Morgunblaðið - 09.03.2003, Blaðsíða 4

FRÉTTIR
4 SUNNUDAGUR 9. MARS 2003 MORGUNBLAÐIÐ
Verð á mann frá 19.800* kr.
þegar bókað er á www.icelandair.is
www.icelandair.is
Netsmellur - alltaf ódýrast á Netinu
Flugsæti á broslegu verði
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
19
89
0
01
/2
00
3
*Innifalið: Flug og flugvallarskattar
DAGSKRÁ landsþings Frjálslynda
flokksins, sem fram fer á Hótel
Sögu, var þéttskipuð í gær.
Málefnahópar voru að störfum
fyrir hádegi þar sem rædd voru
sjávarútvegs- og landbúnaðarmál,
velferðar- og heilbrigðismál og farið
yfir stjórnmálaályktun flokksins.
Að loknum hádegisverði var
kynning á framboðlistum á dagskrá
og kosning í stjórn flokksins. „Ég
sé ekki annað en að kosningin verði
ákaflega rússnesk,“ sagði Margrét
Sverrisdóttir, framkvæmdastjóri
flokksins, í samtali við Morgunblað-
ið í gærmorgun.
Guðjón A. Kristjánsson, þing-
maður, var í kjöri til formanns og
Magnús Þór Hafsteinsson, efsti
maður á framboðslista flokksins í
Suðurkjördæmi, í kjöri til varafor-
manns.
Síðdegis átti að kynna niðurstöð-
ur málefnahópa og afgreiða stjórn-
málaályktun. Að sögn Margrétar
voru um 60–100 manns að störfum
á þinginu í gær. Í dag mun Frjáls-
lyndi flokkurinn bjóða upp á stjórn-
málaskóla fyrir frambjóðendur milli
klukkan 10–14.
Landsþing Frjálslynda flokksins á Hótel Sögu
Málefnahópar að störf-
um og ný stjórn kosin
Morgunblaðið/Jim Smart
Sjávarútvegsmálin voru fyrirferðarmikil á landsþingi Frjálslynda flokks-
ins í gærmorgun í umræðum málefnahópa þingsins.
HÉRAÐSDÓMUR Reykjavíkur
hefur dæmt fjóra Pólverja til fang-
elsisrefsingar fyrir innbrot og þjófn-
að hérlendis. Einn ákærðu hlaut 30
daga skilorðsbundið fangelsi, tveir
sex mánuði og einn fimm mánuði.
Frá refsivist hinna þriggja síðast-
greindu dregst gæsluvarðhald, sem
hver um sig hefur sætt vegna máls-
ins. Þeir voru m.a. dæmdir fyrir inn-
brot í þjónustumiðstöðina Vegamót
á Snæfellsnesi í byrjun desember sl.
Mennirnir voru ákærðir fyrir
nytjastuld, fyrir að hafa tekið tvær
bifreiðir í heimildarleysi og að hafa
brotist inn í Böðvarsholti í Staðar-
sveit í Snæfellsbæ og tilraun til inn-
brots í þjónustumiðstöðina Vegamót
á Snæfellsnesi 1. desember sl.
Þegar ákærðu voru að brjótast
inn í Vegamót varð fólk vart við þá
og lögðu þeir á flótta og komust
burt á sendiferðabíl. Lögreglan í
Stykkishólmi elti mennina, sem
héldu í átt til Borgarness, en lög-
reglan þar kom á móti og mætti um-
ræddum bíl við Hítará. Er lögreglan
stöðvaði bílinn var ekki nema einn
maður í honum. Hliðardyr hans
voru hins vegar opnar og því hóf
lögreglan leit í nágrenninu þar sem
hún fann fljótlega tvo menn í skurði
þar nálægt. Fjórði maðurinn fannst
nokkru síðar í skurði nokkru fjær og
var hann bæði slasaður og gegn-
blautur.
Dæmdir í
fangelsi fyr-
ir innbrot
og þjófnað
hérlendis
TVEIR slösuðust töluvert í hörðum
árekstri tveggja bifreiða á Hafnar-
fjarðarvegi norðan Engidals rétt fyrir
klukkan sjö í gærmorgun.
Ökumaður annarrar bifreiðarinn-
ar, á leið norður, missti vald á bifreið-
inni, ók niður vegrið og hafnaði á bif-
reið sem kom á móti. Þrátt fyrir
töluverða áverka voru hinir slösuðu
þó ekki lífshættulega slasaðir að sögn
læknis á slysadeild Landspítalans.
Tveir til viðbótar voru ennfremur
fluttir á slysadeild með minni meiðsl.
Beita þurfti klippum slökkviliðs til
að ná einum hinna slösuðu út úr bíl-
flakinu og er bifreiðin ónýt og hin
mikið skemmd. Loka þurfti veginum á
meðan björgunarlið vann á vettvangi.
Fjórir slasaðir
eftir árekstur
á Hafnar-
fjarðarvegi
FRAMKVÆMDIR við Búðarháls-
virkjun milli Hrauneyjafossstöðvar
og Sultartangalóns eru í biðstöðu
enda ekki gert ráð fyrir orku frá
virkjuninni vegna stækkunar Norð-
uráls. Ákvörðunar um frekari fram-
kvæmdir við Búðarhálsvirkjun er því
vart að vænta fyrr en í fyrsta lagi ár-
ið 2006.
