Morgunblaðið - 21.03.2003, Blaðsíða 24
Reuters
Liðsmenn brezkrar stórskotaliðssveitar hleypa af 105 mm fallbyssu í átt að skotmarki í Suður-Írak í gærkvöldi, en
stórskotaliðsskothríðin var liður í upphafi innrásar landhers bandamanna frá Kúveit inn í Írak.
ÞÓTT bandarískir embættismenn
voni að Saddam Hussein falli í loft-
árásunum telja margir þeirra að til að
fella stjórn hans sé raunhæfara að
stefna að því að eyðileggja stöðvar úr-
valssveita hans með það að markmiði
að auka líkurnar á því að Írakar geri
uppreisn og steypi forsetanum.
Háttsettur embættismaður í flug-
her Bandaríkjanna segir að áhersla
verði lögð á að grafa undan Saddam
Hussein með hörðum loftárásum á
hermannaskála, stjórnstöðvar og aðr-
ar byggingar úrvalssveita sem eiga að
verja hann. Með þessu hyggst Banda-
ríkjaher brjóta niður varnir Saddams
og gera öðrum embættismönnum
kleift að steypa honum af stóli.
Þriggja þrepa varnarskjöldur
Saddam reiðir sig einkum á Lýð-
veldisvörðinn, Sérsveitir Lýðveldis-
varðarins og sérstaka öryggisstofnun
sem komið hefur verið á fót til að
tryggja hollustu hersveitanna við for-
setann.
Lýðveldisvörðurinn, 60.000 manna
úrvalssveitir Írakshers, þótti öflugur í
stríði Írans og Íraks á níunda ára-
tugnum. Sérsveitir Lýðveldisvarðar-
ins eru með um 15.000 liðsmenn sem
valdir hafa verið úr Lýðveldisverðin-
um og eru þekktir fyrir mikla hollustu
við Saddam. Margir þeirra eru í sama
ættbálki og forsetinn. Sérstaka ör-
yggisstofnunin er með um þúsund
liðsmenn, sem fylgjast með hinum
sveitunum, og er í nánustu tengslum
við Saddam og syni hans.
Liðsmenn Lýðveldisvarðarins fá
um 40% hærri laun en aðrir hermenn í
Írak og þeim er séð fyrir betra hús-
næði og bílum.
Aðrar hersveitir lítið annað
en fallbyssufóður
Úrvalssveitir Saddams eru ekki
eins vel þjálfaðar og vopnum búnar og
bandarísku og bresku hermennirnir
en sérfræðingar telja að þær geti orð-
ið þúsundum þeirra að bana komi til
átaka á götum íraskra borga áður en
stríðinu lýkur.
„Lýðveldisvörðurinn er algjörlega
ómissandi fyrir hernaðaráætlun
Saddams Husseins,“ sagði Gary Sam-
ore, forstöðumaður rannsóknadeildar
Alþjóðahermálastofnunarinnar
(IISS) í London. „Hann vonast til
þess að úrvalssveitirnar geti veitt
mótspyrnu nógu lengi til að valda
uppnámi út um allan heim, þannig að
þrýstingurinn á stjórnvöld í Wash-
ington og London verði nógu mikill til
að hann geti haldið velli.“
Sérfræðingar telja að aðrar her-
sveitir Íraka verði lítið annað en fall-
byssufóður og gegni einkum því hlut-
verki að hægja á sókn Bandaríkja-
manna og Breta gegn úrvalssveitun-
um. Hugsanlegt er að þúsundir
þeirra gefist upp, eða nógu margir til
að innrásarliðið hafi fullt í fangi með
að taka þá til fanga og verði því að
gera hlé á sókninni.
„Ég tel að Saddam geti alls ekki
reitt sig á herinn,“ sagði Francois
Heisbourg, forstöðumaður rann-
sóknastofnunar í öryggismálum í
Genf.
Lýðveldisvörðurinn er með bestu
þungavopnin sem Írakar ráða yfir,
meðal annars skriðdreka af gerðinni
T-72, sem voru smíðaðir í Sovétríkj-
unum fyrir 30 árum. Nýrri skrið-
dreka eiga Írakar ekki. Lýðveldis-
vörðurinn ræður einnig yfir miklum
birgðum af flugskeytum til árása á
skriðdreka.
Standa betur að vígi
í borgunum
Sérfræðingar telja að Lýðveldis-
vörðurinn muni forðast átök á ber-
angri og helsta verkefni úrvalssveit-
anna verði að verja borgirnar. Þar
standa þær miklu betur að vígi, eink-
um í Bagdad, meðal annars vegna
þess að Bandaríkjamenn og Bretar
eru tregir til að gera árásir sem geta
valdið miklu mannfalli meðal
óbreyttra borgara.
