Morgunblaðið - 21.03.2003, Blaðsíða 45

UMRÆÐAN
MORGUNBLAÐIÐ FÖSTUDAGUR 21. MARS 2003 45
Í GREIN í Morgunblaðina þriðju-
daginn 18. mars s.l. ræðst Gísli Jóns-
son dýralæknir fisksjúkdóma harka-
lega að forystu veiðiréttareigenda og
stangveiðimanna vegna andstöðu
okkar við að lögfest verði tilskipun
ESB um heimildir til að flytja lifandi
eldisdýr þ.m.t. lax milli landa innan
EES. Frumvarp um þetta efni var
lagt fram á Alþingi rétt fyrir þinglok.
Ekki veit ég hvað Gísla gengur til
með skrifum sínum en víst er að
veiðiréttareigendur líta embætti
dýralæknis fisksjúkdóma í nýju ljósi
eftir þetta síðasta framlag hans.
Finnst mér að hann missi stjórn á
skrifum sínum þegar hann beinir
skeytum sínum að andstæðingum
innflutnings lifandi laxa og sú spurn-
ing vaknar hvort hagsmunatengsl
embættis hans við vaxandi umsvif í
fiskeldi ráði einhverju þar um.
Landssamband veiðifélaga hefur
gagnrýnt landbúnaðarráðuneytið
fyrir að kynna hagsmunaaðilum ekki
fyrrgreint frumvarp né láta okkur
vita um framlagningu þess. Þetta
hafa veiðiréttareigendur gagnrýnt
vegna þeirrar grundvallarbreyting-
ar sem gerð er á lagaúrræðum til að
standa vörð um heilbrigði og viðgang
villtra laxastofna þar sem áformað er
að fella úr gildi bann við innflutningi
á lifandi laxi sem verið hefur í lögum
allar götur frá 1957. Þá höfum við
gagnrýnt þá fyrirætlan að ætla að
keyra frumvarp um svo mikilvægt
efni í gegn um Alþingi án þess færi
gefist á að málið fari til umsagnar og
fái eðlilega umfjöllun hjá hagsmuna-
aðilum og þeim aðilum sem vinna að
náttúruvernd á Íslandi. Fyrir liggur
að þessi málsmeðferð fékk ekki
hljómgrunn í landbúnaðarnefnd
þingsins og gefst nú færi á að skoða
allar hliðar þessa máls. Nú er það svo
að fyrirætluð breyting hefur víðtæk-
ari áhrif en á sviði sjúkdóma. Inn-
flutningur á lifandi erfðaefni er ekki
síður áhyggjuefni. Blöndun laxa-
stofna kann að verða óhjákvæmileg
afleiðing þess að fella núgildandi
bann við innflutningi úr lögum. Því
fer fjarri að hér sé um einkamál
embættis dýralæknis að ræða. Mér
hefur fundist í þessari umræðu að
horft sé skammt fram í tímann og
stundarhagsmunir ráði. Við höfum
slæma reynslu af því þegar skörð eru
höggvin í þá varnarmúra sem treyst
hafa það góða ástand laxastofna hér-
lendis sem Gísli lýsir réttilega í sinni
grein. Má þar nefna þau mistök að
heimila innflutning á norskum
hrognum til notkunar í fiskeldi. Ég
hlýt að benda Gísla á vegna þess að
hann setur fram dylgjur í grein sinni
um málflutning veiðiréttareigenda
að á þessu kjörtímabili var tekin sú
pólitíska ákvörðun að heimila notkun
á norskum laxi í sjókvíaeldi. Með
þeirri aðgerð var, með ófyrirsjáan-
legum afleiðingum, að engu hafður
sá sáttmáli hagsmunaaðila og ríkis
sem gerður var þegar hrognainn-
flutningurinn var heimilaður.
Ég kýs að fenginni reynslu að
treysta frekar á lagabókstafinn en
yfirlýsingar þótt þær séu efalaust
gefnar af bestu vitund. Í grein sinni
fullyrðir Gísli að aldrei verði heim-
ilaður innflutningur á lifandi seiðum
laxfiska til Íslands. Þá gefur hann í
skyn að sérútbúnir bátar til laxflutn-
inga verði aðeins notaðir til að flytja
seiði milli stöðva innanlands. Um
þetta segir frumvarp landbúnaðar-
ráðherra í 2. gr. „Við inn og útflutn-
ing eldisdýra er heimil notkun er-
lendra flutningstækja, svo sem
brunnbáta“ osfrv.
