Morgunblaðið - 09.05.2003, Blaðsíða 13

FRÉTTIR
MORGUNBLAÐIÐ FÖSTUDAGUR 9. MAÍ 2003 13
SENDINEFND frá fulltrúa-
deild bandaríska þingsins er
væntanleg hingað til lands
síðar í sumar til að kynna sér
auðlindastjórnun, sérstaklega
fiskveiðistjórnun.
Ármann Kr. Ólafsson, að-
stoðarmaður sjávarútvegsráð-
herra, segir að þessi heim-
sókn komi í kjölfar
heimsóknar auðlindanefndar
Bandaríkjaþings fyrir um
einu og hálfu ári og sé einnig
uppskera þeirrar miklu
vinnu, sem lögð hafi verið í að
kynna málstað Íslendinga
vegna hvalveiða í Bandaríkj-
unum.
Tækifæri til að koma
sjónarmiðum á framfæri
„Það er mjög mikils virði
að þessi hópur skuli hafa boð-
að komu sína hingað til lands.
Það er ljóst að hópurinn hef-
ur áhuga á því að kynna sér
fiskveiðistjórnun hér við land,
en það gefur okkur jafnframt
gott tækifæri til að koma
sjónarmiðum okkar á fram-
færi,“ segir Ármann.
Kynna
sér fisk-
veiði-
stjórnun
HÚSFYLLIR var á kosningafundi
Samfylkingarinnar í Háskólabíói í
gærkvöld. Fjöldi tónlistarmanna
kom þar fram, m.a. Ríó Tríó,
Stuðmenn, Borgardætur, Eivör
Pálsdóttir o.fl. en ræðum var aftur
á móti í hóf stillt og töluðu aðeins
þau Jóhanna Sigurðardóttir, Össur
Skarphéðinsson og Ingibjörg
Sólrún Gísladóttir.
„Markmið okkar,“ sagði
Ingibjörg Sólrún, „er að auka
réttlæti í samfélaginu. Sumir halda
að kosningar snúist aðeins um
hagsmuni. Það er sjónarmið út
fyrir sig en það getur ekki verið
það sem lýðræðið gengur út á. Það
hlýtur að ganga út á réttlæti og á
það eigum við í Samfylkingunni
alltaf að leggja áherslu, því
réttlætið og réttlætiskenndin hefur
alla tíð verið aflvaki allra framfara.
Við stjórnmálamennirnir erum
ekki komnir til að deila og drottna
eða segja fólki hvernig það á að
sitja eða standa heldur til þess að
mála upp mynd af samfélaginu svo
við öll getum tekið þátt í því að
móta stefnuna fyrir okkar íslenska
samfélag. Tækifærið er núna og við
verðum að nýta það.“
Jóhanna Sigurðardóttir minnti á
að í raun hefði þegar náðst mik-
ilvægur sigur með því að opnað
hefði verið í fyrsta sinn á Íslandi
fyrir möguleikann á einum stórum
jafnaðarmannaflokki á Íslandi,
jafnaðarmannaflokki sem gæti orð-
ið kjölfestan í nýrri ríkisstjórn að
kosningum loknum. Um það snerist
kosningabaráttan nú.
Össur Skarphéðinssson sagði
drauminn um stóran jafn-
aðarmannaflokk vera að verða að
veruleika og sá sigur verði ekki af
Samfylkingunni tekinn. Nú vanti
hins vegar herslumuninn að Sam-
fylkingin verði jafnstór Sjálfstæð-
isflokknum, 0,7% hafi skilið flokk-
ana að í síðustu könnun og þá hafi
Samfylkinguna aðeins vantað 0,7%
upp á að fella sitjandi ríkisstjórn.
Barátta Samfylkingarinnar nú snú-
ist um að flokkurinn verði stærri en
Sjálfstæðisflokkurinn og að Ingi-
björg Sólrún verði næsti forsætis-
ráðherra.
Fjölsóttur kosningafundur Samfylkingarinnar í Háskólabíói í gærkvöldi
Tæki-
færið er
núna
Ingibjörg Sólrún Gísladóttir talsmaður og Össur Skarphéðinsson, formaður Samfylkingarinnar, með mökum sín-
um, Hjörleifi Sveinbjörnssyni og Árnýju Sveinbjörnsdóttur, á kosningafundinum í Háskólabíói.
Morgunblaðið/Arnaldur
FJÖLMENNI var á kosningafundi á Selfossi
þar sem fulltrúar framboðanna í Suður-
kjördæmi leiddu saman hesta sína og svöruðu
spurningum. Það var til marks um bjartsýni
frambjóðenda að þeir réttu allir upp hönd
þegar þeir voru beðnir að gefa merki um það
hvort þeir teldu að þeir næðu kjöri. Allir
frambjóðendur svöruðu því til að Íbúðalána-
sjóður og Lánasjóður námsmanna ættu ekki
að fara inn í bankakerfið er um það var spurt.
Spurt var meðal annars um stækkun rétt-
argeðdeildarinnar á Sogni og fram kom í
svari Guðna Ágústssonar, landbúnaðarráð-
herra og varaformanns Framsóknarflokks-
ins, að hann teldi að byggja ætti upp á Sogni
og undir það tók Kjartan Ólafsson, þingmað-
ur Sjálfstæðisflokksins.
