Morgunblaðið - 21.03.2003, Blaðsíða 2

FRÉTTIR
2 FÖSTUDAGUR 21. MARS 2003 MORGUNBLAÐIÐ
Átta af þekktustu leikkonum Frakka koma saman í
myndinni Átta konur, sem hefur notið ómældra
vinsælda og sópað til sín viðurkenningum.
Veröld bloggsins
Í bloggheimum ríkir hið talaða orð. Er bloggið
uppspretta nýrra hugmynda eða vettvangur bulls
og vitleysu?
Okkara kokkur
Guðmundur Guðmundsson er sjónvarpskokkur
Færeyinga og bók hans um matseld hefur náð
metsölu í Færeyjum.
Átta konur
á sunnudaginn
INNRÁS Í ÍRAK
Harðar árásir voru gerðar á
Bagdad, höfuðborg Íraks, í gær-
kvöldi. Beindust þær að sögn hern-
aðarfræðinga að lykilbyggingum í
stjórnkerfi Saddams Hussein og
stigu eldtungur í loft upp. Reyna
bandamenn að sögn hermála-
sérfræðinga að skapa ólgu og jafnvel
knýja fram uppgjöf Íraka.
Kaupþing kaupir í VÍS
Kaupþing banki keypti í gær tæp-
an 20% eignarhlut Kers hf. í Vá-
tryggingafélagi Íslands. Kaupverðið
var 2,8 milljarðar króna. Hreiðar
Már Sigurðsson, forstjóri Kaup-
þings, segir þessi kaup ekki lið í
væntanlegri sameiningu Kaupþings,
VÍS og Búnaðarbankans eins og leitt
var getum að í morgunkorni Íslands-
banka í gær.
Mótmælt um allan heim
Hundruð þúsunda manna tóku í
gær þátt í mótmælafundum út um
allan heim gegn stríðsrekstri í Írak.
Víða voru pústrar við lögreglu er
mótmælendur söfnuðust saman.
Eftir fyrstu flugskeytin í Bagdad
hófst mótmælabylgja í Ástralíu og
Asíu, sem síðan gekk yfir heiminn
eftir tímabeltum.
Láka bjargað af strandstað
Lukku-Láka SH 501, sem er átján
tonna stálbátur, var bjargað af
strandstað við Keflavík á síðustu
stundu um sjöleytið í gærkvöldi.
Báturinn varð vélarvana við innsigl-
inguna í smábátahöfninni í Grófinni í
Keflavík. Sunna Líf KE 7 var
skammt frá, kom fljótt á staðinn og
náði Lukku-Láka í tog. Fór því mun
betur en á horfðist í fyrstu.
EFTA-ríkin ræða við ESB
EFTA-ríkin þrjú, sem aðild eiga
að EES, hafa boðist til að auka fram-
lag sitt í jöfnunarsjóði Evrópusam-
bandsins í kjölfar stækkunar ESB.
Rætt er um verulega aukningu á
greiðslu ríkjanna en ekki hafa verið
nefndar ákveðnar tölur. Þetta er tal-
ið skref í rétta átt af hálfu samninga-
manna ESB en ekki nóg.
Ódýrari olía í Færeyjum
Landhelgisgæslan sparaði 1,6
milljónir króna þegar varðskipið
Ægir tók olíu í Færeyjum. Lítrinn af
skipaolíu þar reyndist 12 krónum
ódýrari en hér á landi.
F Ö S T U D A G U R 2 1 . M A R S 2 0 0 3 B L A Ð B
„ÉG HEITI Auðbjörn, er tvítugur töffari,“ söng Bítlavinafélagið í vin-
sælu dægurlagi um miðbik níunda áratugarins og náði þar að kalla
fram ljóslifandi mynd af æsku þess tíma. Á sama tíma og Auðbjörn fór í
ljós þrisvar í viku og mætti með mynd af bílnum í Hollywood um helgar
þá gengu ungar konur í hvítum hælaskóm og jafnvel með hvítar hand-
töskur í stíl.
Töluvert vatn er runnið til sjávar frá því lagið var samið og langt síð-
an skemmtistaðurinn Hollywood lagði upp laupana og of mikil
ljósabekkjanotkun fékk á sig slæman stimpil. Hvítar töskur hafa líka
verið í eins konar útlegð frá því þetta var, brenndar yfirborðsmennsk-
unni sem einkennir margt af tísku níunda áratugarins. Töskurnar virð-
ast hins vegar nú ætla að fá uppsreisn æru og verða áberandi hluti
sumartískunnar. Þannig spókuðu margir ritstjórar helstu tískutíma-
rita heims sig um með hvíta tösku á handleggnum á tískuvikunni í Míl-
anó fyrir skemmstu og fljótleg könnun á helstu tískuverslunum höf-
uðborgarsvæðisins staðfestir að hvítt verður litur sumarsins.
Á níunda áratugnum voru hvítu töskurnar gjarnan gerðar úr ódýr-
um plastefnum sem fóru fjarri því að ná að blekkja augað hvað efnaval varðaði.