Öll leyfi fyrir virkjuninni liggja
hins vegar fyrir svo og umhverfis-
mat og hófust undirbúningsfram-
kvæmdir við Búðarhálsvirkjun í
fyrra, s.s við vegagerð, brúargerð og
grunn að stöðvarhúsi og lauk þeim
um sumarið. Framkvæmdir hafa
hins vegar verið í biðstöðu frá þeim
tíma og engin ákvörðun verið tekin
um framhaldið.
Norðlingaölduveita dregur úr
orkuframleiðsu í Búðarhálsi
Að sögn Þorsteins Hilmarssonar
hjá Landsvirkjun mun breytt Norð-
lingaölduveita í kjölfar úrskrðar
setts umhverfisráðherra draga úr
orkugetu Búðarhálsvirkjunar en tal-
að hefur verið um að hún verði um
100 megawött.
„Það gæti verið að menn ákveði að
endurhanna virkjunina að einhverju
leyti fyrir minna afl því með Norð-
lingaölduveitu mun minna vatn skila
sér þaðan í Þórisvatn og þar með í
Búðarhálsvirkjun þar sem hún nýtir
vatn úr Tungnaá en ekki Þjórsá.“
Þorsteinn segir að erfitt sé að
segja til hvenær af frekari fram-
kvæmdum við virkjunina geti orðið.
„Hvað varðar orku vegna stækkunar
Norðuráls er talað um orku með til-
komu Norðlingaölduveitu og svo
jarðhitavirkjanir. Í því sambandi
hafa menn talað um að hægt væri að
ljúka framkvæmdum í tengslum við
stækkun Norðuráls í lok árs 2005
eða byrjun árs 2006. Þannig að menn
sjá varla fram á að geta haldið áfram
með framkvæmdir við Búðarháls
fyrr en eftir þann tíma og að því
gefnu að menn hafi þá kaupendur að
orkunni.“
Þorsteinn segir áform um Urriða-
foss- og Núpsvirkjanir í neðri hluta
Þjórsár mun skemmra á veg komin
en Búðarhálsvirkjun. Þessar virkj-
anir séu í mati á umhverfsáhrifum og
ekki séu komin leyfi fyrir þeim né
heldur fullnaðarhönnun á virkjanirn-
ar.
Framkvæmdir við Búðar-
hálsvirkjun í bið næstu árin
♦ ♦ ♦
DAVÍÐ Oddsson, forsætisráðherra
og formaður Sjálfstæðisflokksins,
var sammála flokkssystkinum sín-
um á fjölmennum fundi í Valhöll í
gær, að koma þyrfti árangri í
skattalækkunum núverandi rík-
isstjórnar betur til skila til almenn-
ings til að útrýma ranghugmyndum
um að skattar á landsmenn hafi
verið hækkaðir.
Sagði Davíð að þótt skattatekjur
hafi aukist þýddi það alls ekki að
skattar hafi hækkað, ef skattbyrði
yrði of mikil myndi það verða til
þess að fólk héldi að sér höndum.
Hins vegar nefndi hann að skattar
hefðu hækkað í borginni og að
skuldir hefðu margfaldast undir
stjórn R-listans. Sagði hann því
ekki nema von að fyrrverandi borg-
arstjóri hefði „hlaupið eins og fæt-
ur toguðu. Við erum skuldug upp
fyrir haus og skipulagsmálin í
ólestri“.
Sagði hann þetta vera að gerast
meðan ríkisstjórnin væri að borga
niður sínar skuldir. Hann sagðist
líta á landið sem eina heild og því
væri firra að halda því fram að þeir
fjármunir sem settir voru í fram-
kvæmdir á landsbyggðinni skiluðu
sér ekki til borgarinnar.
Davíð sagði sjálfstæðismenn trúa
á öflugt, heilbrigt og frjálst við-
skiptalíf en sagði jafnframt að
frelsi eins mætti ekki verða ógnun
við aðra. Sagði hann að aldrei
mætti fara svo að staða hins sterka
yrði notuð til að „trampa á öðrum“.
Sagði hann ýmsa hafa talað um
afskipti stjórnmálamanna af at-
vinnulífinu. „En þeir sem hafa að-
hafst hafa staðið fyrir sínu. Þeir
sem hafa komið bönkunum undan
áhrifavaldi stjórnmálamanna, þeir
eru ekki í umræðupólitík heldur
framkvæmdapólitík. Það er hún
sem skiptir máli.“
Á fundinum var spurt um fátækt
og sagði Davíð að hún væri mæld á
annan hátt en gert var fyrir fáein-
um árum. Nú væru kröfurnar meiri
og það væri skiljanlegt. Sagði hann
þennan vanda ekki verða leystan
með ölmusugjöfum. „Við leysum
hann með því að auka almenna vel-
sæld, hafa þokkaleg laun og
tryggja hátt atvinnustig.“
Morgunblaðið/Jim Smart
Davíð Oddsson á fundi með sjálfstæðismönnum í Valhöll
„Frelsi eins má ekki
vera ógnun við aðra“