Morgunblaðið - 03.05.2003, Side 12

FRÉTTIR
12 LAUGARDAGUR 3. MAÍ 2003 MORGUNBLAÐIÐ
ÓLAFUR Ragnar Grímsson, forseti
Íslands, og forseti Þýskalands, Jo-
hannes Rau, ræddust við á fundi sín-
um í Þýskalandi í gærmorgun. Ólafur
Ragnar er í nokkurra daga heimsókn
þar í landi þar sem hann hefur tekið
þátt í fundi Þýsk-íslenska versl-
unarráðsins í Berlín og setti í gær
menningarhátíð í Greifswald sem
helguð er menningu Norðurlanda.
Forsetinn sagði þýska starfsbróður
sinn hafa sýnt mikinn áhuga á Íslandi
og segir þá m.a. hafa rætt mögulega
heimsókn hans hingað til lands innan
tíðar.
Ólafur Ragnar sagðist hafa greint
Johannes Rau frá þýsk-íslensku við-
skiptaráðstefnunni sl. miðvikudag
þar sem hann hefði hvatt þýska fjár-
festa og athafnamenn til að gefa
gaum að þeirri nýsköpun sem finna
mætti á Íslandi. Væri það m.a. á sviði
hugbúnaðargerðar, lyfjaframleiðslu,
heilbrigðisrannsókna og í banka- og
fjármálastarfsemi. Ólafur Ragnar
sagði þýska forsetann hafa tekið
þessum upplýsingum vel og sagt að
þýskt atvinnulíf gæti haft ýmislegt að
sækja til Íslands og annarra landa.
Þá kvað hann þýska forsetann hafa
sýnt áhuga á íslenskri menningu og
hefðu þeir rætt möguleikann á heim-
sókn hans hingað á næstunni. Hún
væri þó enn ekki tímasett.
Ræddu samskiptin innan
Atlantshafsbandalagsins
Forsetarnir ræddu einnig alþjóða-
mál, m.a. nauðsyn alþjóðlegrar sam-
vinnu við uppbyggingu í Írak í kjölfar
stríðsins. Ólafur Ragnar kvaðst hafa
lagt áherslu á nauðsyn þess að styrkt
yrðu á ný samskipti og samræður
þjóða innan Atlantshafsbandalagsins
beggja vegna Atlantshafsins. Hann
sagði Johannes Rau hafa bent á þá
skoðun Þjóðverja að unnt hefði verið
að halda Saddam Hussein í skefjum
með öðrum leiðum, hvernig eftirlits-
starfsemi Sameinuðu þjóðanna og
framganga alþjóðasamfélagsins hefði
sýnt það með aðgerðum sínum und-
anfarin ár að þrótturinn hefði smátt
og smátt verið dreginn úr Saddam
Hussein. Kvað hann forsetann hafa
sagt að samband Þjóðverja og
Bandaríkjamanna yrði áfram traust
og að góður andi ríkti milli ríkjanna.
Þjóðverjar hefðu sýnt Bandaríkja-
mönnum mikla samúð eftir atburðina
1. september og sú væri enn raunin.
Ólafur Ragnar kvaðst í lokin hafa
lagt áherslu á að Íslendingar hefðu
jafnan kappkostað að rækta gott
samband við Þjóðverja, þeir væru
mikilvæg bandalagsþjóð okkar innan
Atlantshafsbandalagsins og vin-
áttuþjóð innan ESB. Áríðandi væri
fyrir Íslendinga að geta átt beinar og
milliliðalausar viðræður við Þjóð-
verja. Opinber heimsókn forseta
Þýskalands til Íslandi myndi stað-
festa vilja þeirra til slíkra viðræðna.
Í gær flutti forseti Íslands ræðu við
setningu norrænnar menning-
arhátíðar í Greifswald. Meðal ís-
lenskra listviðburða er frumsýning á
Hafinu eftir Ólaf Hauk Símonarson.
EPA
Forsetar Íslands og Þýskalands, Ólafur Ragnar Grímsson og Johannes Rau, skoða heiðursvörð við heimsóknina.
