Morgunblaðið - 21.03.2003, Blaðsíða 14
VIÐSKIPTI/ATHAFNALÍF
14 FÖSTUDAGUR 21. MARS 2003 MORGUNBLAÐIÐ
Aðalfundur
Sláturfélags Suðurlands svf.
Aðalfundur Sláturfélags Suðurlands svf.
verður haldinn að Laugalandi í Holtum
föstudaginn 4. apríl 2003 og hefst kl. 14:00
Dagskrá:
1. Aðalfundarstörf samkvæmt
24. gr. samþykkta félagsins.
2. Tillaga til breytinga á samþykktum vegna
stækkunar á félagssvæði félagsins.
3. Önnur mál, löglega upp borin.
Tillögur frá félagsaðilum, sem bera á fram á aðalfundi, þurfa að vera komnar
skriflega í hendur stjórnarinnar eigi síðar en 14 dögum fyrir aðalfund.
Reykjavík, 17. mars 2003.
Stjórn Sláturfélags Suðurlands svf.
KAUPÞING banki hf. hefur gert
samning við Ker hf. um kaup á sam-
tals 107.784.377 hlutum í Vátrygg-
ingafélagi Íslands hf., VÍS, sem nem-
ur 19,9% eignarhlut í félaginu. Hlutur
Kers í VÍS eftir þessi viðskipti er
enginn.
Hreiðar Már Sigurðsson, forstjóri
Kaupþings banka, segir að þessi
kaup séu ekki liður í væntanlegri
sameiningu Kaupþings og VÍS, eða
Kaupþings, VÍS og Búnaðarbanka,
eins og leitt var getum að í Morg-
unkorni Íslandsbanka í gær. „Við lít-
um á þetta sem góða fjárfestingu.
VÍS er auðvitað eitt sterkasta trygg-
ingafélagið og mjög spennandi félag,“
segir hann.
Hreiðar Már segir að VÍS sé meðal
öflugustu fjármálafyrirtækjum
landsins og myndi sóma sér vel á Að-
allista Kauphallarinnar. Kaupþing
muni beita sér fyrir skráningu VÍS
þar, en félagið er nú skráð á Tilboðs-
markaði. Hreiðar segir óákveðið,
hvort Kaupþing eigi hlutinn í VÍS til
frambúðar. Aðspurður segir hann að
hluturinn hafi ekki verið keyptur fyr-
ir hönd annars fjárfestis. „Við lítum
fyrst og fremst á VÍS sem góðan fjár-
festingarkost og hlökkum til að vinna
með stjórn félagsins.“
Fulltrúar Kaupþings mættu á að-
alfund VÍS, sem haldinn var í gær, en
félagið krafðist ekki fulltrúa í stjórn
fyrirtækisins.
Verðið um 2,8 milljarðar
Frá því var greint í tilkynningu til
Kauphallar Íslands í gær að verðið
sem Kaupþing greiðir fyrir hlut Kers
í VÍS sé 26 krónur á hlut. Heildar-
kaupverðið er því 2,8 milljarðar
króna.
Fyrir kaupin átti Kaupþing banki
samtals 21.712.466 hluti í VÍS, eða
4,01% eignarhlut, og eftir kaupin er
eignarhlutur bankans því 23,91%.
Í tilkynningunni segir að kaupin
séu gerð með fyrirvara um samþykki
Fjármálaeftirlitsins en Kaupþing
banki hafi leitað samþykkis þess fyrir
viðskiptunum til samræmis við lög
um vátryggingastarfsemi.
Yfirlýst stefna Kers
að selja hlut sinn í VÍS
Guðmundur Hjaltason, sem ráðinn
var forstjóri Kers í fyrradag, segir að
það hafi verið yfirlýst stefna stjórnar
Kers að selja hlutabréf sín í VÍS. Þau
hafi verið boðin til kaups, meðal ann-
ars til VÍS og Kaupþings, sem hafi
tekið ákvörðun um að kaupa bréfin.
Hann segir að Ker sé með þessu að
aðstoða við það að koma hlutabréfum
VÍS í dreifða eignaraðild.
Ker keypti tæplega 19% hlut í VÍS
af Landsbanka í ágúst á síðasta ári.