Sumarið 2003 er hins vegar allt annað uppi á teningnum. Hvíti liturinn nær nú
að vera litur munaðar og fágunar ekki síður en uppreisnar og framandleika.
Töskuúrvalið sem í boði er er enda einstaklega fjölbreytt og virðast tösk-
urnar mega vera jafnt stórar og rúmgóðar hliðartöskur, sem bakpokar og
smærri handtöskur. Hvíta taskan nær einnig að teygja sig yfir í flesta tísku-
strauma sumarsins og falla hvítar leðurtöskur með silfruðum málmhringj-
um til að mynda vel að pönklínunni en töskur með útsaumuðum dre-
kamunstri minna á austurlensku áhrifin, skeljar og blómamyndir á
aðra framandlega staði og leður og strigi á sjötta áratuginn.
Umtalsverð breidd virðist sömuleiðis ríkja í efnavali. Plastefnin
eru að vísu enn til staðar, en hafa tekið miklum framförum frá því á
níunda áratugnum, en auk þeirra má einnig finna töskur úr snjó-
hvítu, sem og fílabeinshvítu leðri, og hvítum striga sem hentar sumri
og sól vel. Efnið virðist skipta minnstu máli þetta sumarið svo fram-
arlega sem liturinn er hvítur.
Slípað pönk og stilltur her
Rúmgóðar, ljósar strigatöskur henta vel hversdags. Taskan með brúna
leðurhandfanginu er frá Boss, en sú blómum skreytta frá 38 þrep.
Stærri leðurtaskan, sem er frá Sautján, sver sig í ætt við pönklínuna en
sú minni, frá Debenhams, er meira í anda sjötta áratugarins.
Hvítt
U N D I R
kvennadót
Morgunblaðið/Jim Smart

Hvítur
bakpoki
frá Mango
hentar sól
og sumri.
 Skeljar
og útsaum-
ur gefa
töskunni
framandi
yfirbragð,
frá Sautján.
4
 FÁMENNT OG GÓÐMENNT/2  FRÍMERKI TIL FYRIRMYNDAR/2
 TÍSKA VOR/SUMAR 2003  HEITAR OG KALDAR DEILUR/6
 ÞEGAR ÓSÆTTI STIGMAGNAST/6  AUÐLESIÐ EFNI/8 
Yf ir l i t
Í dag
Sigmund 8 Umræðan 43/45
Viðskipti 14/17 Staksteinar 54
Erlent 18/25 Bréf 48/49
Höfuðborgin 26 Brids 51
Akureyri 27/28 Dagbók 50/51
Suðurnes 28 Íþróttir 52/55
Landið 29 Leikhús 56
Listir 30/31 Fólk 56/61
Forystugrein 32 Bíó 58/62
Viðhorf 36 Ljósvakamiðlar 62
Minningar 36/42 Veður 63
* * *
LÉTT var yfir presti og sókn-
arbörnum hans sem mættu til æf-
inga fyrir komandi fermingu. Sr.
Vigfús Þór Árnason sló í lófa
barnanna, líkt og venja er þegar
íþróttafólk gengur til kappleikja,
er hann gekk inn ganginn í Graf-
arvogskirkju.
Stærsti fermingarhópurinn fyrr
og síðar fermist í Grafarvogskirkju
á næstu vikum en þá munu um 300
börn staðfesta trú sína.
Morgunblaðið/Sverrir
Létt yfir presti og fermingarbörnum
MEIRIHLUTI Framsóknarflokks
og Sjálfstæðisflokks í bæjarstjórn
Vestmannaeyja klofnaði í gær-
kvöldi í afstöðu til tillögu Sturlu
Böðvarssonar samgönguráðherra
um þriggja manna nefnd til að fara
yfir nýlega skýrslu starfshóps hans
um samgöngur til Eyja.
Víkingur Smárason, formaður
framsóknarfélagsins í Vestmanna-
eyjum, segir meirihlutasamstarfið
halda áfram þangað til annað verði
ákveðið. Að öllum líkindum haldi
framsóknarmenn fund í dag og
ræði stöðuna. Engin yfirlýsing
verði gefin út fyrr en eftir þær um-
ræður og samráð við sjálfstæðis-
menn.
Guðjón Hjörleifsson, oddviti
sjálfstæðismanna, sagði ágreining
kominn upp í meirihlutasamstarf-
inu. Ekki hafi verið unnið sam-
kvæmt samkomulagi en boltinn sé
hjá Framsóknarflokknum. Þangað
til séu sjálfstæðismenn í biðstöðu.
Andrés Sigmundsson, eini
fulltrúi Framsóknarflokksins í bæj-
arstjórn og samstarfsmaður sjálf-
stæðismanna í meirihlutanum,
lagðist upphaflega gegn skýrslunni.
Í bæjarráði á mánudag fékk hann
fulltrúa minnihlutans í lið með sér
og var samþykkt tillaga sem lýsti
miklum vonbrigðum með tillögu
starfshóps samgönguráðherra um
samgöngur milli lands og Eyja.