Í athugasemdum með greininni
segir að lagaheimildin sé nauðsynleg
forsenda fyrir innflutningi á lifandi
fisk til Íslands. Þá er í 4.gr. frum-
varpsins gert heimilt „að flytja til
landsins lifandi laxfisk“.
Eigum við svo bara að taka orð
dýralæknisins fyrir því að það sem
heimilað er í lögunum verði aldrei
gert? Ég held varla. Þá vil ég benda á
að í 6. gr. frumvarpsins er kveðið á
um að einangra skuli öll innflutt dýr
og erfðaefni, að undanskildum eld-
isdýrum. Í athugasemdum kemur
skýrt fram að ekki er heimilt að gera
kröfu um einangrun eldisdýra sam-
kvæmt tilskipun 91/67EBE sem
frumvarpinu er og ætlað að leiða í
lög. Samt fullyrðir Gísli að eftir sem
áður hafi opinberir aðilar heimildir
til að setja innflutt eldisdýr í sótt-
varnarstöð.
Ég fæ í fljótu bragði ekki betur
séð en að á milli beri í texta frum-
varpsins og túlkun ráðuneytis-
manna. Því er full ástæða að taka
frumvarp þetta til ýtarlegar umræðu
og skoðunar. Það mun Landssam-
band veiðifélaga gera og láta kanna
með sjálfstæðum hætti hvort ekki
megi finna viðspyrnu við flutningi á
lifandi laxi til landsins en slíkt er
ekki gert að okkar mati í frumvarpi
landbúnaðarráðherra.
Um inn-
flutning á
lifandi laxi
Eftir Óðin
Sigþórsson
„Ég kýs að
fenginni
reynslu að
treysta frek-
ar á laga-
bókstafinn en yfirlýs-
ingar þótt þær séu
efalaust gefnar af bestu
vitund.“
Höfundur er formaður
Landssambands veiðifélaga.
Nú er rétti árstíminn til að huga að atvinnutækjum fyrir sumarið.
Næsta tölublað sérblaðsins Bílar 26. mars verður helgað umfjöllun
um atvinnubíla, vinnuvélar og landbúnaðartæki.
Auglýsendur pantið fyrir kl. 16 mánudaginn 24. mars
Allar nánari upplýsingar veita sölu- og þjónustufulltrúar
á auglýsingadeild í síma 569 1111 eða augl@mbl.is
bílar
Vinnuvélar og atvinnutæki
ÉG skora á Ingibjörgu Sólrúnu
Gísladóttur að koma til kappræðu-
fundar við mig um skattamál. Fyrir
nokkru skoraði Ingibjörg Sólrún
Gísladóttir borgarfulltrúi á Davíð
Oddsson forsætisráðherra að mæta
sér á kappræðufundi um skattamál.
Sennilega hefur borgarfulltrúinn
verið búinn að gleyma sinni eigin for-
tíð. Ég hefi því hér og nú skorað á
borgarfulltrúann að mæta mér á
kappræðufundi um skattamál.
Ástæðan er augljós, sem borgar-
stjóri og borgarfulltrúi hefur Ingi-
björg Sólrún Gísladóttir staðið fyrir
miklum hækkunum á fasteigna- og
þjónustugjöldum í Reykjavík. Þær
hækkanir hafa bitnað harðast á lág-
tekjufólki og þeim sem tilheyra milli-
stéttinni. Sérstaklega hefur þetta
bitnað illa á þeim sem hafa verið að
reyna að reka og eignast eigið hús-
næði. Jafnframt er þetta ein ástæðan
fyrir háu leiguverði á íbúðum. Marg-
ir af þingmönnum Samfylkingarinn-
ar hafa ítrekað samþykkt að stór-
auka skatta á almenning þegar þeir
hafa verið við völd. Kanntu ekki ann-
an betri, borgarfulltrúi, Ingibjörg
Sólrún Gísladóttir, eða er minnið far-
ið að bila?
Ég skora á Ingi-
björgu Sólrúnu!
Eftir Hreggvið
Jónsson
Höfundur er fyrrverandi alþing-
ismaður Sjálfstæðisflokksins.
„Sennilega
hefur borg-
arfulltrúinn
verið búinn
að gleyma
sinni eigin fortíð.“
DILBERT mbl.is
ER NEFIÐ STÍFLAÐ?
Fæst í apótekum
og lyfjaverslunum
STERIMAR
Skemmir ekki slímhimnu
er náttúrulegur
nefúði sem losar stíflur
og léttir öndun.
Fyrir 0-99 ára.