Morgunblaðið - 21.03.2003, Blaðsíða 22

ERLENT
22 FÖSTUDAGUR 21. MARS 2003 MORGUNBLAÐIÐ
SVISSNESKT skólafólk brennir bandaríska
fánann í miðborg Zürich í gær, þar sem þús-
undir námsmanna og skólafólks komu saman
til þess að mótmæla herför Bandaríkjamanna
og Breta á hendur Írökum. Svisslendingar
hafa ítrekað hlutleysi sitt með því að loka
lofthelgi sinni fyrir herflugvélum og hætta
vopnasölu til ríkja sem taka þátt í hernaðar-
aðgerðunum.
Reuters
Stríðinu mótmælt í Sviss
GEORGE W. Bush, forseti Banda-
ríkjanna, flutti ávarp í fyrrinótt þar
sem hann tilkynnti, að árásir á Írak
væru hafnar í þeim tilgangi að reka
Saddam Hussein Íraksforseta frá
völdum og „frelsa íbúa landsins“.
Sagði hann, að átökin kynnu að
standa lengur og verða harðari en
búist hefði verið við. Hann fullvissaði
hins vegar landa sína um, að sigur-
inn væri viss.
Þetta er í annað sinn, sem Bush
tilkynnir þjóð sinni, að hún eigi í
stríði en það fyrra var er hann lýsti
yfir í október 2001, að ráðist hefði
verið gegn sveitum talíbana og al-
Qaeda-hryðjuverkasamtakanna í
Afganistan.
Í ávarpi sínu í fyrrinótt sagði
Bush, að allt yrði gert til að komast
hjá mannfalli meðal óbreyttra borg-
ara en varaði jafnframt við vonum
um, að sigurinn yrði auðveldur.
„Saddam Hussein hefur komið
hermönnum og hergögnum fyrir
innan um óbreytta borgara í því
skyni að nota þá sem skjöld. Það
verður þá síðasta hryðjuverk hans
gegn sínu eigin fólki,“ sagði Bush.
Bush sagði, að árásirnar aðfara-
nótt fimmtudagsins væru aðeins
upphafið að samræmdum og um-
fangsmiklum aðgerðum til að af-
vopna Írak, frelsa íbúana og verja
alla heimsbyggðina gegn stórkost-
legri hættu. Sagði hann, að skipun
um árás hefði verið gefin vegna þess,
að Írakar réðu yfir gereyðingar-
vopnum, sem komist gætu í hend-
urnar á hryðjuverkamönnum eins og
þeim, sem gert hefðu árásirnar í
Bandaríkjunum 11. september 2001.
„Við berum mikla virðingu fyrir
íbúum Íraks, fyrir menningu þeirra
og trú. Fyrir okkur vakir ekkert
annað en að snúast gegn hættunni og
koma stjórn ríkisins í hendur fólkinu
sjálfu,“ sagði Bush og lauk ávarpi
sínu með þessum orðum:
„Þessir hættutímar munu líða hjá.
Við munum verja frelsi okkar og
færa öðrum frelsi. Megi guð blessa
þetta land og alla þá, sem verja það.“
Ávarp Bush er hann tilkynnti upphaf Íraksstríðsins
„Munum
verja
frelsi
okkar“
Washington. AP, AFP.
Reuters
Bush flytur sjónvarpsávarp sitt í fyrrakvöld á forsetaskrifstofunni.
SADDAM Hussein, forseti Íraks,
flutti sjónvarpsávarp í gær, aðeins
nokkrum klukkustundum eftir að
meira en 40 Tomahawk-stýriflaug-
um var skotið á Bagdad. Var þeim
sérstaklega ætlað að hitta hann
fyrir og aðra æðstu ráðamenn. Í
ávarpinu skoraði Saddam á Írak að
draga sverð sitt úr slíðrum og sigr-
ast á Bandaríkjamönnum.
„Þið munuð fara sigurför gegn
óvininum,“ sagði Saddam. „Við
munum berjast, djöfullinn verður
lagður að velli.“
Saddam var í herbúningi er hann
flutti ávarpið og fordæmdi „árás
hugleysingjanna“ á Bagdad. Kall-
aði hann George W. Bush Banda-
ríkjaforseta „grimmdarsegg aldar-
innar“ og sakaði hann um „glæp
gegn mannkyni“. Sagði hann enga
þörf á að brýna Íraka frammi fyrir
árásarliðinu, þeir vissu hvernig
þeir ættu að bregðast við.
Ekki er alveg ljóst hvort um var
að ræða upptöku eða beina útsend-
ingu en ávarpið var sýnt á Æsku-
lýðsstöðinni, sem Uday, sonur
Saddams, rekur. Kom hann sjálfur
fram síðar og hvatti „sjálfboðal-
iðsher Saddams“ til að búa sig
undir að deyja „píslarvættisdauða“
í stríðinu gegn Bandaríkjamönn-
um.
Reuters
Vopnaður Íraki í Bagdad horfir á ávarp forsetans í sjónvarpi í fyrrinótt.
Saddam hvet-
ur til sigurs
Upptaka eða bein útsending eftir
stýriflaugaárásir á Bagdad
Bagdad. AFP.
BANDARÍSKIR embættis-
menn segja að takmarkaðar
árásir verði gerðar á Írak næstu
2-3 daga að því er kom fram á
Sky-sjónvarpsstöðinni í gær.
Segir Sky að George W. Bush
Bandaríkjaforseti hafi ákveðið
með skömmum fyrirvara að
árásunum skyldi hagað með
þessum hætti í stað þess að gera
umfangsmiklar árásir í upphafi.
Heimildarmenn AFP-frétta-
stofunnar segja að ákveðið hafi
verið að haga árásunum með
þessum hætti vegna þess að
stjórnvöld í Washington höfðu
nákvæmar og tímasettar upp-
lýsingar um hvar leiðtogar
Íraks væru staddir aðfaranótt
fimmtudags en árásunum var
sérstaklega beint gegn þeim.
Tímasetning árásanna kann
að hafa verið fyrirsjáanleg en
aðferðirnar voru það ekki, segja
heimildarmennirnir.
Tilkynning Bandaríkjamanna
um að árásirnar væru að hefjast
virtist koma breskum stjórn-
völdum á óvart og sögðu breskir
fjölmiðlar að Tony Blair for-
sætisráðherra hefði verið vak-
inn um miðnættið þegar Banda-
ríkjamenn hringdu í hann. Geoff
Hoon varnarmálaráðherra
Bretlands sagði hins vegar í
gærmorgun að Bretar hefðu
fengið allar upplýsingar um
árásina fyrirfram.
Spá tak-
mörkuð-
um árás-
um næstu
daga