Morgunblaðið - 21.02.2003, Blaðsíða 17

ERLENT
MORGUNBLAÐIÐ FÖSTUDAGUR 21. FEBRÚAR 2003 17
hrein list
ÁTJÁN manns fórust þegar Fokker-
flugvél brotlenti í Pakistan í gær,
nærri landamærunum að Afganistan.
Yfirmaður pakistanska flughersins,
Mushaf Ali Mir, var meðal þeirra sem
fórust, auk nokkurra fleiri háttsettra
yfirmanna.
Brak flugvélarinnar fannst 27 km
vestur af borginni Kohat, nærri borg-
inni Peshawar sem er skammt frá
norðvesturlandamærunum að Afgan-
istan. Ekki er enn vitað hvað olli því
að flugvélin brotlenti en á fréttasíðu
BBC er fullyrt að veður hafi verið
vont á þeim slóðum, sem slysið varð á.
Pervez Musharraf, forseti Pakist-
ans, skipaði Mir yfirmann flughersins
í nóvember árið 2000. Hann var á leið
frá höfuðborg Pakistans, Islamabad,
til Kohat til að skoða viðbúnað flug-
hersins þar þegar flugvélin fórst í
gær. Búið er að fyrirskipa rannsókn á
tildrögum slyssins en talsmenn
stjórnvalda í Pakistan segja slys sem
þetta afar fátíð hjá pakistanska flug-
hernum.
Næstráðandi Mirs, Syed Qaiser
Hussain, hefur verið skipaður yfir-
maður flughersins til bráðabirgða, að
sögn talsmanna.
18 fórust í flugslysi í Pakistan
Reuters
Pakistanskur hermaður við flak Fokker-vélarinnar sem hrapaði í gær í slæmu veðri í fjallahéraði. Með vélinni
voru 18 manns og fórust þeir allir. Einn þeirra var yfirmaður pakistanska flughersins, Mushaf Ali Mir marskálkur.
Yfirmaður
flughersins
meðal látinna
Islamabad. AFP. TVEIR helstu kirkjuleiðtogar krist-
inna manna á Bretlandi hvöttu í gær
til þess að vopnaeftirliti Sameinuðu
þjóðanna yrði fram haldið í Írak í því
skyni að afstýra stríði.
Leiðtogarnir, þeir Rowan Will-
iams, erkibiskup af Kantaraborg, og
Cormac Murphy-O’Connor, erkibisk-
up af Westminster og yfirmaður kaþ-
ólsku kirkjunnar á Bretlandi, sögðu í
sameiginlegri yfirlýsingu að vopna-
eftirlit í Írak gæti haft í för með sér að
átök reyndust ekki nauðsynleg. Því
bæri áfram að freista þess að knýja
Íraka til að láta af hendi gereyðing-
arvopn sín með friðsamlegum hætti.
Þeir hvöttu hins vegar jafnframt
Íraka til að verða þegar í stað við
kröfum Sameinuðu þjóðanna um að
þau láti af hendi gereyðingarvopn sín
og veiti upplýsingar um þróun þeirra.
Fátítt er að leiðtogar þessara
kirkjudeilda birti sameiginlega yfir-
lýsingu. Hún er talin nokkurt áfall
fyrir Tony Blair, forsætisráðherra
Bretlands. Blair hefur ítrekað haldið
því fram að undanförnu að „siðferð-
islega rétt“ sé að hrekja Saddam
Hussein, forseta Íraks, frá völdum.
Þar fari einstakur valdníðingur og
glæpamaður sem frelsa beri þjóð
hans undan. Beita beri vopnavaldi í
því skyni reynist það nauðsynlegt.
„Það væri mannúðarverk að losa
heiminn við Saddam. Það sem er í
raun ómannúðlegt er að leyfa honum
að halda velli,“ sagði Blair m.a. í
ávarpi um liðna helgi. Tony Blair er
maður kristinn og trúrækinn.
Í yfirlýsingu biskupanna segir að
stríð beri ávallt að túlka sem birting-
armynd uppgjafar þar eð vopnuð átök
séu ævinlega til marks um að mistek-
ist hafi að leiða ágreiningsmál til lykta
með vitrænum hætti. Hvað Írak varð-
ar segja biskuparnir að mikill efi ríki
um hvort siðferðislega réttmætt sé að
blása til herfarar. Þá beri mönnum að
hafa í huga afleiðingar stríðs fyrir
írösku þjóðina og framtíð landsins.
Mótmæla
stefnu
Blairs
Lundúnum. AFP.
ÍSLAND var meðal
þeirra ríkja sem gagn-
rýndu írösk stjórnvöld
harðlega fyrir að verða
ekki við kröfum um af-
vopnun á opnum fundi
um Íraksmálin sem ör-
yggisráð Sameinuðu
þjóðanna hélt í vik-
unni. Sagði Þorsteinn
Ingólfsson, fasta-
fulltrúi Íslands hjá SÞ,
í ræðu sem hann flutti í
New York í fyrradag
að vopnaeftirlitsmenn
SÞ ættu að fá meiri
tíma til að athafna sig í
Írak en að Íslendingar
teldu ekki að fjölgun eftirlitsmanna
yrði til að tryggja þá niðurstöðu,
sem eftir væri sóst.