„Tillögur hópsins gera ekki ráð fyr-
ir því að ráðist verði í neinar úrbæt-
ur í samgöngumálum nú þegar eins
og krafa Vestmannaeyinga er um.
Tillögur hópsins eru því algerlega
óásættanlegar,“ sagði í tillögunni í
bæjarráði á mánudaginn.
Á bæjarstjórnarfundi í gær var
lagt fram bréf frá Sturlu Böðvars-
syni og lagt til að skipuð yrði nefnd
sem í yrðu bæjarstjóri Vestmanna-
eyja, fulltrúi frá samgönguráðu-
neytinu og fjármálaráðuneytinu.
Átti nefndin að fara betur yfir þess-
ar tillögur starfshópsins. Þessu var
vísað frá með stuðningi Andrésar
og fulltrúa V-listans. Þar með
klofnaði meirihlutinn í afstöðunni.
Þá var fyrrnefnd tillaga Andrés-
ar frá bæjarráði samþykkt af meiri-
hluta hans og fulltrúa Vestmanna-
eyjalistans í bæjarstjórn. „Þetta er
prófraun á samstarfið,“ sagði Vík-
ingur Smárason.
Sjálfstæðismenn og Framsókn í Vestmannaeyjum
Meirihlutinn klofnaði
í atkvæðagreiðslu
EFTA-ríkin þrjú, Ísland, Noregur
og Liechtenstein, hafa boðist til að
auka framlag sitt í þróunarsjóði Evr-
ópusambandsins í kjölfar stækkunar
ESB. Líkur á að samningar takist
fyrir 15. apríl eru taldar meiri en áð-
ur en of snemmt er að fullyrða að það
muni takast.
Norska blaðið Aftenposten full-
yrðir að bæði samningamenn Nor-
egs og Evrópusambandsins hafi
greint frá því að rætt sé um „veru-
lega“ aukningu á greiðslu ríkjanna.
„Það er kominn gangur í viðræðurn-
ar og við lítum jákvætt á hreyfingar
af hálfu EFTA-landanna að því er
varðar fjárupphæðir. Þetta er skref í
rétta átt en þó ekki nóg,“ sagði Percy
Westerlund að loknum þriðja samn-
ingafundinum í Brüssel.
Þá segir Aftenposten að Wester-
lund hafi klárlega gefið í skyn að ef
EFTA-ríkin séu tilbúin til þess að
greiða nægilega mikið í sjóðina sé
framkvæmdastjórn ESB reiðubúin
til að draga til baka umdeildar kröf-
ur um fjárfestingar í sjávarútvegi
Noregs og Íslands.
Samkvæmt áreiðanlegum heimild-
um Morgunblaðsins hafa sjávarút-
vegsmálin alls ekki verið rædd á
þessum forsendum. Íslendingar og
Norðmenn vita þó af hugsanlegum
kröfum ESB í þessum efnum en hafa
alls ekki ljáð máls á þeim.
Hvorki samningamenn Noregs né
Íslands hafa nefnt ákveðnar tölur
um aukin framlög EFTA-ríkjanna
en Aftenposten gerir því skóna að
verið sé að tala um allt að þre- til
fimmföldun þeirra en aðrir hafa
nefnt minni aukningu greiðslna.
Samkvæmt heimildum Morgun-
blaðsins er tvö- til þreföldun fram-
laga líklega nær lagi en ekkert liggur
þó fyrir í þeim efnum en allt bendir
þó til þess að samninganefndir séu
farnar að komast á það sem kalla
mætti raunverulegan samnings-
grundvöll.
Þokast í sam-
komulagsátt
EFTA-ríkin sögð vera reiðubúin að
greiða meira í þróunarsjóði ESB EKKERT útlit er fyrir að samning-
ar takist í næstu fundalotu um land-
búnaðarmál á vegum Alþjóðavið-
skiptastofnunarinnar (WTO) sem
haldin verður í Genf í næstu viku.
Formaður samninganefndar WTO
mun að mestu hafa haldið sig við
fyrri nálgun í nýrri miðlunartillögu
en sú tillaga hefur þó ekki verið gerð
opinber.
Guðmundur B. Helgason, ráðu-
neytisstjóri í landbúnaðarráðuneyt-
inu, segist vænta þess að samnings-
aðilar muni halda sínu striki. „Það
má vera að fullu ljóst að niðurstaða
mun ekki fást um aðferðafræðina/
reiknireglurnar í þessum mánuði og
að þessi tímafrestur, þ.e. 31. mars,
muni falla niður án þess að mark-
verður áfangi náist. Það stefnir því í
að málið fari til úrlausnar á ráð-
herrafund WTO í Cancun í Mexíkó í
september í haust. Með hvaða hætti,
í hvaða formi og undir hvaða pressu
er eitthvað sem samningsaðilar
þurfa nú að fara að huga að,“ segir
Guðmundur.
Næst ekki að
semja fyrir
31. mars
WTO og landbúnaðarmál