Kaupþing kaupir
20% hlut Kers í VÍS
FINNUR Ingólfsson, forstjóri Vá-
tryggingafélags Íslands, sagðist á að-
alfundi félagsins í gær vera sann-
færður um að á næstu tíu árum verði
tryggingafélögunum falin aukin þátt-
taka í íslenska velferðarkerfinu, ekki
síst á sviði heilbrigðis- og trygginga-
mála. „VÍS verður því að vera í far-
arbroddi í nýsköpun á þessu sviði.
Við verðum að fylgjast vel með inn-
lendri og erlendri þróun á þessu sviði
og grípa þau tækifæri sem þar skap-
ast,“ sagði Finnur í ræðu sinni.
Finnur sagðist telja að samkeppni
á tryggingamarkaði myndi fara vax-
andi á næstu árum. „Þeirri sam-
keppni verðum við að mæta með ný-
sköpun í tryggingaframboði, auknum
sveigjanleika og fyrirmyndarþjón-
ustu,“ sagði hann.
Ágætar horfur
Að sögn Finns eru horfur í rekstri
VÍS ágætar í ár. „En afkoma ársins
mun ráðast að miklu leyti af tjóna-
þróun ársins og sveiflum í henni, sem
geta verið miklar á milli tímabila eins
og dæmin sanna. Félagið mun ein-
beita sér að því að laga afkomu þeirra
tryggingagreina sem reknar hafa
verið með tapi,“ sagði Finnur meðal
annars í ræðu sinni.
Finnur vék að kaupum VÍS á hlut í
Búnaðarbanka Íslands, en hlutur
fyrirtækisins í 12 milljarða kaupum
S-hópsins á 45,8% hlut ríkisins nem-
ur samtals 1.570 m.kr. „Það er mat
okkar að kaupin hafi jákvæð áhrif á
starfsemi VÍS. Búnaðarbankinn er
öflug fjármálastofnun í farsælum
rekstri með hæft og gott starfsfólk.
Ennfremur er bankinn álitlegur fjár-
festingarkostur,“ sagði hann.
„Ýmsar pólitískar vangaveltur og
tilgátur voru uppi um getu fjárfest-
anna til kaupanna og ekki síður um
verðmætaþróun bankans eftir að
ákvörðun um söluna hafði verið tek-
in. Svar við þessum vangaveltum hef-
ur nú fengist. Fyrsti og stærsti hluti
kaupverðsins er greiddur og verð-
mæti bankans á markaði hefur aukist
um 13% frá því kaupin voru formlega
frágengin.“
Þórólfur Gíslason stjórnarformað-
ur greindi í ræðu sinni frá helstu
stærðum í afkomu félagsins. Hann
sagði reksturinn hafa gengið vel á
árinu 2002. „Mismunur eigin iðgjalda
og eigin tjóna varð mun hagstæðari
en árið áður og hagnaður varð af vá-
tryggingarekstrinum sjálfum að fjár-
hæð rúmlega 635 milljónir króna, í
stað hagnaðar að fjárhæð 229 millj-
ónir árið áður,“ sagði Þórólfur.
„Iðgjöld hækkuðu á milli ára um
tæp 12%, en tjón lækkuðu hins vegar
um 7%. Áfram tókst að halda sam-
ræmi á milli iðgjalda og tjóna í
ábyrgðartryggingum ökutækja. Þar
sem sú tegund vátrygginga vegur
svo þungt í rekstrinum, hefur afkoma
hennar hlutfallslega mikil áhrif á
rekstrarniðurstöðuna,“ sagði Þórólf-
ur í ræðu sinni.
Stefnt að skráningu
á Aðallista
Þórólfur sagði að eindreginn
ásetningur stærstu hluthafa félags-
ins væri að láta skrá það á Aðallista
Kauphallar Íslands. „Er það skiln-
ingur hluthafanna, að nú sé það lag,
sem þarf til að dreifa eignarhaldi á fé-
laginu, lag, sem ekki reyndist vera
fyrir hendi fyrr. Hefur nú verið geng-
ið til samninga við Kaupþing hf. um
það verkefni að markaðssetja félag-
ið.“
Þórólfur þakkaði Axel Gíslasyni
fyrir störf hans fyrir félagið, en hann
sagði starfi sínu lausu sem forstjóri í
byrjun september 2002. Hann gagn-
rýndi fréttaflutning af kostnaði fé-
lagsins vegna starfsloka Axels.