Opinber heimsókn til
Íslands á döfinni
Forsetar Íslands og Þýskalands ræddust við í Berlín í gær
ÞRÍR aðilar hafa reiknað út áhrif
fyrningarleiðarinnar svokölluðu á af-
komu útgerðarinnar. Niðurstaðan er
í öllum tilfellum sú, að fyrning, hvort
sem er 5% eða meira á ári, leiðir til
gjaldþrots á fáum árum. Þeir aðilar
sem hafa reiknað þetta út eru endur-
skoðunarfyrirtækið Deloitte og
Touche fyrir Vinnslustöðina, Eiríkur
Tómasson, framkvæmdastjóri Þor-
bjarnar Fiskaness, og Jón Þorgeir
Einarsson endurskoðandi fyrir út-
gerðir krókabáta í Bolungarvík.
Jakob Bjarnason, formaður
stjórnar VSV, kynnti niðurstöður út-
reikninganna á aðalfundi Vinnslu-
stöðvarinnar í gær og sagði þá:
„Deloitte & Touche gerði ráð fyrir
að 10% fyrning myndi leiða til þess
að framlegðin minnkaði um 15% á
ári, sem mér þykir reyndar mjög svo
varlega áætlað í ljósi þeirrar stað-
reyndar að 11% samdráttur í tekjum
Vinnslustöðvarinnar á fyrsta fjórð-
ungi ársins 2003 leiddi til 24% minni
framlegðar – sem eru mun meiri
áhrif til hins verra en endurskoðun-
arskrifstofan gerir ráð fyrir.“ Hann
sýndi síðan tvö dæmi, hið fyrra þess
efnis að félagði endurleigði ekki til
sín það sem af því yrði tekið og sagði:
„Hvaða afleiðingar hefði slíkt kerfi
í för með sér? Kæru hluthafar,
starfsmenn og Eyjamenn. Svarið er
skýrt.
Strax á næsta ári stæði félagið
ekki undir afborgunum núverandi
lána og forsvarsmenn þyrftu að leita
til lánastofnana um skuldbreytingu
lánanna. Félagið gæti ekki greitt
hluthöfum sínum arð
Eftir fimm ár gæti félagið ekki
greitt neitt upp í skuldir.
Í árslok 2009 eða eftir sex ár er allt
eigið fé félagsins upp urið. Með öðr-
um orðum, innan sex ára yrðum við
að loka fyrirtækinu, segja upp 220
fastráðnum starfsmönnum okkar og
hafa lokið sölu allra eigna félagsins.
Seinna dæmið snýr að því að félag-
ið leigi til sín jafnóðum þær heimildir
sem það missir. Nú er söluverð var-
anlegra heimilda í þorski um 1.100
kr./kg. Deloitte & Touche gaf sér að
verð til 10 ára væri helmingi lægra
eða 550 kr./kg. Árlegt afgjald þorsk-
ígildis er 55 kr./kg. Hverju breyta
hinar nýju forsendur í rekstri félags-
ins? Svarið við þessari spurningu er
líka skýrt.
Eftir tvö ár stæði félagið ekki und-
ir afborgunum núverandi lána og
forsvarsmenn þyrftu að leita til lána-
stofnana um skuldbreytingu lán-
anna.
Eftir þrjú ár mætti félagið ekki
greiða út arð til hluthafa sinna.
Eftir sex ár skilaði reksturinn
engu upp í afborganir lána
Í árslok 2011 eða eftir átta ár væri
allt eigið fé félagsins upp urið. Með
öðrum orðum, innan átta ára yrðum
við að loka fyrirtækinu, segja upp
220 fastráðnum starfsmönnum okk-
ar og hafa lokið sölu allra eigna fé-
lagsins,“ sagði Jakob Bjarnason.
Allt eigið fé uppurið
eftir sex til átta ár
Deloitte og Touche metur áhrif fyrningarleiðarinnar
á rekstur Vinnslustöðvarinnar
.  


