Morgunblaðið - 03.05.2003, Blaðsíða 25

AKUREYRI
MORGUNBLAÐIÐ LAUGARDAGUR 3. MAÍ 2003 25
BÆJARFULLTRÚAR L-listans,
Lista fólksins í bæjarstjórn Akureyr-
ar, hafa sent frá sér tilkynningu þar
sem áréttað er að L-listinn er þver-
pólitískt afl á Akureyri sem hefur að
markmiði að bjóða fram og eiga full-
trúa í bæjarstjórn Akureyrar. „Það
hefur verið stefna L-listans frá upp-
hafi að einbeita sér að bæjarmálum á
Akureyri, en ekki að landspólitíkinni.
Félagar L-listans koma úr mörgum
ólíkum þjóðfélagshópum og hafa þeir
mismunandi skoðanir á landsmálum
og því misjafnt hvaða stjórnmála-
flokka þeir styðja í alþingiskosning-
um,“ segir í tilkynningu bæjarfulltrúa
L-listans.
Áréttað er að L-listinn taki ekki af-
stöðu með einum flokki fremur en
öðrum í alþingiskosningum um næstu
helgi, en meðlimum frjálst að styðja
þann flokk sem þeir kjósa til Alþingis.
„Þetta er grundvallarstefna L-listans,
sem ekkert fær breytt.“
L-listinn, listi fólksins
Ekki tekin afstaða
með einum flokki
fremur en öðrum
Stangveiðifélag Akureyrar verður
stofnað í dag, laugardaginn 3. maí, kl.
15 á Hótel KEA. Um 120 manns hafa
skráð sig sem tilvonandi félagsmenn
en hægt er að ská sig sem stofnfélaga
á slóðinni www.netkerfi.is/svfa.
Undirbúningshópur að stofnun fé-
lagsins býður þeim sem áhuga hafa á
að liðka fluguköstin við Leirutjörn í
dag frá kl. 11 til 15 ef veður leyfir.
Í DAG
Vortónleikar Karlakórs Akureyr-
ar-Geysis verða haldnir í Ket-
ilhúsinu í dag, laugardag, kl. 16.
Anna Sigríður Hróðmarsdóttir
leirkerasmiður og myndlist-
armaður býður fólki að koma í
heimsókn í Gestavinnustofu Gil-
félagsins í Kaupvangsstræti á
morgun, sunnudag, frá kl. 14 til 16.
Sýningu tólf félaga í Samlaginu –
listhúsi á Bláu könnunni lýkur á
sunnudag, 4. maí. Á sýningunni
eru málverk, textíll, grafík, tré,
leir og ljósmynd.
Nýtt Nýtt
Krónunni, 2. hæð, sími 462 3505,
Hafnarstræti 97, 600 Akureyri.
Opið í dag frá kl. 10-16

Stakir jakkar

Kápur

Hörfatnaður

Bolir
Sérhæð og bílskúr
á Syðri-Brekku, Akureyri
Til sölu um 150 fm sérhæð auk bílskúrs. Fasteignamat
11,2 millj., brunabótamat 18,3 millj.
Upplýsingar fyrir ákveðna kaupendur í síma 895 5600.
FRAMSÓKNARFLOKKURINN
Spilakvöld
í kosningamiðstöðinni Suðurlandsbraut 34
Framsóknarvist
Laugardagskvöldið 3. maí
kl. 16:30-18:30
Bingó
Sunnudaginn 4. maí
kl. 20:00
Bingóstjóri:
Halldór Ásgrímsson
Kaffihlaðborð bæði kvöldin
Fyrsta spjaldið frítt.
Næstu spjöld 100 kr. hvert.
Fjöldi
glæsilegra
vinninga!
FÉLAG hjartasjúklinga í Eyja-
firði hefur afhent rannsókn-
ardeild í lífeðlisfræði á FSA
hjartaómskoðunartæki ásamt
stjórnstöð. Búnaðurinn kostaði
tæpar 20 milljónir króna og er
gefinn til minningar um látna fé-
laga. Hjartaómskoðunartækið
leysir af hólmi 10 ára gamalt
tæki, sem Félag hjartasjúklinga
kom einnig að kaupum á, en fé-
lagið hefur stutt dyggilega við
FSA í gegnum tíðina. Nýja tækið
er stafrænt og myndgæðin í því
eru mun meiri en í því gamla,
auk þess sem mun auðveldara er
að vinna með myndirnar í nýja
tækinu. Tækið býður einnig upp
á möguleika í fjarlækningum,
þannig að hægt sé að skoða sjúk-
ling og vera á sama tíma í
tengslum við sérfræðing t.d. er-
lendis.
Jón Þór Sverrisson, for-
stöðulæknir lyflækningadeildar,
og Gunnar Gunnarsson hjarta-
læknir veittu tækinu viðtöku og
voru þeir sammála um að hér
væri um algjöra byltingu að
ræða. Jón Þór sagði að tækið
væri notað til að skoða nýfædd
börn en þó aðallega hjartasjúkl-
inga. Alls eru hjartaskoðanir á
FSA 700–800 á ári.
Gísli Eyland, formaður Félags
hjartasjúklinga í Eyjafirði, af-
henti tækið og sagði félagsmenn
stolta af því að hafa komið tæk-
inu á leiðarenda. Hann sagði að
söfnunin hefði gengið mjög vel en
staðið í á annað ár. Fjölmörg fyr-
irtæki hefðu komið að málum en
Gísli nefndi sérstaklega að Odd-
fellowstúkurnar á Akureyri hefðu
stutt vel við bakið á félaginu og
einnig kvenfélög á Norðurlandi.
Þá hefði afrakstur af jólakorta-
og merkjasölu einnig farið í
gjafasjóð félagsins.
Morgunblaðið/Kristján
Jón Þór Sverrisson forstöðulæknir tekur við gjafabréfi úr hendi Gísla
Eylands, formanns Félags hjartasjúklinga í Eyjafirði. Á milli þeirra
stendur Gunnar Gunnarsson hjartalæknir.
Færir FSA
hjartaóm-
skoðunar-
tæki að gjöf
Félag hjartasjúklinga
í Eyjafirði