Bandarískir embættismenn óttast
að úrvalssveitirnar beiti efnavopnum
en sérfræðingar segja að verði þeim
beitt of snemma tapi Írakar áróðurs-
stríðinu. Þeir telja að verði slík vopn
notuð sé líklegast að það gerist þegar
úrvalssveitirnar sjái fram á að þær
geti ekki varið Bagdad.
Að sögn sérfræðinganna vonast
Saddam til þess að Bandaríkjamenn
og Bretar neyðist til að hætta árás-
unum á Bagdad vegna mikils mann-
falls meðal óbreyttra borgara og upp-
námsins sem það myndi valda út um
allan heim.
Áhersla á
að uppræta
Lýðveldis-
vörðinn
Bandaríkjamenn vona að árásirnar
leiði til uppreisnar gegn Saddam
Los Angeles Times.
’ Saddam Husseinvonast til þess að
árásunum á Bagdad
verði hætt vegna
mikils mannfalls. ‘
STRÍÐ Í ÍRAK
24 FÖSTUDAGUR 21. MARS 2003 MORGUNBLAÐIÐ
!
"
#
$
%
&
'
! " ()*
+
"
, -" &
-
+ )
. /01 2341
5# . /01 2311
6
7 32
5 "
7 38
7 39
'& 5. : # &
7 ;0
)# :
"
! "
7 0 ("
!
7 3 ("
! -"
< 02.11 , 04.11 &
'"
&
: ! -
-
FULLTRÚAR Íraska þjóðar-
ráðsins (INC), stærstu samtaka
íraskra útlaga, eru sannfærðir um
að stríðið í Írak muni taka skjótt
af. Þeir segja að íraska þjóðin
muni fagna hersveitum Breta og
Bandaríkjamanna er þær taka að
streyma inn í landið, enda hafi
Írakar mátt þola mikið harðræði
af hálfu Saddams Husseins for-
seta undanfarna áratugi.
Íraska þjóðarráðið eru eins
konar regnhlífarsamtök helstu
andstæðinga stjórnar Saddams
Husseins. Samtökin voru stofnuð
1992 og eru aðalbækistöðvar
þeirra í London en framkvæmda-
stjóri Lundúnaskrifstofunnar
heitir Faisal Qaragholi.
Qaragholi sagði í samtali við
Morgunblaðið í gær að erindrek-
ar INC í Írak myndu taka þátt í
hernaðinum eftir atvikum. „Okk-
ar fólk er viðbúið og þegar stund-
in er runnin upp munum við vinna
að því með hinum fjölþjóðlegu
hersveitum að ná svæðum í Írak á
okkar vald,“ sagði hann.
Sagði Qaragholi að um frelsis-
stríð væri að ræða, binda þyrfti
enda á valdatíð Saddams Huss-
eins. Þegar hersveitir Breta og
Bandaríkjamanna tækju að
streyma inn í Írak myndu útsend-
arar INC – sem íraskir borgarar
– taka við stjórn mála í borgum
landsins. „Við gerum ráð fyrir að
stríðið vari mjög stutt,“ sagði
hann og bætti við: „Ég veit að svo
verður.“
Bjóst ekki við að Saddam
félli í fyrstu árásinni
Qaragholi var spurður að því
hvort hann hefði orðið fyrir von-
brigðum er í ljós kom að tilraun
Bandaríkjamanna í fyrrinótt til
að bana Saddam hefði mistekist.
Hann svaraði því til að hann hefði
aldrei átt von á því að Banda-
ríkjamönnum tækist að drepa
Saddam með sinni fyrstu árás.
Lagði hann áherslu á að forystu-
menn INC vildu fyrst og síðast
tryggja að sem minnst mannfall
yrði í röðum óbreyttra borgara.
„Enginn vildi stríð en þetta
stríð er nú skollið á vegna stefnu
Saddams, það er á hans ábyrgð að
Írak á nú enn á ný í stríði. Hann
hefur haft tólf ár til að hlíta kröf-
um alþjóðasamfélagsins en hefur
neitað öllum tilslökunum. Enn á
ný þarf Írak því að gjalda fyrir
stefnu hans,“ sagði Qaragholi.
Kvaðst hann sannfærður um að
íraskur almenningur myndi fagna
breskum og bandarískum her-
mönnum sem frelsurum er þeir
tækju að streyma inn í landið.
„Þegar hinar alþjóðlegu hersveit-
ir nálgast borgir Íraks mun
íraska þjóðin fagna þeim því þá
mun hún vera í þann mund að sjá
á bak einræðisherranum; tíma
pyntinga og ógnarstjórnar verður
lokið í Írak,“ sagði Faisal Qaragh-
oli.
Írakar munu fagna
brottför Saddams
Talsmaður íraskra útlaga segist í samtali við
Morgunblaðið eiga von á að stríðið taki skjótt af
Moggabúðin
Stuttermabolir, aðeins 1.000 kr.
Moggabúðin
Geisladiskahulstur, aðeins 700 kr.