Mikið var rætt um sjávarútvegsmálin á
fundinum. Fulltrúar stjórnarflokkanna voru
sammála áliti framkvæmdastjóra Vinnslu-
stöðvarinnar í Eyjum sem hefur lýst því yfir,
að sjávarútvegsfyrirtækin færu beint á haus-
inn kæmust stefnumið stjórnarandstöðunnar
til framkvæmda. „Þetta er glannalegasta
stefna sem ég hef séð,“ sagði Guðni Ágústs-
son um stefnu Samfylkingarinnar í sjáv-
arútvegsmálum. Björgvin Sigurðsson, fram-
bjóðandi Samfylkingar, sagði leið hennar
eina möguleikann á réttlæti í greininni og
Magnús Þór Hafsteinsson, frambjóðandi
Frjálslynda flokksins, og Kolbeinn Óttarsson
Proppé, frambjóðandi Vinstrihreyfing-
arinnar-græns framboðs, sögðu nauðsynlegt
að breyta því kerfi sem fyrir væri til þess að
efla sjávarbyggðirnar í landinu. Magnús Þór
sagði um 800 manns vera á atvinnuleysisskrá
í kjördæminu og að sjávarútvegsmálin væru
lykill að lausn í atvinnu- og byggðamálum.
Kvótakerfið væri „manngerðar nátt-
úruhamfarir“.
Þjóðlendumálið valdníðsla
Snæbjörn Sigurðsson, frambjóðandi T-
lista, sagði að afnema þyrfti verðtryggingu
og bæta samgöngukerfið á Suðurlandi og að
þjóðlendumálið væri mesta valdníðsla sög-
unnar. Einar Birnir, frambjóðandi Nýs afls,
tók undir það og sagði stjórnarflokkana í
ránsferð gagnvart þinglýstum eignum
bænda. Hann sagði siðlaust að ætla þeim
lægst launuðu að greiða skatta og að biðlistar
í heilbrigðiskerfinu yrðu að hverfa.
Morgunblaðið/Sigurður Jónsson
Sameiginlegur fundur frambjóðenda í Suðurkjördæmi á Hótel Selfossi var vel sóttur.
Mikið rætt um sjávarútvegsmál á kosningafundi
frambjóðenda í Suðurkjördæmi á Selfossi
Kerfið „manngerðar
náttúruhamfarir“
„HVER treystir Samfylkingunni fyrir sam-
hjálpinni?“ spurði Ögmundur Jónasson, al-
þingismaður og fyrsti maður á lista Vinstri-
hreyfingarinnar – græns framboðs í
Reykjavík suður í komandi alþingiskosn-
ingum, á baráttufundi VG í Íslensku óperunni
í gærkvöldi. Hann bað viðstadda um að
gleyma skoðanakönnunum og minnti á að það
ætti eftir að kjósa.
Nær hvert sæti í salnum í Íslensku óp-
erunni var setið á baráttufundi VG í gær-
kvöldi, en auk Ögmundar fluttu Kolbrún
Halldórsdóttir alþingismaður, sem leiðir lista
VG í Reykjavík norður, og Þórey Edda El-
ísdóttir, sem skipar 2. sætið í suðvest-
urkjördæmi, barátturæður. Guðrún Gunn-
arsdóttir söng tvö lög við undirleik Valgeirs
Skagfjörð og saman tóku þau eitt lag. Anna
Kristín Arngrímsdóttir fór með ljóð og Hörð-
ur Torfason söng tvö lög auk þess sem efstu
menn á listum VG í suðvestur- og Reykjavík-
urkjördæmum sungu baráttusöng.
Ögmundur sagði í ræðu sinni að allir hinir
flokkarnir væru á móti því sem VG vildi en
VG væri t.d. á móti því að eyða nátt-
úruperlum og á móti stríði. „Vinstri grænir
vilja virkja framtak fólksins í landinu til að
byggja upp atvinnulífið með sem minnstum
afskiptum ríkisins. Þessu eru allir hinir á
móti. Þeir eru fulltrúar ríkisreksturs, vina-
greiðakerfis og miðstýringar ákvarðana á
öllum sviðum.Vinstri grænir vilja hlutleysi í
hermálum. Þessu eru allir hinir á móti og
geta varla beðið eftir næsta stríði til að sanna
tryggð okkar við Bandaríkin. Næst sendum
við kannski Landhelgisgæsluna á vettvang
með Björn Bjarnason í stafni?“
Í ræðu Ögmundar kom fram að Samfylk-
ingin ætlaði að rýra tekjur ríkissjóðs um 15
þúsund milljónir króna á hverju ári. „Við höf-
um háð varnarbaráttu við skelfilega
heimskulega pólitík ríkisstjórnarinnar og
verið ein í stjórnarandstöðunni,“ sagði hann.
VG hefði haft áhrif og áhrif væru völd. Það
væri lítils virði að komast að í valdastólum ef
stefnan væri óskýr og áhrifin í þjóðfélaginu
engin. „Þar er Framsóknarflokkurinn besta
dæmið og því miður Samfylkingin einnig.
Áhersla þessara flokka á völdin ein veldur
því að þeirra bíða örlög hentistefnuflokka,
sem engu máli skipta í hinni þjóðfélagslegu
umræðu.“
Morgunblaðið/Kristinn
Nær hvert sæti í salnum niðri í Íslensku óperunni var skipað á baráttufundi VG í gærkvöldi.
Baráttufundur Vinstrihreyfingarinnar
– græns framboðs í Íslensku óperunni
„Hver treystir
Samfylkingunni?“