að Afganistan, til
Kerman þar sem farþegarnir, 284
liðsmenn Lýðveldisvarðarins, áttu að
undirbúa komu voldugasta leiðtoga
landsins, Ajatollah Ali Khamenei, til
borgarinnar, að sögn breska ríkisút-
varpsins, BBC. Raofi Nejad, hers-
höfðingi og einn af yfirmönnum Lýð-
veldisvarðarins, sagði hins vegar í
sjónvarpsviðtali að verðirnir hefðu
verið á leið í tveggja sólarhringa leyfi
en margir þeirra voru frá Kerman.
Auk varðanna var 18 manna áhöfn
um borð.
Heyrðu mikla sprengingu
Vélin var af gerðinni Íljúsjín-76,
smíðuð í Rússlandi. Áætlað var að
vélin lenti klukkan 6:20 að staðartíma
en um það bil tuttugu mínútum fyrr
rofnaði samband við hana, að sögn
Nejads hershöfðingja. Sjónarvottar
sögðu að mikil sprenging hefði heyrst
skömmu síðar í fjöllunum.
Flakið fannst í gærmorgun í um
3.500 metra hæð, austan við Kerman,
en ekki var þó búið að finna annað en
brunna og sótuga vængendana. Aðrir
hlutar vélarinnar munu hafa dreifst
um stórt svæði en haldið var áfram að
fínkemba fjallshlíðarnar. Nokkrar
líkamsleifar höfðu fundist þegar í
gær og ekki var talið að nokkur hefði
komist lífs af. Talsmenn stjórnvalda
sögðu að leitarstarfið hefði tafist
mjög vegna mikillar þoku og roks á
þessum slóðum. Var erfitt að nota
þyrlur við björgunarstarfið. Lítið er
um akfæra vegi upp í fjöllin en sagt
var að 200 sérfræðingar Rauða hálf-
mánans myndu senn bætast í 60
manna hóp sérþjálfaðra leitarmanna
sem fyrir væru. Herinn og liðsmenn
Lýðveldisvarðarins myndu einnig
taka þátt í starfinu.
Stjórnvöld í Teheran sendu í gær
ættingjunum samúðarkveðjur vegna
atburðarins og Khamenei sendi yfir-
manni Lýðveldisvarðarins sérstaka
samúðarkveðju. Khamenei gaf einnig
skipun um að vandleg rannsókn yrði
hafin á tildrögum slyssins.
Fyrir réttu ári munaði litlu að 230
manns, aðallega liðsmenn varðarins,
færust þegar kviknaði í Íljúsjín-76-
vél skömmu eftir flugtak frá borginni
Mashhad í norðanverðu Íran. Flug-
manninum tókst að nauðlenda.
Dyggir harðlínuklerkum
Verðirnir sem fórust á miðvikudag
höfðu verið við störf í landamærahér-
aðinu Sistan-Baluchistan en það er
alræmt fyrir fíkniefnasmygl frá Afg-
anistan sem er mikið vandamál í Ír-
an. Lýðveldisvörðurinn var stofnaður
er íslömsku klerkarnir stóðu fyrir
byltingu gegn keisara landsins 1979
og steyptu honum af stóli.
Félagar í Lýðveldisverðinum hafa
löngum þótt aðgangsharðir í að verja
stefnu harðlínuklerka sem hafa ávallt
síðasta orðið í landstjórninni þótt um-
bótasinnar hafi meirihluta á þingi.
Khamenei er helsti leiðtogi harðlínu-
aflanna en Mohammed Khatami for-
seti er hins vegar hlynntur umbótum.
Rakst á fjall
og sprakk
Sundurtætt flak írönsku Íljúsjín-
þotunnar fundið við rætur Seif
AP
Tindur fjallsins Seif þar sem flugvélin fórst á miðvikudag.




 




     
   

 
!
 " #$!
$ %&'  $  
"
(
  !
 )!
 "



   
    
   








 
 
MEIRA en helmingur allra flutningavéla Írana er af sovéskri eða úkr-
aínskri gerð og eru margar þeirra gamlar og lélegar. Allmörg flugslys
hafa orðið í landinu síðustu árin, síðast í desember í fyrra.
Slysið í Íran á miðvikudag, er 302 fórust, er eitt af mannskæðustu
flugslysum sem orðið hafa í heiminum frá 1980.
 19. ágúst 1980 fórust um 300 manns er kviknaði í Tristar-þotu Saudi
Arabian Airlines á Riyadh-flugvelli.
 12. ágúst 1985 fórust 520 manns þegar Boeing-breiðþota Japan Airl-
ines hrapaði á leiðinni frá Tókýó til Osaka.
 8. janúar 1996 fórust yfir 300 manns þegar rússnesk-smíðuð Anton-
ov-32 flutningavél hrapaði á markaðstorg í Kinshasa, höfuðborg
Kongó (áður Zaire).
 12. nóvember 1996 rákust saman í lofti skammt frá Nýju-Delhí
Boeing-breiðþota Saudi Airlines og Íljúsín-76 þota frá Kazakstan, alls
fórust 349 manns.
Mannskæðustu flugslysin