)
 / 0 


1/!

"!
,--23,-4,
.   


!&&% !&&+ !&&" !&&,
!&--
4 5 
 3

 +
*
%
!
-
&
$-
$!
$%
ÁRNI M. Mathiesen sjávarútvegs-
ráðherra segir að ekki gangi upp að
íslensk fyrirtæki tengist ólöglegri
úthafskarfaveiði á Reykjaneshrygg.
Vandamál varðandi veiði litháísku
skipanna sé þó tímabundið og leysist
af sjálfu sér þegar ríkið gengur í
ESB. „Þegar maður sér fyrir endann
á vandamálinu hefur maður kannski
minni áhyggjur af því,“ segir hann.
Fimm skip frá Litháen og eitt frá
Lettlandi hafa stundað veiðarnar en
löndin standa utan Norðaustur-Atl-
antshafsfiskveiðinefndarinnar
(NEAFC). Árni hefur rætt við menn
sem tengjast Sölumiðstöð hrað-
frystihúsanna og Þormóði ramma –
Sæbergi en þessi fyrirtæki eiga
meirihluta í langflestum skipanna
frá Eystrasaltsríkjunum. Hann
kveðst ávallt hafa gert útgerðar-
mönnum það ljóst að alls staðar þar
sem Íslendingar tengist útgerð verði
þeir að fara eftir lögum og reglum og
geti ekki tekið þátt í starfsemi sem
grefur undan íslenskum hagsmun-
um. Ella verði þeir að taka afleiðing-
unum.
Árni segir að taka verði tillit til
þess að Litháen eigi sérstaka sögu í
þessum veiðum. Á Sovéttímanum
hafi verið gert út á þessar veiðar
þaðan en þegar Sovétríkin leystust
upp hafi Rússar fengið allan kvóta
Litháa. Utanríkisþjónusta Litháens
hafi verið í molum og enginn gætt
hagsmuna landsins. Með þetta í
huga og að málið mun leysast við
inngöngu landsins í ESB telji hann
ekki ástæðu til aðgerða. „Ég hef hins
vegar meiri áhyggjur af því ef ís-
lenskir aðilar væru tengdir skipum
frá Belize eða Dóminíska lýðveldinu
[sem stunda ólöglegar veiðar],“ segir
hann. „Það er vandamál sem ég sé
fyrir mér að við munum glíma við á
næstu árum og er hluti af stóru al-
þjóðlegu vandamáli.“
Verða að fara eftir
lögum og reglum
Íslendingar tengjast ólöglegum
veiðum á Reykjaneshrygg
ÞÓRA Ellen Þórhallsdóttir grasa-
fræðingur hlaut í gær viðurkenn-
ingu tíu umhverfis- og nátt-
úruverndarsamtaka fyrir framlag
til náttúru- og umhverfisvernd-
armála.
Verðlaunin voru afhent í Ráðhúsi
Reykjavíkur en þetta er í fimmta
sinn sem þau eru veitt.
Ingvar Birgir Friðleifsson, for-
stöðumaður Jarðhitaskóla Samein-
uðu þjóðanna og formaður dóm-
nefndar, sagði Þóru Ellen hafa
tekið virkan þátt í umræðu um um-
hverfismál og að málflutningur
hennar væri skýr og faglegur.
Þá vísaði hann til formennsku
hennar í starfshópi rammaáætl-
unar um nýtingu vatnsafls og jarð-
varma sem fjallar um náttúrufar og
minjar. Þóra Ellen hefði náð mjög
athyglisverðum árangri við val á
aðferðum sem hefðu alþjóðlega til-
vísun og við þróun aðferða þar sem
ekki væri á neinum fyrirmyndum
að byggja.
Morgunblaðið/Jim Smart
Þóra Ellen Þórhallsdóttir grasafræðingur tekur við viðurkenningu fyrir
framlag til náttúru- og umhverfisverndarmála frá Ingvari Birgi Friðleifs-
syni, forstöðumanni Jarðhitaskóla Sameinuðu þjóðanna.
Þóra Ellen fékk
viðurkenningu í ár
FULLTRÚAR Sjálfstæðisflokksins
áttu í gær fund með starfsmönnum
Ráðhússins, starfsmanni yfirkjör-
stjórnar og skrifstofustjóra borgar-
stjórnar, auk starfsmanns Skýrr, í
kjölfar þess að yfirkjörstjórnir í
Reykjavík höfnuðu ranglega með-
mælendum með framboðslistum
þriggja flokka á dögunum.
Margeir Pétursson, formaður full-
trúaráðs Sjálfstæðisflokksins, segir
starfsmenn Ráðhússins hafa ítrekað
afsökunarbeiðni sína vegna þessara
leiðu mistaka. „Við vildum fá skýr-
ingu á þessu og eins sannfærast um
að kosningarnar muni núna og fram-
vegis fara fram óaðfinnanlega.“
Margeir segir að svo virðist sem
blandist saman mannleg mistök og
villa í forriti. Hann segir að ekki
verði aðhafst neitt frekar í málinu af
hálfu Sjálfstæðisflokksins.
Margeir segir að fram hafi komið
á fundinum að ekkert yrði gert frek-
ar í kosningunum með rafrænum
hætti. Búið væri að prenta út kjör-
skrána.
„Nú er það á ábyrgð trúnaðar-
manna yfirkjörstjórnar að fram-
kvæma þetta og ég held að það hljóti
að verða í góðu lagi meðan menn
treysta eigin dómgreind en ekki því
sem tölvur spýta út úr sér. Ég held
að það sé mjög til bóta.“
Ekkert aðhafst frekar
með rafrænum hætti
Fulltrúar D-lista funda með starfsmönnum
Ráðhúss vegna meðmælendalista