Fundurinn var haldinn að frum-
kvæði Suður-Afríku en á honum
fengu um það bil 60 ríki, sem ekki
eiga sæti í öryggisráðinu, tækifæri
til að kynna afstöðu sína í Íraks-
deilunni. Flest ríkjanna sem tóku
til máls á fundinum, sem stóð í tvo
daga, voru mótfallin árás á Írak og
þau, sem þó útilokuðu ekki þann
möguleika, gerðu kröfu um að ráð-
ið hefði að minnsta kosti fyrst sam-
þykkt ályktun þar sem hernaðar-
aðgerðir væru heimilaðar.
Þorsteinn Ingólfsson sagði í
ræðu sinni í fyrradag að ályktun
öryggisráðsins nr. 1441 og aðrar,
sem um málefni Íraks fjölluðu,
væru þess eðlis að Írakar ættu ekki
að þurfa að velkjast í neinum vafa
um til hvers væri ætlast af þeim.
Írakar gætu með því að hlíta skil-
málum þessara ályktana slegið á
þá spennu, sem nú væri komin upp
í alþjóðamálum – raunar bæri þeim
skylda til þess. Enn mætti leysa
mál með friðsamlegum hætti og
sagði Þorsteinn það einlæga von
sína að það tækist.
„UNMOVIC [vopnaeftirlits-
nefnd SÞ] og IAEA [Alþjóðakjarn-
orkumálastofnunin]
njóta fyllsta trausts
okkar og við lýsum
ánægju með störf dr.
[Hans] Blix [yfir-
manns UNMOVIC]
og dr. [Mohamed] El-
Baradeis [yfirmanns
IAEA],“ sagði Þor-
steinn síðan. „Við
teljum hins vegar
ekki að fjölgun
vopnaeftirlitsmanna
tryggi endilega þau
svör af hálfu íraskra
stjórnvalda sem svo
lengi hefur verið beð-
ið frá þeim. Það sem
vantar upp á er að Írak sýni fyllstu
samvinnu og leggi fram tilbeðin
gögn án frekari tafa.“
Sjálfur hefur Hans Blix lýst efa-
semdum um þá hugmynd franskra
og þýskra stjórnvalda að fjölga
vopnaeftirlitsmönnum í Írak til
muna.
Valdbeiting er lokaúrræði
Þorsteinn vísaði til þess að Blix
hefði sagt að afvopnun þyrfti ekki
að taka langan tíma frá þeirri
stundu er Írakar sýndu sig sann-
arlega viljuga til að hlíta kröfum
öryggisráðsins þar að lútandi. „Til
að láta reyna á þetta eiga vopnaeft-
irlitsmenn að fá meiri tíma til
verksins,“ sagði Þorsteinn.
Ennfremur sagði Þorsteinn mik-
ilvægt að ríki heims stæðu saman í
þessu máli og að beita þyrfti Íraka
þrýstingi. Hótunin um „alvarlegar
afleiðingar“ sem rætt væri um í
ályktun nr. 1441 yrði að hafa ein-
hverja þýðingu. Trúverðugleiki SÞ
væri í húfi. „Valdbeiting á alltaf að
vera lokaúrræði öryggisráðsins. Ef
önnur ráð sem stofnsáttmáli SÞ
getur um hafa hins vegar ekki
reynst fullnægjandi verður örygg-
isráðið að axla ábyrgð sína,“ sagði
Þorsteinn.
Fjölgun eftir-
litsmanna
ekki svarið
Þorsteinn Ingólfsson
Fulltrúi Íslands hjá SÞ gagnrýnir
Íraka á fundi öryggisráðsins
UM ÞAÐ bil 30 milljónir barna og
kvenna hafa verið seldar í Asíu- og
Kyrrahafsríkjum á síðustu þremur
áratugum, að sögn Kul Gautum,
aðstoðarframkvæmdastjóra
Barnahjálpar Sameinuðu þjóð-
anna, UNICEF, á alþjóðlegu mál-
þingi í Tókýó í gær.
Embættismaðurinn lýsti þessu
sem „mestu þrælasölu sögunnar“.
„Um 1,2 milljónir barna eru seldar
á ári hverju, en talan getur reynd-
ar verið miklu hærri en það,“ sagði
embættismaðurinn. Hann bætti við
að fórnarlömbin, einkum stúlkur á
táningsaldri, væru oft neydd til
vændis og önnur væru látin starfa
í verksmiðjum við ömurlegar að-
stæður.
Að sögn embættismannsins er
ástandið verst í þessum efnum í
Suðaustur-Asíu.
Um 100 fulltrúar alþjóðasam-
taka og stjórnarerindrekar tóku
þátt í málþinginu sem var haldið á
vegum Barnahjálpar Sameinuðu
þjóðanna og japanska utanríkis-
ráðuneytisins.
„Mesta þræla-
sala sögunnar“
Tókýó. AFP.
DILBERT mbl.is