„Aldrei hefur annað staðið til, en að
skuldbinding vegna þessara starfs-
loka Axels yrði skilmerkilega færð í
reikninga félagsins á árinu 2002,
árinu sem hann hætti störfum fyrir
félagið.“
Röng umfjöllun
skaðaði félagið
Hann sagði að í ársuppgjörinu
væru færð til skuldar laun Axels á
tólf mánaða uppsagnarfresti, samtals
21,1 milljón króna. Þá næmi eftir-
launaskuldbinding, ásamt launa-
tengdum gjöldum, samtals 53,6 millj-
ónum. „Mikilvægt er að réttum
upplýsingum um þessi mál sé komið
á framfæri. Hins vegar er varhuga-
vert að draga allt of miklar ályktanir
af framreiknuðum eftirlaunaskuld-
bindingum. Til dæmis gætu fram-
reiknaðar eftirlaunaskuldbindingar
ríkisins vegna einstakra embættis-
manna orðið allverulega hærri en hér
er um að ræða. Hins vegar er ljóst, að
þessi ranga umfjöllun hefur orðið til
að skaða ímynd félagsins. Ársreikn-
ingurinn segir allt um staðreyndir
þessa máls,“ sagði Þórólfur.
Aðalfundurinn kaus eftirtalda í
stjórn VÍS: Þórólf Gíslason, formann,
Óskar H. Gunnarsson, varaformann,
Ingólf Ásgrímsson, Helga Jóhannes-
son, Margeir Daníelsson, Eirík Tóm-
asson og Sigurð Markússon.
Finnur Ingólfsson á aðalfundi
Vátryggingafélags Íslands
Samkeppni í
tryggingamálum
mun fara vaxandi
Morgunblaðið/Sverrir
Finnur Ingólfsson forstjóri og Þórólfur Gíslason, stjórnarformaður VÍS,
héldu ræður á aðalfundi félagsins í gær.
LANDSBANKI Íslands samdi í
fyrradag um erlenda fjármögnun til
þriggja ára að fjárhæð 200 milljónir
evra, sem jafngildir um 17 milljörð-
um íslenskra króna. Um er að ræða
útgáfu skuldabréfa á alþjóðlegum
markaði innan svokallaðs EMTN–
fjármögnunarramma Landsbankans
(Euro Medium Term Note Pro-
gramme) og er þetta liður í endur-
fjármögnun bankans.
Brynjólfur Helgason, fram-
kvæmdastjóri hjá Landsbankanum,
segir að mikilvægt hafi þótt að ganga
frá þessum samningi áður en ófriður
hæfist í Írak. Hugsanlega hefði það
haft í för með sér verri kjör eða tafir
á frágangi máls að ganga frá ramma-
samningi af þessu tagi eftir að ófrið-
urinn er hafinn.
Hann segir að samningurinn sé
um helmingur af endurfjármögnun-
arþörf Landsbankans á árinu. Kjör-
in séu mjög góð og betri en bankinn
hafi notið á sambærilegum lánstíma
undanfarin ár. Það ásamt því hve út-
gáfan hafi gengið hratt og vel fyrir
sig, sé til vitnis um hve mikils trausts
Landsbankinn njóti meðal erlendra
fjárfesta.
Stuðningsyfirlýsing
við stefnu Landsbankans
Segir Brynjólfur að þetta verði að
teljast mikilvæg stuðningsyfirlýsing
við þá stefnu sem Landsbankinn
hefur kynnt, m.a. á fundi með
fjárfestum í London í febrúar síðast-
liðnum. Þá sýni viðtökurnar jafn-
framt jákvætt viðhorf erlendra fjár-
festa til nýafstaðinnar einkavæð-
ingar Landsbankans.
Rammasamningur þessi um út-
gáfu skuldabréfa gerir Landsbank-
anum kleift að gefa út skuldabréf í
ýmsum myntum með mismunandi
lánstíma með skömmum fyrirvara.
Segir í tilkynningu bankans að
EMTN-lánarammi auki til muna
sveigjanleika bankans í lántökum og
gefi tækifæri til að bregðast skjótt
við breyttum markaðsaðstæðum.
Umsjón með útgáfunni að þessu
sinni höfðu Bank of America Securi-
ties og franski fjárfestingarbankinn
CDC IXIS Capital Markets en auk
þeirra tóku þátt í útgáfunni DZ Bank
AG, Handelsbanken Capital Mark-
ets og ítalski bankinn Sanpaolo IMI
SpA.
Landsbankinn semur um 17 milljarða króna lántöku
Gengið frá samningi áð-
ur en ófriður hófst í Írak